احسّ اني كبرت وبيّن بطبعي مدى التغيير
فلا هذا هو احساسي ولا هذي هي اطباعي
..
بديت اتعمق ! بنفسي ولاأ هتم لكلام الغير
يقولون الهوى غفله واقول ان المدى واعي
..
غديت اودّع المقفي ولااحب اسمع التبرير
واشوف ان التفاصيل الكثيرة مالها داعي!!
كيف تطلع من خفوقي وتدخل كل حين
والخلايق لا اطلعو منه ما عاد ادخلو
..
في هواك اشد وأنزل الين إنها تزين
مثل بدوٍ في هوى الذود شدو وانزلو
..
أنت مثل الدله اللي تشوق القالطين
لو يجي فنجالها مر قلت إنه حلو!!
دامها في تالي الوقت تلويحة كفوف
ليه اظيع مع جنابك سنيني وجهدي
ماحداني عن وصالك مداهيل وظيوف
ذاخرك عن جملة الناس عوني وسندي
قد خذاك الوقت مني وقفت بك ظروف
صرت اشوفك مع حدود السما مدري الجدي
ياالهبوب اللي تهبين من حد الهفوف
هبي الليله على القلب و الجرح الندي..
#سمي_النور