ليل — 𝕃𝕒𝕪𝕝

بعض الحب لا يظهر إلا ليلاً

[ليل — 𝕃𝕒𝕪𝕝 @R2E]

من حقك .اليا خذيتي كل ..ما تطلبين
انتي .جمعتي كبر حاكم ..وغيرة طفل

على طريقك ..ليا منّك نويتي.. تجيين
الارض ..تفرش لك خزاما .وورد ونفل

وجهك ليا من صحيتي كثر ماهوب زين
من شافه يقول هذي طالعه من حفل

اللي لمح من جمالك طول مفرع وعين
يقضي.. بقية حياته .كلها ..ما غفل

[ليل — 𝕃𝕒𝕪𝕝 @R2E]

عيونك الثنتين موتي وميلادي :)

[ليل — 𝕃𝕒𝕪𝕝 @R2E]

مضيق خصره لو يشوفونه الناس
سوى مشاكل مثل مضيق هرمز

[ليل — 𝕃𝕒𝕪𝕝 @R2E]

بعض الحب لا يظهر إلا ليلاً.

من يتفق!؟

[ليل — 𝕃𝕒𝕪𝕝 @R2E]

أليا ازعلت مني عطتني قفاها
وأليا ضربته هونت عن زعلها

[ليل — 𝕃𝕒𝕪𝕝 @R2E]

في جماله ياصل الزين لاخر منتهاه..
لا لعب لعب الطرب كل عين تلد فيه..

[ليل — 𝕃𝕒𝕪𝕝 @R2E]

والله ان حب أريش العين معسول الشفاه…
لانتهي ليله يعود صباحه يبتديه..
ريم بدو(ن) لا مشى صدره يزم العباه،،،
وخصره المظلوم ما قال للردفين ليه،،،

[ليل — 𝕃𝕒𝕪𝕝 @R2E]

اشهد ان الله عطا وجهك قبول
كل ما اشوفه .. اشـوف العافيه

جيتك و صدري من اللهفه يقول
ممتلي شـوق و مشاعر دافيه

انت حتى الشعر في وصفك خجول
و كل كلمه ، في سمـوك وافيه

نصف ساعه فاهي بوجهك و اقول
اشهد ان وجهك ، يجيب العافيه

[ليل — 𝕃𝕒𝕪𝕝 @R2E]

ياويش أقول من الحزن وأخلي
الله يسامح طعنتك ما أقساها

تركتهم ولا جرحت الا اللي
لو تطلبه كبده عطاك إياها

[ليل — 𝕃𝕒𝕪𝕝 @R2E]

روحي فدا الي يليق ابها النبط والفصيح
الي عليها القصيده تزهم القافيه

ان اقبلت شفت وش معنى الزمان الشحيح
وان دبرت شفت معنى النعمه الضافيه

الله عطاها الذرابه واللسان الفصيح
والضمه الدافيه والكلمه الخافيه

فرعاً عليها السحابه تستلذ المطيح
وتباشر الارض فيها لامشت حافيه

[ليل — 𝕃𝕒𝕪𝕝 @R2E]

لك خيالٍ كل ما عرّض يطير نعاسي
كل وجهاتي تضيع ان مرّني و أتجهك

صورتك لامرّت فـ بالي وبالي ناسي
اترك العالم وافكر في ملامح وجهك

[ليل — 𝕃𝕒𝕪𝕝 @R2E]

لا يلحقك يا نظر عيني من الوقت خوف
انا معك ما لحقني خوف طول العمر

بين اتفاق المشاعر واختلاف الشفوف
نحاول إن المحبه ف القلوب تعمر

انتي حبيبة شجاعٍ ما ألتفت لـ الضعوف
وانتي مليكة من يشوف أمنياتك أمر

لك وسط عيني مكان و وسط قلبي رفوف
ولك بين حدب الظلوع العوج درب وممر

[ليل — 𝕃𝕒𝕪𝕝 @R2E]

أذكرك و أذكر تفاصيل الوله و الحنين
حتى لو أن الليال بغيبتك ناكره

وشلون أبنساك ياعشقٍ بقلبي دفين
و انت المشاعر معك ممتنه و شاكره

صحيح انا الساهي النساي في كل حين
إلا معك انت ماخانتني الذاكره

[ليل — 𝕃𝕒𝕪𝕝 @R2E]

بين الكثير مْن التساؤل والقليل مْن اليقين
المشكلة ماني بـ أعرف المشكلة وأحلّها

أنا تعبت مْن الوصل والبعد والناس أجمعين
وقلوب تبغيني وأنا ما عاد أبيها كلها

[ليل — 𝕃𝕒𝕪𝕝 @R2E]

أسوق الهقاوي ما لشوقي عليك حدود
وأدوّرك واسرج مهرتيّ واكرب حزامي

وارد البرا وأقول يا أم العيون السود
أنا الصادق اللي موقفه فالهوىّ سامي

[ليل — 𝕃𝕒𝕪𝕝 @R2E]

عليك الغلا مردود يالغايب الموجود
سوالفك غابت بس طواريك ما غابت

غيابك حضورٍ له بصدر البيوت شهود
وش اللي يغيب ضحكتك والغلا ثابت

أحنك مثل ما أحن وجهي من المنقود
وأعدك ليا عديت الأيام وش جابت

[ليل — 𝕃𝕒𝕪𝕝 @R2E]

ماترحمين الغيد ياباشة الغيد
من طلتك قامت عليهم قيامه

ياويلهم ويلاه من كشخة العيد
لاتكشخين وعيدي بالبجامه

[ليل — 𝕃𝕒𝕪𝕝 @R2E]

حبني يا ناعس الطرف واشبعني غرور
وش أبي في باقي الناس وانت تحبني

[ليل — 𝕃𝕒𝕪𝕝 @R2E]

"ليه تغريك المسافات يالظبي النحيل
والمسافة كلّها زيف وأنتي داريه

المدى مافيه غير الجروح اللي تسيل
والمسا مافيه غير النجوم الساريه

والشعر بعضه مخافه وبعضه سلسبيل
والعمر لو يبري القوس ما أنتي باريه

والسما ماتشبه الّا القلوب اللي تشيل
والنهر مايشبه الّا الدموع الجاريه

[ليل — 𝕃𝕒𝕪𝕝 @R2E]

تعالي وخلّيها وناسة ، وراحة بال
ولا تحرميني سالفة خصرك المحروم

انا يوم شفت الخصر ماهوب ذاك الحال
وانا والله اني داري .. انه وراااه علوم