سعـود الـعُون الـزهَاميل .

اللهم ارحم جدتي ام فايز الزهاميل واغفرلها 🤍.

[سعـود الـعُون الـزهَاميل . @Sf_aloun]

2058.
أنا ليّ في الله حسن ظنّ ورجا وآمال
كأنّي أشوف أقداره البيض قدّامي .

[سعـود الـعُون الـزهَاميل . @Sf_aloun]

2257.
يارب الأيام ماتمشي على طوعي
وانا ادري انك كريم ، وعبدك تحبّه

صوت الليالي وهي تاكل من ضلوعي
يشبه لصوت الحطب والنار مشتبّه .

[سعـود الـعُون الـزهَاميل . @Sf_aloun]

0259.
ياخوفي أبقى على وهم الأحلام
وأبقى اطارد في سراب الأماني

ماغير اكبت في حشا صدري كلام
واستقبل الذمات من طالح وداني

انا السجين اللي حكم نفسه إعدام
بسيوف صمتٍ قطعت لي لساني .

[سعـود الـعُون الـزهَاميل . @Sf_aloun]

0116.
ياعين ياللي لك ليالي عن النوم
نامي بعد سهر الليالي قريره

يمكن يكون آخر سهر وآخر هموم
وآخر محبه وآخر اشياءٍ كثيره .

[سعـود الـعُون الـزهَاميل . @Sf_aloun]

1403.
لا باس .. يا راس ملته التفاكير
وعاف المنام وعاف لين الوساده

لابد من عقب المصاعب تياسير
والأدمي يصبر وصبره عباده .

[سعـود الـعُون الـزهَاميل . @Sf_aloun]

1238.
لا توضّح ضيقتك لو تضيق الأرض فيك
خل في صدرك مقابر وفي وجهك حياة .

[سعـود الـعُون الـزهَاميل . @Sf_aloun]

0234.
لأن روحك في جنبي .. ساكنه
فليحفظ الله قلبي والذي فيه .

[سعـود الـعُون الـزهَاميل . @Sf_aloun]

2341.
سألت الليل عن همّي ومن اللي بالوجع مسؤول
انا الجاني وإلا الوقت ؟ وإلا كذب هقواتي .

[سعـود الـعُون الـزهَاميل . @Sf_aloun]

0337.
على كثر الوعي ضاع الكلام وعجزت أقول
وعلى كثر الفهم مدري وش هي معاناتي

اعيش بنصّي الواقف واخبي نصّي المقتول
وابيّن ضحكتي للناس واخفي خلفها آهاتي

ادور في زوايا الأمس مير الدرب لي مجهول
يطول الصمت في بالي وتكبر بي متاهاتي .

[سعـود الـعُون الـزهَاميل . @Sf_aloun]

0028.
واللي خلق هالخفوق .. وهزّ خفقاته
إنك عن وجيه خلق الله تفرّدتي .

[سعـود الـعُون الـزهَاميل . @Sf_aloun]

2149.
ماهو حرام اقول أحبك ب رمضان
اي والله احبك مثل باقي الشهور

إن كان حبك ذنب يانور الزمان
اقول أنا احبك واقول الله غفور .

[سعـود الـعُون الـزهَاميل . @Sf_aloun]

2219.
المصافح بالقلُوب اصدق من مصافح الأيادي ..

[سعـود الـعُون الـزهَاميل . @Sf_aloun]

0315.
مشغلني التفكير في بعض الأمور
تجمعت في وقت واحد كلها

محتاج لي مخرج ومنفذ للعبور
للشجره اللي تحتويني ظلها .

[سعـود الـعُون الـزهَاميل . @Sf_aloun]

0120.
جربوا غيري ويمكن تعرفون
قيمتي لا جات حزات اللقا

والله إنّي سقم خيبات الظنون
البقا يا طيب الراس البقا .

[سعـود الـعُون الـزهَاميل . @Sf_aloun]

0412.
ماني ضعيف ايمان لكني انسان
تجرحني الكلمه ويقتلني الظن

قصة مشاعر خلفها الف خذلان
عاشت وكبرت مثل مايكبر السن

انا ضحية صمت في ظلم الأزمان
صابر واقول الجاي يارب احسن .

[سعـود الـعُون الـزهَاميل . @Sf_aloun]

2039.
قسم بالله مفرحني شعور انك هناك بخير
مثل فرحة فقير حاجته منه .. استغلوها

اذا وقف بعيد وشاف بنته من بعيد تسير
ضحك لاشافها تضحك لأهلها اللي تبنوها .

[سعـود الـعُون الـزهَاميل . @Sf_aloun]

2028.
الغيم مايحزن على موت الأشجار
والشمس تشرق لي وتشرق لغيري

ماني لكل مضيّع دياره ديار
ولاهو ضروري كلٍ يذوق خيري

انا فدى اللي ينتظرني على نار
ان غبت عنه مايعوضه غيري .

[سعـود الـعُون الـزهَاميل . @Sf_aloun]

1929.
ادري مانيب إختيار سهل تختاره
ظني لو افتش غلاي بيختلف ظني

وادري لو اموت لك واعيش لك تاره
بعيش واموت منت بداريٍ عني .

[سعـود الـعُون الـزهَاميل . @Sf_aloun]

0418.
الورد لا كثرت يدين العرب حوله
حتى ولو ما انقطف ماعاد يغريني

إن جا على باله إن يديني تطوله
يجي على بالي اتبرّى من يديني .

[سعـود الـعُون الـزهَاميل . @Sf_aloun]

0413.
مايذبح الساكت الا سوالف عقله
يشكي على نفسه ونفسه كتومه .

[سعـود الـعُون الـزهَاميل . @Sf_aloun]

0359.
اكبر غبن في ديرة العشق ياحمود
تحب شخصٍ مادرى بك تحبه .