الهنوف

[الهنوف @Q2HE_]

وأكتب لي فرحه لو بغيت اسج عنها
ماقدرت أسج منها 🤍
- أعذب ماقيل في المناجاة

[الهنوف @Q2HE_]

خل الدموع تهامل لأن قلبك نزيه
مسّاكة الدمع ناس — قلوبها من حجر

[الهنوف @Q2HE_]

—— من باب ما جاء في الخاطر السامح،
لـ فهد الحمّاد :

اخترت راحة خاطري والناس فالكون الفسيح
ماعاد أطالع في مزاياها ، ولا في عيوبها

حتى الشفوف اللي وراها كنت أقوم وكنت أطيح
اليوم .. والله لاني —بصوبك— ولاني صوبها

[الهنوف @Q2HE_]

في كل يوم تعيش فيه
تكون إنسان أكثر تقرّب وأكثر قناعة في حقيقة شطر بن جدلان
"الدهر يا كثر قشرانه .. ويا قلّ أجوديّه"

[الهنوف @Q2HE_]

إذا تبي تطيح “من عزومك” تذكر أن لك أعداء ينتظرون هالطيحة من سنوات طويلة

ويبون يشمتون فيك في أي وسيلة

في شاعر يقول «الا يالله كان اللي بقى لي يشبه اللي راح/تعوضني بموتٍ مايسر قلوب عدواني »!

[الهنوف @Q2HE_]

صدري لجياتك اوسع من البيت الوسيع
اللي من كثرة ضيوفه تنشال المراكي

[الهنوف @Q2HE_]

على أي حال — صباح الخير

وأحذر لا تبيّن الخافي ولا تقول مكسور
« خلّك شجاع وبسمتك رأس مالك »

[الهنوف @Q2HE_]

« أنت اليقين الراسخ اللي ما يشوبه إحتمال
وأنت الثواب اللي تجلى لي بعد شدّة صبر »

[الهنوف @Q2HE_]

على وضح النقا جيتك بياضٍ يفهق المستور
مُحال أمشي على دربٍ يميل لـ خطوة رجوعي

[الهنوف @Q2HE_]

انا لي قلب لا يخدع ولا يكذب ولا ينهان
كريم في عطاه — ويبتعد لا شاف ما يكره .

[الهنوف @Q2HE_]

عن ما قيل بضياع الهقوه بمن عاشرتهم بالطيب و مروا معاك بمراحل مفصليه

تهقويت و الهقوه رست بي على لابأس
و تجرّعت صدماتٍ من وجيه مألوفه

ترى الآدمي حتى لو انه معربٍ ساس
يتولاه الردى دام نيته بالردى مكلوفه

[الهنوف @Q2HE_]

أجمل ما قيل عن ترك الحاجة وهي لا زالت بالخاطر

ويقول رشيد الزلامي :
عروق قلبي يا السديري معاطيش
أمشي وأنا مقفي وأعاين خلافي

رد السديري :
برقٍ يفوتك لو مزونه مراهِيش
لا تستخيل أمطار سحبٍ مقافي

[الهنوف @Q2HE_]

- بيوت المكابر
وسط صدري بدون أوتاد
ليا هبّت أشواق المحبّين ـــــ تطرحها .

[الهنوف @Q2HE_]

لو بساطي من التربه وسقفي عريش
نفسي أسمى من الارض ودراويشها

يمكن أقنع بـ حلمٍ ماوصلته وأعيش
ما لـ بعض الأماني ، غير تطنيشها

لكن اعيش عيشة منكسر معليش
هذي العيشه اللي ما اقدر أعيشها

[الهنوف @Q2HE_]

« مرحبّا يا طاريّ الود وهلا يا صحبة الوافين
أبادلك السلام الراهي المنقاد و الضافي » ❤️

[الهنوف @Q2HE_]

لاتسـاير مقـامٍ يلبسـك النقـص وأنـت كـامل

[الهنوف @Q2HE_]

كـل صعـب مـع مـرور الوقت يسهل
وكـل ضامي باخـر دروبـه سحـابـه

[الهنوف @Q2HE_]

يالله تديم الغيث يا ربّ الأرباب
يوم إن عبدك بالمطر زان حاله

[الهنوف @Q2HE_]

@AIotaiibi الله

[الهنوف @Q2HE_]

سخرلنا يا رب سمحين المحيا خفيفين الروح
القلوب الجليلة وكريمين الوضوح🤍