⁹⁷

"هيبة الكبرياء وعنفوان الدهاة"

[⁹⁷ @RFH_97]

لقيتك ما تشابهني ولا ديارك هي دياري
ولا طبعك مثل طبعي ولا مثلك يناسبني

شريت البعد و أخترت الفراق اليوم أجباري
و أنا الي ما هقيت بـ يوم زماني عنك يبعدني

فمان الله يا قلب عطيته أجمل أسراري
فمان الله حتى لو ضميرك ما أستحى مني

[⁹⁷ @RFH_97]

أصد عن الوله يومه ينادي صدة الملهوف
وأرفرف لك غلا في هجرتي وأخالف أسرابي

بقى لي من هواك أسم مكون من اربع حروف
نفخ بـ الجرح روح وكفن الدنيا على بابي

قريتك ما كتبتك و الهوى يلعب على المكشوف
ترى يمكن تعيش بـ داخلي و تموت بـ كتابي

[⁹⁷ @RFH_97]

أزعل ورغم الزعل تبقى الأهم والأحبّ
ماني من اللي يسبون الغلا لا زعلو

صدري ماهو مثل عينك ياحبيبي رحبّ
حنّه من اللحظه اللي بين يمكن ولو

من بعد وجهك لو إن الوقت وجهه شحبّ
أشوف وجهك وأشوف ظروفنا من علو

إشادتي في تقاطيعك " إشادة مُحبّ "
أشوف وجهك عدل حلو ؟ اي والله حلو

[⁹⁷ @RFH_97]

اوشكت شمس اللهفه على الغروب
وبدت في علاقتنا .. تكثر الشكاوي

مابعد اللهفات القويه الا …؟الحروب
ومرات تخيب بعض! …الهقاوي

وبعض الأمور ماتبان في اول الدروب
بعد ماتخطي وتمشي بها.. تبان البلاوي

والحب مثل مابه مميزات… فيه عيوب!
مره يهدك ويجرحك ومره يعالج ويداوي

[⁹⁷ @RFH_97]

شرعت لك بيبان قلبي ورحبت
قلت الله الله بقلبٍ شافك أمانه

تركت كل الناس ما همني إلا أنت
ضميتك لصدرٍ تباهى بحنانه

علي أنا بالذات وشلون مالنت ؟
هزمتني وقلبي مايرضى الإهانه

غلطت إني بقلبك تعشمت
وانا خسرت اليوم قلبي ورهانه

من قسوة أفعالك تراني تعلمت
كل الجروح تهون إلا الخيانه

[⁹⁷ @RFH_97]

ما بعد شفتك بعينٍ في ملامحها فشيله
لين طحت وطاح فوق الصدر من فعلك مجرّه

الخطر من يوم يتبرى خليلٍ من خليله
ما يفيدك من يورّدك المهالك والمضرّه

كيف تطلب جنة المأوى ولا تملك وسيله
غايةٍ من غير جهد تذوّق المنّاي حرّه . .

[⁹⁷ @RFH_97]

ما خبرتك تلجم الهقوات وتبدّي الرذيله
وفي طريق السوء لك بصمه وللاقدام جرّه

يارفيقٍ ما تحب إلا الشهامه والطويله
بدّلك وجه الزمن وارهى عليك بـ شرّه

كيف حدّك تطوي المبدأ وتغتال الفضيله
وانت حُرّ ومن ظهر حُرّ و من بطن حرّه

[⁹⁷ @RFH_97]

مشكلة عقلي نبيه ومشكله قلبي سروح
وبين هذا وبين ذاك أتوه واجن واعتمي

آه من طيش الهيام ونزوة القلب اللحوح
إكسروني كسرة الابيات بلسان اعجمي

السؤال اللي سلب لُبّ الإجابه وين اروح ؟
وغربتي غربة مشاعر بس لقلبك تنتمي

[⁹⁷ @RFH_97]

من قديم الوقت لاخر ذكرياتي
والله إن قلبي من الضيقة تشوه

اعتبرتك بالهوى من معجزاتي
بس لين الحين ما جتني نبوة

صرت متيتّم و عاجبني شتاتي
مثل محروم الأمومة و الأبوة

من سمح للنار تطفى بليل شاتي
ومن رضى للنجم يتنازل سموّه

انت أكبر غلطة كانت في حياتي
طيحت تاريخ المحبة من علوه

[⁹⁷ @RFH_97]

ياربّ وأنت الملاذ لوحدة المهتدي
يوم إن فؤادي وحيد أهدِهْ أنا مُتعبه

خلّصني من الشعور اللي يهدّ جْهدي
و متعنّي بـ شي كل الناس تستغّربه ..

[⁹⁷ @RFH_97]

معي قلب ما يكثر مشاريه ولا عتاب
مباديه دايم ثابته ما تصنعها

تهون المحبه وألغي الحب والأعجاب
ليا شفت نفسي بموقعٍ غير موقعها

[⁹⁷ @RFH_97]

ودي أكمّل معك حتى الحياة البرزخية
وين تلقى عاشقٍ يبغاك حتى في مماته

من يشوفك يدري إن الموت حاجة عايديه
كل ليلة في طوارف مبسمك يعلن وفاته

هات فنجال الهوى بإيدك وحطه في يديّه
لو تصبّ الموت في فنجال حبّك " قلت هاته "

[⁹⁷ @RFH_97]

يا واحدٍ جابك اللّٰه حلم و أعجوبة
الأرض ماتليق بك خذ موطنك صدري

قبلك حياتي ترى ماهيب مرغوبه
وشلون جدّد وجودك رغبتي ؟ مدري

عن عيني الناس ملغيّه ومحجوبه
ما أشوفك إلا سماي وكلهم حدري

[⁹⁷ @RFH_97]

تخير فالديار اللي يغشيها ظلام ونور
وفرق النور بالظلمه يبين غلطة فراقي

تمرك ليلة تطغى مشاعرها على المغرور
تدور فالبشر مثلي ولكن صعبه تلاقي

فمان الله يا آخر محطه والسنين تدور
فمان الله والهقوه تخيب هقوة الهاقي :)

[⁹⁷ @RFH_97]

أشتقت لك شوق مروين الدما للرهاف
و احتجت لك حاجةٍ من شوقي أدها و أمر

ما عاد لرموش عيني من رموشك لحاف
ولا لعطشان فاهي من شفاهك خمر

تعال خذني من ايدين المحل و الجفاف
خل المجاديب تزهر و الديار تْعمر

أنا أحسب كل ليلة معك ليلة زفاف
لو كنت تحسب حياتي معك ليلة سمر !

[⁹⁷ @RFH_97]

بدر له اليوم رابع ماغفى جفنه
اختل قلب وبان ان الخلل فيني

حتى لون الظروف القاسيه عفنه
بتلين لش كل صعبه لاذكرتيني

بدر حزامش الين يحط في كفنه
اقولها صاملً وانتي تعرفيني

انا تراني معش منا إلى الدفنه
والله ماخليش لين اوسد ايميني

♥️

[⁹⁷ @RFH_97]

انت الذهب معدنك والحشمه لباسك
« متفرده »ما احدٍ يقدر على غلبك

مْن الصواديف بسم الله على راسك
ومْن المضرات بسم الله على قلبك

تخطيط قلبك يبيّن رقة احساسك
كن الترف ماخِلق يا كون من صلبك :)

[⁹⁷ @RFH_97]

أنت ياللي كل ما هز المحاني طيفه
جرني طاريك من ربعي ومن جلاسي

كانك اللي فالمحبه موجسٍ له خيفه
والله اني بين لوعة خاطري وعماسي

كل حبٍ غير حبك ينكشف لي زيفه
وكل طيفٍ غير طيفك ما يهز أحساسي

وكل وجهٍ غير وجهك فالوجيه أعيفه
وكل صوتٍ غير صوتك ما يقند راسي

[⁹⁷ @RFH_97]

@vniiua شسمه عاد

[⁹⁷ @RFH_97]

هات كفك والله إني باسطٍ لأجلك كفوفي
جعل تفداك الكفوف الطيبة قبل الوضيعة

أتعقَّل في ديارك . . و أتجرَّد من سيوفي !
كلّ ظلٍّ معك أحبَّه ، كلّ دربٍ فيك أضيعه ♥️