Olivia
Online
QANDIL PRESS
@QANDILPRESS
ماڵپەر: @QENDILPRESS
ئینستاگرام:
Joined September 2020
0 Following
2.6K Followers
13.5K Posts
🔻 پاش واژۆکردنی ڕێککەوتنی بەرایی نێوان حکومەتی لوبنان و ئیسرائیل، لایەنگرانی حزبوڵڵا ڕژانە سەر شەقام
🔹 دەرگیری لە نێوان سوپای لوبنان و لایەنگرانی حزبوڵڵا ڕوویداوە.
🔹 سوپای لوبنان لەسەر ڕێگای فڕۆکەخانەی بەیرووت ھەوڵی بڵاوەپێکردنی ناڕەزایەتییەکان دەدات.
🔻 بەپێی زانیارییەکان، لە تێكھەڵچوونەکەی ئەمشەو لە شاری بانە ٢ لە ھێزەكانی ڕێژیم كوژراون و ٥ی دیكەش بریندار بوون.تا ئێستا ڕوون نییە لە لایەن چ لایەنێك ھێرشەكە كراوە، بەڵام گومان دەكرێت پژاك بێت.
🔻 بەپێی ھەواڵە بڵاوكراوەكان، دەنگی چەند تەقینەوەیەك لە سیرك و ھورمزگان بیستراوە
🔹 سێنتکۆم ڕایگەیاند: لەسەر فەرمانی دۆناڵد ترەمپ، ئۆپەراسیۆنی سنووردارمان بۆ سەر ئێران لە کاردانەوە بە پێشێلکردنی ئاگربەست لەلایەن کۆماری ئیسلامییەوە دەستیپێکرد.
🔻 تێکهەڵچوونی چەکداری لە نزیک شاری بانە
🔹 بەپێی هەواڵە بڵاوکراوەکان، ئەمشەو لە خاڵی پشکنینی سەرەکیی شاری بانە لەسەر ڕێگای سەقز، تێکهەڵچوونێکی چەکداری لەنێوان هێزە حکومییەکان و ئەندامانی یەکێک لە حیزبە کوردستانییەکانی ئۆپۆزسیۆن ڕوویداوە.
🔻 دوای 8 ساڵ لە چاوەڕوانی؛ تورکیا ڕێگەی 14 گوندی زاخۆ بە مەرجی سەربازی کردەوە
قەندیل پرێس- راپۆرتی بەدواداچوون
🔹 دوای تێپەڕبوونی هەشت ساڵ لە گەمارۆ و دابڕان، دواجار ئەمڕۆ هەینی ڕێگەی سەرەکی 14 گوند لە سنووری ناحیەی دەرکارێی سەر بە ئیدارەی سەربەخۆی زاخۆ لە سنوری پارێزگای دهۆک لە باشووری کوردستان کە بە گەلیی پساغا ناسراوە، لەلایەن سوپای تورکیاوە کرایەوە.
🔹 ئەمەش دوای ئەوە دێت کە ماوەی هەشت ساڵ بوو بە تەواوی ڕێگەی هاتوچۆ لەو ناوچەیە داخرا بوو و هیچ کەسێک نەیدەتوانی تێیدا هاتوچۆ بکات.
🔹 کردنەوەی ئەم ڕێگەیە بە هەماهەنگی لە نێوان ئیدارەی ناوچەکە و سوپای تورکیا ئەنجامدراوە، بەڵام ئەم بڕیارە بە مەرجێکی سەربازی توند و سنووردار هاتووە، بەپێی ڕێنماییەکان.
🔹 هاتوچۆکردن تەنها بۆ جوتیاران و خاوەن باخ و کێڵگە کشتوکاڵییەکان ڕێگەپێدراوە، ئەویش لە کاتژمێر حەوتی بەیانی دەستپێدەکات و تا کاتژمێر شەشی ئێوارە بەردەوام دەبێت.
🔹 ئامانجی سەرەکی لەم هەنگاوەش تەنها ئەوەیە جوتیاران بتوانن خزمەتی زەوییەکانیان بکەن و بەروبوومەکانیان وشک نەبێت، نەک ئەوەی دەرگا بە ڕووی خەڵکدا بکرێتەوە بۆ ئەوەی بگەڕێنەوە گوندەکانیان و بە یەکجاری نیشتەجێ ببن.
لە کاتێکدا هەواڵی کردنەوەی ڕێگەکە لە ناو خەڵکیدا دەنگی داوەتەوە، بەڵام دانیشتووانی گوندەکان لە دۆخێکی دەروونی و کۆمەڵایەتی سەختدان.
🔹 یەکێک لە گوندنشینەکان بە قەندیل پرێسی وت کە سەرەڕای کردنەوەی ڕێگەکە، هێشتا هەست بە ئازادی ناکەن چونکە گوندەکانیان وەک ناوچەیەکی سەربازی لێهاتووە و تەنها مافی ئەوەیان پێدراوە وەک کرێکارێک سەردانی کێڵگەکانیان بکەن، نەک وەک خاوەنی ماڵ و نیشتمان بگەڕێنەوە بۆ ژیانی ئاسایی. ئەو هاووڵاتییە جەختی کردەوە کە ئەوان نایانەوێت تەنها بۆ چەند کاتژمێرێک بچن بۆ کێڵگەکانیان و دواتر بە ناچاری بەجێی بهێڵن، بەڵکو مافی ڕەوای ئەوانە کە ئاسایشی ناوچەکەیان بۆ بگەڕێتەوە و لە ماڵەکانی خۆیاندا بژین.
🔹 ئەم سیاسەتەی سوپای تورکیا شتێکی نوێ نییە، پێشتریش لە ناوچەکانی بناری چیای گارە لە سنووری قەزای ئامێدی بە هەمان شێوە تورکیا بە شێوەیەکی زۆر سنووردار و تەنها بە ڕۆژ ڕێگەی بە گوندنشینان دابوو کە سەردانی گوندەکانیان بکەن، بەڵام بەبێ ئەوەی بۆیان هەبێت لەوێ بمێننەوە یان هیچ هەنگاوێک بۆ ئاوەدانکردنەوەی ناوچەکانیان بنێن. ئەمەش وایکردووە کە زۆرێک لەو ناوچانە هەر بە چۆڵی و وێرانەیی بمێننەوە.
🔹 ئەم ڕێکارە سەربازییانە و ڕێگریکردن لە ئاوەدانکردنەوەی گوندەکان لە کاتێکدایە کە لە ئێستادا پرۆسەی ئاشتی لە نێوان پارتی کرێکارانی کوردستان (پە,کە,کە) و حکومەتی تورکیا بوونی هەیە و شەڕ لە ناوچەکەدا ڕاگیراوە. بەڵام سەرەڕای ئەم دۆخە ئارامە و بێدەنگییەی بەرەکانی شەڕ، چاودێرانی سیاسی و خەڵکی ناوچەکە پێیان وایە کە چیتر هیچ بیانوویەک نەماوە بۆ ئەوەی ڕێگری بکرێت و ژیان بۆ سەدان گوندی سنووری پارێزگای دهۆک نەگەڕێتەوە. ئەوان جەخت لەوە دەکەنەوە کە بەردەوامبوونی ئەم ڕێگرییانە لە قۆناغی ئاشتیدا، سەلمێنەری ئەوەیە کە پرۆسەی داگیرکاری بەردەوامە و ئامانجەکە کۆنترۆڵکردنی ناوچەکەیە، نەک پاراستنی ئاسایش، کە ئەمەش نیگەرانییەکی گەورەی بۆ ئاییندەی ناوچە سنوورییەکانی هەرێمی کوردستان دروست کردووە.
🔻 مەزڵووم عەبدی و پارێزگاری حەسەکە بۆ چارەسەرکردنی قەیرانی سووتەمەنی کۆبوونەوە
🔹 مەزڵووم عەبدی، فەرماندەی گشتیی قەسەدە لەگەڵ نوورەدین ئەحمەد، پارێزگاری حەسەکە کۆبووەوە و تاوتوێی ڕێگەکانی چارەسەرکردنی قەیرانی کەمبوونی سووتەمەنی و بەرزبوونەوەی نرخەکانیان لە پارێزگاکەدا کرد.
🔹 مەزڵووم عەبدی، فەرماندەی گشتیی هێزەکانی سووریای دیموکراتیک (قەسەدە) و ئەندازیار نورەدین ئەحمەد، پارێزگاری حەسەکە، سەبارەت بەو قەیرانە سووتەمەنییەی پارێزگاکەی گرتووەتەوە کۆبوونەوە.
🔹 لە کۆبوونەوەکەیاندا هەردوولا تیشکیان خستەسەر ئەو قەیرانە گەورەی بەهۆی کەمبوونی سووتەمەنی و بەرزبوونەوەی نرخەکانی لە تەواوی پارێزگاکەدا دروستبووە، کە بارگرانییەکی زۆری بۆ سەر شانی هاوڵاتییان دروستکردووە.
🔹 هەردوولا گەیشتنە لێکتێگەیشن بۆ بونیادنانی میکانیزمێکی تایبەت و بەپەلە بە مەبەستی پاڵپشتیکردنی کەرتی سووتەمەنی لە پارێزگاکەدا.
🔹 ئەم هەنگاوە ئامانج لێی دابینکردنی پێداویستییەکانی ناوچەکەیە بە شێوازێک کە ڕاستەوخۆ هاوکار بێت لە باشترکردنی دۆخی گوزەران و ژیانی ڕۆژانەی دانیشتووانی حەسەکە.
🔻 نوێترین وێنەی دەمیرتاش و هاوسەرەکەی لە زیندانی ئەدرنە
🔻 خاتهمولئهنبیا هۆشداری دهدات لهبارهی فڕینی فڕۆكه جهنگییهكانی ئیسرائیل به ئاسمانی ههندێك له وڵاتانی دراوسێی ئێراندا
🔹 قهرارگای ناوهندیی خاتهمولئهنبیای ئێران رایدهگهیهنێت، فڕۆكه جهنگییهكانی ئیسرائیل بهئاسمانی ههندێك وڵاتی دراوسێدا به ئاڕاستهی ئێران فڕیون و ئهوهش ههڕهشهیه بۆ سهر وڵاتهكهیان و هۆشداریش دهدات كه ئهگهر ئهمریكا كۆنترۆڵی ئیسرائیل نهكات، ئهوا وهڵامیان بۆ ئهو جوڵانهی ئیسرائیل دهبێت.
🔹 قهرارگای ناوهندیی خاتهمولئهنبیای ئێران، ئهمڕۆ ههینی، له راگهیهندراوێكدا وتی، جوڵهو فڕینی فڕۆكه جهنگییهكانی سوپای ئیسرائیل به ئاسمانی ههندێك وڵاتی دراوسێدا به ئاڕاستهی ئێران به ههنگاوێكی مهترسیدارو ههڕهشه لهدژی ئێران دهزانین.
🔹 جهختیشی كردۆتهوه كه ئهگهر ئهمریكا نهتوانێت كۆنترۆڵی ئیسرائیل بكات، ئهوا ئێران هیچ جۆره ههڕهشهیهك لهدژی وڵاتهكهی قبوڵ ناكات و مافی خۆیهتی وهڵامی ئهم جۆره ههنگاوه مهترسیدارانه بداتهوه.
🔻 تڕهمپ: ئهردۆغان هاوڕێی منه و له ململانێی ئێراندا به قسهی منی كرد
قهندیل پرێس
🔹 له كۆبوونهوهیهكیدا له ئۆفیسی بیزۆیی لهگهڵ مارك ڕۆته، ئهمینداری گشتیی ناتۆ، تڕهمپ ستایشی بڕیاری بهستنی لوتكهی داهاتووی هاوپهیمانی ناتۆ له ئهنقهره كرد و ئامادهیی خۆشی بۆ بهشداریكردن لهو لوتكهیه ڕاگهیاند.
🔹 له لێدوانێكدا كه ئاماژهیهكی بههێزه بۆ ئاساییكردنهوهی پهیوهندییه سهربازییهكانی واشنتۆن و ئهنقهره، تڕهمپ ئاماژهی به ئهگهری ڕهزامهندیدان بۆ فرۆشتنی فڕۆكهی جهنگی جۆری (ئێف-٣٥) و بزوێنهری جۆری (ئێف-١١٠) به توركیا كرد. لهمبارهیهوه، جێگری سهرۆك، ڤانس، ڕوونی كردهوه كه پرۆسهی ڕهزامهندی له ئێستادا لهلایهن كۆنگرێسهوه له قۆناغی پێداچوونهوهدایه، بۆ دڵنیابوون لهوهی توركیا تهواوی مهرجه یاساییهكانی ئهمریكا جێبهجێ دهكات.
🔹 لهبارهی پهیوهندییهكانی لهگهڵ ڕهجهب تهیب ئهردۆغان، سهرۆكی توركیا، تڕهمپ وتی: ئهو كهسێكی مشتومڕاوییه، ههروهك خۆم. بهڵام ئهو هاوڕێی منه و وهك دهزانن خۆی له جهنگ بهدوور گرتووه. ڕهنگه ئهو كاندیدێكی زۆر بههێز بووایه بۆ ئهوهی بچوایهته بهرهی ئێران، چونكه وهك دهزانن هێنده به گهرمی باسی ئیسرائیل ناكات، بهڵام من داوام لێكرد خۆی لهو ململانێیه بهدوور بگرێت و ئهویش داواكهی منی قبوڵ كرد.
🔻 کاتژمێری سفر بۆ قەوارەی هەرێم و مەترسییەکانی هەڵوەشاندنەوەی فیدراڵی لە نێوان ململانێی ناوخۆیی و فشارە دەرەکییەکاندا
قدندیل پرێس- راپۆرتی شیکاری و بەدواداچوون
🔹 دۆخی سیاسیی هەرێمی کوردستان ئەمڕۆ گەیشتووەتە قۆناغێکی زۆر هەستیار و چارەنووسساز کە بە بڕوای زۆربەی شارەزایان مێژووییترین تاقیکردنەوەیە بۆ مانەوە و پاراستنی ئەم قەوارەیە، لەکاتێکدا ناکۆکییە نێوخۆییەکان و دواکەوتنی یەکلاکەرەوەی پێکهێنانی کابینەی نوێی حکومەت درێژەی کێشاوە، کۆمەڵگەی نێودەوڵەتی بە ئاشکرا دەستی کردووە بە بەکارهێنانی زمانی هەڕەشە و هۆشداری توند کە پێشتر هاوشێوەی نەبووە.
🔹 سەردانەکەی ئەم دواییەی تۆم باراک نێردەی سەرۆکی ئەمریکا بۆ هەولێر وەک زەنگێکی مەترسیدار بۆ سەرکردایەتی سیاسی هەرێم تەماشا دەکرێت و بەپێی زانیارییەکان ئەمریکا و هاوپەیمانان چیتر ئامادە نین ئارامیی دۆخەکە بەهۆی ململانێی حزبی و بەرژەوەندی بەرتەسکی سیاسییەوە بخەنە مەترسییەوە و وادەی کۆتایی مانگی 9ی ئەمساڵیان بۆ پێکهێنانی حکومەت و یەکخستنی ماڵی کوردی دیاری کردووە، ئەگەرنا بەکردەیی دەست بۆ گۆڕینی سیستەمی فیدراڵی هەرێم دەبەن و ئەگەری هەیە پشتیوانییە دیپلۆماسی و سەربازی و داراییەکانیان بۆ ئەم شێوازەی ئێستای دەسەڵات لە هەرێم ڕابگرن کە ئەمەش گورزێکی کوشندە دەبێت بۆ پێگەی هەرێم لە عێراقی نوێدا.
🔹 ئەم هۆشدارییە نوێیە تەنها ڕووداوێکی کاتی یان هەڕەشەیەکی ڕاگەیاندن نییە، بەڵکو درێژکراوەی زنجیرەیەک پەیامی توند و ڕاشکاوە کە لە چەند ساڵی ڕابردوودا ئاراستەی هەرێم کراون. لە 25ی مانگی ئایاری ساڵی 2021، جێنین پلاسخارت نێردەی ئەوکاتەی سکرتێری گشتی نەتەوەیەکگرتووەکان لە عێراق، لە وتارێکی ڕاشکاوانە و مێژووییدا لە هەولێر بە ڕووی سەرکردەکانی هەرێمدا وتی پێتان وانەبێت ئەم ئۆتۆنۆمییەی ئێستا هەتانە بە مسۆگەری و تاهەتایی دەمێنێتەوە. ئەو پەیامە لەو کاتەدا وەک پێویست لەلایەن لایەنە سیاسییەکانەوە بەهەند وەرنەگیرا و بە وتاری دیپلۆماسی سادە لێکدرایەوە، بەڵام ئەمڕۆ دۆخەکە بەتەواوی گۆڕاوە و هەڕەشەکان لە قۆناغی ئامۆژگارییەوە بۆ قۆناغی بڕیاردانی یەکلاکەرەوە گوازراونەتەوە و چیتر نێودەوڵەتییەکان بۆ کاتی بەفیڕۆچوو ئارام نین.
🔹 لە ڕوانگەی چاودێرانەوە ئەگەر قەوارەی هەرێم نەتوانێت لە وادەی دیاریکراودا ماڵەکەی خۆی ڕێکبخاتەوە، ئەوا کۆمەڵێک سیناریۆی مەترسیدار لەبەردەمدایە کە ڕەنگە نەخشەی سیاسی ناوچەکە بگۆڕێت. یەکەم سیناریۆ هەڵوەشاندنەوەی بەشێک لە دەسەڵاتە فیدراڵییەکان و گەڕانەوە بۆ بەڕێوەبردنی ناوەندییە، کە ئەمەش بریتییە لە لابردنی دەسەڵاتە ئیداری و داراییەکان و بەستنەوەی ڕاستەوخۆی پارێزگاکان بە بەغداوە بەبێ گەڕانەوە بۆ هەولێر.
🔹 سیناریۆی دووەم هەموارکردنەوەی دەستوور یان دەرکردنی بڕیاری نوێی دادگای فیدراڵییە بۆ سنووردارکردنی دەسەڵاتەکانی هەرێم، بە جۆرێک تەنها وەک ئیدارەیەکی خۆجێیی لاواز بمێنێتەوە کە ناتوانێت بڕیاری ستراتیژی لەسەر نەوت و غاز و پەیوەندییە دەرەکییەکان بدات.
🔹 سیناریۆی سێیەمیش دەستوەردانی ڕاستەوخۆی نێودەوڵەتییە بۆ پێکهێنانی حکومەتێکی کاتی یان تەکنۆکرات، کە ئەمەش شکستی گەورەی ئەزموونی حزبی کوردییە و دەبێتە هۆی ئەوەی بڕیاری سیاسی لە هەولێرەوە بۆ بەغدا و دەرەوەی وڵات بگوازرێتەوە.
🔹 سەبارەت بەم دۆخە چاودێرێکی سیاسی بە قەندیل پرێسی ڕاگەیاند کە ئەوەی ئێستا دەیبینین دەرەنجامی حوکمڕانییەکی ناسەقامگیر و پشتبەستنە بە ململانێی بەرتەسکی حزبی و کۆمەڵگەی نێودەوڵەتی چیتر ئامادە نییە پارێزگاری لە قەوارەیەک بکات کە سەرکردەکانی ناتوانن لەسەر ئیدارەدانی ناکۆکییەکانیان ڕێکبکەون، چونکە بەغدا و واشنتۆن چیتر هەرێم بە بەشێک لە چارەسەر نابینن بەڵکو وەک بەشێک لە کێشەکە تەماشای دەکەن بۆ سەقامگیری عێراق، بۆیە ئەگەر سەرکردایەتی هەرێم لەم کاتە کەمەدا نەگەنە ئەنجامێکی کۆتایی ئەوا بە دڵنیاییەوە هەنگاوی یەکلاکەرەوە بۆ کۆتاییهێنان بەم شێوازەی ئێستای قەوارەی هەرێم دەگرنەبەر و بە تەنها بەجێدەهێڵدرێن.
درێژە لە لینکەکانی خوارەوە:
Telegram: @QENDILPRESS
Facebook: https://t.co/sfnUODppoO
🔻 سازمان عملیات تجارت دریایی بریتانیا (UKMTO) پس از دریافت گزارشی مبنی بر اصابت یک پرتابه ناشناس به یک کشتی در فاصله حدود ۷.۵ مایل دریایی از سواحل عمان، هشدار حمله دریایی صادر کرد.
🔹 بر اساس این گزارش، پرتابه به سمت راست (استاربورد) کشتی برخورد کرده و به بخش پل فرماندهی آسیب وارد کرده است.
🔹 تاکنون هیچ گزارشی از تلفات انسانی یا آلودگی زیستمحیطی منتشر نشده است.
🔹 این حادثه تنها چند ساعت پس از آن رخ داد که ایران هشدار داده بود شناورهایی که بدون مجوز این کشور در منطقه تردد کنند، ممکن است با «پیامدهایی» مواجه شوند.
🔻 یەرەکە هۆشداریی بە سوپای پاسداران دەدات
🔹 یەکینەکانی ڕۆژهەڵاتی کوردستان (یەرەکە) سەبارەت بە هێرشەکانی سوپای پاسداران بۆ سەر گوندەکانی دەوروبەری شاری بانە هۆشداری دا و ڕایگەیاند: "هێرشکردنە سەر خاکی وڵاتەکەمان قبوڵکراو نییە و لە ئەگەری دووبارە بوونەوەدا وڵامی پێویستمان دەبێت."
🔹 دەقی ڕاگەیەندراوەکەی یەرەکە:
🔹 ڕۆژی ٢٥ی حوزەیرانی ٢٠٢٦، هێزەکانی سوپای پاسداران لە کاتەکانی سەرلەبەیانیدا بە سێ درۆنی خۆکوژ هێرشیان کردە سەر دەوروبەی گوندی "شیوێ" نزیک بە شاری بانەی ڕۆژهەڵاتی کوردستان. هێزەکانمان لەو هێرشانەدا هیچ زیانێکی گیانی و خەسارێکیان بەرنەکەوتووە، بەڵام باخ و مەزرای هاووڵاتیان زیانیان پێگەیشتووە.
ئێمە یەکینەکانی ڕۆژهەڵاتی کوردستان، هێرشبەران ئاگادار دەکەینەوە کە هەر چەشنە هێرشکردن بۆ سەر وڵاتەکەمان قبوڵکراو نییە و لە ئەگەری دووبارە بوونەوەدا، بەدڵنیاییەوە وڵامی پێویست دەدەینەوە. هەروەها دووپاتی دەکەینەوە کە پاراستنی گیان و ماڵی گەلەکەمان ئەرکی سەر شانی ئێمەیە و پێویستە هەموو کەس دڵنیابن کە لەو بوارەدا ئەرکی خۆمان بەباشی جێبەجێ دەکەین.
فەرماندەیی یەکینەکانی ڕۆژهەڵاتی کوردستان (یەرەکە)
🔻 لە شاری ئاودانان لە پارێزگای ئیلام، ئامبوڵانس چووە برینداری ڕووداوێكی ھاتوچۆ بگوازێتەوە بەڵام خراپ بووە و بریندارەكە ھێندە ماوەتەوە تاوەكوو گیانی لە دەست داوە.
🔹 خەڵك پاڵ بە ئامبوڵانسەكەوە دەنێن بەڵكوو ھەڵبێتەوە بەڵام ھەڵنابێت و ئامبوڵانسی دیكە دێت، بەڵام تاوەكوو دەگات، بریندارەكە گیان لە دەست دەدات.
🔻 کڵچدارئۆغڵو: دەبێت سەڵاحەدین دەمیرتاش دەستبەجێ ئازاد بکرێت
🔹 سەرۆکی پارتی گەلی کۆماری جەخت لە نایاساییبوونی مانەوەی سەڵاحەدین دەمیرتاش لە زیندان دەکاتەوە و داوا دەکات بڕیارە نێودەوڵەتی و ناوخۆییەکان بۆ ئازادکردنی جێبەجێ بکرێن.
🔹 کەمال کڵچدارئۆغڵو، سەرۆکی پارتی گەلی کۆماری (جەهەپە)، ڕایگەیاند کە پێویستە سەڵاحەدین دەمیرتاش بەپێی بڕیارەکانی دادگای مافی مرۆڤی ئەورووپا و دادگای دەستووری تورکیا دەستبەجێ ئازاد بکرێت. کڵچدارئۆغڵو ئاماژەی بەوە کرد کە نیگەرانە لەوەی سیاسەتمەدارێکی گرنگی وەک دەمیرتاش بۆ ماوەی چەندین ساڵە بە هۆکاری سیاسی لە زیندان هێڵدراوەتەوە و هەر مشتومڕێکیش لەمبارەیەوە بە هەوڵدان بۆ دروستکردنی "ڕۆژەڤی ساختە" ناو دەبات.
🔹 سەرۆکی جەهەپە ڕەخنەی لەو ململانێیانە گرت کە لەسەر قسەکانی ئەو سەبارەت بە دەمیرتاش دروستبوون. کڵچدارئۆغڵو جەختی کردەوە کە نابێت کەس ئازادیی مرۆڤەکان بکاتە کەرەستەی سیاسەت و ململانێی لەسەر دروست بکات. ئاماژەی بەوەش کرد، هێشتنەوەی دەمیرتاش لە زیندان کارێکی نایاساییە و داوای کرد هەمووان پێکەوە دژی ئەم دۆخە بوەستنەوە نەک بابەتەکە بەرەو پرسە لاوەکییەکان بەلاڕێدا ببەن.
🔹 ئەم لێدوانانەی کڵچدارئۆغڵو دوای ئەوە دێن کە ناوبراو لە بەرنامەیەکی تەلەفزیۆنیدا ڕایگەیاندبوو پەشیمان نییە لەو بڕیارەی ساڵی 2016 بۆ لادانی پارێزبەندیی پەرلەمانتاران دای. ئەو بڕیارە لە کاتی خۆیدا بووە هۆی دەستگیرکردنی پەرلەمانتارانی هەدەپە و سەڵاحەدین دەمیرتاش، کە کاردانەوەی زۆری لێکەوتەوە و تاوەکو ئێستاش یەکێکە لە بابەتە جێگەی مشتومڕەکان لە ناوخۆی تورکیادا.
🔹 دوای ئەوەی باس لەوە کرا کڵچدارئۆغڵو دەیەوێت لە زیندانی ئەدیرنە سەردانی دەمیرتاش بکات، سڕی ساکک، پەرلەمانتاری پارتی دەم، ئاشکرای کرد کە دەمیرتاش داواکەی کڵچدارئۆغڵوی بۆ دیدار ڕەتکردووەتەوە. ئەمەش لە کاتێکدایە کە دەمیرتاش پەیامێکی ئاراستەی ڕەجەب تەیب ئەردۆغان، دەوڵەت باخچەلی و ئوزگور ئوزەل کردووە.
🔹 دۆخی سیاسیی ناوخۆی جەهەپە گۆڕانکاریی بەسەردا هاتووە؛ ئوزگور ئوزەل بە بڕیاری دادگە لە پۆستی سەرۆکی جەهەپە دوورخراوەتەوە و کەمال کڵچدارئۆغڵو دووبارە لە شوێنەکەی دانراوەتەوە. ئەم گۆڕانکارییە لە کاتێکدایە کە پرسی زیندانییە سیاسییەکان و پەیوەندییەکانی جەهەپە لەگەڵ لایەنە کوردییەکان بووەتە تاقیکردنەوەیەکی نوێ بۆ سەرکردایەتیی دووبارە دەستبەکاربووەوەی پارتی گەلی کۆماری.
🔻 قەیرانی ئابووری لە سووریا و ڕۆژئاوای کوردستان؛ بەرەو ڕاپەڕینی برسییەکان
قهندیل پرێس – ڕاپۆرتی بهدواداچوون
🔹 ڕەوشی ژیان و گوزەرانی خەڵک لە سەرانسەری سووریا و ناوچەکانی ڕۆژئاوای کوردستان ڕۆژ بە ڕۆژ بەرەو خراپتر دەچێت و شەقامەکان لە زۆربەی پارێزگاکان بوونەتە مەیدانی ناڕەزایەتی بەرفراوانی جەماوەری دژی ئەو دۆخە ئابوورییە سەختەی کە بەرۆکی هاوڵاتییانی گرتووە. هاوڵاتییان بە گشتی و خەڵکی ڕۆژئاوای کوردستان بەتایبەتی، حکومەتی کاتی و ئیدارەی خۆسەر بە کەمتەرخەمی و شکستهێنان لە دابینکردنی پێداویستییە سەرەتاییەکان تۆمەتبار دەکەن. ئەوان پێیان وایە بەڵێنەکانی ئەو دەسەڵاتانە بۆ باشکردنی دۆخی ئابووری تەنها بۆ کات بەڕێکردن بووە و هیچ ئەنجامێکی کردەییان نەبووە، بەڵکو تەنها وەک دەرمانێک بۆ کەمکردنەوەی ئازارەکان بەکارهاتوون بۆ ئەوەی خەڵک لە داواکارییە ڕەواکانیان پاشگەز بکەنەوە. ئەم بێ ئومێدییە گشتییە وایکردووە کە متمانە لە نێوان هاوڵاتییان و دەسەڵاتداراندا بە تەواوی ڕوو لە نەمان بکات، بە جۆرێک کە هەر بەڵێنێکی تازە بە متمانەیەکی لاوازەوە وەردەگیرێت.
🔹 حکومەتی کاتی کە ئەرکی بەڕێوەبردنی ناوچەکانی لە ئەستۆدایە، ڕووبەڕووی ڕەخنەی توندی هاوڵاتییان بووەتەوە چونکە خەڵک پێیان وایە ئەو حکومەتە تەنها بەڵێنی بریقەدار دەدات و هیچ هەنگاوێکی کردەیی بۆ دابینکردنی سووتەمەنی و ئاو و خۆراک و کەلوپەلە بنەڕەتییەکان نەناوەتەوە. ئەم شکستهێنانە وایکردووە هاوڵاتییان هەست بکەن کە حکومەتی ئێستا هیچ جیاوازییەکی ئەوتۆی لەگەڵ سیستەمی پێشوودا نییە و تەنها سیاسەتی سڕکەر بەکاردەهێنێت بۆ کپکردنی دەنگی ناڕەزایەتییەکان. زۆربەی ئەوانەی لە خۆپیشاندانەکاندا بەشدارن، ئاماژە بەوە دەکەن کە بەڵێنەکانی حکومەت لە سەر کاغەز ماونەتەوە و لە ژیانی ڕۆژانەیاندا هیچ گۆڕانکارییەکیان بەدی نەکردووە، ئەمەش بووەتە هۆی بێ متمانەیی تەواو لە نێوان شەقام و دەسەڵاتدارانی کاتی. هاوڵاتییان باس لەوە دەکەن کە هەڵاوسانی ئابووری و دابەزینی بەهای دراو گەیشتووەتە ئاستێک کە توانای کڕینی پێداویستییە سەرەتاییەکانیش لە دەستچووە، لە کاتێکدا دەسەڵاتداران خەریکی گفتوگۆی سیاسی و دۆزینەوەی پاساوی نوێن بۆ هەڵەکان.
🔹 لە ناوچەکانی ڕۆژئاوای کوردستان دۆخەکە بە هۆی ئەو یەکگرتنەی لەگەڵ حکومەتی کاتی ڕوویدا ئاڵۆزتر بووە. بەرزبوونەوەی بەرچاوی نرخی سووتەمەنی و پچڕانی کارەبا و گرانبوونی کەرەستە خۆراکییەکان بەتایبەت لە وەرزی گەرمای هاویندا کە پێویستییەکانی خەڵک بۆ وزە و ساردکەرەوەکان زیاد دەکات، باری سەرشانی هاوڵاتییانی قورس کردووە. ئەم دۆخە وایکردووە کە هاوڵاتییان لە گۆڕەپانەکان دەربکەون و داوای وەڵامدانەوەی ڕاستەوخۆ لە ئیدارەی خۆسەر و حکومەتی کاتی بکەن. جێگەی سەرنجە کە ئەو ناوچانەی پێشتر وەک ناوچەی سەقامگیر و ئارام ناویان دەبرا، ئێستا بە هۆی قەیرانی ئابوورییەوە بوونەتە گۆڕەپانی ناڕەزایەتی. دانیشتوانی ئەو ناوچانە هەست دەکەن کە ئەو یەکگرتنەی لەگەڵ حکومەتی کاتی ئەنجامدراوە، زیاتر لەوەی خزمەتی گوزەرانی خەڵک بکات، بووەتە مایەی سەرهەڵدانی کێشەی نوێ و پێچەڵپێچبوونی زیاتری پرسە ئابوورییەکان. ئەگەر ئەو ئیدارەیە بەم عەقڵییەتە بەردەوام بێت و نەتوانێت چارەسەری کێشە کەڵەکەبووەکان بکات، چاوەڕوان دەکرێت کە ئەم یەکگرتنە بە زوویی ڕووبەڕووی کێشەی جدی ببێتەوە و نەتوانێت بەردەوام بێت چونکە ڕەوایی هەر دەسەڵاتێک لە توانای دابینکردنی بژێوی خەڵکەکەیدایە.
🔹 لەبارەی ئەم دۆخەوه، نووسەر و ڕۆژنامەنووس کاوە ئەدهەم لە لێدوانێکدا بۆ قەندیل پرێس ڕایگەیاند کە ئەوەی ئەمڕۆ لە سووریا و بەتایبەت لە ناوچەکانی ژێر دەسەڵاتی ئیدارەی خۆسەر و حکومەتی کاتی دەگوزەرێت سەرەتای قۆناغێکی نوێیە. خەڵک چیتر بە دروشم و بەڵێنی بێ بنەما بڕوا ناکەن و ئەوەی ئێمە دەیبینین تەنها ناڕەزایەتییەکی ئاسایی نییە، بەڵکو زەمینەسازییە بۆ شۆڕشی برسییەکان. کاتێک حکومەت و ئیدارەکان دەبنە بەشێک لە کێشەکە نەک چارەسەرەکە، دەبێت چاوەڕوانی ئەوە بین کە شەقامەکان ڕاپەڕینێکی نوێ دژی هەموو ئەو عەقڵییەتانە بەڕێبکەن کە تەنها خەریکی تێپەڕاندنی کاتن. ئەدهەم جەختی لەوە کردەوە کە خەڵک لە ئاستێکی بەرزی هۆشیاریدان و ئەو ململانێ سیاسییانەی لە پشت پەردەوە دەگوزەرێن، چیتر ناتوانن سەرنجی خەڵک لە قەیرانی نان و سووتەمەنی لابدەن.
درێژە لە لینکەکانی خوارەوە:
Telegram: @QENDILPRESS
Facebook: https://t.co/sfnUODppoO
🔻 سزای لەکار دوورخستنەوەی پەرستار "ئیکرا ئاڤجی" بۆ دوو مانگی دیکە درێژکرایەوە
قهندیل پرێس- ههواڵ
🔹 ماوەی لەکار دوورخستنەوەی پەرستار "ئیکرا ئاڤجی" کە بە ڕەچەڵەک خەڵکی شاری ئامەدە و لە شاری کۆجائێلی تورکیا کاری دەکرد، بۆ ماوەی دوو مانگی دیکە درێژکرایەوە. ئەم سزایە لەسەر بنەمای بەشداریکردنی ناوبراو لە هەڵمەتێکی هاوسۆزی بۆ کچە شەڕڤانێکی یەکینەکانی پاراستنی ژنان لە ڕۆژئاوای کوردستان بەسەریدا سەپێندراوە.
🔹 ڕووداوەکە دوای ئەوە دەستیپێکرد کە چەکدارێکی گروپێکی چەکداری لە ڕۆژئاوای کوردستان، قژی کچە شەڕڤانێکی بەدیلگیراوی یەکینەکانی پاراستنی ژنانی بڕی و نمایشی کرد. ئەم کردارە شەپۆلێکی بەربڵاوی سەرکۆنەکردن و ناڕەزایەتی بەدوای خۆیدا هێنا لەسەر ئاستی تۆڕە کۆمەڵایەتییەکان.
🔹 وەک ناڕەزایەتییەک بەرامبەر بەو دیمەنە و نیشاندانی هاوسۆزی، ئیکرا ئاڤجی لە کاتی دەوامی فەرمیدا ڤیدیۆیەکی خۆی لە تۆڕی کۆمەڵایەتی ئینستاگرام بڵاوکردەوە کە تێیدا قژی خۆی دەهۆنێتەوە. ئەم هەنگاوە بووە هۆی کاردانەوەی توند و ئاڤجی ڕووبەڕووی هەڵمەتێکی توندی سووکایەتیکردن و هەڕەشە بووەوە لەلایەن بەکارهێنەرانی دیکەی تۆڕە کۆمەڵایەتییەکان.
🔹 دوای بڵاوبوونەوەی ڤیدیۆکە و بە ئامانجگرتنی لە تۆڕە کۆمەڵایەتییەکان، ئیکرا ئاڤجی دەستگیرکرا و لێکۆڵینەوەی دادوەری و کارگێڕی لەسەر کرایەوە. لە ئەنجامدا، دەسەڵاتداران سزای دوورخستنەوەی کاتی بۆ ماوەی سێ مانگ لە سەر کارەکەی بەسەردا سەپاند.
🔹 سەرەڕای ئەوەی ماوەی سێ مانگەکە کۆتایی هاتووە، بەڵام ئاڤجی لە هەژماری فەرمیی خۆی لە تۆڕە کۆمەڵایەتییەکان ڕایگەیاند کە بڕیاردراوە سزاکەی درێژبکرێتەوە، و نووسیویەتی: "بۆ ماوەی دوو مانگی دیکەش لە پۆست و ئەرکەکەم دوورخرامەوە." ئاڤجی پێشتر ئاماژەی بەوە کردبوو کە پۆستەکەی هیچ تاوانێک لەخۆناگرێت و تەنها دەربڕینی هاوسۆزی بووە.
🔹 بەهۆی لەکار دوورخستنەوەی و بێکاربوونی بۆ ماوەی پێنج مانگ، ئیکرا ئاڤجی ڕووبەڕووی قەیرانی دارایی بووەوە و نەیتوانی کرێی خانووەکەی بدات. ئەمەش ناچاری کرد ماڵەکەی لە کۆجائێلی چۆڵ بکات و بگەڕێتەوە بۆ شاری ئامەد لای خێزانەکەی.
🔹 لەگەڵ درێژکردنەوەی سزاکەی بۆ دوو مانگی دیکە، خەباتە یاساییەکەی ئیکرا ئاڤجی بۆ سەلماندنی بێتاوانی و گەڕانەوە بۆ سەر کارەکەی بەردەوامە.
🔻 کۆماس شەهبازی: قۆناغێکی یەکجار دژوارتر لە قۆناغی شەستەکان لەبەردەم گەلی ڕۆژهەڵات و حزبەکاندایە
وتووێژیی تایبەتی "قەندیل پرێس" لەگەڵ بەڕێز "کۆماس شەهبازی" ڕۆژنامەوان و شەرۆڤەکاری سیاسی، سەبارەت بە دوایین دۆخی ڕۆژهەڵاتی کوردستان.
🔹 قەندیل پرێس: هەروا کە ئاگادارن ڕێککەوتنی کاتی لە نێوان ئێران و ئەمریکا واژۆ کرا، بەشێک لە چاودێران پێیان وایە ڕژێمی کۆماریی ئیسلامی ئێران بەپێی ئەوەیکە توانیویەتی لە یەکساڵدا لە دوو شەڕی گەورەو هەروەها شۆڕشێکی گەورەی جەماوەریی، خۆی دەباز بکات لانیکەم لە کورتمەودا نارۆخێت، شرۆڤەی بەڕێزتان لەمبارەوە چییەو ئەم ڕێککەوتنە چ کاریگەریەکی لەسەر ڕۆژهەڵاتی کوردستان دەبێت؟
🔻 کۆماس شەهبازی: دیارە دوای تەواو بوونی گەڕێکیتری شەڕ و لە ئێستادا واژۆکردنی لێک تێگەیشتنی ئامریکا و ئێران و بە واتا کۆتایی هاتنی شەڕ کە کۆنگرێسی ئامریکاش پەسەندی کردووە دەتوانین بڵێن کۆماری ئیسلامی بۆ ماوەیەکی کورتیش بێت نەفەسێک دەستێنێت. بەڵام پرسیارەکە ئەمەیە کە ئایا ڕژیم وەک جاران دەرفەتی نوێژەنکردنەوە و ڕێکخستنی ژێرخانە سەربازیەکانی دەبێت؟
بێ گومان ئەم زنجیرە هێرشانە و سەرهەڵدانەکانی بەفرانبار هێز و وزەیەکی زۆری لە ڕژیم گرتووە و تێچویەکی زۆریشی بۆ ڕژیم بووە هەم لە باری سەربازی و هەمیش هێزی مرۆیی خۆی.
دەتوانین بلێن کە هێڵی یەکەمی ڕژیم بەتەواوەتی لەناو چوون و بێجگە لەچەند کەسێکیان نەبێت.
ڕاستە ئەم ڕێکەوتنە دەرفەتی هەناسە کێشانێک دەداتە ڕژیم بەڵام بە پێچەوانەوە دەبێتە دەرفەتێک بۆ خنکاندنی ڕۆژهەڵاتی کوردستان.
هەر لەیەکەمین کاتژمێرەکانی ئاگربەست ڕژیم دەستی ناوەتە بینەقاقەی ڕۆژهەڵات و شەپۆلێکی بەرینی قڕکردنی سیاسی دەست پێکرد و چەندین چالاکی کوردی لە سێدارە دا و هاوکاتیش بە بەرفراوانی پێگە و کەمپەکانی پارتە ڕۆژهەڵاتیەکانی کردە ئامانج و تا ئەمڕۆش بەردەوامە.
بە باوەڕی من قۆناغێکی یەکجار دژوارتر لە قۆناغی شەستەکان لەبەردەم گەلی ڕۆژهەڵات و حزبەکاندایە.
🔹 قەندیل پرێس: ئەگەر ئەم ڕێککەوتنە کاتییە شکست بخوات و دووبارە شەڕ دەستپێبکاتەوە، ئایا دەرفەتێک بۆ ڕۆژهەڵات لەشەڕیی داهاتوودا دەبینن؟
🔻 کۆماس شەهبازی: دیارە ئەم ڕێکەوتنە ڕێکەوتنێکی لەرزۆکە، ڕاستە ئێران لە میدیاکانی خۆیدا خۆی بە براوە دەزانێت بەڵام کە سەیری تێچوو دەکەیت بە ڕوونی دیارە کە ڕژیم توشی شکەستی گەورە هاتووە. بە جۆرێک بە جێگەی تۆڵەی خوێنی دیکتاتۆری پێشوو عەلی خامنەیی ئامادەن گەنمەشامی و خۆراکی مەڕوماڵات وەر بگرن.
دور نییە کە گەڕێکی تری شەڕ دەست پێبکات و ئایا ئەم جارە پارتەکانی ڕۆژهەڵات دەستێوەردان دەکەن؟
لێرەدا پرسیارێکی جەوهەری هەیە ئایا پارتە ڕۆژهەڵاتیەکانی ڕزگارکەری ئێرانن یان پارێزەر و ڕزگارکەری ڕۆژهەڵاتی کوردستان؟
ئەو چاوەڕوانیەی کە حزبەکانی ڕۆژهەڵات دەتوانن هەموو دەسڵاتی ئێران بڕوخێنن نالۆژیکە و هیچ لزومێکیش نییە هەر ئەوەی کە ترامپ پێی وابو دەتوانێت بە دانی پارە وەک چەکدار و پرۆکسی خۆی بەکاریان بێنێت و دواتر بەجێیان بێڵێت.
بەڵام ئەگەر پارتەکانی ڕۆژهەڵات و پارێزەری ئاخی ڕۆژهەڵات پێناسە بکەین بێگومان چاوەڕوانی هەیە.
لەم قۆناغەدا دەرکەوت کە شتێک بەناوی ئۆپۆزیسیۆنی ئێرانی بوونی نییە و هەموی فڕوفیشاڵی ناو تۆڕەکۆمەڵایەتیەکان و تەلەفیزیۆنە بێ ناوەڕۆکەکانیانە.
ناوەندی هاوپەیمانی دەبێت هێزی خۆی لەگەل نەتەوە بندەستەکاندا یەک بخات نەک لەگەڵ چەند دەموچاوێکی سووتاوی ناوەندگەرا.
دروستکردنی هاوپەیمانییەکی نەتەوەکانی ژێر دەست دەتوانێت گورزێکی قایم بێت لە دژی ڕژیمی ئێران.
بەباوڕی من شەڕی ئەم جارە شەڕی دەستەویەخەی گەلی برسیە لەدژی
ڕژیم و شەڕی مان و نەمان دەبێت. ڕۆژهەڵاتی کوردستان خاڵی لاوازی کۆماری ئیسلامیە ڕزگارکردنی ڕۆژهەڵات دەتوانێت ببێتە بۆمبێکی وزەبەخش بۆ هەمو گەلانی ئێران.
درێژە لە لینکەکانی خوارەوە:
Telegram: @QENDILPRESS
Facebook: https://t.co/sfnUODpXem
🔻 ئەردۆغان: دۆخی ئێران نەک هەر بۆ وڵاتی ئێمە بەڵکو بۆ برا کوردەکانمان زۆر گرنگ بوو، لە سایەی پرۆسەکە و کەناڵەکانی دیالۆگدا ڕێگری لەو فیتنانە کرا کە زیانی زیاتری بە برا کوردەکانمان دەگەیاند
🔹 ئەردۆغان سەبارەت بە پرۆسەی ئاشتی ڕایگەیاند، ئێمە دەمانوسیت بە زووترین کات ئەم کێشە ٥٠ ساڵەیە چارەسەر بکەین، بەڵام بەداخەوە پێشهاتەکانی هەرێمەکەمان ناچاری کردووین بە هەستیارییەوە مامەڵە بکەین، دوای دانوستانی پێویست، هەموارکردنەوەی یاساکان دەچێتە پەرلەمان.
🔹 ئەمڕۆ، ڕەجەب تەیب ئەردۆغان، سەرۆک کۆماری تورکیا لەگەڵ فراکسیۆنی ئاکەپە لە پەرلەمان کۆبوویەوە و سەبارەت بە پرۆسەی ئاشتی و کۆمەڵگەی دیموکراتیک زانیاری خستەڕوو.
🔹 ئەردۆغان سەبارەت بە پرۆسەی ئاشتی کۆمەڵگەی دیموکراتیک ئاماژەی بەوەکرد، ئەو پڕۆسەیەی بە هاوکاری مەهەپە دەستپێکراوە، بووە بە سیاسەتی دەوڵەت و قۆناغی گرنگی تێپەڕاندووە و بە سەبرەوە پڕۆسەکەمان بەڕێوەبرد.
🔹 هەروەها وتیشی: دۆخی ئێران نەک هەر بۆ وڵاتی ئێمە بەڵکو بۆ برا کوردەکانمان زۆر گرنگ بوو، لە سایەی پرۆسەکە و کەناڵەکانی دیالۆگدا ڕێگری لەو فیتنانە کرا کە زیانی زیاتری بە برا کوردەکانمان دەگەیاند، لە داهاتوودا بە ڕوونتر دەبینرێت کە ئێمە وەک کورد، تورک، عەرەب و فارس چۆن یارییەکمان بەتاڵ کردەوە و وڵاتەکەمانی لە کارەساتێکی گەورە ڕزگار کرد.
🔹 باسیلەوەشكرد، ئێمە دەمانوسیت بە زووترین کات ئەم کێشە ٥٠ ساڵەیە چارەسەر بکەین، بەڵام بەداخەوە پێشهاتەکانی هەرێمەکەمان ناچاری کردووین بە شێوەیەکی هەستیارانە و بە وریاییەوە مامەڵە بکەین، دوای دانوستانی پێویست، زۆر دوایناخەین و ئەو هەموارکردنانەی پێشتر باسکراون دەخرێنە ڕۆژەڤی پەرلەمانەوە.
🔻 ترکیه و سیاست زیستی فرسودگی علیه روژئاوا
ابراهیم خُجسته- قندیل پرس-یادداشت تحلیلی
🔹 در روزهای اخیر، خبرهای مکرر از آتشگرفتن زمینهای کشاورزی در حسکه و پیرامون آن دوباره این حقیقت را به سطح آوردهاند که در روژئاوا، «تابستان» فقط یک فصل نیست؛ یک وضعیت سیاسی است. گزارشهای محلی ۱۹ و ۲۱ ژوئن ۲۰۲۶ از آتشهای گسترده در روستاها و مزارع حسکه، قبری حوُر/قَبر هوُر و تلتمر سخن گفتهاند؛ در کوبانی نیز از اوایل ژوئن، واحدهای واکنش سریع آتشنشانی برای فصل برداشت در آمادهباش کامل قرار گرفتهاند. این آتشها را نباید با یک علت واحد و شتابزده توضیح داد، اما در سرزمینی که آب، برق، زمین، جابهجایی جمعیت و حتی نام مکانها بارها به میدان نزاع بدل شدهاند، آتش دیگر فقط حادثهی طبیعی نیست؛ نشانهی شکنندگی یک نظم زیستسیاسی است که سالهاست زیر فشار جنگ، محاصره، فرسایش اقتصادی و مداخلهی بیرونی، از نفس افتاده است.
ادامە متن در لینکهای زیر:
Telegram: @QENDILPRESS
Facebook: https://t.co/sfnUODppoO
🔻 سەربازانی دەوڵەتی تورک ئاگریان لە کێڵگە کشتوکاڵییەکانی تل تەمر بەردا
🔹 هاوسەرۆکی ئەنجوومەنی شارۆچکەی تل تەمر ڕایگەیاند، بنکە سەربازییەکانی دەوڵەتی تورک لە ناوچە داگیرکراوەکان، ئاگریان لە کێڵگە کشتوکاڵییەکانی گوندەکانی شارەکە بەرداوە و لە ئەنجامدا زیانێکی زۆر بە بەروبووم و موڵکی جووتیاران کەوتووە.
🔹 ئەو ئاگرەی لە گوندەکانی تل تەمر کەوتبووەوە بەردەوامە، تیمەکانی فریاکەوتن و دانیشتووان بەردەوامن لە هەوڵەکانیان بۆ کوژاندنەوەی ئاگرەکە و پاراستنی ئەو بەرهەمانەی کە ماونەتەوە.
🔹 لەو چوارچێوەیەشدا خالد یوسف خلەف هاوسەرۆکی ئەنجوومەنی شارۆچکەی تل تەمر بە ئاژانسی هەواڵی ئەنهای ڕایگەیاند، ئەو ئاگرکەوتنەوانەی ئەم دواییە لە ناوچەکەدا بڵاوبوونەتەوە، دەرئەنجامی کاری بە ئەنقەستی بنکە سەربازییەکانی دەوڵەتی تورک و گروپەکانی سەر بە ئەوانەوە بوون لە گوندەکانی سەر سنووری ناوچەکە.
🔹 خالد ئاماژەی بەوەشکرد، ئاگرەکە لە چەند ناوچەیەکی نزیک بنکەکان کەوتووەتەوە، دواتر بڵاوبووەتەوە و گەیشتووە بە زەوییەکشتووکاڵییەکان و جێگا و موڵکی هاوڵاتیان و لە ئەنجامدا زیانێکی گەورە بە کێڵگە کشتوکاڵییەکان و موڵکی جووتیاران گەیشتووە.
🔹 وتیشی: تیمەکانی فریاکەوتن،شارەوانی گەل، دامەزراوە خزمەتگوزارییەکان و دانیشتوانی ناوچەکە شەو و ڕۆژ کاردەکەن بۆ کوژاندنەوەی ئاگرەکە لە زۆر ناوچەدا.
🔹 لە بەردەوامیدا هاوسەرۆکی ئەنجوومەنی شارۆچکەی تل تەمر باسی لەوەشکرد، ئاگرکەوتنەوەکان ڕووبەرێکی زۆری کێڵگە کشتوکاڵییەکانی سووتاندووە، هەروەها زیانی زۆری بە پڕۆژە کشتوکاڵییەکان، سیستەمی وزەی خۆر، تۆڕەکانی ئاودێری، بیر و کەرەستە کشتوکاڵییەکان گەیاندووە، ئەمەش بووەتە هۆی زیانی دارایی گەورە کە کاریگەری نەرێنی لەسەر بژێوی جووتیاران دروستکردوە.
🔹 خالد داوای لە لایەنە پەیوەندیدارەکان و ڕێکخراوە مرۆییەکان کرد، ئەو زیانانەی بەر دانیشتوان، مڵکی جوتیاران کەوتووە بە بەڵگە بکرێن، پشتگیری بەپەلە پێشکەش بەو کەسانە بکەن کە زیانیان بەرکەوتووە و ڕێوشوێن بگرنەبەر بۆ ڕێگریکردن لە دووبارەبوونەوەی ئەو جۆرە ئاگرانە و پاراستنی زەوییە کشتوکاڵییەکان.
🔹 ئەمەش لە کاتێکدایە ماوەیەکە ئاگر لە ناوچە گوندنشینەکانی تەل تەمر زیادی کردووە و لە ئەنجامدا هەزاران دۆنم زەوی کشتوکاڵی سووتاوە، دانیشتوانی ناوچەکە و تیمەکانی فریاکەوتن بەردەوامن لە هەوڵەکانیان بۆ کوژاندنەوەی ئاگرەکان.
🔹 ئەو ئاگرکەوتنەوانەی کە لە ناوچە گوندنشینەکانی تەل تەمر هەن، کاریگەری لەسەر نزیکەی ٢٣ گوند دروستکردوە، جگە لە ڕووبەرێکی فراوانی زەوییە کشتوکاڵییەکان، کە بووەتە هۆی سووتانی نزیکەی ٢٠٠ دۆنم گەنم.
Last Seen Users on Sotwe
Most Popular Users
Elon Musk
@elonmusk
240.5M followers
Barack Obama
@barackobama
119.3M followers
Donald J. Trump
@realdonaldtrump
111.7M followers
Cristiano Ronaldo
@cristiano
110.4M followers
Narendra Modi
@narendramodi
107M followers
Rihanna
@rihanna
97.6M followers
NASA
@nasa
92.1M followers
Justin Bieber
@justinbieber
90.9M followers
KATY PERRY
@katyperry
87.5M followers
Taylor Swift
@taylorswift13
81.4M followers
Lady Gaga
@ladygaga
72.9M followers
Kim Kardashian
@kimkardashian
69.7M followers
Virat Kohli
@imvkohli
69.7M followers
YouTube
@youtube
68.7M followers
Bill Gates
@billgates
63.8M followers
The Ellen Show
@theellenshow
62.5M followers
Neymar Jr
@neymarjr
62.4M followers
CNN
@cnn
61.9M followers
X
@x
60.8M followers
Selena Gomez
@selenagomez
60.6M followers