Rapide Seruka

[Rapide Seruka @RapideSe]

Evariste Ndayishimiye ntiyategerezwa kugaruka kwitoza mu 2027 ibara ryoba riguye
Umviriza umwihwezo watanzwe na Bob Rugurika (IC/RAPIDE-SERUKA) na Emery Pacifique Igiraneza(MAP/BURUNDI BUHIRE)

[Rapide Seruka @RapideSe]

NI BANDE BATEGURA, BAGASHIRA MU NGIRO, BAKONGERA BAGASHIGIKIRA AMABI AKORERWA ABARUNDI KUVA MU 2005?

TEGA AMATWI UTAHURE INGENE UBURUNDI BWAGEZE AHO BUGEZE

Ubutumwa "UMUSI W'IVYIZIGIRO" bw' Umuryango IC/RAPIDE-SERUKA N°57, bwo kw'igenekerezo rya 06/02/2026

[Rapide Seruka @RapideSe]

HARI ABAVUGA NGO ABARUNDI BIBAGIRA NINGOGA, ARIKO SIVYO.
WOBA URI MU MIRWI Y'ABARUNDI BIPFUZA IMPINDUKA MU GUHUGU?
TEGA AMATWI IMIRWI Y'IMBABARE TWIPFUZA GUHINDURA INTWARO MBI YA CNDD-FDD.
Ubutumwa "UMUSI W'IVYIZIGIRO" bw' Umuryango IC/RAPIDE-SERUKA N°56, bwo kw'igenekerezo rya 26/01/2026

[Rapide Seruka @RapideSe]

UMURUNDI WESE ABISHOBOYE YUMVIRIZE IKI KIYAGO. UMUGAMBWE CNDD-FDD UHONYANGA AMABWIRIZWA YA YEZU-KRISTU N'INTUMWA MAHOMET.
POLITIKE MBI YA CNDD-FDD IHONYANGA IRAGI RY'IVYAMAMARE BOB MARLEY N'UMUKINYI W'UMUPIRA W'AMAGURU PELE.
ABUNGERE BA EKLEZIYA GATORIKA MUSENYERI RUHUNA NA MUSENYERI NTAMWANA BARI BARABURIYE ABARUNDI
TEGA AMATWI

Ubutumwa "UMUSI W'IVYIZIGIRO" bw' Umuryango IC/RAPIDE-SERUKA N°55, bwo kw'igenekerezo rya 17/01/2026

[Rapide Seruka @RapideSe]

ABARUNDI TUREKE KUGUMA TWIBAZA ABAZODUKURA MU BUJA BWA CNDD-FDD, AHUBWO TWIYUMVIRE ICO TWOKORA MU NTUMBERO YO KWIKURAKO AMAGORWA DUTERWA N'INTWARO KARYANISHAMIRYANGO YA CNDD-FDD

Ubutumwa "UMUSI W'IVYIZIGIRO" bw' Umuryango IC/RAPIDE-SERUKA N°54, bwo kw'igenekerezo rya 12/01/2026

[Rapide Seruka @RapideSe]

UMWAKA MUSHASHA WA 2026, ABARUNDI TWOKWIGENZA GUTE KUGIRA TUVE MU BUJA BWA CNDD-FDD?

IKIYAGO UWA MBERE W'IVYIZIGIRO KIGIYE KWITWA "UMUSI W'IVYIZIGIRO", KUBERA KIZOZA KIRAKORWA UMUSI WOSE BIZOBA BIKENEWE

Ubutumwa bw' "Umuryango IC/RAPIDE-SERUKA N°53, bwo kw'igenekerezo rya 05/01/2026

[Rapide Seruka @RapideSe]

UMWAKA MWIZA.
ABARUNDI BARENGA IBICE 95% BAREMERA IMANA. UMVIRIZA INGENE UKWEMERA IMANA N'UKWEMERA IMPINDUKA ARI MAGIRIRANIRE
IBICE BIRI MUSI YA 5% NTIBISHOBORA KUGUMIZA MU BUJA IBICE BIRENGA 95%

Ubutumwa bw' "Umuryango IC/RAPIDE-SERUKA. Uwambere w'Ivyizigiro"-"Lundi d'Espoir"-"Monday of Hope"-"Jumatatu ya Matumaïni", N°52, bwo kw'igenekerezo rya 29/12/2025

[Rapide Seruka @RapideSe]

UBURUNDI BUGEZE HE? INANI ZA POLITIKE VYARANSE KO ZIKORANA KUGIRA ZITABARE UBURUNDI? IMIGENDERANIRE HAGATI YIZO NANI, IC/RAPIDE-SERUKA-MSD-CNL YIFASHE GUTE?
GUKURA AKARWI GAFUKAMYE MU NDA UBURUNDI BISHOBOKA GUTE?
BOB RUGURIKA, MU KIGANIRO UKURI KUNYWANISHA, ARABICA HIRYA NO HINO

Ubutumwa bw' "Umuryango IC/RAPIDE-SERUKA. Uwambere w'Ivyizigiro"-"Lundi d'Espoir"-"Monday of Hope"-"Jumatatu ya Matumaïni", N°47, bwo kw'igenekerezo rya 24/11/2025

[Rapide Seruka @RapideSe]

UMWAKA WA 2025 URARANGIYE USIGA ABARUNDI N'UBURUNDI MU NGORANE ZITAGIRA IZINA. ARIKO ABARUNDI BARACASHOBOYE KWIKURA MURI IZO NGORANE.
BA SOKURU BARAYAMAZE NGO IMISI Y'IGISUMA NI 40.

Ubutumwa bw' "Umuryango IC/RAPIDE-SERUKA. Uwambere w'Ivyizigiro"-"Lundi d'Espoir"-"Monday of Hope"-"Jumatatu ya Matumaïni", N°51, bwo kw'igenekerezo rya 22/12/2025

[Rapide Seruka @RapideSe]

UBWENGE BISIGURA IKI? https://t.co/oYchrfLhua via @YouTube

[Rapide Seruka @RapideSe]

UBWENGE BISIGURA IKI? KUBERIKI IMANA YAHAYE UBWENGE ABANTU NGO BABUKORESHE MU GUTORERA INYISHU INGORANE? ABARUNDI TWOKORESHA UBWENGE GUTE MU KUVA MU NGORANE CNDD-FDD YADUSHIZEMWO?

Ubutumwa bw' "Umuryango IC/RAPIDE-SERUKA. Uwambere w'Ivyizigiro"-"Lundi d'Espoir"-"Monday of Hope"-"Jumatatu ya Matumaïni", N°50, bwo kw'igenekerezo rya 15/12/2025

[Télé Renaissance @RTVRenaissance]

@RapideSe isaba ko hogira ivyisungwa mu bijanye n’ugufasha U-#Burundi
@rugbob78

[Télé Renaissance @RTVRenaissance]

@RapideSe exige que toute coopération avec le #Burundi soit soumise à des conditions strictes
@rugbob78

[Rapide Seruka @RapideSe]

#BurundiCrisis: Des esprits éveillés et éclairés auraient dû anticiper une société défaillante qui s'enracine de plus en plus dans notre pays. L'Église Catholique appelée à être un phare d'espérance et de vérité en ces moments où le régime @cndd_fdd fonce vers des élections controversées susceptibles d'enfoncer le pays dans l'abîme.
Détails dans cette correspondance envoyée aux Évêques en Septembre 2024.

[Rapide Seruka @RapideSe]

Après 3 mois sans réaction de la part de la présidence burundaise, l'Initiative Citoyenne de Rassemblement des Patriotes pour l'instauration de la Démocratie et d'un État de Droit au Burundi (IC/RAPIDE-SERUKA) publie le contenu de la correspondance adressée au Président Ndayishimiye en date du 12 Septembre 2024.
Les membres réunis au sein de l'initiative demandaient au Présidence Ndayishimiye
de convoquer un dialogue national incluant les burundais exilés et l'annulation du processus électoral en cours en vue de trouver une solution définitive à la crise qui perdure depuis 2015.

[Rapide Seruka @RapideSe]

RAPIDE-SERUKA
Ubutumwa
"Uwambere w'Ivyizigiro" bwo kuwa 09/12/2024.

●Mu muryango RAPIDE-SERUKA twemera iki?
●Uburundi bushasha twipfuza bwoba busa gute canke burangwa n'iki?

BARUNDI, BARUNDIKAZI, aho muri hose kw'isi:

Mu butumwa Umuryango RAPIDE-SERUKA wabashikirije muri iyo ndwi turangije, waratanze umuco ku vyatumye uvuka, ivyifuzo vyawo, ico uri be n' uko usa.
Mu butumwa bw'ino ndwi buca dutangura ejo ku wa 09/12/2024, twipfuje kubasaba ngo mudukundire tubayagire ku bijanye n'ivyo twemera.

Mu muryango RAPIDE-SERUKA,
ukwemera kwacu ni:

1) Turemera, tukemanga, tugashinga intahe ko hariho Imana imwe nsa, yaremye ijuru n' isi, ko ari nayo yaremye ikiremwa muntu mw'ishusho ryayo, imbere y'uko uyo muntu aba Umurundi, Umunyamerika, Umwongereza, Umufaransa, umubirigi, Umugande, Umunyarwanda canke Uwundi wese....

2) Twemera ko hazoba igihugu c'Uburundi gishasha, kitarangwa mwo imigera y' "amoko", aho kizira kikaziririzwa kuvugwa ubundi bwoko butari akabira kamwe gusa k' Umurundi.

3) Twemera Uburundi bushasha bugengwa na Reta igendera ku mategeko, izira mpinga yanje, umwana n'ikinono.

4) Twemera Demokarasi nsha y'akanovera itanga ubwisanzure, yemera gukemura ibibazo biciye mu biganiro n' ubugwaneza.

5) Turemera cane uruhara rw'uguserura ikiri ku mutima mu ntumbero yubaka, mu mwidegemvyo, ata gukebaguzwa be no kwitorera abayobozi, bibera ku mugaragaro.

6) Ntitwemera na gato Reta idahana, yiba, ikica, igasarira indava umuryano, ugushamirana, urwanko ibiturire, igatoteza, igahungabanya umutekano, ikongera ikivanga mu bijanye n' ingene abanyagihugu bitunganya ku vyerekeye umwimbu wabo biciye mu ku bashingira ibiciro bidahuye n'icuya babize, mu ntumbero yo kubahotora no kubagumiza mu migozi y'ubukene no gutsimbataza ubutegetsi bw' iterabwoba.

7) Ahubwo twemera Reta ikingira bose, igafasha abanyagihugu bimwe bigaragara mu kuronka umwimbu mwiza, ikongera ikagwiza amasôko n'ubushobozi vyotuma uyo mwimbu urushaho kugwira, ndetse ikanarazwa ishinga ryo kuronderera amasókó boshorera mwo umusesekara wabo hirya n'ino mu karere, ku mugabane wa afrika no kw'isi.

8) Twemera Reta iha agateka n'ikibanza bibereye kandi bikwiriye abakenyezi, batabanje kubagerera urugero batorenza mu nzego nkuko womengo akabira kabo k'abarundikazi, ubunyankamugayo n'ubushobozi vyabo si bimwe nk'ivya basaza babo.

9) Ivyo ntitwemera ko vyogaruka mu burundi bushasha twipfuza kuko ata kibanza na gitoyi vyohabwa. Ni biherere mu babizanye, bisigare iyo vyavuye.

10) Turemera rero kandi tukemanga n' ijwi rirenga, ku murango riva, ko ivyo Umugabo ashoboye n'Umukenyezi arabishoboye.

11) Twemera Reta ikingira umutekano w'abato n'abakuze itavanguye abopfa n'abokira, abopfungwa, abototezwa, abonyagwa, abakwiye kwomoka, kunyarwa, canke abakwiye kubaho nk'impunzi hanze no mu gihugu cabo, abakwiye gupfungwa hamwe n' abakwiye gukingirwa canke intakorwako.

12) Twemera Reta irazwa ishinga no gusasagaza amahoro arama, atari amahorerane, aho abantu banyuruzwa bashorewe ku macuniro nk'imbarwa, bene bo bakabuzwa kugandara. Ivyo navyone biragahera iyo vyavuye.

13) Twemera Uburundi bushasha aho twese twipfuza guhimiriza ingendo y'ubugwaneza no gufatana mu nda, mu kurushanwa guharanira ko ineza ya mugenzi wacu ariyo yobanza imbere y' iyiwacu.

14) Twemera Reta isubiza agaciro imico myiza n' akaranga vya ba sokuru, tukabireresha ibibondo vy'Uburundi bushasha, be no kugarukana KIRAZIRA.

15) TURAHAKANA, TURAMIRIRA KURE, TUKARWANYA TWIVUY'INYUMA, TUKAMIRIRA KURE UWO WESE ASHAKA KUVANGURA ABARUNDI YITWAJE "UBUDASA" BWABO.

16) Turemera Ubutandukane bw'ivyiyumviro.

17)Twemera ko, tugategera ko, tukazirikana ko insiguro y' ijambo "politike" yo mu Burundi bushasha, idushika twese mu ndiba z'imitima yacu ari imwe nsa:
" Ni UBURYO BWO GUTUNGANYA UBUYOBOZI BW' IGIHUGU N'ABANYAGIHUGU, BICIYE MU MATEGEKO N'INGINGO BIFATWA MU NTUMBERO IMWE NSA YO GUHINDURA BURUNDU IMIBEREHO N' UBUZIMA VY'ABANYAGIHUGU BIGANISHA KW' ITERAMBERE RYA BOSE, KU BWA BOSE NO KURI BOSE.

-Ni Tugire amahoro atangwa n' Uhoraho.
-Mugire iteka n' itekane aho muri hose.
-Uwubanka nawe n'abandureko.

-Mwamane ivyizigiro, umutwenzi uriko uratamanzura.

N'ahubutaha.

[Rapide Seruka @RapideSe]

UMURYANGO RAPIDE SERUKA
Uwambere w-Ivyizigiro, 01/12/2024.

Baryango mwese, Barundi, Barundikazi.
Aho muri hose: Hobe! Hobe!

Dutangure twibukanya ko iciyumviro co gushinga umugambi RAPIDE-SERUKA caturutse ku mibabaro vyatewe n'agahinda vyatewe n'amabi ashingiye kw'ihonyangwa rikabije ry' amategeko n'agateka ka zina muntu mu myaka 20 iheze y'ubutegetsi bubi bwa cndd-fdd, aho:

1)Abavyeyi bibaruka ntibarere uko bavyipfuza, kuko indero yatitutse bikabije kubera imigambi mibi ya Reta.

2) Abarimyi isinzi bakabura ico batabiza imirima kandi bakirihiye amafaranga.

3)Abagize amahirwe bakimburira guheranirwa no kunyarwa, abana n'abavyeyi bakifumbereza, batubitse uwavubi.

4)Bwaca umuntu akabura agasukari ko guha abana.

5)Bukeye kabiri umuntu akabura n'igitoro co kuja gufuba uwiwe, canke kuja gushora umwimbu nawo ugatinda ukamuborerako.

6)Abarundi isinzi baragihunze kubera politike karyanishamiryango yubakiye ku karangamutima gafatiye ku nyigisho z'urwanko, ubwicanyi, aho abarundi bicwa babavanguye bazira amacakubiri y'intara, ivyiyumviro vyabo canke amacakubiri afatiye kuri wa mugera umugambwe CNDD-FDD wagize umutahe wayo wa politike, aho hisungwa ico bo bita ubwoko.

Sivyo gusa, intwaro ya CNDD-FDD ni igiseke c'ikibi kibishe kirumijemwo ugusasira indava ibiturire, ukunyuruza abantu n'itunga rusangi, ukununuza abarundi biciye muri zana amagi zana amasoro biciye mw'itozwa ry'amafaranga y'agasakisaki ku gahato, ugukingirikibaba inkozi z'ibibi, nayo inzirakarengane zikaremekwa inteba ishushe, mbere zigatabwa mu mvuto hahonyanzwe amategeko.

Mu nca make, abarundi benshi baribasiwe n'ibiza, ingwara z'ihahamuka ziva ku gahinda kuko barira atawe bayaha, tytibagiye ingwara zibasiye ibibondo ziturutse ku gufungura nabi, ubukene bukabije n'inzara, tutavuze ibiciro vy'ibifungurwa biduga buri munsi atacamira, etc.

Ibintu birabandanya gutituka ku mu rindi uteye ubwoba, ariko ntihigere haboneka ibisubizo. Ivyo bituma vyose tuvuze n'ibindi tutadondaguye nivyo vyatumye havuka Umuryango RAPIDE-SERUKA.
Nkako, umurwi RAPIDE-SERUKA, ntituwubona nk'umugambwe, ihuriro, urunani canke ihuriro ry'imihari n'imigambwe vya politike. Ku bwacu, turi isinzi tuwiyumvamwo kandi tukawufata nk' Umuryango w'abarundi bava mu ngeri zitandukane, mu budasa bwabo, barajwe ishinga n'ineza y'Umurundi n'umurundi. Twibukanye ko Umuryango RAPIDE-SERUKA wavutse inyuma y'ibiyago vyabaye hagati ya bene Burundi, bazanye amaraso mashasha, ivyiyumviro bishasha bigamije amahinduka y'imibereho n'ubuzima bishasha vy'abarundi bose atawusugaye inyuma, kuko abo barundi banamye rimwe BAGAPFUNDIKA IJAMBO NTABANDUKA RY'UKO UBURUNDI BUKENEYE GUTABARWA VUBA.

Nta kindi cabahuje atari uyo mwitwarariko w' ineza y' abanyagihugu bose batavanguwemwo imbarwa n'izo mu rugo nkuko twese tubibona, biciye mu gusezerera burundu amacakubiri ayariyo yose.

Tutarandiriye, mu muryango RAPIDE-SERUKA tubona ko bikwiye ko ukurandurana n'imizi iyo migera y'amacakubiri n'ayo mazina atabereye abarundi bikwiye kwitabwa n'abarundi bose gushika umunyagihugu wese atahure ko ikiduhuza kimwe ari igihugu cacu kimwe, ku bwivyo rero akabira kacu k'abarundi ko nyene dusangiye nibwo bwoko bumwe nyene gusa bw'abarundi.

Hanyuma y'ivyo tukazogendera ku mahame agenga iyubahirizwa ry'ubwoko bumwe bwa kiremwa muntu, vyonyene gusa.
Tutarandiriye, Muri RAPIDE-SERUKA twipfuza kandi gushira imbere
ibikorwa bizoza bisanasana abantu, maze umurundi agatunganirwa mu mutima, mu mubiri no ku mubiri, mu muryango no nu gihugu ciwe, ndetse naho hose azoba ari ku mpande zose z'isi, aho azoba yishira akizana yubahirijwe mu burenganzira bwiwe.

Ivyo none bisigura iki? Kubw'umuryango RAPIDE-SERUKA twipfuza Reta yiyubaha, ikiyubahiriza mu makungu kugira iyubahirizwa ry'agateka ka zina murundi mu biwe no mu twiwe, kame kaza imbere, aho boba baherereye hose.

Vyongeye, Umuryango RAPIDE-SERUKA uripfuza kandi ko agateka k'umunyamahanga wese ashimye kuba mu Burundi bikurikije amategeko be n'umuryango wiwe bafise uburenganzira busesuye kandi bwuzuye bwo keubahirizwa mu gateka kabo, co kimwe n'umunyagihugu uwariwe wese.

TUGIRE RAPIDE-SERUKA, MUGIRE UBURUNDI, IRAGI RYA BA SOKUKU BACU.

UHORAHO ABANE NAMWE.