﮼رشيدي

" لا تكتُب الرسايل مّرتين " حقوق الحب محفوظه ..

[﮼رشيدي @P01x__]

بيت جمعنا يوم غالي و غاليه
يوم المحبه توها وسط مرباه

كانت يديني ماتفارق اياديه
يوم السعاده والفرح في محياه

كان يتمنى لو دقيقه ماخليه
وكنت اتمنى باقي العمر وياه

لكن تركني وابعدت به خطاويه
وانا سهير الليل لاحل طرياه

الله حسيب يوم غير مباديه
وذقت الشقا و الويل من يمناه

[﮼رشيدي @P01x__]

ضـع نهايـه لكلّ شيء يستحـق النـهايـه .

[﮼رشيدي @P01x__]

وش فيك ياصدر الشمالي تضايقت
و الناس تضرب في سعتك المثايل

أفا ياصدري ضقت من جاير الوقت
خابرك يا صدري تشيل الثقايل

وش فيك علمني لك أيام مارقت
ضايق و فيك الهم صايل و جايل

خابرك ما عمرك للأحزان رافقت
و اليوم كنك شايل جبال حايل

[﮼رشيدي @P01x__]

منك السموحه والعذر ياضنيني
النفس طابت لين قلبي عذرها

ما عاد باقي شي بينك وبيني
وانكان لك حاجه تعال اختصرها

اخذت من عمري حلاوة سنيني
كافي على قلبك اليامن ذكرها

غصب الفراق يصير ماهو بيديني
اقدار مكتوبه .. ولاحدٍ قدرها

توك تجي .. واتقول إنك تبيني
وين انت يوم النفس تشكي كدرها

[﮼رشيدي @P01x__]

معتري روحي طواري وضيقه وانزعاج
ليت نفحات الحرم كل فجر .. تهبها

لاغدى فالنفس وحشه وفـ.الصدر التعاج
ما يهدّي روعها الا تودد .. ربها

صارلي فتره وانا ابني من العزله سياج
اريٌح لـ بير المشاعر .. " غيابة جبها "

اجتماعي رغم كره العزا وكره الزواج
واجبات احب اهلها وهي .. ماحبها

[﮼رشيدي @P01x__]

مساء الخير 🌹

[﮼رشيدي @P01x__]

تطري علي واشتاق لك واتمناك
والقاك حلمٍ من بعض ذكرياتي
⠀
انا ادري اني صرت ماني بـ وياك
لكنك احلى حلم مــر بحياتي
⠀
من عاشرك ماضنتي بيوم ينساك
مهما تغيب تكون لي مثل ذاتي
⠀
أصعب مواقف دنيتي يوم فرقاك
فيها عرفت انك تساوي حياتي

[﮼رشيدي @P01x__]

خلاص ابى فرقاه يا ويه يا فرقاه
نفسي تبي تسلا و ابستجمع آفاقي

[﮼رشيدي @P01x__]

اخذتي فؤادي إعتقي قلبي من أقصاه
ما دامك نويتي جفوتي منهو الساقي ؟

عطيتك ثقه ، ما قد عطاها ابوك إياه
وخذلتي ضنوني لين ما يبسَت أحداقي

سقاها ثلاث سنين انا عشتها وياه
امدّه بقلبي و يتغذّى من اشواقي

احبه ولا قصّرت في كل شيً جاه
اقصّر على نفسي و أضيّق على أخلاقي

[﮼رشيدي @P01x__]

ولا من دعاني جيت لبيه ماهو هاه
اسوق القدم صوبه وأرحّب من أعماقي

ولا رد لي منها ولا ربعها والله
انا اسف لنفسي على جرحها الشاقي

اعاتب ويرجع يوم و يومين ما تلقاه
انا ليه اعاتب دام جرحي معي باقي

عسى الله يعوّضني ولا ضنّي ابنساه
وانا خابر ان حبّه سلَب فيه خفاقي

[﮼رشيدي @P01x__]

" ألا ليت الزمااان يعود يوماً "

[﮼رشيدي @P01x__]

عطيتَك قلب يتمناه الف مريض
وعطيتنِي قلب مايعالجه الف طبيب

[﮼رشيدي @P01x__]

غموض الوفاة .. يبينه مشرط التشريح
و انا خابر انها ترهقك ... وخزة الابره

ابحشم يميني عنك . حتى من التلويح
وابنساك ... و اللي صار مانيب معتبره

[﮼رشيدي @P01x__]

عليك الملام ... و شرهة ما بها تجريح
لو انك نكرت العيش و الملح و العشره

تماديت يوم اغضيت عن ماضي التبريح
و اجامل و نار الغبن بالجوف مستعره

اثاريك تبغى اللي يقومك ... يوم تطيح
بعد صارت يدين القريبين ... منبتره

[﮼رشيدي @P01x__]

و انا ذنبي اني ما اعرف لمنهج التصريح
لان الحقيقة ... توجع الناس بالفطره

صدور الرجال ليـا نفذ صبرها ... بتبيح
و الى بيحت في وقتها. ... ضاعت الدبره

مفاهيم بعض الناس يبغى لها تصحيح
لكن العقول دحول ... و دروبها عسره

[﮼رشيدي @P01x__]

( حسبي الله ونعم الوكيل )

[﮼رشيدي @P01x__]

لا يهمك جور الايام يا الصدر الرحوب
خلها تمضي مثل ما على غيرك مضت

[﮼رشيدي @P01x__]

واهني اللي دموعه ماتجف من المحاجر
مابعد جارت عليه الدمعة اللي ماذرفها

كن في كبدي مثل طعن الهنادي والخناجر
علةٍ عيّا الطبيب من المداوي ماصرفها

اتوجد جعلني في كل ماجاني مواجر
كل يوم اشوف لي مهنة توجّد واحترفها

ياوجودي كل ماعرّض علي طيرٍ مهاجر
ودي اهاجر معه للديره اللي ما اعرفها

[﮼رشيدي @P01x__]

معه نفس لاعافت تفارق معاد تشين
فلا تختبر صبره معك " طالبك طلبه "

يحبك / لكن ما ودّه انك تعرفه زين
و لا ودّه تشوف الموازين منقلبه

ليا صد .. ماعاده مع الذكريات يلين
لو ان الهوى غلاب ، ماتقدر تغلبه

ولو حنّ له قلبه و رفّت عليك العين
يده سكّرت عينه ،و رجله وطت قلبه

[﮼رشيدي @P01x__]

صد ياقلبي تـرى خلـك تغيـر
لاتحرى منه مـردود الرسالـه

صد مع صده تـرى منته صغيـر
مانت في حكمه ولا بصغر عياله

ادري انك عن غرامه ماتخيـر
ماتبي غيره ولا ترضـى بدالـه

بس هو ماهو على كيفك مسير
عـايشٍ مرتـاح فـي دنيـاه دالـه

ولـعـك ثـم راح مـا جالـك مـسيـر
وانت يالمسكين تطمع في وصاله