مُـر ..

في غرفةٍ تضحك عليّ من القلق جدرانها .

[مُـر .. @RaeidOtb1]

لازلت أقول الحي بيصادف الحيّ
رغم إني أواجه معاك ألف عده

قيدين في رجلي و قيدين في يديّ
وبيني وبين الوصل عشرين شده

وش اللي مجلس طيوفك حواليّ
وأنا مسافر روحه بدون رده !

[مُـر .. @RaeidOtb1]

@Nawaf_STATS يستاهلون محد قالهم يجيبون الدوري كويس ما شنقوهم شنق

[مُـر .. @RaeidOtb1]

قبل لَـ تكشف لوعتك فجّة الشوف
من ينسل خيوط الحزن من ضلوعك؟

دربك يباب وقبلتك شلف وسيوف
توضّ باللي ذاخره من دموعك

وكبّر ورتّل آية الضيق والخوف
واستشعر ان اللي تأمّه ربوعك

خلفك قبيله بشتها وبره حتوف
واخر ضحايا همهماتك وروعك

[مُـر .. @RaeidOtb1]

حبيت لي طفله تهز المراجيح
ويوم كبرت جابت لعمري كآبه

[مُـر .. @RaeidOtb1]

رحت عايف ماخذوك القوم مني
بين روس الشلْف وخشوم البنادق

لو ظنوني فيك تكذب يكفي اني
جيت صادق شعور ورحت صادق

[مُـر .. @RaeidOtb1]

ثلاث سنين ما هبت على صدره هبوب النود
تقول ان النسيم يعاتب ضلوعه على فرقاك .

[مُـر .. @RaeidOtb1]

@Nawaf_STATS هههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

[مُـر .. @RaeidOtb1]

في ساعة الفرقا بدا يركض الليل
لو الدقايق تنشرا .. نشتريها

أخذت حقي من يدين الرجاجيل
ولا قدرت أخذ يدي من يديها

[مُـر .. @RaeidOtb1]

ملامحي .. فيها التعب متعفّي
إن ماعرفتيني .!! فـ مالك لايم

جوالي اللي مايفارق .. كفّي
ما يقبل البصمة بوجهي دايم

[مُـر .. @RaeidOtb1]

بين السفر .. للنور .. ولا العتمة
أما تكون الموج .. ولا الشاطي

الناس برا .. ماتعرف الرحمة
وأنا هنا .. مع عزلتي متواطي

الإتجاهات الصحيحة زحمة
قررت أكون .. الإتجاه الخاطي

[مُـر .. @RaeidOtb1]

ودّي أدري عينك اللي تهبل بالعقول
هي بكت من بعد فرقاي ولا ما بكت

في فؤادي من فراقك مثل دبك الخيول
يا عذابي كل ما الخيل فـ الصدر دبكت !

[مُـر .. @RaeidOtb1]

كنت أعتقد ماورى هذا الركود إندفاع
لين المواعيد باعتني و لا بعتها

أنا جروحي من البارح عليها قناع
تظاهرت بالسكينه و أنت روعتها

أحلى الليال القديمه يا سنين الضياع
راحت مثل فرصة مرت و ضيعتها .

[مُـر .. @RaeidOtb1]

قل للحزين اللي من الفرقا تضيق به الدروب
لا من سرا به هاجس الذكرى .. يفارق وراه

هو مادرى حن في بعض الاحيان ما معنا قلوب
يمكن نعين واحدٍ يبكي ، ونبكي من بكاه .

[مُـر .. @RaeidOtb1]

رح سمّح الله درب رجلك لا تزيد ولا تعيد
غير الولي محدٍ بنافعني ولا احد بضارني

عندي يهون العمر لو أضيّع سنينه وحيد
ولا أصير من ضمن اختياراتك ولا تختارني .

[مُـر .. @RaeidOtb1]

احيان احس اني جبل متصديٍ هوج الرياح
واحيان احس اني غصون كل ريح تهزها

الحظ يبرك ويحبي والناس اكافحها كفاح
على مواريد الحياة اتدزني وآدزها

[مُـر .. @RaeidOtb1]

وشلون آملّ المكابر فالأمور الكبّار
والكبرياء جزء من نفسيتي وتكوينها

عجزت لا أناظر الدنيا بعين الأنكسار
أدعس على غارب الايام وأهينّها

ما يتعذر بالظروف الا عديم القرار
وما يبكي من الحياة الا مساكينها .

[مُـر .. @RaeidOtb1]

يا حبيبي في سبيلك قد حرقت كروتي
أنت حلمٍ لو قدرت احققه ، حققته

ماتذكرك الليال الموحشات بـ صوتي ؟
وما يذكرك الصباح بـ غاليٍ فارقته ؟

طال صبري في غيابك وأستمر سكوتي
ما استوى لي عودك المبري ولا عانقته

ومتلهف خاطري على ثغرك التوتي
ادري أنه حلو بالمره وانا ما ذقته !

[مُـر .. @RaeidOtb1]

توّي اصدّق سالفة سـدّ مارب
روايةٍ من سمْعها ضاق جاشه

شفت الآفاعي والعِدى والعقارب
نجيت مِنها وذبحتني فراشه

[مُـر .. @RaeidOtb1]

ثلاث سنين ما هبت على صدره هبوب النود
تقول ان النسيم يعاتب ضلوعه على فرقاك .

[مُـر .. @RaeidOtb1]

مهما تصنعت وتلونت بإتقان
يبقى شعور النقص حسب إعتقادي

اختر لوجهك لون من بين الألوان
إلا الرمادي لاتكون الرمادي

الاختلاف يكون ميزه اذا كان
مبني على التصرف اللا إرادي

يامرضي اهواء البشر وأنت زعلان
توهمهم انك مختلف وأنت غادي

صدقني حتى المختلف بعض الاحيان
لاحاول انه يختلف صار عادي