كنت بحب وأنا صغيرة مشاهد توم آند جيري لما حد يخبط في الحيطة ونجوم تلف حوالين راسه كده، معرفش هل ده ليه علاقة في اللاوعي بتاعي مثلًا بإني بدخل في الحيطة كتير وأنا ماشية ولا محتاجة ظبط زوايا ولا المشكلة فين؟
فريد شافني باكل بقسماط بشاي بلبن ف جيه قعد جنبي يقلدني، ف بيمسك البقسماطة م النص يعمل مجهود جامد جدا في إنه يسقيها، وبعدين يروح واكل م الناحية اللي مش متسقية ويقعد يبصلي ويبص للبقسماطة وللشاي بلبن ويستغرب في مشهد عبثي جميل