Portegas Di.Elbarqy

[Portegas Di.Elbarqy @PortegasDi]

@HinataShoy73730 @ZeddS__ من اكبر عدد رحلات اللي بتحصل هى الرحلات اللي من السعودية لمصر ومن مصر للسعودية
هتقوليلي بسبب المقيمين المصريين هقولك ماشي بس دول اغلبهم بيسافر مرة في السنة او مرة كل كام سنة
كمان من اعلى أعداد السياح في مصر هما السياح السعوديين
فا كل دول بيحبوا مصر يا حربوءة ومصر تحب اللي يحبها

[Portegas Di.Elbarqy @PortegasDi]

@mernazzzzzzz الحجوزات هتلاقيها متغيرة او محطوطة ليوم محدد وبس علشان كل كام يوم بيعدلوا فيها
مثلا كلها كام يوم وينزل سبايدر مان فا مواعيد ال IMAX هتتقسم عليهم

[Portegas Di.Elbarqy @PortegasDi]

@pookie20421 ايه الكلام اللي يخلي الواحد يشفق على نفسه ده 😂
مش شرط والله في ناس معاها وبيجيبوا الحجات ديه برضو بيحبوها 😂😂

[Portegas Di.Elbarqy @PortegasDi]

@misswaraqa @Sylvaraaaa وارد برضو
علشان كدة قولت انها حاجة نسبية جدا
البشر مش زي بعض
اللي حضرتك قولتي انه مستحيل في 60 يوم في غيرك شايف انه عادي يحصل في يومين
وفي غيرك شايف ان سنة قليلة
وفي غيرهم ممكن يقعد سنييين بقى
فا مفيش مقياس معين للأسف

[Portegas Di.Elbarqy @PortegasDi]

@4SCRF محدش فيهم عمل دور يستاهل اوسكار اصلا الا يمكن ادوارد نورتون مثلا

[Portegas Di.Elbarqy @PortegasDi]

@yrfvm7md والله انا بشفق على الناس ديه طيب هيعملوا ايه
جهلهم مش بايديهم
المجتمع كله شغال على تجهيلهم
الحالة الشاذة هى الشخص اللي بيمشي عكس التيار ويقرر يتعلم ويتثقف ذاتيا
لكن باقي الناس ذنبها ايه
قبل كدة كنت فاكر ان الجهل اختيار
لكن طلع لا

[Portegas Di.Elbarqy @PortegasDi]

@Rokaya_1111 انا بقى عندي مرض بدوس على ال Save بشكل تلقائي حتى لو مش عايز اصلا
والموضوع عاملي مشكلة خصوصا على التيك توك لأنه بيظهر للشخص انك عملت Save للڤيديو 😂😂
وكمان لما اجي ادور على ڤيديو انا عايزه بقعد ادور كتير اوي في وسط حجات كتير اوي ان اصلا مش عايز اسيڤها

[Portegas Di.Elbarqy @PortegasDi]

@EmanErfan456789 افتكرت الشيخ مبروك عطية لما قال للمذيعة يا حبيبتي
فا قالتله بتقولي يا حبيبتي يا دكتور
راح اتفتح فيها وقعد يردح وقالها يعني هو الحب خلاص وقف على اتنين في اوضة نوم😂
فا حاسس الڤيديو ده أفضل رد على السؤال 😂

[Portegas Di.Elbarqy @PortegasDi]

@AmmarMorad16 عادي هو قال انه لسة طالب مش خريج ولا حاجة وطبيعي انه يشتغل شغلانة زي ديه او غيرها
كل مشاكله هى هى مشاكل كل المصريين يعني فا مفيش حاجة تتعمل ليه هو بشكل مخصوص او للي شبهه لأنهم ملايين
الا انه حد يجيبله عجلة ولا موتسيكل يخليه يشتغل بشكل اريح واسرع ويعمل فلوس اكتر

[Portegas Di.Elbarqy @PortegasDi]

@mariannewagih المشكلة مش في كدة
المشكلة انه اي مشروع و اي ارض بتتعمل وبتتباع هى متوجهة لفئات معينة وبس
والمطورين اللي بيبنوا عليها بيدوروا على اعلى عائد ممكن وده حقهم
بس لو هخصص مثلا حتة ارض للفئة الاعلى لازم اخصص قصادها 3-4 اضعافها للفئات الاقل
متبقاش كل الشواطئ الحلوة محجوزة علشان نكسب منها

[Portegas Di.Elbarqy @PortegasDi]

@Rururealme كليوباترا مصرية من اصل يوناني خلوها سودا وهى شخصية حقيقية مش خيالية
وحتى تاريخها اقرب للحاضر بتاعنا اكتر من قرب كليوباترا لعصر بناء الأهرامات مثلا 😂
فا عادي هو ده الواقع دلوقتي والمخرجين مجبرين يعملوا كدة والا مش هيلاقوا انتاج ينتجلهم اي حاجة ولا هيترشحوا ل اي جوائز

[Portegas Di.Elbarqy @PortegasDi]

@marwa42000 اولا مهما صرف مش هتكون زي تكلفة واحدة سعودية
ثانيا لو اتجوزها وطلقها ورماها محدش هايجي جنبه ولا يعمله حاجة لكن لو سعودية هيدخل في حوارات ومشاكل وقبائل ضد بعض

[Portegas Di.Elbarqy @PortegasDi]

@Atiann17 بجد مبفهمهمش
مرة اضطريت اخد تاكسي ولقيت السعر على اوبر 80 مع العلم انه سواق اوبر ليه فيهم مثلا حوالي 60-65 جنيه
من نفسي قولت هدي لبتاع التاكسي 100 وخلاص
في الاخر بديله 100 ولقيت معايا 20 روحت حطيتهمله زيادة كتبس يعني
وفي الاخر بيكلمني بعصبية وعايز فوقهم 50 جنيه كمان 😂

[Portegas Di.Elbarqy @PortegasDi]

@NaguibSawiris مبحبش الناس اللي بتقول كلام عبيط وخلاص ديه
حتى لو صاحب الشغل عايز كل الموظفين مسيحيين مش هيقدر يضمن ده
لو قدامه 100 متقدم هيختار اللي هيكسبه أكتر مقابل المرتب وبما إن غالبا60-70 منهم مسلمين فاحتمالية تعيين مسلم هتكون أكبر بديهيا

[Portegas Di.Elbarqy @PortegasDi]

@A7med__Khalifa عادي
في ناس بالنسبالها الشغل شغل
والوقت بفلوس
وهو قرر يحط القاعدة ديه
مالهاش علاقة بالصحوبية
في ناس بالنسبالها لو هخدم صاحبي خدمة انسانية ماشي اديله عينيا
لكن بالنسبة للشغل و الوقت والمجهود لازم يكون ليه تمن وبرضو هيكرم صاحبه اكتر من الغريب

[Portegas Di.Elbarqy @PortegasDi]

@malakangel__ @somtimesmarioma لا علشان على الاغلب اللي مرتبطة بيه في نفس سنها او اكبر سنة او اتنين
لكن بتاع الصالونات على الاغلب اكبر منهم هما الاتنين ب7-8سنين على الاقل او لو هو في نفس سنهم على الاغلب اهله مساعدينه
نسبة قليلة اوي اللي هيتقدم وهو مكون نفسه بنفسه
فا هى بأي منطق مستنياه ينافس واحد سابقه بسنين

[Portegas Di.Elbarqy @PortegasDi]

@mariamislammm لو في بالشيكولاته وتكون سايحة على بعضها كدة يا سلاااام 😋

[Portegas Di.Elbarqy @PortegasDi]

@yrfvm7md انا وبقرأ كنت مستغرب اصلا وانا بشوف الاسعار ورايح اقول ماله ده معترض على ايه 😂
هو حتى اغلب الصنايعية النهاردة مجرد انه جيه عندك بس اقل حاجة مصنعية 250-300 جنيه
حتى لو ربط مسمار ومشي

[Portegas Di.Elbarqy @PortegasDi]

@suzydacookie والله احلى حاجة الناس اللي عبطهم طالع منهم كدة مش محتاج مجهود😂
واضحين سواء بمزاجهم او غصب عنهم
وانت حر تتعامل معاه ولا لا
احسن بكتير من الناس اللي خبرة في اللف والدوران ويفرشوا الدنيا ورد ويبفلك بكلمتين وفي الاخر تكتشف تخلفهم بعد فوات الاوان او بعد ما بذلت طاقة ومجهود كبير معاهم

[Portegas Di.Elbarqy @PortegasDi]

@QueenPhoenix875 @KratosKicks_ بس يا هبلة