قاف

شاعر قديم

[قاف @PoetQaf]

شو يعني قاف؟
يرمز لقافية الشعر

[قاف @PoetQaf]

ناقص صباحي يالغلا نش
نوّر بشوفك لي حياتي

ويّاك قلبي دايم يْبش
وانته سبب كلّ البهاتي

دوك الحشا خلي وفتّش
وحدك سكنته يا غناتي

قاف

[قاف @PoetQaf]

تعالي وامسكي يدّي ولا تنسين
بـ أنّي أعشقك .. لآخر أيّامي

حبيبة خافقي .. يا ليت لي قلبين
شعوري معْك ما تشرحْه أقلامي

لقيتك حلْم حققته .. وانا المسكين
عجزت اطرد خيال اللال .. فأحلامي

أحبك امس .. وفي ذاليوم .. ولين الحين
أحبك قصة الشاعر .. والالهامي

قاف

[قاف @PoetQaf]

@m6mx__ Otosan nasal wash انصح فيه و بشده مرتين فاليوم فالسيزن

[قاف @PoetQaf]

اللهم صلِّ وسلم على نبينا محمد و على صحبه اجمعين

[قاف @PoetQaf]

ومقلتاكِ 🎶

[قاف @PoetQaf]

طناش .. يا راسي المثقل ويا صدري
بكره بتنسى جميع الحزن فأيامك

أنا اْكتبِك.. طيب يالباقي ويا شعري
يمكن أسلّي خاطري فيك ما دامك

انت الوحيد الذي في داخلي تدري
ان الحقيقه كلام وطارت احلامك

يا ليل .. علّم جروحي كيف لك تسري
يمكن مع الصّبْح تنوِر شمس قدامك

قاف

[قاف @PoetQaf]

عيدكم مبارك و عساكم من عوادة العيد

[قاف @PoetQaf]

والله انّه بسمتك عندي دوا
ابسمي يا علّني فدوة شفاك

لا تحَسبين البشر وانتي سوا
من جمالك ما نقول إلّا ملاك

خافقي م الحب ويّاك أرتوا
يا عسى لفواد يا عمري فداك

قاف

[قاف @PoetQaf]

@mera_alqassim اغنية ونّاس يا صوت الحبين جميلة بعد

[قاف @PoetQaf]

😍

[AestheticEra @ClassyGntleman]

Rolex 6590 "Bombay" from 1956 👑

[قاف @PoetQaf]

أتعلمين؟
أيَّ حزنٍ يبعث المطر؟
وكيف يشعر الوحيد فيه بالضياع؟ 🎶

[قاف @PoetQaf]

والله انّي معْك ضيعت الطريق
وما بقى لي درب ويّاك اسلكه

صار حلمي معك مثل الي غريق
وما لقى له شي في ايده يمسكه

الهوا ويّاك اصبح ما يليق
لانّك احساس الوفا ما تدركه

كم تمنّينك معى تبقى الرّفيق
ضاع ذاك القلب .. يالي تملكه

ما عطاك إلا من الحبّ الرقيق
لكن انته الي بديت المعركه

قاف

[قاف @PoetQaf]

@mera_alqassim اكتب من اشعاري الجديد
والقلب ماهو بالجزوع

اقدم ولو شعري زهيد
لكن أنا قلبي قنوع

بان الشعر يصبح فريد
ان كنت لاحساسك سموع

وان كان تبغي تستفيد
اجعل من احزانك دروع

اقطف من الدمعة قصيد
وأملي صحاريك بزروع

[قاف @PoetQaf]

2/2
عرفتك يوم كان الوقت يسخى بك
وجيت بحدّ سيف البُعْد تنكرني

متى حام الحجود وحلّق غْرابك؟
متى ثوب الغياب أغراك .. خبّرني ؟

ابا عذرك .. وحمّل بعدها ركابك
على شان القدر لو حال .. تعذرتي

شعوري صار متهالك .. من اسبابك
ولكن مستحيل فْيوم .. تكسّرني

قاف

[قاف @PoetQaf]

1/2
كثر ما كنت متشائم من غيابك
أشوفك تبتعد عنّي و تهجرني

حرام اصير لك ما بين جلبابك
وأنا الي في حدودك كنت تأسرني

جناحي بفرِدة .. وآحطّم ابوابك
لأني للسّما اقرب .. وتعرفني

واذا تقدر تغيب وتترك أحبابك
اكيد اقدر .. و ربّي لي مقدّرني

[قاف @PoetQaf]

يقولون الهوا هفوة .. وللشجعان
وانا اقول الذي يهوى ترا يشقى

مصيره للعنا والبعد والهجران
جميع اهل الهوا باحساسهم حمقى

يضيعون فْطريق الهمّ والأحزان
وتلقى عيونهم من حزنهم غرقى

أنا زعلان؟ .. لا والله أنا تعبان
من احساسي .. لأني الاصدق الانقى

قاف

[قاف @PoetQaf]

كثر ما غنّت الورقا على الأغصان
أحبك .. لو ظروفي سبّة الفرقى

تعال اليوم محتاجك .. أنا إنسان
تعب يمشى على دربك .. و لا يرقى

بعيد هناك .. لا رابح ولا خسران
أشوفك طيف .. مبعد للسما الزرقا

تمنّيتك تجيني حلم .. بالأحضان
مدام الواقع يحرّم .. لنا الملقى

قاف

[قاف @PoetQaf]

اكتب لك الشعْر .. مدري كان يوصل لّك
يالي غيابك يهيّض باقي احساسي

من يوم ما غبت .. هذا القلب يرسل لّك
رسايلٍ من صميم الشّوق بانفاسي

ما كنت اقول الهوا يقسى و يسهل لّك
ولا كنت عندي حديث الحبّ يا قاسي

متى تجيني؟ مثل ما كنت اعجل لّك
وارتاح من دايرة فكري و هوجاسي

قاف

[قاف @PoetQaf]

كثر ما غنّت الورقا على الأغصان
أحبك .. لو ظروفي سبّة الفرقى

تعال اليوم محتاجك .. أنا إنسان
تعب يمشى على دربك .. و لا يرقى

بعيد هناك .. لا رابح ولا خسران
أشوفك طيف .. مبعد للسما الزرقا

تمنّيتك تجيني حلم .. بالأحضان
مدام الواقع يحرّم .. لنا الملقى

قاف

[قاف @PoetQaf]

لا تعوّدني عليك و تبتعد
اسكن الخفاق وارتع في حشاه

لو تبا عيني فدى لك .. مستعد
يا حبيبٍ ذبت كلّي في هواه

قاف