الرمادية

Neuropsychiatrist 🧠 ..
لَوَدِدْتُ أَنِّي تُرِكْتُ كَفَافًا، لَا لِي وَلَا عَلَيَّ

[الرمادية @RedaKKhalil]

طالعة من عيادة مشرف الرسالة بعد ما مضيت
بفكر فى حاجة مضايقانى وبستغرب من الدنيا
صوت المنشاوي شغال .. فإذا استويت أنت ومن معك على الفلك فقل الحمد لله الذي نجانا من القوم الظالمين
اعتبرتها رسالة لحياتي عموما مش الرسالة والامتحانات
الحمد لله فى الأولى والآخرة

[الرمادية @RedaKKhalil]

أحب أنني وحدى وكل الأسباب المؤدية لذلك
وأكره أنني وحدى وكل الأسباب المؤدية لذلك

[الرمادية @RedaKKhalil]

طيب وانا اقابل امراضهم النفسية ليه
ما خلينى فى حالى من الأول 😅

[الرمادية @RedaKKhalil]

سعيد أننى وحدى
حزين أننى وحدى 💔

[الرمادية @RedaKKhalil]

بزق الأيام بس
بعدهم عدد
انا حتى مش فاكرة النهاردة إيه
بفتكر بس ورايا ايه وهعمل ايه ويخلص اليوم اعيط لغاية ما أنام وأصحى أعمل نفس الحاجات

[الرمادية @RedaKKhalil]

الإنسان بيضحك على نفسه
بيحايلها لغاية ما يخلص يوم او شهر أو سنة
واهو عمر بيعدى ما بقتش عارفة بيعدى ليه ولا
فى ايه
أنا تعبت قوى والله

[الرمادية @RedaKKhalil]

والله مش مكفينى ولا مريحنى فى الدنيا دى
غير حسبي الله ونعم الوكيل

[الرمادية @RedaKKhalil]

حاسة إنى محتاجة احكيله كل حاجة ...

[الرمادية @RedaKKhalil]

مشرف الرسالة متفاجئ إنى متأخرة اكتر من سنة عن المعاد اللى اداهولى
طيب اجيبهاله ازاى ؟!

[الرمادية @RedaKKhalil]

الإنسان وحيد مهما افتكر العكس
حزين مهما مثل على نفسه
يا رب يا واسع

[الرمادية @RedaKKhalil]

يا مين ياخدنى تانى يرجعنى لدنيتى 🍃

[الرمادية @RedaKKhalil]

كنت دايما بقول كده زمان
لحد ما شفت صعوبة الحياة وبقيت اتخيله كل يوم بيتصاب من صياد

[Assaad Taha أسعد طه @Assaadtaha]

لا أغبط مخلوقا قدر العصفور
إنه دوما حر طليق لا يحمل بغضا لأحد

[الرمادية @RedaKKhalil]

@RedjorySaroona اتمنى والله يا سارة انا تعبت جدا .. دعواتك ❤️

[الرمادية @RedaKKhalil]

ينفع اعمل acknowledgement بتاع الرسالة إهداء لاكتر ناس اذونى فى حياتى مش عشان النضج والكلام الفاضى ده 😅
لكن عشان أنا خلصت الرسالة بسببهم
من كتر ما انا بقيت كارهة نفسى وكارهة الدنيا ما بقتش متحملة اى حاجة تضغطنى وتزن عليا

[الرمادية @RedaKKhalil]

وبعدين ؟؟!

[الرمادية @RedaKKhalil]

يقتلنا ...

[بَلاغَة @Blagha1]

أين يذهبُ الكلام الذي لا يُقال؟

[الرمادية @RedaKKhalil]

؟؟!!

[أبوالوفا @Aboul_Wafa]

قالت: ليه بني آدم يعمل كده في بني آدم بيقول انه بيحبه؟؟!!!
#جلسات_الخميس

[الرمادية @RedaKKhalil]

فيه ليالى كده بتقعد فيها مع نفسك
وللأسف بتفتكر كل حاجة كأنها النهاردة
وبتعيط كتير كتير خالص
وتكتشف إنك وحدك جدا فتعيط أكتر وأكتر
يا رب يا واسع

[الرمادية @RedaKKhalil]

انا ممكن أفهم إزاى لما شخص يحكى معايا عن مشاكله ما اقدرش اساعده بشكل ما
لكن إزاى بقيت لما شخص يحكيلي عن مشاكله ايا كان نوعها أسكت وأفضل اعيط طول اليوم
إزاى بقيت شخص هش كده

[الرمادية @RedaKKhalil]

لك الحمد إنى حزين حزين
وحزنى يجاوز درب المدى