وهاج

شاعر

[وهاج @SC7il]

سرا الليل والقمرا سرا نورها وضاح
تهيض خفوق الي تعود على المسرى

وترجع به الذكرى على وقته الي راح
والا واعذاب القلب لامرت الذكرى

[وهاج @SC7il]

البارحه مابين ذكراها وشوقي والحنين
النوم ماذقته وسقت خطاي يم ديارها

[وهاج @SC7il]

النفوس العظيمة تعرف اللي تبيه
ما تدوّر رضا العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

البس اللي يعجبك واكل ماتشتهيه
دامك في طاعة الرحمن عيش الحياه

لا تروح لـ مـكان الا وراحتك فيه
ولا تجي من مكان الا بسيرة وجاه .

[وهاج @SC7il]

أمشي بلا فكر واهيم واصرف قصيد
فاقد الوعي عقب الحادث المفصلي

ما ارجع لعقلي الا بعد جهدن جهيد
َمن يعين دواي ومن يفك أعملي

[وهاج @SC7il]

ترفعنا عن الساقط من الاقوال والافعال
وصدينا عن اللي مالهم مذهبّ ولا مله

[وهاج @SC7il]

@PP44K الله من شين الرد

[وهاج @SC7il]

الشجاعه والحميا ساس رجلٍ يعتزا به
من يضيعها يعيش العمر كله في غليبه

هَي عام��د الرجوله والكرامه والمهابه
من كسبها في شبابه عاش عزه في مشيبه

[وهاج @SC7il]

مايخدش السمعه ولا يعيب الانسان
الا الدروب اللي ماهي مستقيمه

لاتستهين بسمعتك لين تنهان
وتصير لامعنى ولا منك قيمه

اطمر ليا شفت الردا طمرة حصان
واحفظ نقا وجهك وذب الخريمه

مناكب الارض العريضات ميدان
ماهي ف حاجه منك غير العزيمه

[وهاج @SC7il]

ما بارت أهدافي لو إن الزمن بار
العزم مثل البحر ماله نهايه

ذقت الخساير والعزاير والأمرار
وسقت العمر كله على شان غايه

مايصنع التاريخ من هاب الأخطار
ولا رقا في قمة المـجد تايـه

ولا يعلم الأنسان عن بعض الاقدار
يمكن بعد خط النهاية بدايه

[وهاج @SC7il]

العز هيبة والشرف يرفع الراس
والكذب سلعه مالها أي قيمه

والبيت مايبنى على غير مقياس
لابد توضع له قواعد سليمة

خذلك من الدنيا تجارب مع الناس
واسلك دروب اهل العقول الحكيمه

وأعلم بأن الناس ألاف الاجناس
والعيب يجلب لك عواقب وخيمه

[وهاج @SC7il]

عطيتك من بشوت الهقاوي ثلاث بشوت
ولا فيه بشت جاء مقاسك ولا قدّك

احسبك من اللي لا دعيته يرد الصوت
واثاريك تسمعني وودك ولا ودك

انا واللّه المخطي خطاً ما عليه ثبوت
عطيتك سلاح يرتعد في كنف يدك

وذخرتك لو ان ماتنذخر في لعب بلوت
وتقدمت بك حدّ ما هو واللّه بحدك

[وهاج @SC7il]

لا تاخذ عتابي لك بـ دافع الشين
لولا الغلا بـ ال��وح ما جاء عتابك

من باب ود ونفس تبغى لك الزين
يزداد معها الضيق ساعة غيابك

إن شفتك مبادر على الوصل للحين
شرعت لك بيبان صدري هلا بك

وإن شفتك مقفي بـ درب المقفين
إشره علي إن جيت .. طقيت بابك

[وهاج @SC7il]

ماتعوّدت احني الراس من بين الصفوف
ولا تعوّدت اتذرّى وادوّر لي ذرى

إن وردت أرد على العدّ والعالم تشوف
وإن وقفت اقف على العزّ والعالم ترى .

[وهاج @SC7il]

سكوتي عن الزلات ماهو سكوت الخوف
وانا اقدر على تلجيم الافواه وحكاها

تشيمت والزله ليا جت على المكشوف
ليا اوحيتها سويت ماني بواحيها

على سلمنا المتوارث الواضح المعروف
تعلمت اهمشها كذا واتناساها

انا من كثر ماشوف كني ماعاد اشوف
تعرض علي المخطيه واتعد��ها

[وهاج @SC7il]

@AishaAlhashem @ajmi1O1_ ذا عبد الواحد وليس بن ثايب

[وهاج @SC7il]

من لايعس الدرب من قبل ممشاه
يطيح في جمرٍ غطاه الرمادي

ومن لا تركد بالهدف قبل مرماه
ترميه ناسٍ رميها بالركادي

[وهاج @SC7il]

صحيح بعض السوالف مالها داعي
ياليت مـن قال له كلمه يثمّنهـا

تدري وش اسباب ضيقي واغلب اوجاعي
وجيه ماتستحي وانا استحي منها

[وهاج @SC7il]

ابشرك طيب ومستويه أموري
ونواقص الناس مافكرت ارقعها

لاجاتني الكلمه اللي تجرح شعوري
عرضتها الريح ولا كني اسمعها

[وهاج @SC7il]

@saeedovic7 @rani7i @y1li9 كلها نعايم الله ولو كان فيهم خير ماقامو الله من بعض الرجال الي يحط قدره في طلي ولا قعود الجود من الماجود ماتدري وش ظروف الرجال

[وهاج @SC7il]

الله ولا بعض الكلام الِي يحطك في ��رج
الكلمة الي ماتجمّل خلها في فالها

ودك يقولون العرب وش فيه ساكت ماهرج
ولا يقولون العرب ليته سكت ماقالها