سعيِـد بن حمـَد

[سعيِـد بن حمـَد @S3eed_afifa]

فاقد علاجٍ لروحي ليا جاها نزيف
هو صحيح انسان لكن على هيئة دوا
،
" لعنبو من هل دمعه على فرقى وليف
والله إنْ فرقى الرياجيل ملعونة ثوا "

يامال الجنه

[عساف أبوثنين @asafabo2]

-
غريب وممتلي ضيقه وصمت وياس
بعد مات الشعور اللي تخبرينه

تعرفين القديم الهادي الحساس
انا غير القديم اللي تعرفينه

ما عاد املك من انفاس الحنين انفاس
ولا اعيش الشعور اللي تعيشينه

ولا اعاني من الطاري ولا النسناس
ولا امر المكان اللي تمريّنه

بعد ما كنتي بظلما وانا نبراس
وبددت الظلام اللي تخافينه

تغيرتي .. ولكن عرقك الدساس
تقولين الكلام ولا تسوينه

تخافين الكلام اللي تقول الناس
وانا اخاف الكلام اللي تقولينه

[حشان بن مصلح @HSHAN85]

لك قْلاده في المرايه وصوره وسط بوك
كل ماحاسب على الطيبين . . اشوفها
-
اول ايام المحبه مثل لُطف الملوك
واخر أيام المحبّين مثل . . سيـوفها

[حمد الحول @albasam1]

لا تشكي علي من الطواري وقل النوم
وانا اشتف في سجات الافكار والهجعه

تخليت عن غاية سنين العمر في يوم
ولا يسمح المتعلق الا من الوجعه

بعد ماخذت نفسي من اقدارها المقسوم
وقفى الصبر تجذب بروق الجفا نجعه

جلبت الشغف وامضيت بيعه على اول سوم
و راح الطموح الروحه اللي بلا رجعه

[سعيِـد بن حمـَد @S3eed_afifa]

ماكنت واقع كثر ما كنت وهم وخيال
يا رهين الضلوع .. اللي نفذ صبرها

كسرة الخاطر اللي ما عليها جدال
طيف ذكراك ، ما يقدر على جبرها

لو على قولك .. إن أحلامنا ، لا تزال
وش موقّفني ( البارح ) على قبرها

المحبة ما كنت آشوفها راس مال
كنت آشوف الحياة الفانية عبرها

راح منها شعور وراح منها ، وصال
لين دار الزمان .. وراحت بـ كبرها

سهل ترجع على خبري هذيك الليال
البلا ( من يرجّعني ) .. على خبرها

[♪ @too_3i]

عقب كانت هقوتي .. واثقه في المقبلات
كني أسمع ، صفقة يمينها في يسارها

صعب نسيان الملامح ونسيان الصفات
أصعب من الليلة اللي خذتك أقدارها

مثل ما لك في عيوني طيوفٍ ما تبات
لك ورى صدري مدينة ، تشع أنوارها

روحي اللي كانت تشوف فيك الأمنيات
كل ما هب الهوا الصلف ثار غبارها

لو تطيح أركانها الواقفه .. وقفة ثبات
ما تطيح الصورة العالقة في جدارها

[مـخـباط . . @_Mb72]

عايف لذات بقعاء كلها .. من داني
زاهداً ماعاد لي فوق البسيطه طمعه

- منيف الجراش

[فـــذ @F0_qt]

"تذعذع به الذكرى وأنا ما قدرت أسج
ولو أخفيه كل أبيات شِعري حكت عنه

وإليا سولفوا بإسمه تلج الضماير لجّ
ولا أدري وش اللي عادني راجيٍ منه"

[' @JBR_191]

اما آن لي بعد المسير الطويل ارتاح
يا درب قضيت احلى الليال بمشاويرك

حبيبي مثل ما اخذت من عمري الافراح
يا ليتك خذيت اللي بقى من معاذيرك

مع ان الطيوف اللي تزيد الجراح جراح
شهودي على قل اهتمامك وتقصيرك

لا طال الحديث وذكروني بشي راح
تذكرتك انت و ما تذكرت احد غيرك

[سعيِـد بن حمـَد @S3eed_afifa]

الاوادم كل ماكبرت وضاقت جاته
وكل منهم عارف انه خالصً موضوعه

ماذخر دون ونعم مجهوده ووقفاته
وفزعته تاتيك متبوعه ماهي مجبوعه

[محمد بن مشيط المري @mhalmarri79]

بقلوبً مؤمنه بقضاء الله وقدرة ننعي فقيدنا ووالدنا الشيخ / ناصر بن سعيد المشيط معرف فخيذة البحيح من قبيلة المرّة في دولة الأمارات العربية المتحدة وعضو مجلس القبائل الذي وافته المنيّه قبل فليل اسأل الله له الرحمة والمغفرة وان يتجاوز عنه ويسكنه فسيح جنّاته وجميع اموات المسلمين.

إنا لله وانا اليه راجعون .

[سعيد راشد عفيفه @saeedafifa69]

مدحك لنا لاوقفنا دون واجبنا
امجامل المفلس اللي يكشف العوره
اعدل بنا الميل لاخليت مزاهبنا
وامن بنا الخايف اللي منفري زوره
ولاهو غريب علينا الطيب لاطبنا
موارث جعلها بالعز معموره

[سعيِـد بن حمـَد @S3eed_afifa]

رفيقي من عيون الشماته ماشوف اخطاه
على شان مايفرح .. بها الي يتمناها

اداريه مثل الي يداري على ماطاه
بعد مالمح له صيدةً في معشاها

معه بندق دربيلها عينه ومرماه ؟
حصاةً على حد السهل مابعد جاها

[سعيِـد بن حمـَد @S3eed_afifa]

خاطب عقول الاوادم بالحديث اللين
ومن يقفي عنك مالك في رقبته طلبه

عادي تليّن كلامك لو ماانت بـ دين
الكلام الزين مفتاح القلوب الصلبه

واترك اللي هيّن ومنطق كلامه هين
المعرفه ناقصه والعقل ينقص علبه

والله ان اللاش من حين يتكلم بيّن
وان زهمته ترتعد كفّه و يرجف قلبه

[سعيِـد بن حمـَد @S3eed_afifa]

من يعطي الناس حجمً فوق ما لاتطيق
و الله ان يبطي وهو حسيّته غايبه ..

خيبه الامل جعل مايونس وجعها رفيق
كنها ردا الطيب اللي ينطح النايبه ..

[سعيِـد بن حمـَد @S3eed_afifa]

نسأل الله له المغفره والرحمه ..

[العـــآرض @al3ar9_]

آلهي وقفت بباب رحمتك ذلّ وخوف
كبير الرجا .. وذنوبي كبار .. وانت اكبر .

كرهت الخجل من كثر مـ اعصيك وانت تشوف
وجيتك وانا المتوجلّ الاشعث الاغبر .

انتقل إلى رحمة الله تعالى #محمد_بن_عفيفه صاحب هذه الأبيات جعلها شفيعة له يوم يقابل ربه اسأل الله ان يرحمه ويحسن خاتمتنا جميعًا 🙏🏻💔.

[مدباج بن لفيجح @msn_212]

والله أني مادريت إن الزمان "موّلي
لين شفت العاريه تضحك على المستتره

انتقل الى جوار ربه قايل هذي البيت الشاعر محمد بن راشد بن عفيفه الله يرحمه ويغفر له ويسكنه فسيح جناته

#محمد_ال_عفيفه_في_ذمة_الله

[تويم بن كروز @towimalmarri]

جعلني سباق خير وفالذنوب متلّي
في طريق البّر من متره لكيلو متره

ل محمد ال عفيفه

اسأل ان يغفر لاخينا محمد بن راشد ال عفيفه ويتجاوز عنه ويلهم ذويه الصبر والسلون

يامال الجنه يابوراشد

#محمد_ال_عفيفه_في_ذمة_الله