3zf’ ⚓️✨

لاتتصنع ربما عفويتك تكون اجمل،

[صفيه الحربي @SF_009]

من وساعة بال ، ما لـ الخير في قلبي منافي
مدلهمّات الليال الفايته ما تستهيضه

كل ماشفته من اصحاب الرخا جعله عوافي
وكل خير اقدمه للناس ماودّي تعيضه

الرضا قدمي وكل اللي خسرته في خلافي
والقناعة داخلي تبقى مناكبها عريضة

والفراغ اللي يشوفونه من الاوجاع ضافي
ياكبر فضله علي لو مسّني حرّه وقيضه .!

راحة البال ونعيمه لا غفيت بقلب صافي
والمنبّه مايدق الا [ على وقت الفريضة ]

[صفيه الحربي @SF_009]

الماضي اللي بين صمت وبين لحظات انهيار
كنت اسنده على بيوت الشعر وتهوّن علي .!

اخفيه ( ما بيني وبيني ) عن قناعة واختيار .!
واحذف بيوته من حشيمه للرضا قبل زْعلي

صفحة جديدة
واضحة
بيضاء
نظيفة
بإختصار :
ماودي الماضي يشوّه بالألم مستقبلي .

[3zf’ ⚓️✨ @Saud87302488]

تعبت من صنع الفرح وملاوع الحزن الدفين والبسمه اللي تنقسم بين الأمل والمعضله.
- استسلام :

[شوية شعر @itr7al]

“احلامنا ماهي على الله صعيبة
لا بد ماياتي لها يـوم … و تكون “

[َ @_klamQ8_]

" من عزّ نفسه عن هزيلات الأفعال
الله عن دروب الردايا . . يـعزّه 🌿 ".

[. @towq__]

منتي من الارض يمكن : من بقايا قمر
نصفك مكابر قسى ونصفك ليانة حنين

منتي من اللي يمر الناس وعادي يمر
من بين خطوه وخطوه : بينهم وردتين

وصرتي كبيره عمر .. ياحظ هذا العمر
كل ما كبرتي سنه : غارت عليك السنين .

[ربُـ @1lv___]

"جيتني جيّه عظيمة تشبه لـ جيّة نصيحة
ردّت المذنب عن النار وعن ذنوبٍ كبائر "

[خالد الشمراني @khaledd_1418]

يا ليّل الشتاء مافيه شي نسولف فيه ؟
سوا سرّنا اللي دونه الحلم يستكفر

عيوني تحاول تفضح السر مدري ليه !
وقلبي يحاول دون الاسرار يستنفر

وشعوري شعور مطوعَ مشغله ماضيه
ليا مر حي مذنبً .. فيه يستغفر :)

[ربُمــا أنــا @ma5yb4]

سبحان من كوّن أرضه و استقل بسماه
والأرض يدخل تحتها من مشى فوقها .

[َ @_klamQ8_]

عسى مقبّلـة الأيام وصلٍ على الغايات
ومن جود مدات الزمن خاطري راضيّ .

[ربُمــا أنــا @ma5yb4]

"وما هذي الحياة إلّا مساعي وانتظار الجاي
وبذْلٍ ما درى به غير ربٍّ يعلم الخافي".

[3zf’ ⚓️✨ @Saud87302488]

- مد لي خطوة وصل .. و اجيك انا كلّي لقى:)

[3zf’ ⚓️✨ @Saud87302488]

"غمر عمري أمل وصلك وأحياني وقدّ الياس
ونسيت الوجه الأخر للحياة وكبرت أحلامي"

[3zf’ ⚓️✨ @Saud87302488]

مثل العوايد انت بخافقي والتقاليّد
اللي شابو عليها كبارنا وما بدلوها .

[ربُمــا أنــا @ma5yb4]

مالا يسرك تسمعه .. لا تقـولـه
ومالا رضيت بفعلته .. لا تسويه

[سـّـجه @mr_sjaa]

السكوت أحيان لا وافق العقل الرِّزين
خير من حكيٍ لا جا .. ما يشّد الإنتباه

[ربُمــا أنــا @ma5yb4]

أتوه و نصّ عقلي مهتدي و النص الآخر ضال
تجاذبني طقوسي بين " مرفوضه و مرغوبه ".