سعد لفى الشطيطي

شاعر ، احد فرسان #شاعر_الراية لموسمة الثالث .

[سعد لفى الشطيطي @S3dMu1]

اليكم قصيدة المشاركة :

[شاعر الراية | Alraya Poet @Alrayapoet]

📜 قصيدة المشاركة:
مثل ما تُنزع الأرواح من ضرب البواريد
يوخذ الحلم من عزم الشجاع اليا هقا به

سعد لفى الشطيطي | @s3d_mu
#شاعر_الراية | #قناة_السعودية

[مشاري العبدلي @pp_3e]

ما تغرّبت عن وجهٍ من الله حياوي
لي زمن قلبي مولّه و بابه متيّت

طيحةٍ في نحر نَجلاء العيون متساوي
ما تبى غير راسٍ طيّب وقلب ميّت

في مداهيلها مدهل كبار العزاوي
ودون بيبان ابوها فرصةٍ ما تهيّت

فارعٍ ما تجي لـ المهتوي بالمناوي
اخطبوها ثلاثه قبل مده و عيّت :)

[سعد لفى الشطيطي @S3dMu1]

@_axb78 سلمت ودمت يبو بدر صح الله بدنك

[سعد لفى الشطيطي @S3dMu1]

انا فلا احب العتب والمشاريه
مشغلٍ وضع العما والتغاضي

والي زعل يزعل ولاني مراضيه
انا ما زعلته على شان اراضي

وعند الكرامه كل رجال ويديه
مانيب في حاجة محاكم وقاضي

اهم شي البال والي خطر فيه
والباقي يسجون سبع الاراضي

سعد لفى الشطيطي

[متعب البقيلي @muteb_1191]

ادع الله يدلّك على الزين يازين
و لّا الهوى ما ينوخذ بالمحايل

غاياتك الي دونها السلم و الدين
حاولت أخالفها بشتّى الوسايل

اضحك على روس الضعوف المساكين
بالحجّة الي ما عليها دلايل

اشره على محسن ولا اشره على حسين
يوم المثايل في نحور المثايل

سريت و أثر القابلة فالها شين
و امسيت و الزور يْعرض و يتهايل

على قوامٍ زاده الله من اللين
من وين ما مال النسيم يتمايل

ياعبيد مالك في رقاب العرب دين
حتى لو اسرجت الحرار الاصايل

ان شلت ما شالت ظهور البعارين
اشيل ما شالت بطون المخايل

للهقوة الي تشقر الضلع نصفين
رهنت عمري بين حدب السلايل

كسبت كسب ملحّقين المخلين
و خسرت ودّ منقّضات الجدايل

لولا الكرامة يا خليل الميادين
ما كان شفت الرمح في كبد وايل

[سعود بن مبارك @Saud_almshly_]

مرحبا يا بنت قلبي بعد طول السهر
ذاب صوتك فـ المسامع وحرّرني نداك

كفكفي دمع المحاجر على فوح الزهر
مايحسّك من صدوف الدهر جعله فداك

يا سليلة مفني الكوم والدنيا دهر
تقصر اشناب الرياجيل عن هيبة حماك

لا تقولين انتهينا ترى يومي شهر
الحقيني ركب الأحلام لجل الحق مداك

مالقيت الطيّب اللي يشد بْه الظهر
ومالقيت الكلمة اللي تعبر عن غلاك

لو نضمت سْنين عمري على جيدك مهر
ما تساوي دمع عينك ولا ضحكة شفاك

[نسّاي . @5__ib]

يحسبون المحبه طيش عمر وهبال
مادرو ان المحبه شي جدا فضيع

كني الي موقف فوق جرفٍ هيال
شايف الموت قدامه ولا يستطيع !

- سعد لفى الشطيطي .

[مشاري العبدلي @pp_3e]

جعل طاري مرجلتنا ما يِخلّ إسلامك
يا غريبٍ ، رايك الغادي ماهوب يدلّك

قد وقفنا لك بعد ما غربلوك اخصامك
في نهارٍ قبل ماقفنا ،، ما يبرد غلّك

لا يغرّك من يقول انك رفعت اعلامك
انت حبلٍ لو يعقدونك نعرف نحلّك :)

لا تمادى ب الكلام اللي يجيب لجامك
ولا تشرّه وانت مشروه الرجال يزلّك !

حاول انك ما تكرر لـ الحضور ، افلامك
وانت شخصياً تعرف انه ، يروعك ظلّك

مستعد اقول كل اللي حصل قدامك
وانت ما تقدر تقول السالفة من ذلّك :)

[سعود بن مبارك @Saud_almshly_]

هبت النود تجتث الملل والفتور
بيني وبين نسناس الهوا ذَبذَبة

لا تمثنتني النسمة بْـ لحظة مرور
توقض الشوق والاّ توقض الموهبة

قلبي اللي من الدنيا تشبَّع كسور
وارِف أحساس لكن تربته مجدبة

كن تحت الحنايا برق وسمٍ بكور
يلتعج في قْنوفٍ وبلها تسكبه

أو مضاهير بدوٍ فوق كبري عبور
للعشاير خْلاج وللفحل قبقبه

كيف أقاوم وحظي مثل عزم مْعثور
وده يطيب والعرق الردي ينتّبه

ياكلام العيون اجحد كلام الصدور
وانتبه لي ونبهني عساي انتبه

يّنهجس كل شي ألا عتاب الوقور
المشاريه من بعض البشر متعبه

ينقصون الرجال ويكثرون الذكور
والمهونه عقوبة و الكرامة هبه

اختلف مع قناعات ومبادي وأمور
لكن الحب يبقى مذهبي مذهبه

يا حقيقة قصيدي لايصيبك غرور
انحناءات خصرك فـ القصيد أكذبه

أدري أن عطرك الجذاب غير العطور
يختلط فيه ريح الكتب و المكتبه

لو كتبتك بلاغة ماكتبتك شعور
الشعور الحقيقي مستحيل اكتبه

انفخ الروح في عمق الجمل والسطور
وأخلق الأسئلة وابحث عن الأجوبة

ينكح العقل عقل وتنجب الروح نور
ويتجلى شبيه الفكر والمشتبه

الهزيمة شرف دام القصيدة غيور
طفلةٍ دونها الشاعر هزع منكبه

[سلطان الحوالي @sultan_alhawali]

صاحبي ودّعتك الله وداع الميتين
لو عيوني من رحيلي وجعها ينلمح

تستحق الصبر لكن بعض الصبر شين
لا سمحت فيه المحبة مقامي ما سمح

ماني بناسي سنينك لو تطول السنين
إن جمح غيرك على الروح ولّا ما جمح

كد عذرتك و انتظرتك و قلت إنك تزين
لين صرت بعير لا حركوا قيده رمح

ليت روحي من سحابة و خفّاقي عجين
كان يمكن كل ذيك الخطايا تندمح

ما يشابه روحة الروح شي إلا ثنين
الحرار إن ذاقت الضيم و القلب إن سمح

[سعد لفى الشطيطي @S3dMu1]

@sn_alwasmi الف مبروك يبو سعود

[سعد لفى الشطيطي @S3dMu1]

@ARowili @shafialsgri من شاعر فيلسوف ومبدع لـ رجل افعال يستحق الشكر والثناء بكل عمل خيري يقدمه
ويستحق هذه الدره
الله يبيض وجهك يبو شداد على العصما الي عليها طول يدهاا

[أيمن الرويلي @ARowili]

الجديد
" كليب عنزة "
قصيدة مهداه الى الشيخ شافي الزوين الصقري
@shafialsgri
اداء : خالد ال بريك
https://t.co/zdyBMo3Hfk

[علي حامد @ali_h3meed]

ان قدرت اسامحك باللي حصل بـ اسبابك
ماني مسامحك باللي كنتي تسوينه !!

[سعد لفى الشطيطي @S3dMu1]

@3alheet عيني تفضفض له وعينه على الوقت
الله اككبر يبو مرزوق

[عمر الهيت @3alheet]

الجديد :

اتلا العهد يومي من الضلع وايقت
شفته يشيل من التراب ويثرّه

[عمر الوهيطي @whe6i_]

المشاعر حاتميّة و الظروف بخيلة ،

[سلطان الحوالي @sultan_alhawali]

يا أغّيدٍ في حراوي دارك آضيع و أدَّل
فوق طرس العتب حبر المشاريه سال

كل ليلة على وجه الصباح اتسدّل
فيك من ضوحها ضَيّ وشفقها خصال

ليه هذا البرود الزايد عْن المعدّل
وليه هذا السكوت و ليه هذا السؤال

خَلّ ليلك على صبحك خصله اتجدّل
و اترك الناس و التبرير عنك و تعال

جعلني ما انحرم من صوتك و لا اتبدّل
في قبالك لو يطول المدى في قبال

باقيٍ معك لين أحوال نفسك تعدّل
ولوّ ما تِعتِدِل ببقى على كل حال

خذ عهد واحدٍ ما بدّل الدَّل بالدَّل
وجه غيرك حرام و كلني لك حلال

[سلطان الحوالي @sultan_alhawali]

ضاق النسم و القلب ودّع مقرّه
بعد ما عدّا بي على الموت طاريك

والحب من ذاق أعذبه ذاق أمرّه
إلا أنت عذب أولّك في مر تاليك

لقيتك و خلّيت عمري مسرّة
و زعلّتك و خلّيت الأبيات تبكيك

وضريتني جعلي فدا للمضرة
فدا فدا دام المضرة من ايْديك

يحق لك تزعل علي و اتشرّه
ويحق لك باللي يراضيك أراضيك

تمنّ كل اللي تمنّاه مَرّة
إلا أنّي أخليك / ماني مخليك

وشلون؟ بآخلي من اللول درّة!
يسوق فيها العاقل العمر و الشيك؟

وشلون؟ وأنا البيت كل يوم أمرّه
حتى قبل لا أطرّي الشعر و أطريك!

وشلون؟ وأنتي لي من الناس قُرّة!
وشلون؟ وأنا أحبك و ميّتٍ فيك!

و أغليك و أغلي بحر دارك و برّه
وربوعك و جيرانك اللي حواليك

غلاً عسى ربي يكافيك شرّه
حَرّه بصدري مثل ضرب البلاجيك

شاعرك من جمر البطا باح سرّه
وأنت الله يخليك و الله يعافيك

إن رحت خل اللي بقى من صوَرّه
يمكن تحنن قلبك لصوت مغليك

وإذا رجعت أرحب هلا و ألف كرّة
قدرك مثل ماهو و غاليك غاليك

أمّا عليّ بحفظ غلاك و بـ أبرّه
وأمّا على النسيان مانيب ناسيك

فتّحت من -ضيقي عليك- الأزرة
وقفّلت من -حزني عليك- الشبابيك

وغنّيت فيك أبيات شعري مبرّة
وإن كان ما حنّيت والله لأورّيك

والله لو تصددني ألفين مرة
ماني مجنب عنك دامنّي أبيك

بـ آحاولك لو يلحق الغبن حَرّة
وابعذرك و آجيك و آجيك و آجيك

[حمد العيباني @3IBANI]

خشف ريم من العباريد غادٍ له جفال
من غشيمٍ يوم يرمي تراعد بندقة

ذيروه من المفالي مقاريد العيال
جعل تعطب كل بندق عليه محدّقه

كل مفلا ما رعى به لعلّه للزّوال
يتصلوى من لواهيب شمسٍ محرقه

لا تمثنى روض صدري تغشليت الطوال
وصار بالنبض ارتجافه ، وبالصدر اغلقه

يوم ادقّق بالوصايف ، وابرّق بالغزال
قلت هذي عين خلّي وذاك معنّقه

اهيفٍ .. مسلوب ضامر ..مكاحيله ثقال
سلطته على شغاف المشاعر مطلقه

شيخة ايامي مع الحب ( عصرية وصال )
كل ما قرّب وعدها .. لقيته يفهقه

ما بعد صدقّت من قال ياسرع الليال
لين مرتني سريعه ، وصرت اصدقه

ما نسيت ولا خلا منْه طرف ، ولا تزال
صورته ما بين جفنٍ ورمش معلقه

اقدر احد الليالي على الجرف الهَيال
المواصل يفرح القلب ويزيده ثقه

كنت وارف ظل ، واليوم ما حولي ظلال
صرت عودٍ كل نفناف يلعب بورقه

كل هذا بعد غيبتْك يا سمح القبال
حلم راودني خياله ، وخفت احقّقه

[عمر الوهيطي @whe6i_]

أنت ، ياللي مواقيفك زكاة إيتام
دسّها المصخي الاول عن الثاني

ياكل الشك قلبي لين قلبي شام
خايف انه يطيح بـ فخ شيطاني

محسن الظن حتى في عداء وأخصام
كيف عاد اللي احسبه من أخواني

ليتني كنت داري وش ورا هـ العام
يومك تطق صدرك و أطلق لساني

يوم اقول انك سنافي وسبع أنعام
غرّني هرجك اثر الهرج مجاني ؟

كنت اطالع شكوكي و ابتسم و انام
وطحت من عينها و أضحكت عدِواني

طالب الله تجيبك عثرة الايام
وقتها قوم دورني .. و تلقاني (: