RANA TV (رڼا ټلوېزیون)

RANA TV ( an independent Afghan media network based in London, UK,
Broadcasting across all major social media platforms, YouTube, satellite.

[RANA TV (رڼا ټلوېزیون) @RANATVAF]

د پاکستان د بهرنیو چارو وزارت ویاند وايي؛ د خبرو اترو سربېره به د خپلو مخالفینو د ځپلو لپاره پر افغان خاوره د بریدونو حق هم وساتي.
پاکستان د تل په څېر د دوه مخې لوبې په لټه کې دی.
د پاکستان پوځي رژیم د نامشروع او غیر منطقي غوښتنو لپاره درواغجنې بهانې لټوي.
ان د پاکستان ځینې سیاسي او مذهبي حرکتونه هم د پاکستاني رژیم دا ادعا ردوي چې د هغوی ناامني دې د افغانستان پورې تړاو ولري.
له پښتونخواه څخه ازاد خبریال شمیم شاهد او له افغانستان څخه پخوانی سناتور محمد هاشم الکوزی د رڼا لید په دې خپرونه کې پر یادو موضوعاتو غږېدلي دي.
بشپړه خپرونه
https://t.co/y3pNLytHmq

[RANA TV (رڼا ټلوېزیون) @RANATVAF]

د افغانستان او هند ترمنځ د یوازېنۍ ټېسټ لوبې د لومړۍ ورځې لوبه پای ته ورسېده. کوربه هندۍ لوبډلې د ورځې تر پایه د ۳ لوبغاړو په زیان ۳۶۸ منډې جوړې کړې.

د افغانستان له لوري سلیم سافي ښه توپ اچونه وکړه او نوموړي ۲ ویکټې ترلاسه کړې، په داسې حال کې چې ضیاءالرحمن شریفي هم یوه ویکټ ترلاسه کړې ده.

ټاکل شوې ده، چې دواړه لوبډلې د لوبې دویمه ورځ سبا سهار په ۸:۳۰ بجو پیل کړي او د هند لوبډله به توپ وهنې ته دوام ورکړي.

[RANA TV (رڼا ټلوېزیون) @RANATVAF]

امریکايي ځواکونو د ایران پر راداري مرکزونو بریدونه کړي
رویټرز راپور ورکړی، چې امریکايي ځواکونو د هرمز تنګي پر لور د ایران له لوري د استول شویو بې‌پیلوټه الوتکو تر نسکورولو وروسته د ایران پر ساحلي راداري او څارنیزو مرکزونو بریدونه کړي دي.
د راپور له مخې، د ایران د ګورک او قشم ټاپوګانو په راداري مرکزونو بریدونه شوي، ځکه امریکا باور لري چې له همدې سیمو څخه توغول شوو بې‌پیلوټه الوتکو د سیمې سمندري تګ راتګ په نښه کاوه.
بلخوا د ایران سپاه پاسداران ویلي، چې د امریکایي بریدونو په غبرګون کې یې په کویټ او بحرین کې د امریکا پوځي اډې په نښه کړې دي.
د کویټ دولتي رسنیو ویلي، چې هوايي دفاعي سیستمونو توغندي او بې‌پیلوټه الوتکې شنډې کړې دي، او د بحرین چارواکو هم د خطر زنګونه وهلي او له خلکو یې د خوندي ځایونو ته د تګ غوښتنه کړې ده.
د امریکا پوځ ویلي، چې شپږ توغندي یې شنډ کړي او اووم توغندی خپل هدف ته نه دی رسېدلی.
راپور زیاتوي، چې ایران د هر ډول سیمه‌ییز اوربند لپاره له لبنان څخه د اسراییلي ځواکونو وتل شرط ګڼي او د حزب‌الله ملاتړ ته دوام ورکوي.

[RANA TV (رڼا ټلوېزیون) @RANATVAF]

الجزیرې راپور ورکړی، چې د لوېدیځې افریقا د نایجر ۴۹ وګړي د مالي له هېواده د راستنېدو پر مهال د سهارا په دښته کې د موټر د خرابېدو له امله بند پاتې شوي او د تندې، لوږې او سختې ګرمۍ له کبله مړه شوي دي.
د راپور له مخې، دغو کسانو غوښتل چې د لوی اختر ورځې له خپلو کورنیو سره تېرې کړي، خو موټر یې د سهارا په دښته کې خراب شوی او مسافر په بې‌اوبو او توده سیمه کې بند پاتې شوي.
ویل شوي، چې په موټر کې ټولټال ۵۱ کسان سپاره وو، خو یوازې دوه تنه توانېدلي چې تر ۵۰ کیلومترو ډېر پلی مزل وکړي، اوبو ته ځان ورسوي او ژوندي پاتې شي.
دواړو ژغورل شویو کسانو وروسته د نایجر سرحدي ښار آساماکا ته ځان رسولی او له سیمه‌ییزو چارواکو یې د مرستې غوښتنه کړې.
کله چې ژغورونکي د پېښې ځای ته رسېدلي، ۴۹ کسان د تندې، لوږې او سختې ګرمۍ له امله د موټر لاندې او شاوخوا مړه شوي وو.

[RANA TV (رڼا ټلوېزیون) @RANATVAF]

د قرغې پسرلی بیا له شوره ډک وي.
راځئ د قرغې د اوبو ډک بند او زرغونې ښکلاوې ننداره کړو.
بشپړه خپرونه
https://t.co/4asy4AWvcs

[RANA TV (رڼا ټلوېزیون) @RANATVAF]

زیلینسکي: د اوکراین بې‌پیلوټه الوتکو د روسیې پوځي او د تیلو تاسیسات په نښه کړي دي

د اوکراین ولسمشر ولادیمیر زیلینسکي وایي، اوس د دې وخت رارسېدلی چې جګړه پای ته ورسېږي، خو د ده په وینا د روسیې مشرتابه لا هم د جګړې دوام غواړي.

زیلینسکي ویلي، چې د اوکراین بې‌پیلوټه الوتکو تېره شپه د روسیې د سنټ پیټرزبورګ سیمې تر پوځي اهدافو پورې شاوخوا زر کیلومتره واټن وهلی او د روسیې د سمندري ځواکونو د وسلو زېرمې او د کرونشتاد پوځي اډه یې په نښه کړې ده.

هغه زیاته کړې، چې د کراسنودار په سیمه کې د تیلو یوه زېرمه هم په نښه شوې ده. د نوموړي په وینا، دغه عملیات د اوکراین د وسله‌والو ځواکونو، امنیتي ادارې او دفاعي استخباراتو د ګډو هڅو پایله ده.

زیلینسکي ټینګار کړی، چې روسیه باید خپله جګړه ودروي او پر خلکو بریدونه پای ته ورسوي. هغه ویلي، هر ډول ظلم او تېری به له مناسب او عادلانه ځواب سره مخ شي.

[RANA TV (رڼا ټلوېزیون) @RANATVAF]

د افغانستان او هند ترمنځ د روانې ټېسټ لوبې د لومړۍ ورځې دویمه برخه هم پای ته رسېدلې ده.

هندۍ لوبډلې تر دې مهاله ۲ ویکټې له لاسه ورکړې او ۲۰۹ منډې یې جوړې کړې دي. د افغانستان له لوري سلیم سافي ښه توپ اچونه کړې او تر اوسه یې ۲ ویکټې اخیستي دي.

لوبه لا هم روانه ده او د لومړۍ ورځې پاتې برخه به د هند د توپ وهنې او افغانستان د توپ اچوونکو ترمنځ مهمه سیالي وي.

[RANA TV (رڼا ټلوېزیون) @RANATVAF]

د هېواد په ختیځو ولایتونو، په ځانګړي ډول ننګرهار کې زلزله رامنځته شوې ده.

ځایي سرچینې وایي، چې زلزلې ټکانونه په یو شمېر سیمو کې احساس شوي.

تر اوسه د زلزلې له کبله د احتمالي ځاني او مالي زیانونو په اړه معلومات په لاس کې نشته.

تاسو راته وویاست چې د زلزلې ټکانونه مو په کوم ځای کې احساس کړل؟

[RANA TV (رڼا ټلوېزیون) @RANATVAF]

په مسکو کې د طالبانو حکومت سفیر مولوي حسن ګل حسن د سنټ پیټرزبورګ نړۍوال اقتصادي فورم په څنډه کې د روسیې د لوړپوړو چارواکو سره جلا، جلا لیدنې ترسره کړې.

د سفارت پر اېکس پاڼه لیکل شوي، چې په دغو لیدنو کې نوموړي د روسیې د صدراعظم له مرستیال الکسي اوورچوک، د روسیې د سوداګرۍ او صنایعو خونې له مشر سرګي کاتیرین او یو شمېر نورو چارواکو سره خبرې کړې.

د معلوماتو له مخې، په دې لیدنو کې د دواړو هېوادونو ترمنځ د اقتصادي او سوداګریزو اړیکو د پراختیا، افغان سوداګرو ته د لا زیاتو فرصتونو د برابرولو او په سنټ پیټرزبورګ کې د مېشتو افغان زده کړیالانو د ملاتړ پر موضوعاتو بحث شوی.

[RANA TV (رڼا ټلوېزیون) @RANATVAF]

د ایران د بهرنیو چارو وزیر عباس عراقچي د لبنان د ولسمشر جوزف عون د هغو څرګندونو په ځواب کې سخت غبرګون ښودلی چې ویلي یې و ایران له لبنان څخه د امریکا سره په خبرو کې د «بازیچې» په توګه کار اخلي.

عراقچي ویلي: «د عون د خبرو له مخې داسې ښکاري لکه ایران چې د لبنان یو پر پنځمه برخه نیولې، یو پر څلورمه برخه خلک یې بې ځایه کړي او هره ورځ پر دغه هېواد بمباري کوي.»

هغه زیاته کړې، چې که لبنان واقعاً د ایران د معاملې وسیله وی، نو تر اوسه به کومه هوکړه شوې وی. عراقچي د لبنان ولسمشر ته ویلي، چې خپل تمرکز دې د لبنان پر حقیقي دښمن وساتي.

[RANA TV (رڼا ټلوېزیون) @RANATVAF]

د افغانستان او هند ترمنځ د یوازینۍ ټېسټ لوبې د لومړۍ ورځې لومړۍ برخه پای ته ورسېده.

کوربه هندۍ لوبډلې په دغه پړاو کې ٩٧ منډې جوړې کړې او یوازې یو لوبغاړی یې له لاسه ورکړ.

د افغان لوبډلې له لوري سلیم سافي د هند یوازینۍ ویکټ ترلاسه کړې.

[RANA TV (رڼا ټلوېزیون) @RANATVAF]

According to a recent report by the Pakistan Institute for Peace Studies (PIPS), armed violence in Pakistan has reached its highest level in the past ten years.

The report states that the number of security incidents, attacks, and militant activities has increased across various regions, including Khyber Pakhtunkhwa and Balochistan.

On the other hand, in an analysis published by The Economist, it is stated that although Pakistan’s Army Chief Asim Munir is attempting to present a strong international image of the country’s security situation and the military’s role, the country continues to face serious internal security challenges.

The report highlights the increased attacks by Tehrik-i-Taliban Pakistan (TTP), Baloch separatist groups, and other armed organizations as key factors behind the worsening security situation.

Read More on our website.

https://t.co/02q7FGrotI

[RANA TV (رڼا ټلوېزیون) @RANATVAF]

د پاکستان د سولې مطالعاتو انسټېټیوټ (PIPS) د تازه راپور له مخې، په پاکستان کې وسله‌وال تاوتریخوالی د تېرو لسو کلونو تر ټولو لوړې کچې ته رسېدلی دی.

په راپور کې ویل شوي، چې د پښتونخوا او بلوچستان په ګډون په بېلابېلو سیمو کې د امنیتي پېښو، بریدونو او وسله‌والو فعالیتونو شمېر زیات شوی دی.

بل لور ته، د اېکانمسټ ورځپاڼې په یوه تحلیل کې راغلي، چې که څه هم د پاکستان د پوځ مشر عاصم منیر هڅه کوي د هېواد د امنیتي وضعیت او پوځ د ځواکمن رول نړۍوال انځور وړاندې کړي، خو د هېواد دننه له سختو امنیتي ننګونو سره مخ دی.

په راپور کې د تحریک طالبان پاکستان (TTP)، بلوڅ ازادي غوښتونکو او نورو وسله‌والو ډلو د بریدونو زیاتوالی د امنیتي وضعیت د خرابېدو له مهمو لاملونو څخه یاد شوی دی.

تحلیلونه زیاتوي، چې دا وضعیت د پاکستان لپاره د اوږدمهاله امنیتي او سیاسي ننګونو نښه ده، شنونکي وایي، چې په بلوچستان او پښتونخوا کې د پاکستان پوځ د پاشل کېدو پر لور روان دی.

[RANA TV (رڼا ټلوېزیون) @RANATVAF]

د ایران او امریکا ترمنځ د نښتو په ترڅ کې د ایران د سپاه پاسداران د عامه اړیکو دفتر ویلي، چې د امریکا د پوځ له لوري د ایران پر ځینو مخابراتي تاسیساتو د برید وروسته، د ایران توغندیزو ځواکونو د کویټ په “علي السالم” هوايي اډه او په بحرین کې د امریکا د پنځمې سمندري بېړۍ اړوند ځینې مهم تاسیسات په نښه کړي دي.

له بلې خوا، د امریکا مرکزي قوماندانۍ (سنتکام) هم تأیید کړې چې ایران د کویټ او بحرین پر لور اووه توغندي توغولي دي.

[RANA TV (رڼا ټلوېزیون) @RANATVAF]

په متحده ایالاتو کې فدرالي قاضي جان مک‌کونل د هغو کډوالۍ محدودیتونو د پلي کېدو مخه نیولې، چې د ټرمپ ادارې له خوا د یوه افغان کډوال له لوري د ملي ګارد د یوه سرتېري تر وژل کېدو وروسته لګول شوي وو.

قاضي ویلي، چې د ۳۹ هېوادونو پر وګړو لګول شوي دغه محدودیتونه، چې د پناه غوښتنې، د کار جواز او د تابعیت د غوښتنلیکونو بهیر اغېزمنوي، له قانون سره په ټکر کې دي.

د هغه د پرېکړې، له مخې، حکومت نه شي کولی دا محدودیتونه په داسې ډول پلي کړي، چې د کډوالو او پناه غوښتونکو قانوني حقونه زیانمن کړي.

[RANA TV (رڼا ټلوېزیون) @RANATVAF]

https://t.co/QSSivROddh

[RANA TV (رڼا ټلوېزیون) @RANATVAF]

The one-off Test match between Afghanistan and India has officially begun after India won the toss and elected to bat first.
For Afghanistan, the playing XI consists of Hashmatullah Shahidi (captain), Rahmanullah Gurbaz, Rahmat Shah, Abdul Malik, Azmatullah Omarzai, Sharafuddin Ashraf, Sediqullah Atal, Afsar Zazai, Nangeyalia Kharote, Saleem Safi, and Zia Sharifi.
India's playing XI includes Yashasvi Jaiswal, KL Rahul, Sai Sudharsan, Shubman Gill (captain), Rishabh Pant (wicketkeeper), Washington Sundar, Nitish Kumar Reddy, Harsh Dubey/Manav Suthar, Kuldeep Yadav, Mohammed Siraj, and Prasidh Krishna.
This is the second Test match in the history of cricket between Afghanistan and India and is being played in New Chandigarh, India.
Afghanistan played its first-ever Test match against India in June 2018. India won that match by a comprehensive margin.
Read More on our website.

https://t.co/z3JICwIWOc

[RANA TV (رڼا ټلوېزیون) @RANATVAF]

د افغانستان او هند ترمنځ د یوازېنۍ ټېسټ سیالۍ پچه د هند لوبډلې وګټله او د توپوهنې پرېکړه یې وکړه.

د افغانستان لپاره په یوازېنۍ ټېسټ لوبه کې حشمت الله شهیدي لوبډلمشر، رحمن الله ګربز، رحمت شاه زرمتی، عبدالمالک، عضمت الله عمرزی، شرف الدین اشرف، صدیق الله اتل، افسر ځاځی، ننګیال خروټی، سلیم صافی، ضیاء شریفي لوبېږي او د هند لپاره یشسوي جیسوال، کې ایل راهول، سای سدرشن، شبمن ګېل لوبډلمشر، رشب پنت وېکټ ساتونکی، واشنګټن سندر، نتیش کمار رېډي، هرش دوبي / مانو سوتر، کلدیپ یادو، محمد سراج او پرسېد کرشنا لوبېږي.

دا د افغانستان او هند ترمنځ د کرېکټ په تاریخ کې دویمه ټېسټ سیالي ده، چې د هند په نیو چندیګر ښار کې ترسره کیږي.

افغان لوبډلې د هند پر وړاندې خپله لومړۍ ټسټ سیالي د ۲۰۱۸ کال په جون میاشت کې ترسره کړې وه، چې هند لوبډلې په ستر توپیر ګټلې وه.

[RANA TV (رڼا ټلوېزیون) @RANATVAF]

د رڼا لید خبرې

[RANA TV (رڼا ټلوېزیون) @RANATVAF]

د زده‌کړو افغان فعال او د قلم لار بنسټ مشر مطیع‌الله ویسا د فرانسې د «ازادۍ ۲۰۲۶» جایزه ترلاسه کړه.
دا جایزه هغو کسانو ته ورکول کېږي چې د تعلیم د ملاتړ، ازادۍ، بشري حقونو او ټولنیز عدالت د ودې لپاره یې نه ستړې کېدونکې هڅې کړې وي.
نوموړی تر دې مخکې هم د خپلو ټولنیزو او تعلیمي فعالیتونو له امله په نړیواله کچه ستایل شوی او د قطر د یوې نړیوالې جایزې په یوه پړاو کې یې هم ستاینلیک ترلاسه کړی و.