رافع .

مالي صلة ويا الدنى والعــذاريب ولا لي عن الطولة مصدات وقيود

[رافع . @Ra_u28]

ياموطني يا ديار العزّ يا أغلى عروس
ياللي عشقنا ترابك قبل يوم السّعة

دونك عن أهل الخيانة يا وطنّا ضروس
رجال حتى الرصاص الحيّ تتبلّعه

صقور في الجو وفي البحر وعلى الطعوس
تهجم على الباغي الخوّان وتركّعه

يا لابتي يا أهل المعروف ماني يؤوس
خلوني أفك باب الصدر واشرّعه

جنودنا ما بغوا منّا نعد الفلوس
أقلهم في نهار الحرب يا ما اشجعه

يبغون دعوة نقى ماهيب دعوة طقوس
دعوة تسرّ القلوب وتجلب المنفعة

@modgovksa
@flyingcamelpro
#يوم_التأسيس
#رمضان_كريم

[رافع . @Ra_u28]

يانجد عزك من زمن يدروبه
وانتى لنا جوخ الزمان وثوبه

واللي يهذري بك وهو مايدري
ملعون حظ ودولته منكوبه

مادنسك عبر الزمن مستعمر
تاريخنا وامجادها مكتوبه

ديرة محمد بن سعود الاول
الناس تعرف قدره وماجوبه

خرج من الدرعية اعظم قايد
على الفرس في رايةٍ منصوبة

واخرج اهلها من ظلامٍ دامس
نسل المريدي وقفته محسوبه

وارسى قواعدها وأسس دوله
وجا ورى الهقوه كما ظنوبه

واصبح ذرانا فالزمان الاول
والناس من زود الغلا حاطوبه

هدم عمار الذل بالحرية
واعطى البشر حقوقها المسلوبه

الله يجعل روحه في الجنه
القايد اللي ساقها بعجوبه

هذا محمد بن سعود الاول
والكل يعرف قدره وماجوبه

#يوم_التأسيس
#يوم_بدينا_1727

[رافع . @Ra_u28]

يامحمد بن سعــــود
صيتك مالي هالوجود

الله يرحم من رباك
حي لي والله نبــاك

يامؤسس هالبلد ..
هذي الدوله العظيمة
اللي لها معنى وقيمـة

وكمل المشوار تركي
استرد أمــجاد جده
العدو حده وصـــده

واشرق النور العظيم
يو جا عبــــــدالعزيز
ساطي وشهم وكريم
باني هالصرح العزيز

#يوم_التأسيس
#يوم_بدينا_1727

[رافع . @Ra_u28]

خذها معك واحتفظ فيها على شاني .

[رافع . @Ra_u28]

ماكنها الا مهرةٍ في يدين خيال
عجز يروضها وتغدي حلالة

[رافع . @Ra_u28]

ما كل من سمي برجال ، رجال
ولو كثر ماله وسمّن حالالــــه.