أسأل الله أن يتقبل من حجاج بيته الحرام ويجعل حجهم مبرور وسعيهم مشكور ، وأن يبارك لبلادي المملكة العربية السعودية هذه النجاحات الباهرة والمتتالية في تنظيم موسم الحج والسعي والعمل الدائمين لراحة الحاج وزائر البيت الحرام وأن يجزيها عنا وعن كل مسلم خير الجزاء ويحفظها بحفظه ويؤيدها بتأييده ويديم عليها وعلى بلاد المسلمين الأمن والإيمان وكل عام وأنتم بخير .
خل قلبي يوقّع بالوصال ويطير
لا تجاوب حبيبي صوتي ولا تسل
خايف أفقدك يوم أرسل كلامي الأخير
والله لو أدري إنك حي .. ماينرسل
كلّ ما شفتني داله وضحكي كثير
نشّط جروحي برمشٍ ذبحه الكسل
وش يدرّيك عنّي تحسب إني بخير
لو أقول إلك غارق قلت لي فـ العسل !
يا الله بيومٍ ينفلق فيه الإصباح
يشرق على نفس الكريم بوطنها
ينسى الخساير فيه من زود الأرباح
ويلحق شفوفه قبل يقفي زمنها
بشايره تنساق والشوف ماباح
يغتاظ منها الليل دوبه مكنها
أنت الكريم المعطي وخلقك شحاح
بالضيق والعيش الهني تمتحنها
جيتك بدمعٍ لا بغيت امسكه طاح
ومشاكلٍ ماتدري الناس عنها
أخاف ماتاسعني ثياب الامزاح
ولا عاد أميّز سرّها من علنها
البنك ماباقي به ريال ماراح
صرافته ضيّعت حتى لحنها
أقرأ رسايلهم عن النصب مرتاح
مدري متى يدخلني الخوف منها .