سـهـاج

.✍️

[سـهـاج @S1h1II]

ويمرني مع طارف الليل انسان
كامل مكمل مير ماهو رحومي

يعلن في جوف المعاليق اعلان
كنه يقول قلبك لحبي خدومي

والله ماانساه وانا اعد النسيان
ماهو من طبعي ولامن سلومي

[سـهـاج @S1h1II]

راحت حياتي في الهوى وانا ولهان
سلوة ضميري عندي والله عقوبه

سبة خليلٍ حسِين الوجه والاعيان
الزين في وجهه وملقاه واسلوبه

حبه عقيدة ماجت في كتب واديان
يدين به العاشق والعذل كذبوبه

[سـهـاج @S1h1II]

قالوا سليت وقلت وشلون بسلا
وهو في بالي يعاقب ضميري

بغيته مير صدوف الزمن عجلا
لا والله الا شب بي السعيري

عينت فيه الزين وعيون نجلا
وماعينت من الحب رجلً يجيري

وان جاني الموت فـ اهلا وسهلا
ماني بناسيه لو صار الي يصيري

[سـهـاج @S1h1II]

لحدٍ يلوم الهواوي مبطي وبدري
خلوا الهواوي بين الحاضر والإعاده

[سـهـاج @S1h1II]

وراني من جفاه سكة لدربين
درب العذاب ولا درب الخسارا

ولاشك منهو قادر يجمع الثنتين؟
الا صويب الحب ولا السكارا

[سـهـاج @S1h1II]

"والله لولا الشرع لاقول الاذان
انا اشهد ان قلبي بحبه يدومي"

[سـهـاج @S1h1II]

تعبت ماعاد لي فالهوى من قدره
والنوم له مدةً ما هجّع العيني

قد شفت من الزمان شره وشره
خيره لغيري ماهو والله ياتيني

[سـهـاج @S1h1II]

مليت فراغ كنت اعيشه بدنياي
وملكت روح المعنا وانته الوالي

خفف عذابك شوي هذا هو رضاي
خلني اتمالك اعصاب عقلٍ بقالي

انتهت فقرتنا لهذا اليوم..

[سـهـاج @S1h1II]

واليا شفت موتره والعين رقيبه
يطلع مغيم يالعنبو من يخافي

خواف عواف ذباحٍ عذاريبه
ومن المزايا سحر عيونه يشافي

[سـهـاج @S1h1II]

مانساك لو اني قاصرت عقبك قبور
الموت حق وحبك في عيني طريقه

[سـهـاج @S1h1II]

خذا عقلي وقلبي من قبلها كاويه
الله حسيبه شتت لي جميع افكاري

بغيت اجيه مير وينه ووين اجيه
خواف عواف بُعد داره عن داري

[سـهـاج @S1h1II]

كن اللغة محكومةٍ من بين حروفه
ما اشوف الا ثلاثة حروف في عيوني

[سـهـاج @S1h1II]

بنشده واليا عرفت جوابه ابرضاه
علمني منهو كثري اغلاك يابعدي؟

جميلٍ حِسين الوجه يامكثر مزاياه
لكن بخيلٍ فالوصل ولاهو بيندي

[سـهـاج @S1h1II]

حبي الطاهر ماله شبيه في ذا الجيل
وقد قيل ان الحب يذبح المستحيني

ادعي لما الإمام فالسجود يطيل
الله يبلغني بشوفه وعليه يعيني

[سـهـاج @S1h1II]

بقول لك بيتٍ واحسن اليه الاستماع
خله يوّقع خلف ضلوعك بسدك

لاسقى الله قلبي يوم لشوقك طاع
ولا سقى الله يومي حبيتك عالخدك

[سـهـاج @S1h1II]

غصن المحبة يرقب السما والسحاب
متى على الله يا احبابنا تمطرون

جفت مناقيع وصلي وغدن سراب
وانا اراقب بعيني قفايا المزون

"أصعب لحظات الفراق فراق العتاب
وأجمل لحظات الوصل وصل العيون"

[سـهـاج @S1h1II]

ظالم ويقول انه متضامن مع رفح
وهو سوا في صدري سواة اليهودي

[سـهـاج @S1h1II]

ذعذع الغربي ويوم ذعذع ماسليت
ردت بي الذكرى وقمت امسح اهدابي

مشاعري من عقبها صابها التشتيت
جا زوله على طاري ذكراه وغدابي

ماهو بداري ان ضحكت ولا بكيت
اطرد ورا حبه كما طرد السرابي

[سـهـاج @S1h1II]

ظلمني بفراقه وانا ما اقدر على فرقاه
ولا اقدر ادعي عليه والدعوه مجابه

حشد جيشه بوجهي وانا واقف اتحراه
وانا داري اني ماقدر اهزمه واحزابه

تركني وخلاني بوسط الطريق انخاه
اقول له لاتقدم على الهجر واسبابه

قفى وكن قلبه يوم خِلق من حصاه
ما لد فدموعٍ من قسى الهجر صبابه

[سـهـاج @S1h1II]

أقول:

ملكني وحط على نفسي الاقفال
كنه موصى على سحري وصيه

بيني وبين عقلي وقلبي قِتال
وسلمت الأمر "لغواية غزيه"

ويقول دريد بن الصمة:

وما أنا إلّا من غزيّة إن غَوَت
غويتُ وإن ترشُد غزيّةُ أرشُدِ