جدًا

اللهم إلاتزان في عشوائية الشعور..

[جدًا @Q826]

تخطّيت ما لا كنت متوقع أتخطّاه
وتجاوزت كل اللي من اوّل موّقفني

وتداركت قلبي قبل لا يوخذ من اقصاه
وتعلمت احفظ سنين عمري قبل تفني

ماصرت استلذ الحب واسهر على ليلاه
ولا الطير يشجنّي.. ولا البرق يشعفني

ورضيت الجفا بإكراه ولا بدون إكراه
ياحلو الرياح ان وافقت مشتهى سُفني

فمان الكريم ودبرته.. والعذر لله
ثم العذر منْك الوقت ماعاد يسعفني

مكانك بعيني صار لي هم ومْحاتاه
مصيرك مصير الدمع لا طاح من جفني

انا اهوّن علي اسج رجلي بلا مشهاه
ولا اجلس مكان ٍ فيه يمكن تصادفني

ويمكن بعد ما كنت اشوفك بدون اشباه
اشوفك ما كنّي كنت اعرفك وتعرفني

وحتى الغلا اللي قلت لك مستحيل انساه
انا مستعد انساه.. مهما يكلّفني

[جدًا @Q826]

كل ما مال الظلام بـ ضيقة النفس الجليله
أشمخت بي عزتي وأخفت عن العالم عذابي

لو مشاريهي تعنّ خيولها في كل ليله
ما دعيت إلا سماي ولا رجيت إلا سحابي

[جدًا @Q826]

الصبح نور أشفق عليه
والليل فوضى مكتبي

الصمت درب ٍضعت فيه
والشعر فقري وذهبي

وأنا أنا المليان تيه
لمّاح وشعوري غبي

أدوّر بـ حزن الوجيه
ضحكه لـ خوفي وتعبي

عذري الوحيد لـ كل ليه
مالله خلق قلبي: نِبي

أحيان أعرف اللي أبيه
وأحيان مدري وش أبي

[جدًا @Q826]

بدري على الصبح ليل الحزن دّمه ثقيل
ياجرحي الي على الماضي يصبّ شهده

احييت روح الكلام اللي بصدري قتيل
ونزعت ستر الدفين اللي بوسط لحده

وانا من الصبر ما املك غير شي ٍقليل
لو اني احيان في بعض الامور افقده

اعاني من الظروف اللي تحط وتشيل
واعاني من الفراق وناره الموقده

من عقبها غابت القمرا وذاب الفتيل
والليل ساريه كلّ من السهاد جهده

ياليت عنده عذر واعذره لو هو هزيل
واشب له عتمة الفرقا واهيّد بعده

لكن خذته الظنون اللي بليّا دليل
في رحلة التيّه عن ارضه وكلّ بلده

ماني مجرّا على الساقه ووطي الشليل
حتى السحاب أن تعدّا ما استحب رعده

لكن من يعرّض يدينه لـ حد الصقيل
لا بدّ ما سلّته تجرح وتدمي يده

في ذمّة الغيب وبطون المشاريه حيل
ما نلحق اللي يروح الا السلام بعده

بكرا تميل العذوق وكل غصن ٍ يميل
وكل ٍ على قدّ محصوله يبي يحصده

[جدًا @Q826]

آخر عباراتي وداع.. وآخر مشاويري رحيل
جيتك وبي لفحة ضما واقفيت كبدي ناشفه

أصعب كلام أصعب خبر صرخه عقب صمتٍ طويل
مثل الهدوء اللي سبق لحظة هبوب العاصفه

وأنتي بمتناول يدي تبدين مثل المستحيل
في عشرتك صوت العقل يقتل طموح العاطفه

[جدًا @Q826]

الناس للناس يوم الناس كانوا نظاف
واليوم عقب اختلاف الوقت ماحدٍ لأحد

ماهوب بس القوي يجحد حقوق الضعاف
حتى الضعيّف ليا منه تقّوى جحد

[جدًا @Q826]

على كثر ما جا منك ياسيد التقصير
لا زلت الكلام اللي ورى صدري اكنك

مضى ما مضى واللي مضى ينذكر بالخير
ولا عاد ينفع ودك اني ولو إنك

شبع قلبي من ملاوع الضيق والتفكير
الين اكتفى والا انت ماينشبع منك

[جدًا @Q826]

أحترم سعة اللغة رغم عجزها أمامي
فما أشعر به لا يُفسّر..

[جدًا @Q826]

اخاف هذا الليل بـ الوحشه يطول
وياخذ معه في أخره زفرت أنفاس

ياسيدي
والليل قاتل ومقتول
غدرا طريق.. ولا يغطيه مقْباس

مخطوف وجه
وسيف الاحزان مسلول
والحزن ما يرحم.. ليا ذكّر الناس

تبطش بي الذكرى وانا شبه مشلول
شاحب وقوف وكل الاغصان يبّاس

ياسيدي
والليل بـ حضوره فصول
وأوّل فصول الليل يبدا بالأحساس

ياخذك لـ أبعد حزن
وشعور مجهول
ياخذك لـ أخر
ما تبقّى من أتعاس

ويطول فيك الحزن والغربه تطول
وأقسى شعور انك تبللت بالياس :(

[جدًا @Q826]

هي أطهر الذنوب وأكبر الخسائر.. وآخر أحبك

[جدًا @Q826]

حبيبي وداعتك من يوم فرقاك
من قد البجي بعدك عمينا..

[جدًا @Q826]

الليلة ظروفي مثل وادي وسيل
ليه إنتظارك كان سيّد ظروفي

ضاقت عليك الأرض والصبح والليل
حتى تتمشّى بين سلمي وخوفي

علّمتك أن كتفي مثل غارب شعيل
من علّمك من وين توكَل كتوفي؟

[جدًا @Q826]

انا بليت بحبكم من هبالي
ولا انت ظل ٍ مالنا فيه منزال

[جدًا @Q826]

أنا يالله ترى عبدك ولا لي غير بابك باب
ولا لطفٍ سوى لطفك أحسّه ماسك إيديني

تعبت أسقي عذق قلبي وما يثمر سوى غيّاب
تعبت أرثي مغيب الشمس ولا به فيّ يرثيني

أحبه كم؟ ما أدري كثر ما أطرّف الأبواب
كثر ماتلوّح أحلامي واسألها تخليني

[جدًا @Q826]

لو أني أشكي على الأيام بعض الأمور
تطول ساعاتها ويبان تقصيرها

لكن ربي عطاني صدر غير الصدور
يقدر على شيلة الأرض بحذافيرها

هبو على طايح اللقمه وحب الظهور
وخلولي الصوره الأولى وتصويرها

أنا ومن بعدي الدنيا تلف وتدور
وفالناس تقديمها وفالناس تأخيرها

[جدًا @Q826]

وش يرّد بهجة خاطري والعيون تشوف
سنين المُنى ولّت وحلم الحياة أقفى

مشاعر كثيرة دافية تحضن الملهوف
ولا فيه من جبر الخواطر شعور أدفى

ولا فيه رحلة ما غشاها شعور الخوف
ولا فيه من بعد السكينة شعور أصفى

ولا فيه عند الوافي أندى من المعروف
ولا فيه من رد الجمايل شعور أوفى

[جدًا @Q826]

تفاصيل شخصيتي لو أخذ عليها زوم
يجوز أكتشف لغز التناقض ولا أحله

غموضي يوضّحني وصمتي سوالف قوم
ورحيلي بدون عتاب وأسباب وأدلّه

تكاثرت خذلاني وقفّلت باب اللوم
ملامي على روحي وصبري على حله

من العمر كله ما أعرف كم باقي يوم
لكن جعل باقي يوم يسوى العمر كله

[جدًا @Q826]

تصدّق بي العذّال وتفرّح النمام
غريب، وعليك افكار فـ البال ماتطرا

تركت اليقين ورحت لـ الشك والاوهام
وسلّمت نفسك.. حالتك حالة الأسرى

مع انك على عرْف بـ غلاتك وعلمٍ تام
ولكن عسى بـ مفارقي ذمّتك تبرا

مشاريه دمعاتي على مْرودن الاكمام
لو ان عيشتي بـ مفارقك عيشةٍ قشرا