ســـعـود

سبحان الله والحمد لله والله أكبر

[ســـعـود @Saud_n67]

@Aa_55y يسلاام 👏🏻.

[ســـعـود @Saud_n67]

لي مدتن ماطب في عيني النوم
ولا غشى الطرف المشقى نعاسه

اضحك وانا كني على الكبد ماسوم
والضغط من فوق معدل قياسه

ماهو من كثرة هواجيس وهموم
ولا هو من قل الطرب والوناسه

من واحدٍ عرق الصله فيه "معدوم
والفرق شاسع بين ناسي وناسه

- ابو رفعه سالم الدوسري -

[ســـعـود @Saud_n67]

@sd280 الله الله صح لسانكك😂🩵،

[سعد بن لويبه @sd280]

تعالي نسامر بعض , يا جملة الافكار
لي ليال جوي ماش , والليله مروق !

وصلت اول الاحلام وان شائت الاقدار
بـ اوصل لـ حلمٍ كنت له حيل متشوق

الاحرار ما تقبل تنافس , سوى الاحرار
على غيرهم لو تنتصر ما انت متفوق !

انا كيف ما افخر واتباهى واشب النار ؟
وقصيدي يحفظه كل , شاعر ومتذوق !!

[ســـعـود @Saud_n67]

اشرب قبل تقفي عليك المشارب
ما للحسايف فالمقابيل راحه

السمّ دايم في ذيول العقارب
والحر دايم رِفعته من جناحه

لا تعطي الدنيا استراحة مُحارب
حارب ترى الدنيا ما فيها استراحه

- سعد بن جدلان -

[ســـعـود @Saud_n67]

@l25_79 تبقى وتحيا الله يطول عمرك

[ســـعـود @Saud_n67]

يامل قلبٍ يسج وفيه دولاجه
من هاجسٍ بالضماير قام يدرجها

في معزلٍ عن جميع الخلق وازعاجه
مسمع من الناس لو تكثر لجالجها

مغير أهوجس تقول مضيعٍ حاجه
وآخذ واسند على روحي وهرجها

- عبد اللّٰه بن عون -

[ســـعـود @Saud_n67]

صح لسانك يبو ناصر 👏

[سعد بن لويبه @sd280]

فداك الجروح ودمعة , البعد والتقصير
يا كل اسئلة دار المحبين , واجوبتي

تحضنت حبك , لين شفت النعم والخير
مثل ما احتضنتي عن هوى الغير موهبتي !

تشيبين ؟ , ولا ما تشيبين , زينك غير
جمالك يزود ان زاد عمرك وشيبتي

عريبة نسب سمحة محيا وبنت امير
ولاني بـ راضي غيرك تصير فـ رقبتي !

طيوفك لها الفضل ولها الشكر والتقدير
تجيبك بعد عن واقعي , ما تهربتي

رحلتي بدون انذار , يسبق ولا تبرير !
انا اسب ولا امدح مع الناس تجربتي ؟

سلامات غبتي ما اتفقنا الغياب يصير !
انا ويش اسوي , في غيابك بعد غبتي ؟