حجرف

مفازة شعور .

[عيار @Eiar_q8]

يامليح من الليالي مابقى عندي صلابه
كل يوم تدرهم الايام بي درهام حرّه

من سريتك في تهاتيه الدروب اللي تشابه
اتكوع لهفتي ما جاء لوجه الصبح غره

اقتفيت الصبر مابرك على بابك ركابه
واقتنعت ان الحياة اللي تغر/ أكبر مغره

يركض الرجال فالدنيا مثل ركض الذيابه
يوم يلقى اللي يبيه ويوم مايلقاه.. مره

ياحبيبي دربك اول درب .. يرويني سرابه
والضما / مايذبح العاشق ولا يمكن يضرّه

وجهك اللي يعزف اوجاعي على وتر الصبابه
ان تصورت اتركه و شلون .. تتركني صوره ؟

تستبدّ عيونك النجلاء ….. وتنهبني نهابه
أثر صدق أن النفوس المغرمه ماهيب حرَّه!

ياسقى الله ديرتك من وابل يزبر سحابه
لين حتى يينع الزملوق لك في بطن حرّه

يالملاذ اللي زبنك القلب واقفى في صوابه
ما معه غير الفراغ العاطفي مثقال ذرّه

يوم طرقيك سلبه البعد من تالي زهابه
والله ان حتى الضحاح اليا لمع يقدر يغره

أتركوه يحدّ سيف الشعر من عتمة جرابه
ويتجلد في تهاتيه الخلا ويضيع سرّه

بدوي لو تشوف صلف …. تبكيه الربابه
لأطرق باب الضلوع الضيق طاروقه يجره

دايم الشوق القديم ليا استبدّ وحدّ نابه
ما يكبّ الا جروح ………. و شاعر لله درّه

@aida_901

[حجرف @R__Hi22]

@MOCQatar الف مبرووك شاعرنا عبدالعزيز الايداء وفالك الاول

[حجرف @R__Hi22]

باذن الله من نصيب المبدع عبدالعزيز الايداء
@aida_901

[وزارة الثقافة @MOCQatar]

تعلن وزارة الثقافة عن أسماء الشعراء المتأهلين لنهائي الشهر الثالث من مسابقة مثايل للشعر النبطي (الموسم الثالث)

[عبدالعزيز الايداء @aida_901]

كلام العيون أجلّ من ذمّة التخمين
ياوجه ٍليا طالت مساريك .. سامرتك

على نفس توقيت الغلا بأول العشرين
تقول الليال لضحكة شفاي ناذرتك!

زجرك الولهْ ، واخذك بيدينك الثنتين
تلعثم خجل ، وتذوب أحبك بحنجرتك

لاترتاب من يمّي ، وأنا اللي تْعرفه زين
انا عاذرك وجروح الايام عاذرتك

حبيبي يزين الوقت والا عساه يشين
فدى كل لحظات اشتياقك .. مكابرتك

تفيّا تحت ظل المحبّه ليوم الدين
انا واحد ٍ خيّرني الحظّ .. واخترتك!

[حجرف @R__Hi22]

@aida_901 لله درّك

[عبدالعزيز الايداء @aida_901]

مخفي الحزن خلف الضحكه الصفرى
ومشرع الصدر للفرقا وخنجرها

معتبر دمعتي من عزّتي عذرا
وانعزل عن عيون الناس واسترها

[حجرف @R__Hi22]

@naifalrashidi خثاريق

[حجرف @R__Hi22]

@shafialsgri ياما تلحّفت جلباب الدفا من سهرك
وغفرت ذنبي على شاني قبل لا اندمه

فعلاً شعر حقيقي وابداااع اسأل الله له التوفيق وبإنصاف اللي مثلك يواصل ابداعه

[حجرف @R__Hi22]

@qsaaf1 أخذت لله درّك من نفايس دررك
ماياخذ المبدع من الفكرة الملهمه

لله درّك
قصيدة عظيمة يابو فرحان وحضور ابطال

[حجرف @R__Hi22]

@Alrayapoet @qsaaf1 شعر حقيقي

[شاعر الراية | Alraya Poet @Alrayapoet]

قصيدة المشاركة 📜:
عبدالله فرحان، @qsaaf1

"حطي رحايلك عن وجه بياضه سترك
يضحك لي الوقت ﻻمنه ضحك مبسمه"

#شاعر_الراية | #الموسم_الرابع | #للشعر_بقية

[طخيّم .. @3iiixq8]

قصيدة للمتذوقين من الدرجة الاولى
-

خذيت الهوى طيش وعبث حب وأستهتار
على قولة العربان ( عيب وعليه شهود )

- مدغم ابو شيبة

[حجرف @R__Hi22]

يالله بصوتٍ يغيث السمع ، والكبد يْغسلها
فوق الارض المجرهدّه ، كنّه الوسم المبكّر

-فهد العيبان

[حجرف @R__Hi22]

عبدالله الصلاخي رهان الشعر هذا الموسم واحد ابرز شعراء هذا البرنامج ان لم يكن ابرزهم شعراً ..

«ودي إن مَهّل لي الله لين أَبَشَّر في عيالي
يقسمون البرّ طول أعمارهم بيني وبينه »

والله اني سعييد جداً بهالبطل
حضر عبدالله وحضر الشعر بأبها حلّه
لله درّك يالصلاخي @ab1_dl

[شاعر الراية | Alraya Poet @Alrayapoet]

قصيدة المشاركة 📜:

"مع علي كيف اقصر الخطوه عن دروب المعالي
ماخذٍ ربي بصر عيني ومعطيني يدينه"

عبدالله الصلاخي الحارثي، @ab1_dl

#شاعر_الراية | #الموسم_الرابع | #للشعر_بقية

[حجرف @R__Hi22]

الله يحشركم سوا ❤️

[بدر المحيني @Bader_Almhaini]

أعظم بشر يمشي على كوكب الأرض
والأرض فيه الله رفع مستواها

#محمد_بن_زايد
#بدر_المحيني

[أيمن الرويلي @ARowili]

كل ماقلنا ولي العهد تنبت طالة🇸🇦
والله ان كفه حصاد ونظرته وسميّة

حدّ شيخ البنقله يرجع على بنقاله
يوم شاف ان سلم راسه سلم بنغاليه

[مسعود آل شعفول @masuod974]

يا رفيق الجنب من باب الميانه
قد ما تقدر تصالح لا تصالح :)

لو تجيب من البحر عشرين دانه
حاربوك اللي يعبدون المشالح

لا توجد وجد من خانه زمانه
ما ترجع ذيب مرثيات شالح

الشعر في قلوبنا مثل الامانه
ما نعرّج به على درب المصالح

كان شح الماء وانا كبدي ضمانه
قلت في نفسي قراح العد مالح

ما احتريت من البشر قدر و مكانه
البسيطه فوقها صالح و طالح

اول اللي بار في يوسف .. اخوانه
و اول اللي ضد صالح .. قوم صالح

[مطلق الجبعاء @aljabaa50]

هادية مثل العليل مْن النسيم
عالية مثل الكريم مْن السحاب

حازمة مثل الكلام مْن الحليم
جازمة مثل الفعول مْن المُهاب

نجد حلوة مثل تدنيقة حشيم
نجد راس المجد ميدان الذياب

نجد نخلة نجد شلفا نجد ريم
نجد كلمة بس عن ميّة كتاب

يا جديد الحب يا الحب القديم
شابت الدنيا ولازلتي شباب

ما يهيم القلب وأن مرّك يهيم
أنتي أرضك مجد والباقي تراب

[سلطان بن بتلاء @sbinbtlaa]

احبك : اصغر من شعور ٍ بالضمير اشايله
عجزت لاآصل له بفصحاها ولاشعبيها

يااغلى متاع النفس من كل الحياه الزايله
يالجانب المشرق وياملح الحياه وضيّها

اليا ابتسمتي ماانشد الايام وشهي قايله
واليا زعلتي .. لابو الدنيا ولا ابو حيّها !

[محسن بن مترك @aprvip]

ناوه البال صوب دياره ومرباه
والصبر طق جوله ، والجفن بيّت

اغبط الداله الي ماتجيب اقصاه
حنّت الخلج ولا حنّت الويّت

جعل من حال دونه يوم جيت ابغاه
تاكل اعلى ضلوعه طلقة مزيّت

لا قدرت الوصال ولا قدرت انساه
والمواساه عنها ، شيمتي عيت

ساتر ِ سيرته حتى بعد فرقاه
مثل ستر الكفن لـ جنازة الميت