ء

[شطر/صورة @2lji7]

الرجال اللي على ضيفانها ترفع عصاها
النسيم يمر مع كل الجهات الا جهتها

- محمد الشمالي رحمه الله

[شطر/صورة @2lji7]

نحسْب السنين المقبله .. ما لها ديَّان
وأثر كل لحظات الفرح معْك محسوبه
_عبدالله ال لزيوح

[شطر/صورة @2lji7]

السنين اللي عرفتك ولا يوم محذوف
كل شي يمر في البال .. ياخذ موقعه
— مزيد الوسمي

[شطر/صورة @2lji7]

هلا يا مرحبا عقب الغياب المر و التلويع
لك القلب الموالي يعلن التجديد و يبايع
_ سعد السبوق

[ّ @6ajml]

وان تهاونت بالفرقا عليك السلام
وحشة الليل تقتلها صلاة الفجر

- سعود مبارك

[ء @Qr96_]

ودي اكمل معك حتى الحياه البرزخيه
وين تلقى عاشقٍ يبغاك حتى في مماته

من يشوفك يدري إن الموت حاجه عاديه
كل ليله في طوارف مبسمك يعلن وفاته

هات فنجال الهوى بإيدك وحطه في يديه
لو تصب الموت في فنجال حبك قلت هاااته

[سبّيع . @subiie7]

بعد ما تجاذبنا السوالف عتب وإجدال
طواه السكوت وغيّر الصمت سالفته

على قد قلبي مد جرحه .. وقام وقال
دقيقه وأجي لك وأربع سنين ماشفته :)

[شطر/صورة @2lji7]

من اللي يقول إن الفضا والبلاد وْسيع
انا لي سنة.. والأرض ماهيب توسعني
وأنا مثلك يا فهد بن سهل.

[شطر/صورة @2lji7]

يوم شفت أن المدى محدود وعيونك هويّة
أستخرت من المنافي عنك .. وأخترتك بلاد .

[حزمي بن سعد @hazme20154]

لاتتعب ورى اللي ماورى عرفهم نوماس
ولا تستحي من ناس مهيب مستحيه
•
لو ان (الحيا)مثل (الشعر)في وجيه الناس
لقيت أكثر العالم( لا شارب ولا لحية )

[حزمي بن سعد @hazme20154]

أتقدم بـ اسمي الباهي وانا متباهي
والأمورالثانية> يغنيني الله عنها..!

كلمة (الشاعر) مهيب اللي تكبر جاهي
لاتقدمها على اسمي واسمي اكبر منها..!

[دهَـام @3jm7_]

لولا التوكل على الله والرجاء والعزوم !
يمدي الليالي توطّتنا . . وهي ماشيه .

[𝓐𝟔 @ii26ic]

وجودك غناه ، وغيبتك قمة الافلاس
متى الله يهيي شوفتك وابلغ اهدافي ؟

– سعد بن لويبه

[مُتفرّد @zx_677]

الدنيا تركض ركضاً عجيباً مهيباً ..
والموفق السعيد الذي يركض بالأعمال الصالحات قبل الفوات.

[مُتفرّد @zx_677]

لوجه الفخر شمسٍ يشوفونها العميان
ولاهي بتشرق غير بحروف اسامينا

اهل ماقف سامي و سَنّ ورسنٍ و عنان
و نحنّ الرفيق ونوجع اللي يعادينا

لنا هيبةٍ ما تفرض الا على الشيخان
وفعلٍ يقلطّنا ، وحظٍ يبارينا

نحب نتواضع و انتغطرس بعض الاحيان
ويمكن ماعاد نحاكي اللي يحاكينا :)

[ء @Qr96_]

ترانا على سود الليالي وساع صدور
لو انها ما خلت .. كل شيً على حلّه

ما نبلش ليا منه حصل فالامور امور
نعقد الحبل ف وجيه الايام و نحله

صناديد قومٍ لا لحقنا الزمن بـ قصور
يدينا تعدل كل عوجا .. ومنصله

سنين القسا ما تنجب الا طويل شبور
" وسنين الرخا ما تاتي الا بـ حيّ الله "

[ء @Qr96_]

كني اوحيها ليا هـ الحين يوم بخوف قالت
لا تخليني .. وانا مقفي ، وتاركها وَحدها

رحت متعمّد قبل لاتسيل دمعتها .. وسالت
مزنةٍ ما لاح بارقها ، ولا دندن رعدها :)

[بـرّاق @6jmiii]

صباح الخير

العزوم تقرّب الغاية إلى صارت بعيدة
من تباعد غايته يقضي حياته ما وجدها

[وَضـاح @1lviil_]

يجي عندك الصيّاد و يروح منك صيد
اباعرف و شلون الغزاله تصيد فهود ؟

- سعد السبوق

[مُتفرّد @zx_677]

قيل لعلي بن أبي طالب: ما بال العقلاء فقراء؟

فقال: إن عقل الرجل محسوب عليه من رزقه.