Seagulls

.

[Seagulls @Seagullshz]

@AskCFO مشروع قائم، استهدف النمو
اذا لك خاطر تشوف تفاصيله ارسلي

[Seagulls @Seagullshz]

@al_aaashg @AskAlMal عندي مشروع قائم ويربح، اذا مهتم انا حاضر.
علماً ان المشروع مبيعاته 13 مليون لحد الان.
واستهدف النمو، ولكن بعائد لفترة محددة يتم الاتفاق عليها.

[Seagulls @Seagullshz]

@SaudiNews50 الله يعز الوطن، ويحفظنا بعينه اللتي لا تنام

[TRND @NOWTRND]

ترند " مقطع متداول "

رجل يوضح:

معجزة النبي عيسى عليه السلام لماذا ليس له قوم؟

[عبدالعزيز الخمعلي @abonn1410]

ليش كل ما قربنا من 2030 تزيد الصراعات؟
أكيد لاحظت ياسيدي الكريم إنك كل ما فتحت السوشل ميديا الفترة الأخيرة تلقى لك جبهة جديدة أو دولة ترفع تسليحها أو جيش يقولك
لازم نكون جاهزين قبل نهاية العقد
وقبل يومين كتبت عن اللي قاعد يصير في أوروبا وقلت لك إن هذي علامات عالم قاعد يتغير شكله

بس السؤال الأهم اليوم
وش قصة 2030 بالذات؟
لاحظ التالي :
روسيا وأوكرانيا | إيران وإسرائيل | الهند وباكستان | باكستان وأفغانستان | إسرائيل وسوريا
صداع صح ؟
مالومك صدقني منت لحالك
بس تدري إن حتى نزاعات حدودية قديمة رجعت تصحى من جديد
عبدالعزيز ليه متشائم كذا ماعليك روق الامور طيبه بس كمل
وادري الحين تقول لي طيب يمكن حنا نحس بكذا بس لأن الأخبار صارت توصلنا أسرع؟
بقولك لا
وسجل عندك هالرقم

تخيل في 2025 وصل عدد النزاعات المسلحة اللي تدخل فيها دول إلى 65 نزاع
وتراه أعلى رقم مسجل من سنة 1946
والأخطر إن الحروب المباشرة بين دولة ودولة تضاعفت للسنة الثانية ورا بعض ووصلت 8
طيب ياعبدالعزيز بعد هالكلام ممكن تقول لي وش دخل 2030؟
ابشر على خشمي تفضل استلم:

السالفة إن دول كثيرة ضابطة منبّهها على نهاية هالعقد
يعني عندك أوروبا عندها خطة اسمها «الجاهزية 2030» وتقولك بالحرف إنها تبي تكون مستعدة لأسوأ الاحتمالات العسكرية
والأغرب إن نفس الورقة الأوروبية مكتوب فيها إن نظام دولي جديد قاعد يتشكل في النص الثاني من هالعقد
يعني الأوروبيين نفسهم يقولون لك الموعد مستوعب ؟
والصين عندها محطة لتحديث جيشها في 2027 وبعدها 2035
لا عاد كذا كثير ياعبدالعزيز
واصبر مابعد شفت شي القادم مذهل 😂

عاد تدري بعد إن الإنفاق العسكري العالمي وصل في 2025 تقريباً 2.9 تريليون دولار
وهذي السنة الحادية عشرة ورا بعض اللي يزيد فيها
تقول لي طيب ليش كلهم مستعجلين؟
هنا عاد نتكلم جد شوي واقولك لأن شكل العالم نفسه قاعد يتغير
لأنه بعد الحرب الباردة تعودنا سنوات طويلة إن فيه قوة وحدة أكبر من الجميع بفارق واضح
اليوم عندك أمريكا والصين وروسيا وأوروبا وقوى إقليمية وكل واحد عنده مصالحه وتحالفاته وحساباته

يعني سلمك الله القواعد القديمة قاعدة تضعف والعالم للحين ما اتفق على القواعد الجديدة
وفوق هذا كله أدوات الحرب نفسها تغيرت
المسيّرة اللي كانت قبل عشرين سنة تقنية عند كم دولة اليوم تلقاها عند الجيوش والميليشيات والجماعات المسلحة
تدري إن فيه 469 جماعة مسلحة غير حكومية استخدمت مسيّرات ولو مرة خلال آخر خمس سنوات؟
يعني القوة اللي كانت تحتاج منك طيران وقواعد ومليارات صار جزء منها اليوم متاح حتى لجماعة صغيرة

وخلني أقولك الشي اللي يبرد القلب
أوروبا انتبهت لـ2030 السنة اللي فاتت
وحنا حاطينه على التقويم من 2016 شايف كيف
بس برؤية تبني اقتصاد وفيها هدف نوطّن نص إنفاقنا العسكري بدل ما نستورده
يعني قرينا الساعة من بدري
فعشان كذا لا تشوف 2030 كأنه موعد لحرب عالمية
شوفه نهاية عقد العالم قاعد يعيد فيه توزيع القوة ويبني جيوشه ويختبر حدوده وتحالفاته
واللي قاعد تشوفه اليوم يمكن ما يكون أزمات منفصلة مثل ما نحسب
يمكن كلها أعراض لشي أكبر
عالم قديم قاعد ينتهي
وعالم جديد للحين ما اتفقوا على قواعده وسلامتك