البندري

"من يطاوع شور قلبه عزتي له"

[البندري @Rlliis]

اللهم أوصيك بـ جدتي وجدي خيراً ، ربي أكتب لهما جنة الفردوس وكوثرها وأنهارها وظلالها التي لا تنتهي ، يارب إجعل قبرهم برداً وسلاماً ونوراً و ضياءً إلى يوم يُبعثون💕.

[البندري @Rlliis]

صباح الخير — أمّا بعد
« أنا ماني إلا أنا ولا لي أمثال »
لا من أشباه الاسم ولا أربعين الملامح.

[البندري @Rlliis]

عذبةٍ رعُبوب مَمتلكة الزين كلَه.

[البندري @Rlliis]

اعذب الاوقات.

[البندري @Rlliis]

من لقى منك البشاشه و السماحه
و اللسان الذرب و الهرج القراحي
ㅤ
لا تلومه لا أنكسر صوبك جناحه
ما يمرك واحدٍ و يروح صاحي.

- سعد بن جدلان .

[البندري @Rlliis]

منهج العقّال:

«أنا ليا كثرت الاشاوير ما أشير
وحلفت ما اجي واحدٍ ما دعاني»
—
«من لا يشيرك لا تباديه بالشور
ومن لا يودك نور عينك فراقه».

[البندري @Rlliis]

اللهم إن عبدك فواز بين يدي رحمتك اللهم إغفر له وارحمه وتجاوز عنه يا ارحم الراحمين وصبر قلوب اهله ياارب العالمين .

[البندري @Rlliis]

في مرحله يوصلها الإنسان مثل
- الإكتفاء بالنفس والسلامة الداخلية -

وطرّاه اللي يقول:
وش لزومي في مفاهيم البشر مخطي وصايب
العقول مقسمة والعاقل بعقله تقدّا

أستميل لعزلتي وأبعد ولا عندي سبايب
غير حبي للهدوء إللي عن اللجة مبدّا.

[البندري @Rlliis]

"والناس تتزاحم على شرب الانهار
وأنا مكفيني عن الناس بيري

ويوم الطيور تهاجر وتقطع أبحار
انا مبرقع داخل الصدر طيري

ماني لكل مضيع دياره ديار
وماهو ضروري كلٍ يذوق خيري

انا فدا اللي ينتظرني على نار
إن غبت عنه مايعوضه غيري".

[البندري @Rlliis]

لو تحاربك الحياه . . وما عليها
أنت ادرى عن مدى أحلامك وذاتك

كل لحظه تعيش فيها ، عيش فيها
لا تخلي غيرك . . يغير " حياتك ".

[البندري @Rlliis]

سمعت ان تمعن بالوجيه ومالقى شرواي
وأعرف انه يعيش متيّمي ويموت ملهوفي.

[البندري @Rlliis]

أنا في رجا الله لو ما تنصفني الأقدار
أوّقف وانا متسامي، وخاطري راضي

تهون الحياة من وين ما شفت لطف البار
لو يروح حلمي من يدي عشت متغاضي

تمنيت شيء.. وقَدّر الله شيء وصار
يعيض الله اللي راح حلمه على الفاضي.

[البندري @Rlliis]

ياشبيه النور لامنه تسلل
للمكان اللي تغطيه الستاير.

[البندري @Rlliis]

معك وصلت الى ..حـدود الانبهار
صرت .آتمعّـن .. لا إرادي و ابتسم

من يـوم ناظـرتـك بعيـن الاعتبار
ونا " مُتيم فيـك !! ..حتى فـ الاسم

مايشبهك فالحسن في كل المدار
الا سحَاب الغيث في وقت الوسم.

[البندري @Rlliis]

انا واحدٍ يضحك حجاجه وصدره غلْق
يبي ضحكته وظروف الأيام مانعته

تحدّه على جور الليالي وبعض الخلق
وهو يدري إن الناس ماهيب نافعته

تدور الليالي بين ضيقه ، وعبرة حلق
وانا الطيب اللي دورة الوقت موجعته

أجامل وانا دمّي حياوي ووجهي طلق
وصبري بـ صدري لا شريته ولا بعته .

[البندري @Rlliis]

أنا مابي من الدنيا بعد هالمرحلة رغبات
عسى اللّٰه بس يكفيني .. هوى نفسي وزلاّتي.

[البندري @Rlliis]

"وان زعلت؟ ارضتك الايام وارضتك الليال
السنة واااجد ثلاثمية وستين يوم

ما بعد قفى المقفي وقلنا له تعال
من يبي الصدة يبيّن علمها ومْخدوم"

[البندري @Rlliis]

قاعدة حياة :
— أنهي كل علاقاتي ولا يرف لي جفن
" محدٍ على عزة النفس مبدأ "

[البندري @Rlliis]

تبي تزين الامور .. وينشرح صدرك
العسر بعده يسر .. لو طالت المدّه

اظن بالله ( ظن ) الواثق المدرك
مهما تضيق الصدور وتكبر الشِدّه.