Olivia
Online
Rama Chandra Kadam
@RCKadamINC
Leader of Congress Legislative Party, Odisha
MLA Pottangi
Pottangi, Odisha
Joined May 2018
34 Following
353 Followers
1.1K Posts
ଓଡ଼ିଆ ସିନେମାର ସୃଜନଶୀଳ ଯାତ୍ରାକୁ ସମୃଦ୍ଧ କରିଥିବା ସମସ୍ତ କଳାକାର ଓ କଳା ସାଧକଙ୍କୁ ୩୬ତମ ରାଜ୍ୟ ଚଳଚ୍ଚିତ୍ର ପୁରସ୍କାର–୨୦୨୩ ଅବସରରେ ଅଶେଷ ଅଭିନନ୍ଦନ। ମୋହନ ସୁନ୍ଦରଦେବ ଗୋସ୍ୱାମୀ ସମ୍ମାନ ପାଇଁ ଶ୍ରୀ ଶ୍ୟାମପ୍ରସାଦ ମିଶ୍ର ଏବଂ ନମ୍ରତା ଦାସଙ୍କୁ ସ୍ୱତନ୍ତ୍ର ଶୁଭେଚ୍ଛା। ଆପଣମାନଙ୍କ ସାଧନା ଆଗାମୀ ପିଢ଼ୀକୁ ପ୍ରେରଣା ଦେଉ।
ପଟ୍ଟାଙ୍ଗୀ ବ୍ଲକ ଅନ୍ତର୍ଗତ ତଳଗୋଲୁରୁ ଗ୍ରାମପଞ୍ଚାୟତର ଗଞ୍ଜେଇପାଡ଼ୁରୁ ବୁର୍ଗୁଲପାଡ଼ୁ ପର୍ଯ୍ୟନ୍ତ ନିର୍ମାଣାଧୀନ ଗ୍ରାମ୍ୟ ଉନ୍ନୟନ (RD) ରାସ୍ତା କାର୍ଯ୍ୟ ପରିଦର୍ଶନ କଲି। ଏହି ଅବସରରେ କାର୍ଯ୍ୟର ଅଗ୍ରଗତି ଓ ଗୁଣବତ୍ତା ସମ୍ପର୍କରେ ସମୀକ୍ଷା କରିବା ସହ ନିର୍ଦ୍ଧାରିତ ସମୟସୀମା ମଧ୍ୟରେ ଉନ୍ନତମାନର କାର୍ଯ୍ୟ ସମାପ୍ତ କରିବା ପାଇଁ ସମ୍ପୃକ୍ତ ବିଭାଗୀୟ ଅଧିକାରୀ ଓ ଠିକାଦାରଙ୍କୁ ପରାମର୍ଶ ଦେଲି। ଉତ୍ତମ ଯୋଗାଯୋଗ ବ୍ୟବସ୍ଥା ହେଉଛି ଅଞ୍ଚଳର ସର୍ବାଙ୍ଗୀନ ବିକାଶର ମୂଳ ଆଧାର।
ସୁନାବେଡ଼ା ପୌରପାଳିକା କଂଗ୍ରେସ ସଭାପତି ଦିୱାନ କୁଲଦୀପଙ୍କ ମାତୃ ବିୟୋଗ ସମ୍ବାଦ ପାଇ ମୁଁ ଗଭୀର ଭାବରେ ଦୁଃଖିତ। ଦିବଙ୍ଗତ ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ମୋର ସମବେଦନା ଜଣାଉଛି। ଏହି ଅପୂରଣୀୟ କ୍ଷତିକୁ ସହ୍ୟ କରିବା ପାଇଁ ମା' ଗାଙ୍ଗାମା ପରିବାର ସଦସ୍ୟଙ୍କୁ ଧୈର୍ଯ୍ୟ ଓ ଶକ୍ତି ପ୍ରଦାନ କରନ୍ତୁ।
ଓଁ ଶାନ୍ତି।
ବିଶିଷ୍ଟ ସ୍ୱାଧୀନତା ସଂଗ୍ରାମୀ, ଗାନ୍ଧୀବାଦୀ ଚିନ୍ତକ ତଥା ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀଙ୍କ ପୁଣ୍ୟତିଥିରେ ଶ୍ରଦ୍ଧାସ୍ପଦ ପ୍ରଣାମ। ସାମାଜିକ ନ୍ୟାୟ, ଗ୍ରାମୀଣ ବିକାଶ ଏବଂ ସାଧାରଣ ଲୋକଙ୍କ କଲ୍ୟାଣ ପ୍ରତି ତାଙ୍କର ଆଜୀବନ ସମର୍ପଣ ଓଡ଼ିଶାର ଇତିହାସରେ ଚିରସ୍ମରଣୀୟ ହୋଇ ରହିବ ସହିତ ତାଙ୍କ ଆଦର୍ଶ ଓ ମୂଲ୍ୟବୋଧ ଆଗାମୀ ପୀଢ଼ି ପାଇଁ ସଦା ପ୍ରେରଣାର ଉତ୍ସ ହୋଇ ରହିବ।
ଶିକ୍ଷାନୁଷ୍ଠାନଗୁଡ଼ିକ ହେଉଛି ଜ୍ଞାନ, ଗବେଷଣା ଓ ବୌଦ୍ଧିକ ବିକାଶର ପବିତ୍ର କେନ୍ଦ୍ର। କିନ୍ତୁ ଦୁଃଖର ବିଷୟ, ରାଜ୍ୟରେ ବିଜେପି ସରକାରଙ୍କ ଅମଳରେ ଶିକ୍ଷାନୁଷ୍ଠାନଗୁଡ଼ିକ ମଧ୍ୟ ରାଜନୈତିକ ହସ୍ତକ୍ଷେପରୁ ମୁକ୍ତ ରହିପାରୁନାହାଁନ୍ତି।ବିଶ୍ୱବିଦ୍ୟାଳୟ ପରିସରକୁ ଦଳୀୟ ପ୍ରଭାବରୁ ଦୂରେ ରଖିବା ପରିବର୍ତ୍ତେ, ସରକାରୀ ନୀରବତା ଓ ପ୍ରଶାସନିକ ଦୁର୍ବଳତା ଶିକ୍ଷାର ସ୍ୱାଧୀନ ପରିବେଶକୁ ବିପନ୍ନ କରୁଛି। ବିକ୍ରମ ଦେବ ବିଶ୍ୱବିଦ୍ୟାଳୟ ଭଳି ପ୍ରତିଷ୍ଠିତ ସଂସ୍ଥାର ଗରିମା ଓ ସ୍ୱାୟତ୍ତତାକୁ ଅକ୍ଷୁଣ୍ଣ ରଖିବା ସରକାରଙ୍କ ଦାୟିତ୍ୱ, ହେଲେ ସେଥିରେ ବିଫଳତା ସ୍ପଷ୍ଟ ଭାବେ ପରିଲକ୍ଷିତ ହେଉଛି।
ଶିକ୍ଷାକୁ ରାଜନୀତିରୁ ମୁକ୍ତ ରଖିବା ଓ ଶିକ୍ଷାନୁଷ୍ଠାନର ଗରିମାକୁ ସୁରକ୍ଷିତ ରଖିବା ପାଇଁ ସରକାର ତୁରନ୍ତ ଦୃଢ଼ ପଦକ୍ଷେପ ନେବା ଉଚିତ। ଶିକ୍ଷାର ପବିତ୍ରତା ସହ କୌଣସି ପ୍ରକାରର ସାଲିସ କଦାପି ଗ୍ରହଣୀୟ ନୁହେଁ।
#CLP #pottangi #PeoplesLeader #RamaChandraKadam #Odisha #Congress
ସାହିତ୍ୟ ଓ ଶିକ୍ଷା କ୍ଷେତ୍ରରେ ଅମୂଲ୍ୟ ଅବଦାନ ପାଇଁ ଶ୍ରୀ ଚରଣ ହେମ୍ବ୍ରମ ଏବଂ କଳା କ୍ଷେତ୍ରରେ ଅସାଧାରଣ ସାଧନା ପାଇଁ ଶ୍ରୀ ଶରତ ପାତ୍ର ଓ ଶ୍ରୀ ସୀମାଞ୍ଚଳ ପାତ୍ରଙ୍କୁ ପଦ୍ମଶ୍ରୀ ସମ୍ମାନ ପ୍ରାପ୍ତି ଅବସରରେ ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା। ଆପଣମାନଙ୍କର ଏହି ଉଲ୍ଲେଖନୀୟ ସଫଳତା ଓଡ଼ିଶାର ସାଂସ୍କୃତିକ ଓ ବୌଦ୍ଧିକ ଐତିହ୍ୟକୁ ଗୌରବାନ୍ୱିତ କରିଛି। ଏହି ସମ୍ମାନ ଆଗାମୀ ପୀଢ଼ି ପାଇଁ ନିଶ୍ଚିତ ଭାବେ ପ୍ରେରଣାର ଉତ୍ସ ହୋଇ ରହିବ।
ସମ୍ବାଦ ପକ୍ଷରୁ ଆୟୋଜିତ 'ଜୟପୁର ସଂସ୍କରଣ'ର ରୌପ୍ୟ ଜୟନ୍ତୀ ଉତ୍ସବରେ ଯୋଗଦେଲି। ସାମ୍ବାଦିକତା କ୍ଷେତ୍ରରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରି ଦୀର୍ଘ ୨୫ ବର୍ଷ ଧରି ସମାଜ, ସଂସ୍କୃତି ଓ ଲୋକଜୀବନର ବିଭିନ୍ନ ପ୍ରସଙ୍ଗକୁ ନିଷ୍ଠାର ସହ ଲୋକଙ୍କ ସମ୍ମୁଖରେ ଉପସ୍ଥାପନ କରିଆସୁଥିବା ସମ୍ବାଦ ପରିବାରର ଏହି ଗୌରବମୟ ଯାତ୍ରା ନିଶ୍ଚିତ ଭାବେ ପ୍ରଶଂସନୀୟ। ଏହି ଅବସରରେ ସମ୍ବାଦ ପରିବାରକୁ ହାର୍ଦ୍ଦିକ ଅଭିନନ୍ଦନ ଓ ଆଗାମୀ ଦିନରେ ଆହୁରି ସଫଳତା ଓ ଉତ୍ତରୋତ୍ତର ପ୍ରଗତି ପାଇଁ ଶୁଭେଚ୍ଛା ଜଣାଉଛି।
#Congress #RamaChandraKadam #pottangi #CLP
ପଟ୍ଟାଙ୍ଗୀ ବ୍ଲକରେ ଆୟୋଜିତ କର୍ମୀ ସମ୍ମିଳନୀରେ କୋରାପୁଟ ଜିଲ୍ଲା କଂଗ୍ରେସ ସଭାପତି ଶ୍ରୀ ରୂପକ ତୁରୁକ, ପଟ୍ଟାଙ୍ଗୀ ବ୍ଲକ କଂଗ୍ରେସ ସଭାପତି ଶ୍ରୀ ଅର୍ଜୁନ ବାଙ୍କା, ପଟ୍ଟାଙ୍ଗୀ ବିଧାୟକ ପ୍ରତିନିଧି ଶ୍ରୀ ଗୁପ୍ତ ଶଙ୍କର ପଟ୍ଟନାୟକ, ଜିଲ୍ଲା ଆଦିବାସୀ ସେଲ ସଭାପତି ଶ୍ରୀ ଅନାମ ଦିଆନ, ଜିଲ୍ଲା ଏସ୍ସି ସେଲ ସଭାପତି ଶ୍ରୀ ରମେଶ ଖରାଙ୍କ ସହିତ ଯୋଗ ଦେଲି। ଏହି ଅବସରରେ ବ୍ଲକ ସ୍ତରୀୟ କଂଗ୍ରେସ କର୍ମୀଙ୍କ ସହିତ ଦଳର ସାଙ୍ଗଠନିକ ସୁଦୃଢ଼ୀକରଣ ଓ ଜନସ୍ୱାର୍ଥ ପ୍ରସଙ୍ଗରେ ବିସ୍ତୃତ ଆଲୋଚନା କରାଗଲା।
ଜନତାଙ୍କ ବିଶ୍ୱାସକୁ ଆଧାର କରି ତୃଣମୂଳ ସ୍ତରରେ କଂଗ୍ରେସ ସଙ୍ଗଠନକୁ ଆହୁରି ମଜବୁତ କରିବା ପାଇଁ ସମସ୍ତେ ଦୃଢ଼ ସଙ୍କଳ୍ପ ନେଲୁ।
#Congress #RamaChandraKadam #pottangi #CLP #PeoplesLeader
ପଟ୍ଟାଙ୍ଗୀ ବ୍ଲକ ଅନ୍ତର୍ଗତ ପେଟରୁ ଗ୍ରାମପଞ୍ଚାୟତର ନିମାଲପାଡ଼ୁ ଗ୍ରାମ ପରିଦର୍ଶନ କରି ବିଭିନ୍ନ ଉନ୍ନୟନମୂଳକ କାର୍ଯ୍ୟର ସ୍ଥିତି ସମୀକ୍ଷା କଲି। ଏହା ସହ ଗ୍ରାମବାସୀଙ୍କ ସହ ସିଧାସଳଖ ଆଲୋଚନା କରି ସେମାନଙ୍କର ଅଭାବ, ଅସୁବିଧା ଓ ବିଭିନ୍ନ ଜନସମସ୍ୟା ସମ୍ପର୍କରେ ଅବଗତ ହେଲି। ଜନସାଧାରଣଙ୍କ ଆବଶ୍ୟକତା ଓ ଅଞ୍ଚଳର ସର୍ବାଙ୍ଗୀନ ବିକାଶ ପାଇଁ ଲୋକଙ୍କ ସ୍ୱରକୁ ପ୍ରାଥମିକତା ଦେବା ପାଇଁ ମୋର ପ୍ରୟାସ ଜାରି ରହିଛି ।
ପଟ୍ଟାଙ୍ଗୀ ବ୍ଲକ ଅନ୍ତର୍ଗତ ଅମ୍ପାବାଲି ଗ୍ରାମପଞ୍ଚାୟତର କମାରପାଡ଼ୁ ଗ୍ରାମର ଶ୍ରୀ ରାଞ୍ଜୁ ସିନ୍ଦେରିଙ୍କ ସୁକନ୍ୟା ପ୍ରିୟଙ୍କା ସିନ୍ଦେରିଙ୍କ ଶୁଦ୍ଧିକରଣ ଉତ୍ସବରେ ଯୋଗଦେଲି ।ଏହି ଅବସରରେ ଗ୍ରାମ ପରିଦର୍ଶନ କରି ସ୍ଥାନୀୟ ଲୋକଙ୍କ ସହ ମତବିନିମୟ କରିବା ସହ ସେମାନଙ୍କ ବିଭିନ୍ନ ସମସ୍ୟା ଓ ଅଭାବ-ଅସୁବିଧା ସମ୍ପର୍କରେ ପଚାରି ବୁଝିଲି। ଆଗାମୀ ଦିନରେ ଗ୍ରାମବାସୀଙ୍କ ସମସ୍ୟାର ତୁରନ୍ତ ସମାଧାନ କରିବା ପାଇଁ ମୁଁ ପ୍ରୟାସ କରିବି।
ସେମିଳିଗୁଡ଼ା ବ୍ଲକ ଅନ୍ତର୍ଗତ ପିତାଗୁଡା ଗ୍ରାମପଞ୍ଚାୟତର ଥାଟପଦରଗୁଡ଼ା ଗ୍ରାମ ପରିଦର୍ଶନ କରି ସ୍ଥାନୀୟ ଲୋକଙ୍କଠାରୁ ବିଭିନ୍ନ ଜନସମସ୍ୟା ସମ୍ପର୍କିତ ଅଭିଯୋଗ ଗ୍ରହଣ କରିବା ସହ ସେଗୁଡ଼ିକର ସମାଧାନ ନେଇ ଆଲୋଚନା କଲି।ଜନସାଧାରଣଙ୍କ ମୌଳିକ ସୁବିଧା, ଉନ୍ନୟନମୂଳକ କାର୍ଯ୍ୟ ଓ ଅଞ୍ଚଳର ସାମଗ୍ରିକ ବିକାଶ ପାଇଁ ସମସ୍ତ ସମସ୍ୟାର ଶୀଘ୍ର ସମାଧାନ ନିମନ୍ତେ ମୋର ପ୍ରୟାସ ଜାରି ରହିବ।
ପ୍ରତିଶ୍ରୁତି ଥିଲା ପରିବର୍ତ୍ତନର, ବାସ୍ତବତାରେ ପାଣିର ଗାର
କୌଣସି ସରକାରର ସଫଳତା ବଡ଼ ବଡ଼ ବିଜ୍ଞାପନ କିମ୍ବା ଆକର୍ଷଣୀୟ ସ୍ଲୋଗାନରେ ନୁହେଁ, ବରଂ ସାଧାରଣ ଲୋକଙ୍କ ସୁରକ୍ଷା, ନ୍ୟାୟ ଓ ଭରସାରେ ପ୍ରତିଫଳିତ ହୋଇଥାଏ। ଓଡ଼ିଶାରେ ବିଜେପି ସରକାର ଗଠନ ପରେ ମହିଳା ସୁରକ୍ଷା, ବଢୁଥିବା ଅପରାଧ, ଆଇନଶୃଙ୍ଖଳାର ଅବନତି, କୋଟିଆ ସୀମା ବିବାଦ, ଦାଦନ ଶ୍ରମିକଙ୍କ ଦୁର୍ଦ୍ଦଶା, ବାର୍ଦ୍ଧକ୍ୟ ଭତ୍ତାର ଅନିଶ୍ଚିତତା ଓ ନିଟ ପ୍ରଶ୍ନପତ୍ର ବିବାଦ ଭଳି ପ୍ରସଙ୍ଗ ସରକାରଙ୍କ କାର୍ଯ୍ୟଦକ୍ଷତାକୁ ନେଇ ଗମ୍ଭୀର ପ୍ରଶ୍ନ ସୃଷ୍ଟି କରିଛି।
ମହିଳା ସୁରକ୍ଷା ଆଜି ସବୁଠାରୁ ବଡ଼ ଚିନ୍ତାର ବିଷୟ। ମହିଳାଙ୍କ ଉପରେ ନିର୍ଯାତନା, ଯୌନ ଉତ୍ପୀଡ଼ନ, ସାଇବର ହଇରାଣ ଏବଂ ହିଂସାର ଘଟଣା ଲୋକଙ୍କ ମନରେ ଅସୁରକ୍ଷା ଭାବନା ସୃଷ୍ଟି କରୁଛି। ଜିରୋ ଟଲରେନ୍ସର ପ୍ରତିଶ୍ରୁତି ସତ୍ତ୍ୱେ ପୀଡ଼ିତାମାନଙ୍କୁ ଶୀଘ୍ର ନ୍ୟାୟ ମିଳୁନଥିବା ଅଭିଯୋଗ ସରକାରଙ୍କ ଦାବି ଓ ବାସ୍ତବତା ମଧ୍ୟରେ ଥିବା ଫାରାକକୁ ସାମ୍ନାକୁ ଆଣିଛି।
ଆଇନଶୃଙ୍ଖଳା ବ୍ୟବସ୍ଥାକୁ ନେଇ ମଧ୍ୟ ଅନେକ ପ୍ରଶ୍ନ ଉଠୁଛି। ହତ୍ୟା, ଲୁଟ୍, ହିଂସା ଓ ସଂଗଠିତ ଅପରାଧର ବୃଦ୍ଧି ସାଧାରଣ ନାଗରିକଙ୍କ ମନରେ ଅସୁରକ୍ଷା ସୃଷ୍ଟି କରିଛି। ଅପରାଧୀଙ୍କ ବିରୋଧରେ ତ୍ୱରିତ କାର୍ଯ୍ୟାନୁଷ୍ଠାନ ଓ ଦୃଢ଼ ପ୍ରଶାସନ ଦେଖିବାକୁ ମିଳୁନଥିବା ଅଭିଯୋଗ ଜୋର ଧରୁଛି।
କୋରାପୁଟର କୋଟିଆ ପ୍ରସଙ୍ଗ ଆଜି ମଧ୍ୟ ଅମୀମାଂସିତ। ଓଡ଼ିଶାର ସୀମା, ସ୍ୱାଭିମାନ ଓ ସେଠାକାର ଲୋକଙ୍କ ଅଧିକାର ସହ ଜଡ଼ିତ ଏହି ପ୍ରସଙ୍ଗରେ ସ୍ଥାୟୀ ସମାଧାନ ଆଣିବାରେ ସରକାର ବିଫଳ ହୋଇଥିବା ଅଭିଯୋଗ ରହିଛି। ସୀମାନ୍ତ ଅଞ୍ଚଳର ଲୋକମାନେ ଆଜି ମଧ୍ୟ ଅନିଶ୍ଚିତତା ମଧ୍ୟରେ ଜୀବନ ବିତାଉଛନ୍ତି।
ଦାଦନ ସମସ୍ୟା ମଧ୍ୟ ଓଡ଼ିଶାର ଏକ ପୁରୁଣା କିନ୍ତୁ ଗମ୍ଭୀର ଚ୍ୟାଲେଞ୍ଜ। ପଶ୍ଚିମ ଓ ଦକ୍ଷିଣ ଓଡ଼ିଶାର ହଜାର ହଜାର ଯୁବକ-ଯୁବତୀ ରୋଜଗାର ଅଭାବରୁ ଅନ୍ୟ ରାଜ୍ୟକୁ ଦାଦନ ଶ୍ରମିକ ଭାବେ ପଳାୟନ କରୁଛନ୍ତି। ସୁରକ୍ଷାର ଅଭାବ, ଶୋଷଣ ଓ ଅମାନବିକ ପରିସ୍ଥିତିରେ ସେମାନଙ୍କ ଜୀବନ କଟୁଥିବା ସତ୍ତ୍ୱେ ଏହି ସମସ୍ୟାର ସ୍ଥାୟୀ ସମାଧାନ ଦିଗରେ ଦୃଶ୍ୟମାନ ପଦକ୍ଷେପ ଦେଖିବାକୁ ମିଳୁନାହିଁ।
ରାଜ୍ୟର ବୃଦ୍ଧ, ବିଧବା ଓ ଦିବ୍ୟାଙ୍ଗଙ୍କ ପାଇଁ ବାର୍ଦ୍ଧକ୍ୟ ଭତ୍ତା ଜୀବନର ଏକମାତ୍ର ସହାରା। କିନ୍ତୁ ଭତ୍ତା ବୃଦ୍ଧି, ନିୟମିତ ବଣ୍ଟନ ଓ ନୂଆ ହିତାଧିକାରୀଙ୍କ ସାମିଲକୁ ନେଇ ଅନେକ ଅଭିଯୋଗ ଓ ଅସନ୍ତୋଷ ପ୍ରକାଶ ପାଉଛି। ସମାଜର ସବୁଠାରୁ ଦୁର୍ବଳ ବର୍ଗଙ୍କୁ ସୁରକ୍ଷା ଦେବା ସରକାରର ଦାୟିତ୍ୱ ହୋଇଥିଲେ ମଧ୍ୟ ଅନେକେ ଏହାର ସୁଫଳରୁ ବଞ୍ଚିତ ଥିବା ଅନୁଭବ କରୁଛନ୍ତି।
ଦେଶବ୍ୟାପୀ NEET ପ୍ରଶ୍ନପତ୍ର ବିବାଦ ମଧ୍ୟ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କ ଭବିଷ୍ୟତକୁ ଅନିଶ୍ଚିତତାରେ ପକାଇଛି। ୨୦୨୪ରେ ପ୍ରଶ୍ନପତ୍ର ଲିକ୍ ଅଭିଯୋଗ ଓ ଅନିୟମିତତାକୁ ନେଇ ଦେଶବ୍ୟାପୀ ବିବାଦ ସୃଷ୍ଟି ହୋଇଥିଲା ଏବଂ ତଦନ୍ତ ମଧ୍ୟ ହୋଇଥିଲା। ଏହା ଦେଶର ପରୀକ୍ଷା ବ୍ୟବସ୍ଥାର ସ୍ୱଚ୍ଛତା ଓ ବିଶ୍ୱସନୀୟତା ଉପରେ ପ୍ରଶ୍ନ ସୃଷ୍ଟି କରିଥିଲା ଏବଂ ଲକ୍ଷ ଲକ୍ଷ ପରିଶ୍ରମୀ ଛାତ୍ରଛାତ୍ରୀଙ୍କ ମନରେ ନିରାଶା ସୃଷ୍ଟି କରିଥିଲା।
ସରକାର କ୍ଷମତାକୁ ଆସିବା ବେଳେ ସ୍ୱଚ୍ଛ ଶାସନ, ଦୃଢ଼ ନେତୃତ୍ୱ ଓ ଦକ୍ଷ ପ୍ରଶାସନର ପ୍ରତିଶ୍ରୁତି ଦେଇଥିଲେ। କିନ୍ତୁ ଶାସନର ପ୍ରକୃତ ମୂଲ୍ୟାଙ୍କନ ପ୍ରଚାରରେ ନୁହେଁ, ବରଂ ଲୋକଙ୍କ ଜୀବନରେ ଆସିଥିବା ପରିବର୍ତ୍ତନରେ ହୋଇଥାଏ। ମହିଳା ସୁରକ୍ଷା, ଆଇନଶୃଙ୍ଖଳା, କୋଟିଆର ସ୍ଥାୟୀ ସମାଧାନ, ଦାଦନ ସମସ୍ୟାର ଅନ୍ତ, ବାର୍ଦ୍ଧକ୍ୟ ଭତ୍ତାର ସୁନିଶ୍ଚିତତା ଓ ଯୁବପିଢ଼ିର ଭବିଷ୍ୟତକୁ ସୁରକ୍ଷା ଦେବା ଦିଗରେ ଦୃଶ୍ୟମାନ ପଦକ୍ଷେପ ହିଁ ଏକ ସରକାରର ପ୍ରକୃତ ସଫଳତାର ମାପକାଠି।
ରାମଚନ୍ଦ୍ର କାଡ଼ାମ
କଂଗ୍ରେସ ବିଧାୟକ ଦଳ ନେତା
ବିଧାୟକ, ପଟ୍ଟାଙ୍ଗୀ
ସେମିଳିଗୁଡ଼ା ବ୍ଲକ ଅନ୍ତର୍ଗତ ରାଜପଲମା ଗ୍ରାମପଞ୍ଚାୟତର ବୁଡାପୁଟ ଠାରେ ନୂତନ ଭାବେ ନିର୍ମିତ ଗୋଷ୍ଠୀ କେନ୍ଦ୍ର ଉଦଘାଟନ କରିବାର ସୌଭାଗ୍ୟ ଲାଭ କଲି। ଏହି ଗୋଷ୍ଠୀ କେନ୍ଦ୍ର ସ୍ଥାନୀୟ ଲୋକଙ୍କ ସାମାଜିକ, ସାଂସ୍କୃତିକ ଓ ସାମୁଦାୟିକ କାର୍ଯ୍ୟକ୍ରମ ପାଇଁ ଏକ ମିଳନସ୍ଥଳୀ ଭାବେ କାର୍ଯ୍ୟ କରିବ ବୋଲି ଆଶା କରୁଛି।
ସେମିଳିଗୁଡ଼ା ବ୍ଲକ ଅନ୍ତର୍ଗତ ରାଜପଲମା ଗ୍ରାମପଞ୍ଚାୟତର ବିଭିନ୍ନ ଗ୍ରାମ ପରିଦର୍ଶନ କରି ସ୍ଥାନୀୟ ଲୋକମାନଙ୍କ ସହ ଆଲୋଚନା କଲି ଏବଂ ସେମାନଙ୍କ ଦୈନନ୍ଦିନ ସମସ୍ୟା ଓ ଅସୁବିଧା ସମ୍ପର୍କରେ ପଚାରି ବୁଝିଲି। ଆଗାମୀ ଦିନରେ ଏହି ସମସ୍ୟାଗୁଡିକର ସମାଧାନ ପାଇଁ ପ୍ରଶାସନ ସ୍ତରରେ ଆବଶ୍ୟକ ପଦକ୍ଷେପ ନେବା ପାଇଁ ପ୍ରତିଶ୍ରୁତି ଦେଲି।
ପବିତ୍ର ଇଦ୍-ଉଲ୍-ଜୁହା ଅବସରରେ ସମସ୍ତ ମୁସଲମାନ ଭାଇ ଭଉଣୀଙ୍କୁ ମୋର ଶୁଭେଚ୍ଛା ଓ ଶୁଭକାମନା । ଏହି ଦିନ ସମସ୍ତଙ୍କ ମନରେ ଶାନ୍ତି, ମୈତ୍ରୀ ଓ ଭାତୃଭାବର ଭାବନା ସ୍ଥାପନ କରୁ, ଏତିକି ମୋର କାମନା।
ନନ୍ଦପୁରସ୍ଥିତ ଶିବ ମନ୍ଦିରରେ ନବନିର୍ମିତ ଭୋଗ ମଣ୍ଡପ ଉଦଘାଟିତ ହେଲା । ଏହି ପବିତ୍ର ପରିବେଶରେ ଭକ୍ତମାନଙ୍କ ସେବା ଓ ଧାର୍ମିକ କାର୍ଯ୍ୟକ୍ରମ ଆହୁରି ସୁଚାରୁ ଭାବେ ସମ୍ପନ୍ନ ହେବ ବୋଲି ଆଶା କରୁଛି। ମହାଦେବଙ୍କ କରୁଣାରେ ଜଗତର କଲ୍ୟାଣ ହେଉ।
#PeoplesLeader #Odisha #RamaChandraKadam #CLP #Congress
ଶ୍ରୀ ଶ୍ରୀ ଶ୍ରୀ ମା’ ଅଗ୍ନିଗଙ୍ଗାମା ଯାତ୍ରା ଅବସରରେ ମା’ଙ୍କ ଦର୍ଶନ ସହ ପୂଜାର୍ଚ୍ଚନା କରି ଅପାର ଆଧ୍ୟାତ୍ମିକ ଶାନ୍ତି ଅନୁଭବ କଲି। ମା’ଙ୍କ ଅଶେଷ କୃପାରୁ ସମସ୍ତଙ୍କ ଜୀବନ ସୁଖ, ଶାନ୍ତି ଓ ସମୃଦ୍ଧିରେ ପରିପୂର୍ଣ୍ଣ ହେଉ।
ପଟାଙ୍ଗୀ ନିର୍ବାଚନ ମଣ୍ଡଳୀରେ ଶିକ୍ଷା କ୍ଷେତ୍ରର ବିକାଶ ପାଇଁ ମୋର ପ୍ରୟାସ ଜାରି ରହିଛି। ସେହି ପରିପ୍ରେକ୍ଷୀରେ ପଟ୍ଟାଙ୍ଗୀ ବ୍ଲକ ଅନ୍ତର୍ଗତ ଥୁବା ଗ୍ରାମପଞ୍ଚାୟତର କୁକୁଡ଼ାପୁଟ ଗ୍ରାମରେ ନୂତନ ପ୍ରାଥମିକ ବିଦ୍ୟାଳୟର ଅତିରିକ୍ତ ଶ୍ରେଣୀଗୃହ ଉଦଘାଟିତ ହେଲା। ଶିକ୍ଷାର ଭିତ୍ତିଭୂମି ସୁଦୃଢ଼ ହେଲେ ପିଲାମାନଙ୍କ ଭବିଷ୍ୟତ ଆହୁରି ଉଜ୍ଜ୍ୱଳ ହେବ।
ପଟ୍ଟାଙ୍ଗୀ ବ୍ଲକ ଅନ୍ତର୍ଗତ ବାଡ଼େଲ ପଞ୍ଚାୟତରେ ନୂତନ ଅତିରିକ୍ତ ଶ୍ରେଣୀଗୃହ ଉଦ୍ଘାଟିତ ହେଲା। ଗ୍ରାମାଞ୍ଚଳରେ ଶିକ୍ଷାର ବିକାଶ ଓ ଛାତ୍ରଛାତ୍ରୀଙ୍କ ପାଇଁ ଉନ୍ନତ ପାଠପଢ଼ା ପରିବେଶ ସୃଷ୍ଟି ଦିଗରେ ଏହା ଏକ ସକାରାତ୍ମକ ପଦକ୍ଷେପ ଭାବରେ କାର୍ଯ୍ୟକାରୀ ହେବ ବୋଲି ମୋର ବିଶ୍ବାସ।
#pottangi #PeoplesLeader #Odisha #RamaChandraKadam
Allegations that 135 questions from a probable list matched the NEET-2026 question paper have raised serious concerns over the credibility of the examination system. A fair probe and strict action against those responsible are essential to protect the future of lakhs of students. The Union Education Minister must treat this matter with utmost seriousness.
#PeoplesLeader #Odisha #Congress #RamaChandraKadam #neet2026
Most Popular Users
Elon Musk
@elonmusk
240.6M followers
Barack Obama
@barackobama
119.2M followers
Donald J. Trump
@realdonaldtrump
111.7M followers
Cristiano Ronaldo
@cristiano
110.5M followers
Narendra Modi
@narendramodi
107M followers
Rihanna
@rihanna
97.6M followers
NASA
@nasa
92.2M followers
Justin Bieber
@justinbieber
90.9M followers
KATY PERRY
@katyperry
87.6M followers
Taylor Swift
@taylorswift13
81.4M followers
Lady Gaga
@ladygaga
73M followers
Virat Kohli
@imvkohli
69.8M followers
Kim Kardashian
@kimkardashian
69.8M followers
YouTube
@youtube
68.7M followers
Bill Gates
@billgates
63.9M followers
Neymar Jr
@neymarjr
62.5M followers
The Ellen Show
@theellenshow
62.4M followers
CNN
@cnn
61.9M followers
X
@x
60.8M followers
Selena Gomez
@selenagomez
60.7M followers