ٰ

رسائل لا يسعها البريد

[ٰ @R6iuxH2]

لا تعتذر لاصرت غالي من الروح
تسعين بالميه من الجرح نيّه

وشلون اذمك وانت في يوم ممدوح
اخاف من شرهاتي الشاعريّه

الشاعر اصلا اكثر انسان مجروح
تخيّلاته كلها واقعيه

مع كل جرح اتجيب لي ورد وتروح
ياخي انا انسان مو مزهريه

[ٰ @R6iuxH2]

"تْغيب ..ما غابت اشيائك عن اوهامي
ظلّك لي هالحين مو مستوعب غيابك

شعاد باقي من الاحلام بـ احلامي
كتبت كل اللي يجيبك ولا جابك!"

[ٰ @R6iuxH2]

مدري ورا الحب هذا ويش انا لاقي
لو أعرف الخير ماني بـ اعرف الخيره

ضحكه على وعدي وضحكه على فراقي
وضحكتك الاولى مثل ضحكتك الأخيره

- محمد الشويّب

[ٰ @R6iuxH2]

تقولين الجفا من بيننا مكروه
واقول أن الجفا ماخذ من اهدابك

ترى ما يلحق أيام السنة مشروه
أذا حتى صباح العيد ماجابك

[ٰ @R6iuxH2]

لاهبّ النسيم وربّع القاع والماء فاض
ولقيت الولايف غارقه.. في ولايفها

رجاويك ياقلبي على المغدق الفياض
حياةٍ كتبها الله علي.. مـ انت عايفها

[ٰ @R6iuxH2]

يامتعب النفس سولف وأدفن ألآمك
مايذبح الحزن لا دمعه ولا ونّه

واقنع بواقعك لاتستوطن أحلامك
أبواب الاحلام ماتفتح على الجنّه

[ٰ @R6iuxH2]

وش بقى يالسراب اللي قريبٍ بعيد
المحبه وراحت وانتهى حلها

لو كلٍ بكيفه ياخذ اللي يريد
كان ماشفت ناس تموت في غلها

هاك فرقاك خذها خل قلبك شديد
خلها ماشيه بحمولها خلها

كل مازاد تعذيبك ذنوبك تزيد
الله اعلم صلاتك باطله كلها

- متعب التركي

[ٰ @R6iuxH2]

اتفكّر من الايام واقعد واقوم
كم صلاةٍ على الاموات صليتها

الشاعر فيصل الرياحي الله يرحمه

[ٰ @R6iuxH2]

لو يسولف عن أمجادة ليوم الدين
مايلوق الغراب الا على عشّه

ناصر مناحي

[ٰ @R6iuxH2]

لمة الجن ..
بـ اطراف الخلا يضحكون
اونس مْن الليال اللي تغيبينها

محمد علي العمري *

[ٰ @R6iuxH2]

سوالفك لاصرت متفيّق البال
ومن بينها ومن بينها ..ابتسامه

الذّ من غفواتنا يومنا أطفال
اللي تجي بين الأذان والاقامه

[ٰ @R6iuxH2]

بين فرحٍ فقيد وبين حزنٍ وليد
آتشتت بعادٍ ..وآتجمّع بعاد

أجمع الناس في قلبي .. وقلبي وحيد
وأشعل النار في روحي .. وروحي رماد

[ٰ @R6iuxH2]

تغيب شمس ويعيش إحساس
وأرفـع يديني لـ خلّاقي

يـا ربّ لا من فقدت الناس ..
مابيك تفقدني أخـلاقي

[ٰ @R6iuxH2]

ماعاد تغريني معك نسمة الليل
ولا السما فوقي ولا الارض حدري

بأغيب لو في خاطري شي ماقيل
يمكن كثر غيري يعلمك ندري

غلطة عمر تحتاج وقفه وتعديل
لا هان منزالي ولا قل قدري

والحب لو يعرف مقام الرياجيل
ما حط رمحه بين قلبي وصدري

- ناصر مناحي

[ٰ @R6iuxH2]

تقاسموك الجيل يا فتنة الجيل
وأنهارت آمال المقابيل بدري

ما عاد لي حيله ولا عاد بي حيل
حتى وفاي اليوم يشبه لغدري

لو كنت اعرف احداثنا فالمقابيل
ما بان لك يوم اظلم الليل بدري

لا تزهم الذكرى من العدل والميل
عن كل موقف صار لي معك.. مدري

[ٰ @R6iuxH2]

تقاسموك الجيل يا فتنة الجيل
وأنهارت آمال المقابيل بدري

ما عاد لي حيله ولا عاد بي حيل
حتى وفاي اليوم يشبه لغدري

لو كنت اعرف احداثنا فالمقابيل
ما بان لك يوم اظلم الليل بدري

لا تزهم الذكرى من العدل والميل
عن كل موقف صار لي معك.. مدري

[ٰ @R6iuxH2]

أنتي عروسة سماء والليل مشكلته
مايسرق السمع فيه إلا شياطينه

الزين هذا حرام تشاف منزلته
إلا بعيني .. حرام إنك تغطّينه

أمسك زمام الأمور اللي تحمّلته
وأطيح عند الزمام اللي تحطّينه

[ٰ @R6iuxH2]

الا يا وجودي كان دمنا على ذالحال
تمر السنه وتروح والحاله .. الحاله

سعد بن هتيل الله يرحمه

[ٰ @R6iuxH2]

"لي قلب جوفه ذهب واطرافه نْحاس
ماكنت خايف عليه وصرت اخافه"

- جابر البطحي

[ٰ @R6iuxH2]

لا تخافين ليل عقبه شروق
خطوتي ما تخاف الا رحيلي

الاماني تموت وراسها فوق
عقبها كل حلم ينحنيلي

عاشقك كم كتب للحب طاروق
إدمعي للقصايد وأضحكي لي

*جابر البطحي

[ٰ @R6iuxH2]

"ملّ جرحٍ بقلبي علّته من طبيبه
الدوا في يدينه.. مير ماهو بـ ماكن

ضيّق الله عَليّ فجوج الارض الرحيبه
وجيت شايل على متني همومي،و راكن

ذكرياتٍ.. لها في بال من حبّ هيبه
قلت لابُد مايغلِبه شوقه.. ولكن :

صدّ عنّي.. و روّح تِقل ماني حبيبه
ماعرفني،وبـ أحساسه ماحرّكت ساكن!

كَني اللي رجع ديرةْ هَلِه بعد غيبه
وانكرته الوجيه العابره،والأماكن"

– فهد العيبان