.

أنـا لأجـل عينه عـفت أعز المخاليق .

[مها إلى أجلٍ مسمى @I031I]

كلّ حلمٍ فاتني بالأمس وصّل له سلامي
ما على الفايت حسايف والندم قصة قديمه

ادري ان الحلم لا منّي عطيته إهتمامي
صار حلمٍ للجميع وصار له معنى وقيمه

الخساير في حياتي ما تنزّل من مقامي
انخلقت بقلب طير و روح ما ترضى الهزيمة

مؤسف إني كنت اداري قلب يسعى لانهزامي
ماهقيت ان النديم بيوم يرضاها لنديمه

بترك الدنيا واهلها واسكن بغيهب ظلامي
طبت من عالم حسدها يقتل النفس الكريمه

كلّ شيٍّ صار يجرح خاطري مدري علامي
والله انْ حتى الهوى يجرحني ان ذعذع نسيمه

اغتراب الروح بان فنظرتي ..صوتي ..كلامي
حالها حال اغتراب الدار عاقبته وخيمه

العوض بالجاي يا حزنٍ تجلّى فابتسامي
الحياة دروس وآنا فدرسها -قصّة أليمة-

[شامان بن وقيان @shaman1q]

يطمّني عليك بشوفتك في الحلم و أطمّنك
صبرت ولا قدرت أصبر و جيت أكشف لك أوراقي

لو إنّه شاف ما شافت عيوني يوم سولف عنك
بيعرف ليه أزيّف ضحكتي و أبكي من أعماقي

عزاي إنّك كريم و ماخذاك إلّا اللي أكرم منك
مع إن الحزن باقي و العوض في صيتك الباقي

[? @vertoas]

أتطمن عليك … من بعيدٍ لبعيد
وأراقب حساباتك ويوميًا أمرها

هذا الحال وغديت كأني حديد
الأماكن كأني أشوفك لا جيت أمرها

يا واحدٍ جمعتنا ليلةٍ وصل فيها بريد
ترا الليالي بعدك النقص فيها ومنّها

تعال ترا طبعي سموحٍ يمشي بالوريد
أبسامحك لو كلمةٍ منك كان جرحها

[مها إلى أجلٍ مسمى @I031I]

-أُمّ الشعوب-

الديار اللي تفيّت ظلّها -كل الشعوب-
في قلوب الناس تملك بيت من أرض وسما

من شمال الدار لين آخر مسافات الجنوب
والسعودية وطن يشعر -غريبه- بانتما

في رياض المملكة نحيا على انسام الهبوب
وفي صحاريها محد عانى من شعور الظما

شعبها ينسج لها من أعظم الأفعال ثوب
ويوقف بوجه العدو وقفة تُراق لْها الدما

والمليك اللي فتح للشعب آفاق الدروب
يكتب التاريخ وقفاته ويشهدها العمى

من نجح في وحدة بْلاده وتوحيد القلوب
واستعان بمنهج الدين اشهد بْـ أنّه رمى

دارنا؛ دار العطا..مهد الكرم..وامّ الشعوب
دارنا اللي في ذراها كلّ مكروب -احتمى-

تشرق امجاد الوطن فينا لو الدنيا غروب
والأكيد فـ سلمنا ما تستريبه ربّما

في تفاصيل المشاعر حبّ ما عنّه نتوب
نشرحه بالإنتماء .. وبالولاء .. وبالحِمى

[. @R9B3]

على مقبرة صبحان تجبرني النظرات
تفيض الدموع وتردف الونه الونه

ولامن بغيت أسج واسلا من اللي فات
تطرا علي وجيه ياجعلها الجنه .

عساكم الجننه.

[معكاز شعر @M3kkaz]

يوم ضاق الوقت فيني والليالي غارت
غاب من كنت احسب انه من خيار اصحابي

بار فيني يوم شاف ان الليالي بارت
اه ليت الموت قبل يبور بي ..قفابي

كسرة الخاطر قويه والحقيقه صارت
الله يقدرني امسك في لقاه اعصابي

علموه إن شان وقته والليالي دارت
لايحسب اني بسوي مثل ماسوابي .

[. @R9B3]

-
رفضتني احلامي رُغم اني لم احلم بالمستحيل فكُل ما تمنيته كان عادياً رفضتني وكأني لم اسع نحوها يوماً .
-

[‏وهم @rrcv0]

"الظروف تخلي الانسان .. واحد ثاني
لين يوصل مرحله ماعاد يعرف نفسه"

[مـوطــن @_mo6n_]

انا ماتكبرت ولا تغليت بس عرفت قدري وصديت

[. @R9B3]

عن الخيبه:
ولا جرحت إلا اللي لو تطلبه كبده عطاك إياه.

[. @R9B3]

ماني مخالف علىٰ حكم الأقدار
هذا نصيبيٰ من الدنيا وأنا قبلته

مَا باليد حيله ولا علىٰ كيفي أختار
لكن حظّي والقدر ما توقعته

يالله لا تحملني فوق ظروفي اضرار
مَ بقىٰ هم في حياتيٰ إلا حملته .

[معكاز شعر @M3kkaz]

من هو اللي يستاهل هالبيتين :

دون وجهك ماحسبت حساب غالي
والعسيره لا نصت مثلك بسيطه

والله اني ما التفت في ضيق بالي
لا ذكرت انك على وجه البسيطه .

[معكاز شعر @M3kkaz]

لا صرت ما تسأل عن الحي يا حي
لا تسكب الدمعه بساعة وفاته

يغنيه ربه في مماته عن الحي
« اللي يجمّع زلته في حياته » .

[مـوطــن @_mo6n_]

كنت أعتذر ولا أدري وش خطاي
كل همي كان إني .. ما أفقدك !

[معكاز شعر @M3kkaz]

اكتب رسالة عتب وارد وامسحها 
ما ودي اضايقه لو كان ضايقني .

[مـوطــن @_mo6n_]

لا تقـول إن الليالي فرقتنا
لا تقـول ظروفنا عيّـت علينا
الليـالي يـوم ودك جمعتنا
يـوم ودك.. كل شيٍ في يدينا

[معكاز شعر @M3kkaz]

درج قدم رجلك " على كل الدروب "
لا اونست في صدرك من الايام كبت

سافر ما دام الشمس تاليها غروب 
خذ لك شهر ، اسبوع او جمعة وسبت .

[مـوطــن @_mo6n_]

واقع . .

[مـوطــن @_mo6n_]

"اهم شي معك"