- تعامل مع الناس على قدر ما يُظهرون لك
فالتنقيب في النوايا إرهاق للنفس"
وقيل في ذلك:
« إن بدا لك في وجيه الناس حسن القبول
اللي ورا صدورها - خلّه ورا صدورها »
- حتى الإنسان الصامت اللي كاف خيره وشرّه
قالوا أنه "يهطل بمكان آخر "
وقال بن جدلان
"المجنب من الأوادم مايخلى "
- دلاله على إن الشخص مهما تغاضى ماهو بسالم
- «على إن الوحشة وحشة القلب لا الأماكن»
قيل/
"من غاب خلّه كنه عايش لحاله
لو إن ربعه تجيه .. ومجلسه عامر"
ㅤ
وايضاً/
"من تولّاه الحنين وذاق طعم الفرقى
لو تشوف الناس من حوله تراه لحاله"
حنا شبعنا من كثير الحسافات
على القلوب اللي ملاها السوادي
خلك بنفسك لا تزيد الملامات
غادي ومن يتبع هوى الناس غادي
الناس بين الناس فيها اختلافات
مثل الاصابع تختلف بالايادي
واللي تحسبه سابع المستحيلات
إلا يجي لك يوم ويصير عادي
صعب انك تناساني وأنا غيدٍ لعوب
عندي قلوب الأوادم مثل خاتم يدي
وأنت لو انك تبي تسج عني أو تتوب
ما عاد فالثنتين حيله ما يمدي تهتدي
لا أستمالت يم قلبك ذعاذيع الهبوب
بتتذكر حسن وجهي على وردٍ ندي
ثم عاد الله يعينك على قطع الدروب
لا أشتحن صدرك من الشوق يا وين تغدي