Second Post

نړیوال خبرونه | سیاست | اقتصاد | امنیت | چاپېریال | شننې

[Second Post @SecondPost1]

د جنوبي #وزیرستان په #مکین تحصیل کې د یوه بازار دننه د موټرسایکل پورې تړل شوو چاودېدونکو توکو د چاودنې له امله څو کسان ټپیان شوي او یو شمېر دوکانونه زیانمن شوي دي.

د ټپیانو په منځ کې د حکومت پلوه سولې کمېټې درې غړي هم شامل دي.

[Second Post @SecondPost1]

په لاهور کې هم د پنجاب په څېر په سوله‌ییز ډول د میلاد النبی صلی الله علیه وسلم نمانځل جرم ګرځېدلی.
ویډیو کې لیدل کیږي، چې پولیس د میلاد النبی صلی الله علیه وسلم په مناسبت د جوړه شوې غونډې له پای ته رسېدو وروسته د غونډې ګډونوال ځپي او د هغوی د وهلو لپاره یې په لویو لرګیو لاس پورې کړی دی.

[Second Post @SecondPost1]

پوځي رژیم د امنیت په ساتلو کې پاتې راغی؛ فرانسې په کراچۍ کې د ۵۰ کلنې قونسلګرۍ د تړل کېدو خبر ورکړی

فرانسه په کراچۍ کې خپله جنرال قونسلګري، چې له ۱۹۷۶ کال راهیسې یې فعالیت کاوه، د تل لپاره وتړي؛ هغه دیپلوماتیک حضور چې نیمه پېړۍ یې دوام درلود، اوس پای ته رسېږي.

د فرانسې وتوونکي سفیر نیکولاس ګالي د کراچۍ په یوه غونډه کې د قونسلګرۍ د دایمي تړل کېدو خبر ورکړی او د فرانسې جنرال قونسل به د سپټمبر پر لومړۍ نېټه فرانسې ته ستنېږي.

که څه هم پاریس د تړل کېدو رسمي علت په څرګند ډول امنیت نه دی بللی، خو د فرانسې رسمي امنیتي ارزونې په پاکستان کې د ترهګرۍ او جرمونو لوړ خطر په ګوته کړی دی.

دا یوازې د یوې قونسلګرۍ د دروازو تړل نه دي؛ دا د پاکستان د امنیتي وضعیت لپاره یو دروند ډیپلوماتیک سیګنال دی.

هغه پوځي رژیم چې کلونه یې د امنیت، ثبات او د ترهګرۍ ضد مبارزې دعوې کړې، نن په خپل تر ټولو ستر اقتصادي ښار کې د بهرني هېواد د نیمې پېړۍ زوړ قونسلۍ حضور د ساتلو په برخه کې هم د باور وړ امنیتي چاپېریال نه شي تضمینولی.

کله چې د یوه هېواد امنیتي نظام د خپلو بهرنیو مېلمنو، ډیپلوماتانو او قونسلګریو د خوندي پاتې کېدو باور له لاسه ورکړي، ستونزه یوازې ناامني نه وي؛ دا د یوه ناکام امنیتي سیاست نړیواله نښه وي.

[Second Post @SecondPost1]

په بلوچستان کې د بلوڅو د ازادۍ مبارزین لیدل کېږي چې د پاکستان بیرغ راښکته کوي.
هلته د ټولنیزو رسنیو فعالان وايي، په دغه سیمه کې د قانون حاکمیت کمزوری دی او ډېری بلوڅان د پاکستان له بیرغ سره مخالفت لري.

[Second Post @SecondPost1]

🔴 د پاکستان پوځي رژيم ستره بې‌غوري؛ ۱۴ نوي‌زېږېدلي ماشومان مړه شول

د اسلام‌اباد په پمز روغتون کې د ماشومانو په څانګه کې د اورلګېدنې له امله لږ تر لږه ۱۴ نوي‌زېږېدلي ماشومان مړه شوي دي.

د پېښې له امله د پاکستان د روغتیايي نظام د خوندیتوب او بیړنیو خدمتونو پر وړتیاوو جدي پوښتنې راپورته شوې دي. د پاکستان لومړي وزیر د پېښې د څېړنې امر کړی او د مسؤولینو د حساب ورکولو ژمنه یې کړې ده.

د ۱۴ بې‌ګناه ماشومانو مرګ د یوې عادي پېښې په توګه نه شي تېرېدلی؛ د هر ډول غفلت مسؤولین باید حساب ورکړي.

[Second Post @SecondPost1]

مولانا فضل الرحمن ویلي، اوس مهال په خیبر پښتونخوا او بلوچستان کې جګړې روانې دي او په کشمیر کې هم خلک له شاوخوا درېیو میاشتو راهیسې د خپلو غوښتنو لپاره احتجاج کوي؛ خو د نوموړي په وینا، د پاکستان پوځ او حکومت له معترضو خلکو سره د خبرو اترو لپاره چمتووالی نه ښيي.

نوموړي د بنګال د جلا کېدو تاریخ ته په اشارې ویلي، هغه مهال هم د اختلافاتو د حل لپاره د خبرو پر ځای د زور کارولو خبرې کېدې، خو د دې تګلارې پایله د پاکستان له تجزیې او د بنګله‌دېش له رامنځته کېدو سره پای ته ورسېده.

د جمعیت علمای اسلام مشر ټینګار کړی چې د تېر تاریخ له تجربې باید زده کړه وشي او د اوسنیو ستونزو د حل لپاره د زور پر ځای له سیاست او خبرو اترو څخه کار واخیستل شي.

د هغه په وینا، که په خیبر پښتونخوا، بلوچستان او کشمیر کې روانې ستونزې په سوله‌ییزه توګه حل نه شي، نو د هېواد د لا زیاتې بې‌ثباتۍ او تجزیې خطر به زیات شي.

فضل الرحمن دا څرګندونې داسې مهال کوي چې په پاکستان کې امنيتي او سياسي وضعيت تر بل هر وخت ډېر کړکېچن دی.

[Second Post @SecondPost1]

مهم خبر
په جنوبي وزیرستان کې پر پاکستاني پوځ کمین؛ پنځو سرتېرو ته مرګ‌ژوبله اوښتې

نن سهار شاوخوا اته نیمې بجې د جنوبي وزیرستان د لدې ولسوالۍ اړوند د سلطونه په سیمه کې د تحریک طالبان پاکستان (TTP) وسله‌والو د پاکستاني پوځ پر یوې ګزمې کمیني برید کړی دی.

په برید کې د پاکستاني پوځ دوه سرتېري وژل شوي او درې نور ټپیان شوي دي.

په دغه برید کې د پاکستاني پوځ د مرګ‌ژوبلې شمېر پنځو تنو ته رسېږي.

د تحریک طالبان پاکستان (TTP) وسله‌والې ډلې د یوې اعلامیې په خپرولو سره د برید مسؤلیت منلی دی.

[Second Post @SecondPost1]

مولانا فضل الرحمن په نړیواله کچه د لومړي وزیر شهباز شریف حیثیت تر پوښتنې لاندې راوړی.
نوموړي ویلي، بېچاره شهباز شریف لومړی وزیر دی خو که عاصم منیر ورسره نه وي حتی څوک به ورسره د لاس روغبړ هم ونه کړي.

[Second Post @SecondPost1]

پاکستان کې سیاسي کړکېچ؛ د عمران خان د روغتون لانجه د پوځي رژیم لپاره نوی سرخوږی

د مسلم لیګ (ن) مشر نواز شریف له خپل ورور او لومړي وزیر شهباز شریف سره په لیدنه کې د روان سیاسي وضعیت په اړه اندېښنه ښودلې او ویلي یې دي چې پاکستان نور د اساسي قانون د بحران او ژور سیاسي کړکېچ د دوام توان نه لري.

د عمران خان د روغتیا موضوع هم د روان کړکېچ یوه مهمه برخه ګرځېدلې ده. د سترې محکمې له حکم سره ـ سره عمران خان د شفاء نړیوال روغتون پر ځای پېمز روغتون ته د طبي معاینې لپاره وړل شوی، چې له امله یې د محکمې د حکم د عملي کېدو په اړه نوې پوښتنې راپورته شوې دي.

د عمران خان د روغتون، د سترې محکمې د حکم د نه عملي کېدو، د تحریک انصاف د احتمالي سیاسي ائتلاف او د روان سیاسي وضعیت په اړه د مسلم لیګ (ن) دننه هم بحثونه شوي دي.

د عمران خان د روغتیا پر سر تازه لانجه د پاکستان پوځي رژیم لپاره د سیاسي او حقوقي فشارونو یوه بله نښه بلل کېږي؛ ځکه د محکمې حکم، د حکومت دریځ او د اپوزیسیون اعتراضونه یو ځل بیا د واک د وېش او قانون د حاکمیت پوښتنه د سیاسي بحثونو سر ته را وستې ده.

[Second Post @SecondPost1]

اسلام‌اباد سرحد پوهنتون کې دا مهال وضعیت ترینګلی دی؛ محصلین د اعتراض لپاره راوتلي وو، خو پولیسو ساحې ته ځانونه رسولي او محصلین په لرګیو وهي او دغه راز پرې د تفنګچو ډزې کوي.

[Second Post @SecondPost1]

مستونګ کې د زیانمن شوي زغره‌وال ټانګ پاتې شونې انتقالېږي

د بلوچستان د مستونګ ولسوالۍ د خډکوچې په سیمه کې د هغه زغره‌وال ټانګ پاتې شونې د انتقال په حال کې دي چې د راپورونو له مخې، تېره ورځ د بلوڅو وسلوالو په برید کې زیانمن شوی و.

د سیمې د راپورونو له مخې، د برید له امله زغره‌وال ټانګ سخت زیانمن شوی او اوس یې پاتې شونې له سیمې څخه لېږدول کېږي.

تر اوسه د بريد د ځاني او مالي زیانونو بشپړ جزییات نه دي خپاره شوي.

[Second Post @SecondPost1]

مولانا فضل‌الرحمن عاصم منیر ته خبرداری؛ «که سیاست کوئ، یونیفورم وباسئ او ټاکنو ته راشئ»

د جمعیت علمای اسلام (ف) مشر مولانا فضل‌الرحمن د پاکستاني پوځي رژيم د پوځ پر مشر عاصم منیر او د پوځ پر سیاسي لاسوهنو سختې نیوکې کړې دي.

فضل‌الرحمن د ۱۹۷۱ کال جګړې او د هغه مهال د پاکستاني پوځ تسلیمېدو ته په اشارې ویلي، د ځواک او بریا لویې دعوې نوې خبره نه ده؛ پاکستاني پوځ هغه مهال هم د خپل قدرت او مقاومت لوړې ادعاوې کولې، خو په پای کې یې په ختیځ پاکستان کې تسلیمېدل ومنل.

نوموړي عاصم منیر ته په څرګندو ټکو ویلي، که پوځي مشران سیاست ته داخلېدل غواړي، نو باید یونیفورم وباسي، سیاسي ډګر ته راووځي، په ټاکنو کې برخه واخلي او د خلکو رایه ترلاسه کړي.

فضل‌الرحمن ټینګار کړی چې د حکومت جوړول او یا له واکه د حکومت لرې کول د پوځ دنده نه ده، بلکې د خلکو حق دی چې د رایې له لارې خپل حکومت وټاکي.

د هغه دا څرګندونې په داسې وخت کې کېږي چې په پاکستان کې د پوځ د سیاسي نفوذ او د ملکي ادارو په چارو کې د پوځي رول پر سر بحثونه یو ځل بیا تاوده شوي دي.

د فضل‌الرحمن تازه څرګندونې د پاکستان د پوځ مشرتابه ته له تر ټولو ښکاره سیاسي ننګونو څخه بلل کېږي.

[Second Post @SecondPost1]

د پاکستان د جمعیت علمای اسلام مشر مولانا فضل الرحمن په پېښور کې د خپل ګوند غونډې ته ویلي، چې پاکستان په افغانستان کې د امریکا پخوانۍ تګلاره پر مخ وړي. هغه زیاته کړې، چې دغه هېواد د ترهګرۍ ضد جګړې په نوم له امریکا څخه پیسې ترلاسه کوي، خو په خپله خاوره کې یې امنیت نه دی خوندي کړی.

[Second Post @SecondPost1]

🔴 بېړنی | مستونګ

په بلوچستان کې د پوځي رژیم پر وړاندې د یوه درانه برید راپور ورکړل شوی؛ سرچینې وايي، پوځ ته په دغه برید کې د پام وړ مرګ‌ژوبله اوښتې ده.

د پېښې له پراخېدو وروسته پاکستاني چارواکو په مستونګ کې بشپړ ګرځبندیز لګولی او مخابراتي شبکې یې هم تړلې دي.

نور جزییات وروسته...

[Second Post @SecondPost1]

🔴 د پاکستان پوځي رژيم د کورني امنیت په ساتنه کې پاتې راغی؛ راولپنډۍ ته پوځ ور وغوښتل شو

د پاکستان پوځي رژيم چې د هېواد د امنیت او ثبات په اړه تل لوړې ادعاوې کوي، اوس یې د خپل کورني امنیت د ساتنې لپاره خپله پوځ ته اړتیا پیدا کړې ده.

د پنجاب د کورنیو چارو ادارې په غوښتنه، د پاکستان فدرالي حکومت د اساسي قانون د ۲۴۵مې مادې له مخې په راولپنډۍ کې د پوځ د درېیو قطعاتو د ځای پرځای کېدو منظوري ورکړې ده. پوځیان به د شپږو میاشتو لپاره د «حساس امنیتي دندو» په موخه له ملکي ادارو سره مرسته کوي.

د پرېکړې معنا روښانه ده: هغه اداره چې باید د کورني امنیت مسؤولیت پر غاړه ولري، د امنیتي وضعیت د کنټرول لپاره د پوځ مرستې ته اړ شوې ده. حتی په راولپنډۍ کې، چې د پاکستان د پوځ عمومي قومانداني (GHQ) پکې موقعیت لري، د امنیت د ساتنې لپاره د پوځ رسمي ځای پرځای کېدل د وضعیت د جدي کېدو څرګندونه کوي.

د پاکستان پوځي رژيم د امنیت، ثبات او ځواک دعوې کوي؛ خو په عمل کې د کورني امنیت د مدیریت بار یې بیا هم پر پوځ اچولی دی. دا وضعیت د اسلام‌اباد د امنیتي تګلارې کمزورتیا او د ملکي ادارو د ناکام مدیریت یوه بله څرګنده نښه بلل کېږي.

تر ټولو مهمه دا ده چې حکومت لا هم د دې پراخ امنیتي اقدام اصلي ګواښ یا مشخص علت په رسمي ډول نه دی روښانه کړی؛ یوازې یې د «ناوړه وضعیت» او «ناڅرګندو احتمالي حالاتو» د مخنیوي خبره کړې ده.

[Second Post @SecondPost1]

#عاجل
د پاکستان سرې میاشتې ټولنې خبر ورکړی چې وروستۍ زلزلې له امله پاکستان کې ۸۷ کورونه ویجاړ او ۱۶۷ کسان وژل شوي.
تفصیلات:
وژل شوي: ۱۶۷ تنه، ټپیان: ۱۹۷ تنه ، ورک: ۱۸ تنه
ړنګ شوي کورونه: ۸۷ کورونه، بشپړ او قسمي دي.
نور جزیات وروسته...

[Second Post @SecondPost1]

پاکستان له اوږدې مودې راهیسې خپل پوځي ظرفیت یوازې د دفاعي ځواک په توګه نه، بلکې د سیمه‌ییز نفوذ او اقتصادي اړیکو د وسیلې په توګه هم کارولی دی.

د سعودي عربستان او نورو هېوادونو سره پوځي اړیکې، روزنې او امنیتي همکارۍ د پاکستان د بهرني سیاست یوه مهمه برخه پاتې شوې ده.

خو که یو هېواد د خپلو اقتصادي ستونزو د حل لپاره خپل پوځي بشري ځواک د عاید سرچینې په توګه وړاندې کولو ته اړ شي، دا د اقتصادي ځواک نښه نه؛ بلکې د اقتصادي کمزورۍ یوه جدي نښه کېدای شي.

هغه هېواد چې د نړۍ بازار ته د ټکنالوژۍ، پرمختللو صنعتي محصولاتو، علمي نوښتونو او نړیوال رقابتي تولید پر ځای د امنیتي خدمتونو د صادرولو له لارې د عاید تمه کوي، باید د خپل اقتصادي جوړښت په اړه جدي پوښتنې وکړي.

کشمیر؛ د بحران بله احتمالي جبهه

د پاکستان تر ادارې لاندې کشمیر کې د اقتصادي فشارونو، د ژوند د لګښتونو او سیاسي غوښتنو په اړه راپورته کېدونکي اعتراضونه هم د پاکستان پوځي رژيم لپاره د پام وړ خبرداری دی.

که اقتصادي نارضایتي له سیاسي بې‌باورۍ سره یوځای شي او دغه وضعیت پراخ شي، نو پاکستان به له داسې داخلي فشار سره مخ شي چې یوازې د امنیتي ځواکونو په وسیله یې مدیریت کول به لا ستونزمن وي.

د پاکستان لپاره تر ټولو خطرناک حالت هغه مهال رامنځته کېدای شي چې امنیتي بحران، اقتصادي بحران او د خلکو بې‌باوري په یوه وخت کې سره یوځای شي.

د «ستراتیژیکې ژورتیا» د سیاست بیه

د پاکستان د اوسني وضعیت په تحلیل کې د تېرو لسیزو امنیتي تګلارې له پامه نه شي غورځول کېدای.

د «ستراتیژیکې ژورتیا» په نوم سیاست، له ځینو وسله‌والو ډلو سره د چلند په اړه د دوه‌ګوني معیار تورونه، سیاسي انجینري او د امنیتي ستونزو لپاره پر پوځي حل‌لارو زیات تمرکز هغه عوامل دي چې د نن ورځې د بحران په رامنځته کېدو کې یې احتمالي رول باید په جدي ډول وڅېړل شي.

هغه وسیله چې پرون د نفوذ لپاره کارول کېده، کېدای شي نن د امنیتي بحران یوه برخه ګرځېدلې وي.

دا د تاریخ یو له خطرناکو درسونو څخه دی: که یو دولت د لنډمهاله ستراتیژیکو ګټو لپاره داسې سیاستونه غوره کړي چې د اوږدې مودې لپاره د سیمې ټولنیز او امنیتي جوړښتونه بې‌ثباته کوي، د دغو سیاستونو پایلې یوه ورځ د هماغه دولت دروازې ټکوي.

د پاکستان پوځي رژيم د بقا اصلي پوښتنه

پاکستان کولای شي د خپلو جنګي الوتکو شمېر اعلان کړي، د توغندیو ازموینې ترسره کړي، د دفاعي تړونونو خبرونه خپاره کړي او ځان د نړۍ له پیاوړو پوځونو څخه وبولي؛ خو دولت په اعلامیو نه، په پایلو سنجول کېږي.

ایا خلک خوندي دي؟

ایا دولتي حاکمیت په ټولو سیمو کې اغېزمن دی؟

ایا اقتصاد د اوږدمهاله ودې توان لري؟

ایا پانګه‌وال پر راتلونکي باور لري؟

ایا خلک پر دولت باور لري؟

او تر ټولو مهمه:

ایا د پاکستان پوځي رژيم د خپلو بحرانونو د ریښو د اصلاح سیاسي جرئت لري، که لا هم د هرې ناکامۍ لپاره بهرنی دښمن لټوي؟

پاکستان باید له دې تصور څخه ووځي چې یوازې پوځي برتري د دولت د ځواک بشپړ تعریف دی.

اټومي وسلې د دولت د بقا ضمانت نه دي؛ توغندي د خلکو باور نه شي رامنځته کولای؛ ټانکونه اقتصاد نه شي جوړولای؛ او پوځي بودجه د حکومتولۍ تشه نه شي ډکولای.

د دولت حقیقي ځواک په کورني ثبات، قوي اقتصاد، قانون حاکمیت، اغېزمنې حکومتولۍ، سیاسي مشروعیت او د خلکو په ملاتړ کې دی.

که د لوړو دفاعي لګښتونو باوجود دوه سترې سیمې په پرله‌پسې توګه له ناامنۍ سره مخ وي، که امنیتي ادارې بیا بیا له بریدونو سره مخ کېږي، که اقتصادي بحران ژورېږي او که د دولت او خلکو ترمنځ د باور واټن پراخېږي، نو یوازې د پوځي ځواک ادعاوې نور د یوه پیاوړي دولت ثبوت نه شي کېدای.

د پاکستان پوځي رژيم باید له ځان څخه یوه ساده، خو تاریخي پوښتنه وکړي:

که دومره پوځ، دومره وسلې، دومره استخباراتي ادارې او دومره دفاعي بودجه لري، نو ولې لا هم د خپل کور د امنیت لپاره له دومره لویو ننګونو سره مخ دی؟

ځکه ښايي د پاکستان اصلي بحران د پولې هاخوا نه وي؛ اصلي بحران هغه داخلي تشوالی وي چې د پوځي ځواک تر درنو شعارونو لاندې پټ ساتل شوی دی.

او که د دغه تشوالي د ډکولو لپاره ریښتینې سیاسي، اقتصادي او امنیتي اصلاحات ونه شي، نو سبا به پوښتنه دا نه وي چې پاکستان څومره پوځي ځواک لري؛ پوښتنه به دا وي:

ایا دغه پوځي ځواک د یوه کمزوري کېدونکي دولت د ژغورلو لپاره بسنه کوي؟

[Second Post @SecondPost1]

تبصره
ــــــــــــــــــــــ
د پوځي ځواک تر سیوري لاندې داخلي تشوالی؛ ایا د پاکستان پوځي رژيم د بقا جګړه بایلي؟

پاکستان له کلونو راهیسې هڅه کوي ځان د سیمې د یوه ستر پوځي او اټومي ځواک په توګه معرفي کړي. د پاکستان پوځي رژيم د خپل پوځ، اټومي وسلو، توغندیو، جنګي الوتکو او دفاعي بودجې له لارې د ځواک یو داسې تصویر وړاندې کوي چې غواړي نړیوال افکار پرې متأثر کړي؛ خو د دولت حقیقي ځواک یوازې په وسلو او پوځي تجهیزاتو نه اندازه کېږي.

اصلي پوښتنه دا ده: که د پاکستان پوځي رژيم دومره پیاوړی وي، نو ولې د خپل هېواد په دننه کې د امنیت، ثبات، اقتصاد او د خلکو د باور د ساتلو له جدي بحرانونو سره مخ دی؟

په خیبر پښتونخوا او بلوچستان کې اوږدمهاله ناامني، پر امنیتي ځواکونو پرله‌پسې بریدونه، د مهمو لارو ناامني، د وسله‌والو ډلو فعالیتونه او په ځینو سیمو کې د دولتي حاکمیت پر وړاندې ننګونې هغه واقعیتونه دي چې د «ستر پوځي ځواک» له رسمي تصویر سره ښکاره تضاد لري.

د پاکستان پوځي رژيم ښايي د وسلو، الوتکو او توغندیو اوږد لېست ولري؛ خو د دولت ځواک هغه وخت معنا پیدا کوي چې دغه ځواک د خلکو امنیت، قانون حاکمیت او داخلي ثبات تضمین کړي.

د «بهرني دښمن» دایمي کیسه

د پاکستان پوځي رژيم د خپلو امنیتي بحرانونو په اړه ډېری وخت یوه تکراري نسخه وړاندې کوي: د هرې لویې چاودنې، برید، تښتونې او امنیتي پېښې تر شا د بهرنیو لاسونو لټول.

البته، د پولې هاخوا عوامل او د بهرنیو شبکو احتمالي رول په بشپړ ډول له پامه نه شي غورځول کېدای؛ خو د هر بحران لپاره د بهرني دښمن موندل، په عین وخت کې د خپلو کورنیو کمزوریو له ارزونې تېښته ده.

که د پاکستان پوځي رژيم خپل پوځ او استخباراتي جوړښتونه د نړۍ له پیاوړو امنیتي بنسټونو څخه ګڼي، نو باید د خپلو پولو، ښارونو، لویو لارو او مهمو تأسیساتو د خوندي کولو وړتیا هم ولري.

له همدې امله اساسي پوښتنه دا ده:

که هره امنیتي ناکامي د بهرني لاس پایله وي، نو بیا د پاکستان د پراخ پوځي او استخباراتي جوړښت مسؤلیت څه دی؟

دا یوازې سیاسي پوښتنه نه ده؛ دا د یوه دولت د حساب ورکونې بنسټیز معیار دی.

خیبر پښتونخوا او بلوچستان؛ د پوځي ځواک ریښتینی امتحان

په بلوچستان کې د وسله‌والو ډلو او بېلتون‌پالو خوځښتونو دوام او په خیبر پښتونخوا کې د تحریک طالبان پاکستان او نورو وسله‌والو ډلو فعالیتونه د پاکستان پوځي رژيم لپاره یوازې امنیتي ستونزه نه ده؛ دا د حاکمیت، حکومتولۍ او د تېرو امنیتي سیاستونو ګډه ازموینه ده.

کله چې یو هېواد له کلونو راهیسې په یوه سیمه کې د امنیت د ټینګښت لپاره پوځي عملیات ترسره کوي، خو بحران بیا هم په نوې بڼه راڅرګندېږي، نو باید پوښتنه یوازې دا نه وي چې «څوک برید کوي؟»؛ بلکې دا هم باید وپوښتل شي:

ولې دا بحران بیا بیا تولیدېږي؟

یوازې پوځي عملیات، امنیتي پوستې، نیونې او زور کارول ښايي لنډمهاله فشار کم کړي؛ خو که د بحران سیاسي، اقتصادي، ټولنیزې او اداري ریښې له منځه ولاړې نه شي، نو جګړه له یوه ځایه بل ځای ته انتقالېږي.

هغه پوځ چې د هېواد دننه له بحران سره مخ دی

د پاکستان پوځي رژيم د سیمې په کچه د خپل پوځ د ځواک، اټومي وړتیا او دفاعي ظرفیتونو پراخ تبلیغات کوي؛ خو د ځواک اصلي امتحان د بهرنیو پوځي نندارو نه، بلکې د کورني امنیت په میدان کې دی.

که د یوه هېواد امنیتي ځواکونه د خپلو مهمو سیمو، لویو لارو او تأسیساتو په خوندي کولو کې له دوامدارو ننګونو سره مخ وي، نو یوازې د وسلو او تجهیزاتو شمېر د بریا ثبوت نه شي کېدای.

قوي پوځ هغه نه دی چې یوازې ډېرې وسلې ولري؛ قوي پوځ هغه دی چې د خپل دولت امنیتي مأموریت په دوامدار ډول ترسره کړای شي.

اقتصاد؛ هغه جبهه چې توپک یې نه شي ګټلای

پاکستان له جدي اقتصادي فشارونو، پورونو او مالي ستونزو سره مخ دی. په داسې وضعیت کې د پاکستان پوځي رژيم هڅه کوي له سعودي عربستان، چین او نورو هېوادونو سره د لویو تړونونو او پانګونو له لارې د اقتصادي فشارونو د کمولو زمینه برابره کړي.

خو د اقتصاد یو ساده حقیقت دا دی:

پانګه د امنیت سیوري ته ځي؛ د ناامنۍ په میدان کې نه پاتې کېږي.

پانګه‌وال یوازې د میلیاردونو ډالرو د اعلانونو پر بنسټ پرېکړه نه کوي. هغوی قانون، ثبات، امنیت، د پانګې خوندیتوب او د راتلونکي وړاندوینه ارزوي.

که بهرني وګړي، سوداګریزې پروژې، لویې لارې او حتی امنیتي کاروانونه له پرله‌پسې ګواښونو سره مخ وي، نو د میلیاردونو ډالرو تړونونه د واقعي اقتصادي ثبات بدیل نه شي کېدای.

پاکستان که غواړي نړیواله پانګه جذب کړي، باید یوازې د تړونونو اعلان ونه کړي؛ بلکې داسې امنیتي او حقوقي چاپېریال رامنځته کړي چې پانګه‌وال پکې د خپل راتلونکي په اړه ډاډمن وي.

د پوځ د «اقتصادي محصول» سیاست

[Second Post @SecondPost1]

🚨 #بېړنی_خبر | خضدار

د راپورونو له مخې، په خضدار کې د بلوڅ ازادي غوښتونکو (BLA) وسلوالو د پوځي رژیم پر رينجر موټر کمين وهلی دی.

راپورونه کې راغلي چې په برید کې د موټر سپاره ټول پوځیان وژل شوي او جسدونه یې د سړک پر غاړه غورځول شوي دي.

[Second Post @SecondPost1]

د پاکستان د اپوزیسیون مشر، محمود خان اڅکزي، د دغه هېواد له حکومت غوښتي چې د افغانستان پر وړاندې له ناسم چلنده لاس واخلي او د افغانستان د چلند په اړه د خپلو ادعاوو لپاره شواهد وړاندې کړي.