عاتبتني بأقسى لغه وافصح لسان
مافيه شي من الزعل مانقصنا
الاختلاف من ��بسط حقوق الانسان
لكن حرام انه . . يضيّع فرصنا !
حاولت ألبي رغبتك قدر الإمكان
وأسدل ستار آخر فصل في قصصنا
وبديت احب اللي تحبه على شان
اصير اعاف اللي تعاف وخلصنا :)
_ مزيد الوسمي
صار إختياري لـ بعدك في حياتي مَتاع
وفارقتك بطيب نفس ، وطيب قلب، ونقا
وكثر ماوقّفت للفرقا وقوف الشجاع
قدرت أوّقف .. ولكن الظروف مْحَقا !
معودٍ قلبي ، انه مايخاف .. الوداع
من وين جبت الوداع اللي بثوب اللقا ؟
الفراق أفضل طريقه ليّا جاء لك شريك
في المحبّه قبل دق الأمور و جلها
رح وأنا بـ روح ، واللي بقى خلّه دريك
لا متى ! نكذب على أرواحنا ونعلها
أنا والله ما أقدر أجاملك وأكذب عليك
وأنتَ ، ماتقدر ( تعالج ) ج��وحي كلها !
_خالد مبارك
الله يسهل خطأ رجله ويغفر خطاه
من شفته وأنا دار . . أنّ عنده خبـر
لو ما أستباح العيون اللي بكت في رجاه
ماضاق صدر الرياض وضاق صدر الخبر
خذ كل شيء وعطاني خنجرٍ من جفاه
توّغلت في ضلوعي . . قفلتين وشبر
تدري متى تنفض يديك وتعاف الحياه؟
لاعطاك ربي معاناه وحرمك الصْبر(:
_مدغم ابو شيبه
@itr7al هاجس الفقد يجبرني على الأعتراف
أيه أحبك : ومن يخشى الفراق مْعذور
غبتي وما أذكر إن بيني وبينك خِلاف
غيبتك ؟ هجر ! ولاّ زعل ! ولا ّفتور !
عزلتي سجن وأيامي ظلام وجفاف
و رغبتي فيك ما كانت مجرد شعور
لا تخلينني بعد السكينة ! أخاف
يا تصيرين ديمة يا تصيرين نور(:
ت��امحت مع نفسي وهوّن عليّ دعاي
خصوصًا دعاي اللي دعيته وأنا ساجد
غمرني شعور من الرضا للزمان الجاي
ولا صار عندي خوف من عضة الناجد
أثر من عطاه الله نزاهة ضمير ورأي
يغيب الغياب اللي يخلّيه .. متواجد
لاتشره عليّ يوم أبتسم في وجيه عداي
"محبّيني أكثر من معاديني بـ وااااجد"(:
متى يذعذع على صدري نسيم الهبوب
وارتاح من زحمة افكار القلق واهدى؟
اي والله احن واهوجسّ وروحي تذوب
طرقي واشوف اغتراب الروح ماله مدى
واخاف من كسرة الخاطر وكسر القلوبْ
لو لحقت الفرصه الفرصه وراحت فدى
ادخل على الله من دروبٍ عليها دروب
والحاجه اللي تجيني من طوارف ردى :(
يقول معديّ الكذوب رحمه الله:
مثل الملوك اللي ولاهم للملوك
نكرم من اللي له ولاء ما جمله
حنا ولانا مايلحقنا شكوك
لله ولـ آل سعود و أبن قرمله🇸🇦.
#يوم_التأسيس_السعودي