💫

أرق وأقسى .. مما تظن

[💫 @Sbalii_]

“واجعل لي من بعد موتي أهلاً و أصحاباً و أحِبّه
لا يهجرون وَصلي بالدعاء يا أكرم الأكرمين"

[💫 @Sbalii_]

يا المجرب يمكن تغيب لكن ما تهون
رفقتك يوم الليالي علي متحالفه

دام حن حيين راسك على راسي يمون
لو دروب الوصل بيني وبينك تالفه

سولفو تجار بغضك وانا ماني زبون
لو يمر العمر وضعونا متخالفه

ابتدو باسمك وقاطعتهم قبل يحكون
ما قدرت انطر ونعم عقب السالفه

[💫 @Sbalii_]

يا هَوا البال هذا انا لعينك سَريت
كان في يدِك بقّايا ليالِ الوصل هاتَها

جِيتك العام وازريت الوصل يوم جِيت
لين عيّشِت .. انا الفَرقى وحسراتها

[💫 @Sbalii_]

معك كل الدروب ميسّره وموفّقه توفيق
و بسماتي ملت وجهي وترحابي وضحَ فيني

لقيتك للدروب الموحشة ذخر وللضياع رفيق
وعقب رمضى العمر وياك تو تزهر بساتيني

عليك الله وامانه من ليال البعد والتفريق
وسوء الظنّ لاَ يدخل حبيبي بينك وبيني

[💫 @Sbalii_]

عليك أخاف من جرح الكلام و لوعة التدقيق
وأحنك من قساي ومن قسى الايام و آوي لك 

لك الله ماقدرت اسلا بعدك ولا قدرت أطيق
تفاصيل الحياه اللي مافيها من تفاصيلك 

يثير الليل شوقي و النهار يزيدني تشويق
من الاسرار وش درّا النهار اني صبا ليلك

[💫 @Sbalii_]

مرحبا ترحيب يهدم ويبني له بيوت
يابعد عمرً قضيته . . بـ حبك مهتوي

كل يوم يجيب طيفك من كبار البخوت
صار طيفك وسط بالي مثل ، عدً روي

اتذرى به لو ان ماهوب مشرب وقوت
مثل لا من ضدني وقت دورة الخوي

[١٩٦٩ @alsadd1sc]

حين يكون الأثر عظيماً
يكون الوداع مؤلماً..

[💫 @Sbalii_]

تبكي الدوحة و تبكي عليك الأمتين
أنت ما تبكيك دوحة قطر بلحالها

كنت روّاي الهجافى و نصر المسلمين
تكبر الحاجات و أفضالكم تبرالها

[💫 @Sbalii_]

العزاء لاجيالٍ لن تراك

[الديوان الأميري @AmiriDiwan]

بيان من الديوان الأميري: بقلوب مؤمنة بقضاء الله وقدره، ينعى الديوان الأميري، فقيد الوطن الكبير المغفور له بإذن الله صاحب السمو الأمير الوالد الشيخ حمد بن خليفة آل ثاني، الذي وافته المنية صباح اليوم 27 محرم 1448 الموافق 12 يوليو 2026، عن عمر ناهز 74 عامًا. https://t.co/tXWvru50tA

[sss @almuhhannadi]

صباحك كيف يابلادٍ شعبها كلهم ايتام 💔

[١٩٦٩ @alsadd1sc]

وَإِنَّا عَلَى فِرَاقِ وَالدنا لَمَحْزُونُونَ

[💫 @Sbalii_]

الوجيه اللي تمر .. تمر ماتغريني!
ماتحرك غافية صدري ولا سمّاره

غير وجهٍ ضحكته تلزمني وتعنيني
فاقده ومعلّق الضحكه على مسياره

يبتدي فيه الشعور وينتهي به فيني
كنه يمر الشعور فقلبي .. ويختاره

[💫 @Sbalii_]

ياللي معك ماقدرت امسك زمام الامور
تعلقت روحي فيك .. والتعلق هلاك

امشي على شَفّك الجاير وكلي سرور
واطمن جروحي المستعصية في رجاك

ياشغلي الشغال اللي صرت لأجله صبور
الناس تتبع مصالحها وانا اتبع هواك

اللي من أول نحسب .. أنه شعور
أثبت وجوده عسى الله لايبين غلاك

[💫 @Sbalii_]

امرك وانا مستبعد فكرة المعواد
ويغلب علي وجه الشبه بينك وبينه

ملكني غرامك لين صرت أملك أستعداد
أناصر ضحايا الحب وافهم مجانينه

أنا قبل اعرفك كان قلبي عيوف وصاد
وبعدك ما صرت اعرف غير الله يعينه

[💫 @Sbalii_]

من البارح وأنا بين الكلام وصمتي المعهود
أحرر لك عبارات المعاتب وارجع اسجنها

ما حز فخاطري غير الكلام الجارح المقصود
لو إنها رميةٍ من غير رامي .. ماعلي منها

[💫 @Sbalii_]

عقب طول الغياب وعقب فرك الكفوف
احسبني نسيت وجرح صدري برا

وكل ما أكبر معي تكبر عليه الشفوف
ليت قلبه يحس ... وليت عينه ترا

ألتمس له عذر واقول عنده ظروف
لين سوَى جريمه واعتقد ما درا

قبل يسري وانا صاحي وعيني تشوف
مد كفه وآخذ قلبي ... وقام وسرا

[💫 @Sbalii_]

كنت أعتقد ما ورى هذا الركود إندفاع
لين المواعيد باعتني ولا بعتها

أنا جروحي من البارح عليها قناع
تظاهرت بالسكينة وأنت روّعتها

أحلى الليال القديمة يا سنين الضياع
راحت.. مثل فرصةٍ مرّت وضيّعتها

أشعر بفرط القلق وأشعر بقرب الوداع
وأشعر بحاجات واجد ما توقعتها

[💫 @Sbalii_]

وان شفتهم في سوالفهم يجيبونك
ادركني الحزن والسلوان ممداني

كن فز قلبي ليا قامو يطرونك
فزة شجاع يقول ان العمر فاني

وكن لجت ضلوع صدري كلها دونك
لجة اهالي قطر من دون ابن ثاني

[💫 @Sbalii_]

ظلمني الزمان اللّي جبرني على فرقاه
صواديف بقعا شرّها ما تعداني

أنا كيف بدله واطمع ان خاطري ينساه
وأنا كل ما مريت مدهاله ابكاني

أعيش بخياله واتنادم مع ذكراه
ويدوي بي الهاجوس في عالم ثاني

قضى العمر كله عادني في رجا لاماه
وطال الرجا والياس قام يتحداني

• عامر بن نوطان .

[ دبلوماسي قطري قديم @Diplomaticqatar]

مــعاك مـعاك لو ينضـرب بير لـفان ويجف غازه ..

[محمد الخياط @Mohammadmvc]

الخليجي هو الوحيد بهالعالم اللي يكنسل سفرته ويرجع بلده وهي بحالة حرب
#واقع