سعود

"اللهم لا تحوجني لأحد ، ولا تجعلني عبئاً على أحد ، واجعلني غنياً بك عمن سواك !"

[سعود @Saud121012]

@NawafAlkhaldi الله يكتب لها الشفاء العاجل ويطمنك عليها

[سعود @Saud121012]

تحريتك على رجوى وصالٍ ما بعده غياب
وتمنيتك وانا حزني عليك اكبر من الجيه

تراودني تعاليل المحبه والشعور أسراب
واغض البال لا مني سرحت وقلت منسيه

على هون اليدين اللي على جرحي تطق الباب
وانا بابي ذرى ��ابر سبيل و صوت طرقيه🥀
#لشاعرها

[سعود @Saud121012]

بعيداً عن الواقع قريبا من الأوهام
بديت أبتسم للجرح واكتب معاناتي

أحث القدم وأصبر وأقول الفرج قدام
لو الواقع اللي عشت عكس إتجاهاتي

عصيت الشعور اللي يجيني بدون إلهام
و طعت الشعور اللي يشابه بداياتي

شعور السعادة في حياتي بشكلا عام
تلاشى شوي شوي كنه طموحاتي 🥀
#بوح_آخر_الليل

[سعود @Saud121012]

إستعذت من الدروب اللي نهايتها حسافه
قبل ترميني ملذات الزمن في جوف غبه

شيمة الانسان ميزان اعتداله وانحرافه
تنذره لا شافت الاوضاع ما هي مستتبه

إن عجزت إنك ترد ال��فس عن شيٍ تعافه
ماقدرت تحط نفسك فالمكان اللي تحبه 🥀
#لشاعرها

[سعود @Saud121012]

ودّي أفهم بس نفسي ماقدرت أفهمها
من يحرّرني من قيود الشعور السلبي

أذكر إنّي قبل أكون إنسان في عالمها
كنت آماطل لالقيت الواحد يماطل بي

بس هذي رفرفت روحي على معصمها
وانشغل بالي عليها واستباحت سلبي

كل حرف يثيرني لا من طلع من فمها
حتى بسم الله على قلبك تعوّر قلبي🥀
#بوح_آخر_الليل

[سعود @Saud121012]

الوقت ساومني على راحتي لين
قررت أثمن راحتي و أشتريها

أثر الدقايق بعضها تاخذ سنين
لين نتجاوز كل ما صار فيها

أقسى شعور يراود القلب و العين
يوم انتذكر حاجةٍ ما نبيهــا

المستريح إللي جمع بين ثنتين
صدرٍ وسيع و ذاكره لك عليها 🥀

[سعود @Saud121012]

انت الصباح اللي خيوطه تبوج الظلام
والبسمه الدايمه والوجهه الراحبه

صبحٍ يجيبك نعانق به رحاب الغمام
وصبحٍ بدونك شحيب وطلته شاحبه 🥀
#صباح_الخير

[ناصر الحمادين @nalhmadeen]

عيّد علي وادمح لك التقصير
اللي لحقني منك قبل ايام
..
عيديتك ترى لها تاثير
مفعولها يكفي سنه قدام
..
كل عام يا اجمل قلب وانت بخير
وكل عام وانت الحب والالهام
..
وجهك يضم النور والنوير
والعيد فرصه والعيون حيام
..
وانا اتثيقل مير قلبي ط��ر
كفخ بجنحانه وصوبك حام

[سعود @Saud121012]

@dera_sh صح بدنك 🌹

[سعود @Saud121012]

كل حاجه تنتهي بعد فقد الاهتمام
الجفا مثل الدهر والوصل مثل الوبل

ليه تبخل بالمشاعر وتبخل بالكـلام
وانت جدانك من الجود يعطون الابل

عطني من الحب بالصاع ولا بالجرام
واعتبر مكسبك مضمون لو قالوا خبل

الربا فالحب ماهو بعيب ولا حــرام
لا عطيتك حب واحساس رجعها دبل🥀
#لشاعرها

[سعود @Saud121012]

@alliiv__ وين أودي غيمة الاحلام من ��مس الحقيقة
و أنت موج لا تلاطم شفت به جزري و مدي

ضحكة لاحت على وجهك نسايمها رقيقة
تعترض لي في صباحات الهوى و أقول ودّي

كل درب ما خطت رجلك على مفرق طريقه
ما يعّد من الدروب ولا يجيب ولا يودي 😴

[سعود @Saud121012]

كان يفخر فيك صبحك ويختال النهار
كنـك أنت اللــي لكـل العبـاد تنــوره

وغبت ووجيه الصباحات غاشيها سمار
مـا بقـى صبـح يجيبـك عشـان أدوره 🥀
#صباح_الخيــــر

[سعود @Saud121012]

العيون اللي مابين النباهه و الخمول
تجعل اللي ما يبالي يعـود مبتـلاء

طلتّك ياغايبه تخلف ارباب العقول
كيف عاد العاشق اللي يبادلك الولاء

فيـك كمية حلاوه و كميـة قبــول
جل شان اللي عطاك القبول مع الحلاء 🥀
#بوح_آخر_الليل

[سعود @Saud121012]

اعذريني يالهقاوي ترا مالي عوين
الظروف القاسيه ماحسبت حسابها

راحت الاحلام تمشي مثل دمع الحزين
فوق خد التضحيه والحياه ادرابها

الليالي ضربها مثل ضرب المارتين
ماتـمـيّز بين عدوانها واحبابها

ناصيً ربي لحاله جعل ربي يعين
عالمً خافي النوايا وماقد صابها 🥀

[سعود @Saud121012]

اكتشفت إن الحياة بكبرها قطعة مسافة
تغوي المفتون لين العقل يصحى ويتنبّه

مايخاف المؤمن اللي فيه من ربه مخافة
مصدر الخوف الحقيقي واحدً ماخاف ربه

والمحبة بعد كره تكون من داعي نظافة
البلا فاللـي يحس بكره من بعد المحبة 🥀
#لشاعرها

[سعود @Saud121012]

دورَة الأيام لو تنجب بعضها ما تشابه
كل يوم يمرّ فـ الدنيا تفاصيله غريبه 🥀
#تأمل

[سعود @Saud121012]

لا زال هُناك مُتسع للفرح والسعادة كُن على يقين أن الله يُخبىء لك الأجمل وبك أصبحنا يالله🥀
#صباح_الخير

[سعود @Saud121012]

يارفيقي يمرض الشوق في بعض الليال
أبعد الله عني و عنك تأثير المرض

ودي أسلى لكن شلون والسلوة محال
بعد زادت حلكة الليل والعارض عرض

مكتفي باللي يجي منك من باب الوصال
إن عجزت تسوي الصعب سو المفترض

أرسل إن عيت عليك الظروف الاتصال
الرسايل بعض الاحيان توفي بـالغرض🥀
#قصيد

[سعود @Saud121012]

الذكريات اللي يلاعبني هواها كل حين
على مرارة قسوة الدنيا ماهيب محليه

احس باحساس متقلب لا سعيد ولا حزين
واعيش وظروف الحياة معليه ومدليه

تمرني لحظات أردد تالي ��لدنيا تزين
وتمرني لحظات اقول ان الامور موليه 🥀
#لشاعرها

[سعود @Saud121012]

على قطار الصبا مرت عجاف السنين
يذكرك بالخير يازهرة سنين الصبا..

عيني تبي شي يا عيني وش اللي تبين
وقلبي يبي شي ياقلبي وش اللي تبا..

نشدت هدهد سبا عن عودة الراحلين
قال انتظر لين ياتيك الخبر من سبا..

الأرض في عين غير المهتوى ما تزين
لو أنها جنة خضـرا تصير شهبـا..🥀
#مدغم_ابو_شيبه