s.

" آنا اكبر من الأيام ، وآقسى من الشدة "

[s. @S0_a7i]

على القمّه اللي تِتعب الصامل الرقاي
تعلّيت ، وعزومي ، كبار ورهاويه

انا اضحك على الجاهل وانا على مركاي
ولا ادقّـق فـ هذي ولا ادقّـق فـ ذيّه

انا احشم الصاحب واحطه على يمناي
و اوقف ، ليا من حل ذكره وطاريّه

سلامي على راسي سلامٍ يغيض اعداي
لو اني م اشوف اعداي بـ العين موليّه .

[‏᷂عسر٨٨ @Qhta10ni]

كم واحدٍ قاضي حيله و ودّه يطيح
وتوقفة نظرة اللي يحسبونة قوي

[s. @S0_a7i]

منشغل بأحلامي الي دونها قومه وطيحه
أقتنص حلو الفرص قبل المنايا تقتنصني

[‏᷂عسر٨٨ @Qhta10ni]

وجيهنا تستحي وقلوبنا جسره
ووجيهم جسرة وقلوبهم ماشي

والكل منهم يسد ويقنعه كسره
وممحق من المرتشي لا رشي سوا الراشي

ان ماكليت بيمينك عيشتك حسره
اقنع ترا الذيب ما خلا لك اعراشي

حنا على دروبنا ودروبنا عسره
والكيد كيد النساء والحش للواشي

[s. @S0_a7i]

الله الله يا الـــدروب المستقيمه
كيف أجــادل واحدٍ ماهوب قدِّي ؟

شرهة العاقل على النفس الكريمه
وأحتفظ بالرد في مزحي .. وجدّي

”يفرح الجاهل ويحسبها هزيمه
مادرى إن عيني لمثله .. ماتلّدي“

صدتي عن بعض خلق الله غنيمه
ما يوالف قلبي القلب المصدّي ..

[s. @S0_a7i]

العزم سيفٍ نسله في وجيه الظروف
وإيماننا بالقدر شره وخيره قوي

ياقلب لا يلحقك من غيب الايام خوف
ان كان ربك كتبها تستوي تستويّ .

[s. @S0_a7i]

مجاهد النفس أقسى من جهاد الحياه
ما بين عقلٍ ثقيـل و بين قلـبٍ خضـر .

[‏᷂عسر٨٨ @Qhta10ni]

دام الحياة ظروفها ترخي الروس
الموته اللي ترفع الراس متها

[s. @S0_a7i]

ما يلحق التقصير عزمي وباسي
لكن ظروف الوقت عيّت ترفق
ٰ
ما عاد ابي عقل الذكي والسياسي
اليوم ابي حظ الغشيم الموفق

[s. @S0_a7i]

@E_ND10 افضل واحد ابو صالح 😍😍

[s. @S0_a7i]

بعض الطواري جعل ماهيب فالذمه
ياعابرين المحيط اللي ماهوب هادي

مافيه واحد يعصب الراس بالعمّه
يقنع قبل لا يرد الصوت وينادي

يرضى من المدحه او يزعل من الذمه
ويحب من كلمه او من كلمه يعادي

طبيعي اللي يصير بعالي القمه
اكثر معادينه اللي بأسفل الوادي

[s. @S0_a7i]

ينعرف فرق الرياجيل لا طال الطويل
وان تبرت صفرة الراي من عبرودها

جعلني فـ عيون ربعي قراحٍ سلس��يل
وفي عيون عداي سمٍ يعل كبودهـا

[s. @S0_a7i]

أسأل الله العظيم رب العرش العظيم ان يفك أسره وان يوفق سرحان بن عبيد إلى أعتاقه لوجه الله تعالى وماعند الله خير و ابقى ،
#غامد_تنخا_سبيع_اهل_العفو
#عتق_رقبة_سعيد_بن_شدا

[s. @S0_a7i]

@ou1c0 ماعليك زود طال عمرك ♡︎.

[s. @S0_a7i]

صروح المراجل بذل يمنا وقو عزوم
واهلها بشوت المدح تزهى مناكبها

على منهج مطنّخ مواقف وفعل قروم
مواقيفنا وفعولنا لا تغاربها

لن�� فالمعرفه وزعه وفالسلوم سلوم
ولنا سمعة ،، يفلج ،، نباها مكذبها

خذينا التجارب من مجالس كبار القوم
قبل لا تعلمنا ،، الليالي تجاربها )؛

[s. @S0_a7i]

انا من الناس يا سهلي ويا صعبي
بحرٍ تشوفه ولا تقدر على عومه .

[s. @S0_a7i]

حتى الحديد الى بلا جوف واحساس
نبت فيه من عنا الوقت نبته

[فهد بن حثلين @F_BinHithleen]

في الآونة الأخيرة بدأت أسمع كلمة (مش) من سعوديين كثيراً للأسف وكنت اسمعها و أنا ممتعض.

لكن يصل الأمر أن يراسلني ليلة البارحة أحد منسوبي نادي الإبل وهو من ابناء البادية ومن قبيلة عرفت بأن العرب كانت ترسل ابنائهم اليها ليتعلموا منهم فصاحة اللسان والبلاغة ليكتب لي:

(جيد خاصة انه مش منهم)

اعتقد ان الأمر يحتاج إلى تغريدة لمحاولة لفت النظر للإعتزاز بلهجتنا وعدم الإنسلاخ تحت اي ظرف🇸🇦

📌 يا رجال العلم يا ملح البلد
من يُصلِحُ الملحَ إذا الملحُ فسد؟!

[s. @S0_a7i]

يالله اطلبك التوافيق والصبر الجميل
فوق دورات الليالي وميلات الحيـاه

الزمن يمضي وحدّه مثل حد الصقيل
من تعدا الحد حدّ الزمان حده علاه

والكريم معان والضعف من حظ البخيل
وانت حدد وين الاطيب هذا ولا هذاه

خلك اللي لو تميل الرواسي مايـميل
وخل لك قيمه وشيمه ومبدا واتجاه