🍁

دخلنا بسامي مستعاره عشان نعيش
تعبنا نداري الغير / ( بسماء معروفه )

[🍁 @Qir90]

محبتي لك نقاها مثل بيض القلوب
ما هي محبة أبي سنابك ، و صور ، و ألـو

و بكرا لا طال الطريق و ظلماً الدروب
تدرين بـ إن المحبه و أهلها ما خلوّ

قالت كلامك حلو لكن شكلك كذوب
و أنا ما أحب الكذوب اللي كلامه حلو

[🍁 @Qir90]

غيابك المرّ . . علمني الصبر و الثبات
وعلمني الدمع الازرق والسهر والأسى

خليتني دون سابق جرح و مقدمات
و اليوم عيّت تداريني " لعل و عسى "

رح ألحق العمر واتركني ومافات مات
يكفي إنك تمرّ في بالي صباح و مسا

ما زال لك في شريط الذاكرة ذكريات
صوّر ما تنمسح . . و أيام ما تنسى

[🍁 @Qir90]

عقب طول الغياب و عقب فَرك الكفوف
أحسبنّي نسيت و جرح صدري برى
و كل ما أكبر معي تكبر عليه الشفوف
ليت قلبه يحس و ليت عينه ترى
ألتمس له عذر و أقول عنده ظروف
لييييين سوّى جريمه و أعتقِد ما درى
قبل يسري و أنا صاحي و عيني تشوف
مدّ كفّه و أخذ قلبي و قـام و سرى

[🍁 @Qir90]

أحب أكون المنفرد بالوقت الأول والأخير
وأدوّر اللي بالزمن ما يرغبونه و أرغبه

[🍁 @Qir90]

سقى الله زمان زال وبالذاكره مازال
فداه العمر لو راح الأول على التالي
-
قبل من عوايدنا نعشق السهر لا طال
معي بكل يوم وليله اقرب من اظلالي

[🍁 @Qir90]

الأسوأ من الألم ؛
من يسيء الظن بك وهو يعلم من انت.

[🍁 @Qir90]

- حتى وأن أقسموا بالبقاء ، لاتثق ✋🏻

[🍁 @Qir90]

يا اجمل من الهقوات واكبر من الظن
قربك عن ازعاج العمر . . ركن هاديّ ".

[🍁 @Qir90]

عرفتك صدفهٍ بيوم من بين الأغراب
وغديت بكل يومٍ أدور عنك وأحاتي

قربت منك وقلبي من الحب مرتاب
بسبّه بقايا التجارب بذكرياتي

لكني فتحت للمحبه بصدري الباب
ولقيت فيك جميع اوصافي و رغباتي

أقول إنّي ما أحبك وأنا والله كذّاب
ياشلون ما أحبك و إنت كل حاجاتي .

[🍁 @Qir90]

ولو تلمسين الغيم زادت رقته ..رقه
ولو تضحكين النور من مبسمك بّين

ولو تزهمين الريح جات الريح منطلقه
كن الهبايـب تباشر .. عـودك اللّيــن

لا تطلبين القلب و انتي حل لك سرقه
شوفي غرامك بـ وجهي فعله .. مّبـين

مدري من الورد و لا العطر مّنخلقه
بس الأكيد إن جمالك ما هو بـ هّين

[🍁 @Qir90]

اللقا والبعد كم .. خطوة مواريها سراب
مدري بقربك مرتوي مدري ذبح قلبي الظما

كنت الوطن لا مال وقتك ليه احسّ بـ إغتراب
كنت انتمي لك ، ليه مالك لا ولاء و لا انتما

كنت انتقي بين الخطايا لحظة بروز الصواب
كنت الوضوح اللي تشوفه ليه يغريك العمى

[🍁 @Qir90]

مغريات الحياه اللي بحّب الخشوم
كل ما جاتني عرضتها .. للخلا

والله لوا العوايد عندنا والسلوم
كان قلبي من اللوعات قلب شعلا

قمت ابيع الصداقه في حراج الرخوم
يوم شفت العداوه في ثياب الغلا

قلبي ياللي يعيف ونفسي ياللي تشوم
ما خلقها الله . . لبعض الامور وكلا ، ،

[🍁 @Qir90]

مرحبا باللي تعاتبني وشرهتها ثقيله
ليتها يوم فقدتني تدري ان الايام مره

[🍁 @Qir90]

لو يوم عنك يسج القلب متناسي
عهدٍ علي لأقتله وأسقيك من دمه

[🍁 @Qir90]

ا بار عزمي في هواك .. ولا فتر
ياحلمٍ أبطى لا قرب ولا أستحال

طبقت معك الصد ، بالملي متر
ولا قدرت أنسى معك حلو الليال

خل الجروح اللي مضت - على كتر
المشكله بجروحي اللي لا تزال

اللي بوجهي تستره .. ماينستر
واللي ورى ظهري تقوله مايقال !

[🍁 @Qir90]

تدوم المحبه لاربت في كنف عقال
لو ان الدوام لمالك الملك سبحانه
ًٰ
اشوف الهوى التالي مصالح ولعب عيال
وفضايح فلان يحب وتحبه فلانه
ٰ
ومدة غلاهم كان طالت شهر وليال
بدايته بعجاب ونهايته بخيانه
ٰ
ترى الحب ستر وحفظ سر وذرا وظلال
ومشاعر وعرف وذمه وصدق وامانـه(:

[🍁 @Qir90]

ورجوتُ عيني أن تكفّ دموعها
يومَ الوداعِ نشدتُها لاتدمعي

اغمضتُها كي لاتفيضَ فأمطرت
ايقنتُ أنّي لستُ املكُ مدمَعي :)

[🍁 @Qir90]

العزلة من الناس والمسرا تحت جنح الظلام
على دروبٍ تشتكي قلة وصـال أحبابهـا

يمرّها مر الكرام اللي يعرف أن الكـرام
لا مرّت دروب الجفـا ما هي تلد رقابهـا

لو حثّته رجله على الممشى وهو ماله مرام
مـا حثته نفسـه على أمورٍ تسكّر بابهـا

[🍁 @Qir90]

ما عرفني إلا أنتي إليا من جهل قلبي: حريبه
واحدٍ ماله نصيب من الطبوع إلا الجلافه

أنتي أدفى ما ورا صدري وأقصى ما يجيبه
وأنتي آخر عهده بجدب أرضه وقسوة جفافه

مستعد أبيع دنياي القديمه باللي هي به
أنتي دنيا ثانيه ما أنتي على دنياي اضافه :)

[🍁 @Qir90]

دخيل الليلة اللي في نسمها لي تجي وتصد
وأنا في بلدة الياس .. أتفقد حصة أحلامي

عليك من العتب ليلٍ سمرته كنّ ماله نِد
مليته بالسهر كنك معي وما أنت قدامي (: