Qh

[Qh @Qh__93]

لا إله إلا الله وحده لا شريك له
له الملك وله الحمد وهو على كل شي قدير 🤍

[Qh @Qh__93]

للشدايد يذخر الطيب دروعه
وش يسوى دونهم لا دعا الداعي

ما يطرّد كل عوجاء من ربوعه
وقّفت عوجاتهم له بالارياعي

[Qh @Qh__93]

ساري من ضيقتي والليل كنّه
دوسري لا نشدته قال : مدري

فلاح القرقاح

[Qh @Qh__93]

والله اني في علوم الناس ما لي فاقه
ان ضربت اوجعت ربعي وان صبرت احلا لي

رشيد الزلامي

[Qh @Qh__93]

يالله بصبح تباشيره تسابق نوره
بعد راح الحظ وجهه مثل وجه الفاجر

الحياه تطبق الاحداث صوت وصوره
والشقي فيها معنّى والتقيّ مواجر

صابرين ومومنين ان الليالي دوره
والعرب هذا يواطنها وذاك يهاجر

انتحمّل لو توطانا الزمان بجوره
ولانقبّل متن شيخ ولانمجّد تاجر

[Qh @Qh__93]

العبد لو جته المسافيط بالدور
ماله غناة عن توافيق ربه

[Qh @Qh__93]

اثبت لي ان حبّه هو الحب الاول
اللي على العاشق مثل حبّة الكوع

[Qh @Qh__93]

رحمةٍ تغفر خطا الفجر ما قبل الطلوع
يا الزمان اللي ذكرت و على بالي طرى

- ضيدان بن قضعان .

[Qh @Qh__93]

حنا معازيب السنين الرديّه
لاصارت الشيمه على غيرنا همّ

[Qh @Qh__93]

لا إله إلا الله وحده لا شريك له
له الملك وله الحمد وهو على كل شي قدير 🤍

[Qh @Qh__93]

لا تخلون المصاحف على بيض الرفوف
العلاقه بـ المصاحف علاقه بـ الحياه

كيف مايستانس العبد و عيونه تشوف
الكلام اللي من الله مهوب من الرّواه

فيه تخفيف المصايب و تخفيف الظروف
و فيه من دوّامة المعصيه سترة نجاه

راجعوه اللي يادوب يتهجّون الحروف
وش عذر من يعرفون الكتابه و القراه :)

[Qh @Qh__93]

طاحت بقاعة بير يوسف لي احلام
ما جاو تجّار . . العزيز وخذوهااا

[Qh @Qh__93]

في ميدان المراجل نضمن اول شوط واخر شوط
تجيب وجيهنا اللي عجزت . . تجيبه مخابينا !!

فلاح القرقاح

[Qh @Qh__93]

صادمت من سود الليالي ليالي
يبلش بها سرحان كلاّح الانياب

واخذت قسمي بالمصادم لحالي
لا معي ابو زيد الهلالي ولا ذياب

[Qh @Qh__93]

كل ما شحّت عزومي ووكدّت المطيح
وقفتني دعوة ابوي وامي فـ الخفى

[Qh @Qh__93]

تومي بقلبي مثل طير على الملواح
وانا ما بعد سلمت قلبي لحد مرّه

الى ان قال :

لو اجي لها والهم كنّه حصاة رزاح
تفاهق همومي مثل ما تفهق الغرّه

[Qh @Qh__93]

يوم شفت ان التشره هجمته مرتدّه
صار لي فتره مفعل خدمة المتغاضي

[Qh @Qh__93]

لي رفيق جنابه ما يحب الكفيّا
كل ما غابوا اصحاب الرخا ما تغيّب

الله من الطناخه والله من الحميّا
مني مقرّب جعله من الله قريّب

ما اخبر اني زهمته في لزومي وعيّا
طيّب كل ما كلّمته يقول : طيّب !!

[Qh @Qh__93]

زمام الامور اليا استلمها قليّل عرف
بدا كل واحد يرشق العلم من عنده

[Qh @Qh__93]

لا ازريت ترقى في طوال المراقيب
يالاجودي لا تصير قطّاع ساقه

محمد الشمالي رحمه الله

[Qh @Qh__93]

لا عنزنا ما عنزنا على بارد عضود
بارد لا له مضرّه . . ولا له منفعه