سعد

ومضى عُمري على ظهر قصيدة

[سعد @S3D__ll]

حال بين القا وحرارة الشوق الرسايل
والرسايل يكتبها الحنين ويمسحها الكبريا

[سعد @S3D__ll]

على كثر الوجيه اللي على عيني تجي وتروح
ما أحد منهن مثل وجهك ملا تفكيري وعيني

أجمّع من ملامحهن ملامح وجهك المملوح
وأحسّ أصابعك تملا فراغي قبل يدّيني

[سعد @S3D__ll]

أنا جروحي باهظات التكاليف
دفنتها بين الحياء والمداراه

أكنّ في جوفي وهج كنّة الصيف
في خايعٍ قد له سنه ما درج ماه

راح العمر لا ضحكه ولا مواليف
جرح يتحفّاني وجرح اتحفّاه

[سعد @S3D__ll]

وأخير لي من جرة الطاروق فالظل الوريف
جر النسم
ما بين لبتها
وغض نهودها

[سعد @S3D__ll]

ياساعة الفرحه تشوقت للعيد
عيد العيون وعيد قلب الصبابه

رد الجمال لشوفتي يا اتلع الجيد
واسحب على حرفي لحون الربابه

حرفي بصوتك يا اجمل الصوت تغريد
يارمز حبي هاك رمز الكتابه

ياصبح عمري فيك للعمر تجديد
وحبك يجدد كل يوم شبابه

[سعد @S3D__ll]

تهادي علي بالطلّة اللي تـرد الروح
أنا فانتظارك من سبع، لين سبع ونص

[سعد @S3D__ll]

ماكان للشعر طاري لين ثار الشعُور
وماصرت كلّي عذوبه لين ذقت العذاب

لاتتهموني بفرط الكبرياء والغرور
لو ماني بذيب كان أكلوا عشاي الذياب

لحد يعاتبني ليا صار قلبي جسُور
عاتبت نفسي كثير لين عفت العتاب

تعبان وأنا أدري لو تعبت معذُور
مايتعب إلا من يعرف الخطأ والصواب

فهد قطنان

[سعد @S3D__ll]

عطرك اللي مرني بثيابهم، خلاني
ابتسم واغمض عيوني واعيش اللحظه

[سعد @S3D__ll]

مصيري مهايف كني آويق لي في بير
ليال مضت للقلب راحت ولاجاته

لو اني بقرنس كل عام سوات الطير
ماكان آغبط راع البنوك بعقاراته

[سعد @S3D__ll]

صباح الخير
يعمّ الهدوء و يستثير السكون الصوت
وأنا بين صوت العقل وإحساسي الجايش

ماضيّعني وذوّقني الموت قبل أموت
إلا عقلي المتحرّص و قلبي الطايش

أشوف الحياة جنازة في بطن تابوت
لكنّي رغم كل الصعوبات/متعايش

ترى ما أصعب من الموت وإللي خلاف الموت
إلا الفترة اللي لا أنت ميت و لا عايش

[سعد @S3D__ll]

اللي يقول الشعر ميزة وناموس
اكيد ماجرب طعون الكتابة

[سعد @S3D__ll]

العزوم تشاف وعيون العباد مراية
حمل يتعبني وحمل يتعب من أكتافي

أتواضع ليه؟ وأنا مختلف للغاية
و أتكبر ليه؟ وأنا ما بلغت أهدافي

[سعد @S3D__ll]

تفكيري اللي قبل عامين فـ الجاي
فترة تعدّي.. ويش أنا ضايقٍ له؟

واليوم أنا فـ الجاي ومغيّر الرأي
الظاهر الفترة هي العُمر كلّه

[سعد @S3D__ll]

تعال يا اللي شي شي , وعال عال
عن الغنايم يكفي اني كاسبك

مهما خذاك البعد وصدوف الليال
فـ الوصل ولا فـ المفارق حاسبك

جيتك وانا كلي شغف يا ابن الحلال
والله ما جيت اعاتبك واحاسبك !!

انا ما جيتك غير , ادور لـ الوصال
يناسبك ولا مهوب , يناسبك ؟

[سعد @S3D__ll]

كل ما شفت العباد اللي يعيشون بضعافة
قمت أعرّض راسي المرفوع للريح ومهبه

[سعد @S3D__ll]

الجوّ هذا لطيف ومرهف وحاني
كنه مشاعر فرح عيد بوجه طفله

[سعد @S3D__ll]

تفكيري اللي قبل عامين فـ الجاي
فترة تعدّي.. ويش أنا ضايقٍ له؟

واليوم أنا فـ الجاي ومغيّر الرأي
الظاهر الفترة هي العُمر كلّه

[سعد @S3D__ll]

في ليلة فراقك بكى صوت الأيام
و كبرت لي عقدين في ظرف ليلة

[سعد @S3D__ll]

من غير بنك السماء ماني بمتسلف
لو راتبي ما يكفي سعر دخاني

[علي بن سالم @alisalemh]

بنك السما

[سعد @S3D__ll]

الليلة إحساسي مع نفسي غريب
أحس إنّي شخص ثاني
ما أعرفه