راشد بن محمّد

[صالح بن حمد @9alehAlhawal]

أسكني في [القلب] وأطغي فِـ السراير
وأستقرِّي يا السبب في عنفوانه

وكل ما غاض الهوى صمت الستاير ؛
أطَفي الشمع الندي في شمعدانه !

ويش أبي في الصبح، ولْيالك بشاير ..
ويش أبي في الشمع ونْجومك هوانه

أكتبك لا غادر مْن الغصن طاير،
للهبوب، ولا أستمالت خيزرانة،

شاعرك لو قصَّرت ريم الضفاير
في عيونه طيف، وعيونه لْسانه

وأنتِ أغلا من سكن سور الضماير
يا بلادي، والهوى عاود زمانه !

ينثر السالي على الضحك العباير ؛
سارقٍ لك يا وطن ضحكة ثمانه !

أبغي أليا زارك مْن الغيض زاير ؛
ما تخافين الهوان ولا الخيانة !

أنجبت فوق أرضك بْطون الحراير
كل حرٍ روحه لْموته : ضمانه !

غمّضي عينك : لا دارنّ الدواير
وأستريحي، والقشر في عنفوانه !

من قبل لا أضمّك خْلاف الزراير ؛
في ظلال الله وفي حفظه وأمانه !

[راشد بن محمّد @R2ashid_]

تهادى الليل واظلَم واستقرّ وذعذع النسناس
على راس ٍ يضيق ويتسّع من زحمة ؛ أفكاره

اغيّب لي مع فصلٍ قْناده يطرد العوماس
ما خالط في معاميله سوى هيله ومسماره

يازِين الانعزال وسجّة التفكير والهوجاس
ويازِين النضج وإدراك الضمير الحيّ وإصراره

على كثر المراحل ما غدا قلبي رهين الياس
اسوق الرجل والمقسوم فيما ربّي اختاره

فريد الحسن ماعاد الكلام يترجم الاحساس
اشوف ان الحروف مقصرّه والعين محتاره

أجل وشلون تضمى لك عروقٍ فالحشا ، يبّاس ؟
اجل وشلون اعيدك مشهدٍ ما أملّ — تكراره ؟

وعلى كثر القسى وشلون الين لـ عودك الميّاس ؟
انا وشلون تنهبني ؟ —— وانا راضي منب كاره

قوّي الباس عند حجاجك ورمشك ضعيف الباس
يكفّيك انك اول من بحث سدّي —— تعبّاره

تعوّذ من إبْليس وخل عنْك الهمّ والوسواس
غلاك يزود , ما ظروف الحياة تقلّ مقدراه

— راشد بن محمّد

[صالح بن حمد @9alehAlhawal]

عطاك الليل يا سِهد العيون سْهاده المعتاد
على سِلمه، وأنا رجَلٍ يقدّر : من على سِلمه !

لا سيَّد في الصدر ذاك الشعور اللي كسَى بغداد
بعد ما صارت -حْقوق المواطن في الوطن- حلمه

جفن ليه أبتلي بك والسهر ـــ هو عاد فيك رقاد؟
تحت سودك خذا مدري عطاك الليل من دلْمه

تريَّح، ما بقى غصنٍ يعشّمْه الهوى معواد
ولا طيرٍ .. يرجّعْه الشتا في الليلة الظلَمَة

ولا عاد السفر يغري وراه، ولا البلاد بلاد
ولا صبحٍ، ولا طارش يرَدّ العلم من علْمه

ربيب الذاكرة، صدر الحليم أوسع من المعتاد
على خبرك، إيليَـن أحباب قلبه تختبر حلمه

تشابه قسوة أيام الغريب أن مرَّها الأعياد !
طواريك الجميلة .. يا كريمٍ عادني ظلمه

تحسب أن الكلام أخَفّ جرَح، وغايبه ما عاد
أنا اللي حال ما بيني وما بين الكرى : كلمة !

[راشد ال صبيح @r9be7]

لا تنشدون من الجديد .. القاف شاب
ماعاد عندي لا قديم ولا جديد

هذا شهر رحمه وغفران وثواب
وعتقٍ من النيران في يوم الوعيد

مفتّحٍ ربي جنانه ، باب باب
ومـصـفّـد الله كل شيطانٍ مريد

ودي تعرفوني من ( آيات الكتاب )
ولا تعرفوني من ( بيوت القصيد )

[سعد السبوق🇵🇸 @saadalspoq]

الا كثرت دروب العمر لا يجيكم ريب
انا كل دربٍ فيه عز و شرف دربي

لو ان الليالي تتقن الرمي و التصويب
ماتكسرني ظروف الليالي و تثّربي

ما اعيش الحياة اللي تحت سطوة الترهيب
ولا زادها بزادي و لا شربها بشربي

ورود البنادم صوب عد المهونة عيب
لو اموت ما ورّدته حبالي و غربي

#سعد_السبوق

[حمد الجرحب @hamad_526]

مرت ليالي الشغف ، وتمرني عااادي
جرحك ترى لا كبر ما ضاق صدري به

لا عاد تعتب ! وانا تاريخ ، ميلادي
يمرني فـ اغلب الأوقات مدري به

حمد الجرحب

[راشد بن محمّد @R2ashid_]

رجيت الله تعالى جلّ شانه ، ما رجيت الناس
تحت حكمه وما يقسم لي مْن الخير مرضيني

تسامى وارتفع يا راسي اللي تدهل النوماس
لا ضاعت بالرجال اشوارها ، شوري يقديني

واذا شانت وجيه أيامي ودارت علي ، لا باس
لقيت اسمي ووجهي الابيض وجاهي يكفيني

- راشد بن محمّد

[أقوال وحكم الفلاسفة @heekma]

"ان الله عادل سيؤتي كُل ذي حقٍ حقه ولو بعد حين."

[راشد بن محمّد @R2ashid_]

@aa1arr اشوفك كاسب اعجاب القصيد ومصدر الهامه ، أمتعت وارويت يابو خليفة 👏🏼

[مبخوت بن عبدالله @al_3jmil]

على البال منت تمر دايم ، والى مريت
اهيم بخيال الشعر والاعب بحوره

واحس بوجودك وابتسم كل ما حسّيت
مجرد شعور . . شلون بالصوت والصوره :)

-مبخوت بن عبدالله

[صالح النشيرا @saleh_neshaira]

ي ارب اجرنا من عمى البصر وتقلّاب القلوب
حتى .. زبون التاليه .. يشمت بـ راعي الاوله

نبغي نشوف الخيل تسبح فالدما وقت الحروب
ولانشوف البل .. تهادر .. والجمال .. مشوّله

[راشد بن محمّد @R2ashid_]

كبدي ابدا من مجاملكم ونفسي أولَا
وراسي يدل الطريق وعارفٍ مصلوحه

مستحيل ارخي المسامع للثلاثة ذولا
المنافق والكذوب .. وكلّ مادح روحه 🤝

- راشد بن محمّد

[محسن بن مترك @aprvip]

طاري الشوق لا طال الفراق ايتجدد
ياعشير ٍ ما جاد الحظ بك يوم جابك

كم لي احن لـ الماضي معك واتصدد
لا تذكرت خيبة هقوتي في رحابك

ما اقدر اعاتبك بعد الجفى واتودد
وانت مع سكة المقفين تشعب اركابك

لهفتي يوم اجي مع شارعك واتردد
كنها موتت احلامي على سور بابك )؛

[راشد بن محمّد @R2ashid_]

@a7bs91 هذا القصيد الجزل من شاعرٍ جزل 👏🏼👏🏼

[راشد بن محمّد @R2ashid_]

@saadalspoq الله يصح لسانك يا سعد ويخلي لك شايبك 👏🏼

[راشد بن محمّد @R2ashid_]

@a7bs91 ارحب يابو سالم سلمت ودمت 🙏❤️

[راشد بن محمّد @R2ashid_]

@e6sii الله يصح بدنك 🙏

[راشد بن محمّد @R2ashid_]

@salem_ns اللله يصح بدنك ويرفع قدرك

[عمّاش @amash_55]

تموت الاحلام بعيون العزيز الشجاع
لا ذاق طعم المهونه قبل تحقيقها