ريان

شاهي وشعر فقط💙

[ريان @Ryan_op9]

اسمنا يوم القبايل يستمون
غامد الهيلا من آلاف القرون

تعرف الهيلا وغامد يعرفون
والاسامي بالمواقف والافعال .

[ريان @Ryan_op9]

كل عام وانتم بخير❤️

[ريان @Ryan_op9]

"اللهم إنك عفوٌ تحبّ العفو فاعفُ عنَّا"

[ريان @Ryan_op9]

لاباس .. يا راس ملته التفاكير
وعاف المنام وعاف لين الوسادة

لابد من عقب المصاعب تياسير
والآدمي يصبر .. وصبره عبادة

نتعب ونقطع بالركادة .. مشاوير
وسعي الطفاقه غير سعي الركادة

بكره يبين الصبح ويغرد الطير
وامشي مع العالم واوزع سعادة

[ريان @Ryan_op9]

تدلعي وأخذي القلب النزيه الغيور
يالفتنه اللي زمام الأمر في يدينها
ٰ
وإذا غشاك الكبر ولا غشاك الغرور
هذي من حقوقك اللي تستحقينها.

[ريان @Ryan_op9]

تدللي وتدلعي ي الفاتنه ي الاميره
وانثري شعرك الحرير واتركيه يتمااايل

من مفرق القذله لين الخصال الاخيره
للحسن ايه وانتي اكبر مثال ودلايل .

[ريان @Ryan_op9]

اذا ودك ترجع

تعال عندي لك من علوم قلبي علوم
مشاعري فيك .. ملهوفه ومتمسّكه

متعود أكلمك وأواصلك كل يوم
واللي تعود له على شي .. ما يتركه.

[ريان @Ryan_op9]

شفت النجوم الي تخاوت مع الليل
أضرب عددها في عددها وزدها

أحسب خطوط الطول والعرض بالميل
أجمع شعوب الأرض وادبل عددها

أكتب رقم مليار مليار تدبيل
مليار في مليار وضاعف عددها

أحسب عدد ماسبّح العبد بالليل
ومادارت أيام السنة في بددها

شف النتيجة كم تطلع بتحليل
ذي قيمتك عندي وهذا عددها.

[ريان @Ryan_op9]

كنت احسب انك سارح في عيوني
واثرك معاي وانت فكرك مع الغير

لاصرت تقدر تعيش عمرك بدوني
والله يذكر هالعلاقه على خير

شق الصور شطب رقم تلفوني
انسى ويعني لافترقنا وش يصير

كم قلت للعالم ولا صدقوني
ان البشر فيهم مرض حب تغير.

[ريان @Ryan_op9]

وكيف بنساها وأنا لا جيت أنادي
اتمسّك باسمها خوف يخرج

فكرة النّسيان منزال بوادي
وطيفها سيل مسيرة يندرج

وقدرها في العين وإن حول فؤادي
والغلا يطلع على مثل الدّرج

حسنها وأسلوبها سرّ انقيادي
والوفى والصّدق حدّث لا حرج

وصلها كايد وهي تسكن بلادي
انشد اللي بالمرابع قد درج.

[ريان @Ryan_op9]

يانفسي الي ضايعه بين رايين
ماودي أظهر للعرب كل خافي

انا الغريب الي غريب من سنين
وانا القديم الي قديم أختلافي

تلعب بي الدنيا من يسار ويمين
وامشي على رمضا المقادير حافي

انسان وأنساني ضمير وحمر عين
غامض مع العالم ولي قلب صافي .

[ريان @Ryan_op9]

@SaudiNews50 الي استفدت منه خصم لمحل الشاهي

[ريان @Ryan_op9]

هذا الرعد ترا ماهو ترى جنّ وأشباح
بسم الله الرحمن وش بك جفوله

طاح المطر و أنتي تقولين ماطاح
طلي من الشباك شوفي نزوله

ومدّي له إيدينك بلا خوف وإصياح
في إيدينك الحلوات يحلا هطوله

وحطي له أكفوك علشان يرتاح
وتنبت على كيفّك ورده خجوله .

[ريان @Ryan_op9]

من زين عينك تقول برمش عينك زناد
ياخذ عقول العرب في رمشته لا رما

الزين لو له بلد بتصير ريّس بلاد
وكل البشر تحسد اللي للبلاد انتما

تعال خل التغلي والعتب والعناد
الشوق من فوق حده ياحبيبي زمان .

[ريان @Ryan_op9]

أخسرك واجيب غيرك وأبيعك
وأعلمك انه الدنيا ماتوقف عليك

كل يوم قدرك يطيح وقيمتك ترخص
هذا فعل يدك وانت ادرى بأفعالك

مردها بتزين فيك ولا بدونك وحظ
بالخطأ جابك يجيب غيرك

ماني مغرور بس اعرف قيمة نفسي
صدقني أعجبك ولكن صعب تعجبني.

[ريان @Ryan_op9]

قالو علامك غادي . . اليوم شيبه
توك شباب وماليا وجهك الشيب

ان كان شيبك . . فاقد لك حبيبه
ياما فقدنا و الليالي . . تجاريب

قلت الهوى كبيت خبثه و طيبه
لو الهوى ما هو حرام ولا عيب

شيبي فراق اهل العلوم العجيبه
اهل النخاوي عند عوج العراقيب .

[ريان @Ryan_op9]

من لا يحس بقيمتك وانت موجود
ماهوب ناشٍد عنك لاصرت غايب

حاول تفرق بيض الايام والسود
ياقلب ما كل الحبايب" حبايب"

اللي يبيك يجيك لو دونك قيود
يكسر على شانك خشوم الصعايب

واللي يبي فرقاك لو دروبك ورود
ماجاك لو انك من ادنى القرايب .

[ريان @Ryan_op9]

اعطيك فرصه ثانيه واصبر و اشوف
و ان عدتها ما عاد لك عندي مقام

الرميه الاولى إليا اخطت فالكتوف
الثانيه فالقلب .. مافيهااا كلامم .

[ريان @Ryan_op9]

" لا تختصر وأنت صوتك منوة السامع
سولف لو السالفة مال امها داعي "

[ريان @Ryan_op9]

أدور سبب للسالفة معك مدري كيف
لو تقول مدري .. قلت ابنشدك عن مدري .