Shafi Saifi

[Shafi Saifi @ShafiSaifi]

@DNoorzai123 ههههههههههه

[Shafi Saifi @ShafiSaifi]

@ZawiaNews ههههههه

[Shafi Saifi @ShafiSaifi]

@onlyskypace 48

[Shafi Saifi @ShafiSaifi]

@GhairatBaheerr دا بیچاره د ذهني بې ثباتئ په ناروغي اخته دی.
د خبري سر و پای یې هیڅ اړخ نه سره لګوي

[Dr. Abdul Ghafoor Liwal, PhD. @GhafoorLiwal]

پاکیستانه!
لاوا Lava پېژنې؟
لاوا مذاب یا ایشنده اور ته وایي، چې کله هم له زمکې د راوتلو کوشنی منفذ (سوری) ومومي، نو اورغورځونه کوي، شاوخوا سیزي، د ایشنده راوتلو پرمهال زلزله پېښوي او غرونه ترې جوړیږي.
ستا په وړاندې د افغان لوی ملت غوسه، کرکه او عقده یوه ایشنده لاوا ده، چې له یونیم سل کلونو راهیسې پټه ایشېده، ستا له زېږېدا مشره ده، خو ستا له زېږېدا سره راوخوټکېده، د زمکې سر ته راغله او همدا څو ورځې وړاندې یې ستا له بمبارونو سره منفذ وموند.
بد رقم تېروتلې، چې پر افغانستان دې راوبلوسل.
اوس نو دغې لاوا داره کړې، په فوران راغلې. د افغانانو په ګده تاریخي حافظه کې داسې لاوايي کرکه نه د انګریز په وړاندې ایشېدلې او نه د شوروي په وړاندې.
دا د لر و بر افغانانو د غوسې لاوا اوس د زمکې له سوري څخه راوتلې ده او هرڅه سیزي. دې ته اوس هیڅوک وړاندې نه‌شي ورتللی.
دا لاوا خپل ټول چاپېریال سیزلی شي.
له تا سره کومه خاصه ډله په جګړه نه‌ده، ته اوس د یوه ملت د یونیم‌سل کلنې غوسې له ایشنده اور سره مخامخ یې، چې اوس یې نو تا روزلي کوډګر هم نه‌شي کنټرولولی.
دا اور تر زمکې لاندې ویشېده، سخت تېروتلې، چې بمبار دې وکړ، لاوا ته دې لار پرانیستله، اوس یې نو مخنیوی نه کیږي. ښايي له لرې به ښه ښکاري، ژر به یې په تاو پوه هم نه‌شې، د لوبو شوق به هم درپیدا کیږي، خو لکه چې له تاریخه بیخي بېخبر یې.
پینځه لسیزې دې د دې لاوا په وړاندې سپېڅلی اسلام ‌ډال کړی و، خو نور دې نو دا ډال هم بایلود.
دا نه هیندوستان دی، نه بنګال. د افغانستان څه بل ډول کیسه ده.
له بد دوزخ سره مخامخ یې. دا ژر نه‌سړیږي، ځان هم سیزي او خپل چاپېریال هم.

[ArmanJan 💫 @ArmanSiab]

په فرانکفورت ښار کې د پارلمان ټاکنو له ولاړ نوماندنو څخه يو زموږ او ستاسې افغانه خور ده هوسۍ اندړ وزير
د افغانانو د پاره په فرانکفورت بل داسې رسنه غږ نشته نو هيله ده چې همايت يې وکړۍ هلته ميشت افغانانو😊
#HosaiZarifAnder
#ImMärzWirdsGrün
#Frankfurt #Grün

[Dr. Abdul Ghafoor Liwal, PhD. @GhafoorLiwal]

د انارو سوداګر

ته چې ولاړې او د ښکلي خدای مېلمه شوې
د جنت په شیدو شاتو کې خوږه شوې
تا وېل: خدای ته چې ځم تا راسره بیایم
بې‌وفا! ته خو یوازې ورستنه شوې

زه به څه وایم، چې روسته ستا له تلو نه
په ما څه راغلل د قاف له لویو غرو نه
یا له قاف نه یا له دښتو د مغولو
دجال واوښته له دنګو دیوالو نه

د وحشي لښکر غبار کې مې شوه برخه
پر غاټولو نوره نه پرېوته پرخه
ستا د شونډو بدخشان راڅخه ورک شو
راروان شومه د زړه له ورانه بلخه

قلندر شومه مرۍ مې کړې په بند کې
سل اویا اوښان مې واخیستل اېلبند کې
څو غمي مې د چورمو په واسکټ سکښتي
ګردلمنی مې راواغوست په هېلمند کې

را روان مې سل اویا اوښان کتار کړل
راشېوه مې په دامان د کندهار کړل
کندهار لکه ستا غاړه کې سور هار و
ترې انار مې په کتار اوښانو بار کړل

ستا د حسن په بګرام کې شهنشاه وم
ستا د قد د بامیکان ولاړ بودا وم
اوس نو راغلم سوداګر شوم د انارو
د کابل هرې کوڅې سره اشنا وم

د کابل هرې کوڅې کې ستا اواز و
خرابات دې د زرینو ګونګرو ساز و
عاشقان او عارفان وو ستا یادونه
په خاموش بالاحصار باندې دې ناز و

ته دا پرېږده، زه نو داسې سوداګر شوم
لیونی غوندې په ورکو لارو سر شوم
په انارو بار اوښان مې شول ملګري
راروان د هیندوستان په اوږد سفر شوم

سکندر هم هیندوستان ته و راغلی
په نیزو، غشیو او زغرو و پوښلی
سکندر په ځان پسې و، میین نه و
په لټون د ورکې نه‌و راوتلی

سکندر به رسېدلی وي که نه وي؟
د ځان پل به یې موندلی وي که نه وي؟
دا چې څوک و او له کومه و راغلی؟
دا ځواب به چا ویلی وي که نه وي؟

خو زه نه یمه په ځان پسې راغلی
نیمه خوا ستا له لمبې یم پاتې شوی
د پتنګ پر وزره هغه میناتور یم
چې لا شمعې پوره نه‌یمه سیزلی

ته دا پرېږده، اوس په لویه لار روان یم
په انارو بار اوښان زه یې څاروان یم
له کابله وړم ستا یو ګریوان عطرونه
زه پاچا اوس پردیسي د هیندوستان یم

له لاهوره تر ډیلۍ او تاج‌محله
د اوښانو بار سپکیږي یو تربله
ستا د سپینې پښې راپاتې یو پایزېب دی
چې شرنګیږي مې په زړه کې تل ترتله

اوازه شوه هیندوستان کې چې انار دي
لکه زړه د عاشق ډک د کندهار دي
سوداګر یې یو میین، یو لیونی دی
سره اوښان دي او په سرو غمیو بار دي

«کابلي والا» پټان دی قلندر دی
و پاچا، اوس د انارو سوداګر دی
چورمه‌داره یې واسکټ، ګرده لمنه
د پایزیب د شرنګ په ژبه هم خبر دی

ربابي دی په شاتار یې ګوتې ګرځي
په ګونګرو او په سېتار یې ګوتې ګرځي
تر شرابو ډېر میین په پیالو سترګو
د ساقي په هر یو وار یې ګوتې ګرځي

اوازه ده د انارو او اوښانو
راروانې قافلې دي د جوګیانو
هر انار د کندهار په تبرک دی
د خرقې بوی یې لګیږي په چشتیانو

بنارس لکه بڼکه د تاووس دی
د رنګینو رڼاګانو اقیانوس دی
د یوه اوښ انار پاتې نور یې تللي
د ګنګا پر غاړه بل روستی پانوس دی

شهزادګۍ د بنارس ډولۍ کې راغله
کجاوې ته د انارو ده ولاړه
د ورېښمینې پردې شاته لکه سیوری
په زربفتو یې پوښلې ده هینداره

وايي: څو سکې د زرو غواړې خانه!
ټول انار د کجاوې اخلم له تا نه
خو انار به تر ماڼۍ راوړې پخپله
د زربفتو ډولۍ مخکې شوه روانه

اوښ مې چو کړ په ډولۍ پسې روان یم
په ورېښم کې ستا اواز دی او حیران یم
نور نو نه‌یم پوهېدلی چې څه کیږي
ستا اواز دی او زه وران یم او زه وران یم

رڼاګانو را په سد کړمه ماڼۍ کې
لکه ناست یم د بګرام په پاچهۍ کې
نه! دا زه یم، بنارس دی او جامونه
انار ایښي دي د زرو په ټوکرۍ کې

بالښتونه، بخملي څونډي یې زانګي
په غمیو پټ زرین جامونه خاندي
یو سېتار نقش و نګار په تخت ولاړ دی
فوارې ته نیلوفر په ډنډ کې لامبي

زه مېلمه یم د ساقي په لاس کې جام دی
او سپوږمۍ ته د چندڼ د ښاخ سلام دی
یخ یخ باد سپینو دیبا پردو کې ناڅي
د کابل د مڼو بوی د باد پیام دی

د وریښمینو پردو شاته د ګام شرنګ شو
چېرته پټ نری نری د سېتار ترنګ شو
ساقی غوږ ته رانږدې شوه په کراره
د جام زړه د انګورتاک په وینو رنګ شو

چا په غوږ کې راته وویل غلي غلي
دا شراب یې له شېرازه دي راوړي
دلته ناڅي شهزادګۍ د بنارس نن
د ساز رګ کې یې شرنګی د پایزیب ځغلي

روهیلیه! بختوره! ډک دې جام دی
ګرځېدلی دې دا ټول جهان په کام دی
نن به بت د غرور ستا په مخ کې ناڅي
نن ماښام زهرې ته مخامخ بهرام دی

شرنګهار شو د ګامونو په دالان کې
نیمه شپه کې لمر راوخوت په ایوان کې
د ورېښمو پرده پورته په اداب شوه
د رنګونو منشور ړنګ شو په روان کې

شها راغله د نازک حریر پرده کې
سپوږمۍ پریوته د میو په پیاله کې
سپین کمیس یې د ورېښمو شرشره و
ته ولاړه وې د زړه په ایینه کې

پایزېبونه سندرغاړي د هوس شول
په قدم قدم یادونو ته جرس شول
نیلوفرو تلاوت د حسن وکړ
و شها ته فرش په لار د بنارس شول

د تبلې تالونه ټال شول د ضربونو
میناتور شو کوږ شرنګی د سېتارونو
ساقي ځار شمه د بلې پیالې وار دی
راشه بلې کړه لمبې مې په فکرونو

د شها ګوتې شوې پورته له ادابه
نیمه زنه یې ښکاریږي له حجابه
اذا زلزلت مې ګډ شو په هډونو
دا کیفیت به مې کړي لا پسې خرابه

جام نه ووته: سا ری مه په ګه ني سا
ډیوه رېږدي: تین‌تنانا تین‌تنانا
په نقره کې د انارو ډک رګونه
صراحي ده په قل قل، ساغر په هاها

د شها یوه پښه تاو شوه له بلې
د پیروي ډنډ ګونګرې وشرنګولې
له غیرته یې حنا پنجې خولې کړې
د خوشبو له تیو پۍ راڅڅېدلې

د ګبینو سمندر موسیقي راغله
د وریښمین درد په بستر موسیقي راغله
چې شها راتاوېده د لمبې ژبه
زما سکروټه په پرهر موسیقي راغله

سمندر ومه ډوب کړی چې قیامت شو
په اسمان وم ګرځېدلی چې قیامت شو
شها یوناڅاپه پورته لوپټه کړه
ستا حضور ته وم لویدلی چې قیامت شو

شها ته وې، نڅا ته وې سرود ته وې
حضور ته وې، پیدا ته وې وجود ته وې
چې د کیف و درد له اوره سپین راوخوت
د حیرت د اورکدې هغه دود ته وې

ما دې ورو د پایزېبونو ګونګرې ښکل کړې
چې په پښو مې د نکریزو د رنګ ګل کړې
تر لمنې دې شوم تاو لکه پېروته
که در هسک مې په انارو د ګوګل کړې

د انارو سوداګر ومه پاچا شوم
ورک کابل وم بنارس کې راپیدا شوم
سل اویا اوښان مې بار لاچي لونګ کړل
د خوشبو خوله په غاړه د شها شوم

په نڅا نڅا دې لاس کې انار واخیست
په کشمیر سینه دې هار کندهار واخیست
انار مات شو ستا د سپینو ګوتو ناز ته
شرشره کمیس دې اور د انګار واخیست

زه لا پروت وم ښکلول مې پایزېبونه
وچو شونډو مې پرانیستي وو زخمونه
د ژوند سورڅاڅکی مې ولویده په خوله کې
لاس مې ونیسه، چې دواړه سره ځو نه

[Shafi Saifi @ShafiSaifi]

@ohhanxiety R

[Shafi Saifi @ShafiSaifi]

@elonmuskmel7 571

[Rokhaan @Rokhaan1]

عقدیانو او سیاسي ماشومانم ته د ولس ځواب!

[Najeeb Nangyal @nangyalnajeeb1]

زمونږ د څو ورځو د خبرو د اثبات لپاره دا مقاله وګورئ. دا همدا نن خپره شوې. مقاله زياتوي چې پاکستان په افغانستان کې د نوو نیابتي جنګي ډلو د مخفي حمايې لپاره لاس په کار شوی. د همدې لپاره یې د اکتوبر په مياشت کې د ځينو کور به توب هم کړی او دومداره تماسونه لري. د مقاومت په مشرۍ د احمد مسعود او د ازادۍ جبهې د مشر ډاکټر ضياء يادونه کوي. همدا راز وايي چې د سقوط وروسته د ای ايس ای مشر په خليج کې له احمد مسعود سره ليدلي و او د ګډ حکومت ژمنه یې ورکړې وه.

مونږ چې څه وايو، لږ یې په وخت وايو. نړېوالې رسنۍ وروسته پرې شخوند وهي. خو جذباتي، ضدي او عقده ایي ځوانان دا هر څه نشي زغملی او ايله ټاپې وهي. اوس انتخاب د ملت دی. د نوو پاکستاني نيابتي ډلو په ملاتړ تغير غواړئ، که د افغانانو په قيادت، د افغانانو لخوا، کورني افغاني حل هڅې کوئ.

سياست د ماضي بحث ته نه وايي. هغه ته تاريخ وايي او پرېږدئ چې تاريخ ليکونکي پرې بحث وکړي. سياست د حال او راتلونکي په اړه تصميم ته وايي. د وضعيت سره سم د خپلو خلکو د ګټو او ژغورنې هڅو ته سياست وايي.

د مقالې لينک 👇🏻

https://t.co/3udkrYUjCU

[غلجی پادشاه @Paadshah_Afghan]

ولسمشر داکتر اشرف غنی نن بیا د ملت او افغانستان دښمنانو په مهم ځای کې مرچ شېندلی دی !

غله، فاسد او ناكامه سياسون غاپی ورپسی.

تل دی وی افغانستان 🇦🇫

په امریکا، غلو، ناکامه او بدنامه سیاسونو سر ګرزولۍ 😂

ولسمشر د ملت زړه حکومت کوي 🇦🇫

[De Loy Afghanistan Tahrik @Loy_Afg_Tahrik]

منظور پشین د قدرت د ترلاسه کولو لپاره مبارزه نه کوی بلکه هغه د پاکستان تر اشغال لاندی د افغانانو خاوره آزادوی:

#De_Loy_Afghanistan_Tahrik

[Attaullah khogyani @Attaullahkhogya]

لیکوال رحیم سکندر د ښاغلي غني د نني ټویټ په اړه لیکلي:
د اړیکو توازن هغه وخت منو چې له امریکا، روس او چین سره تعامل کوو؛ نو له غني سره ولې نه؟
هغه ا.ا ته په خطاب کې لیکلي: ۴۷ کاله وروسته ملت نږدې ۹۸٪ متحد شوی دی، دا یو ستر چانس دی، فقط ښه مدیریت غواړي او کریډېټ تاریخ ته پرېږدئ.

[Abdullah Noori @AbdullahNoori_]

د ولسمشر غني په یو ټویټ سیاسي لړمان بیا په غوسه شوي دي.
#سیاسي_لړمان

[Wazhma Sayel 🇦🇫 @Sayel_D]

ټول خلک پرېږده… لومړی دا ووایه چې ته پخپله د اشرف غني په حکومت کې کومه څوکۍ درلودله؟ او څه دې کړي وو؟
یو باسواد پښتون چې د خپل وطن د ګټې پر ځای سپکې خبرې لیکي، دا خپله د شرم او افسوس ځای دی.
غني به خپل حساب وړاندې کوي، هغه پرېږده… خو ته څه کړي دي؟
ایا په خپل کلي کې دې کومه ګټه رسولې؟
ایا د نجونو لپاره دې کوم خدمت کړی؟
ایا د کلي خلکو ته دې د اوبو، روغتیا یا بلې اسانتیا لپاره څه پروژه پر مخ بیولې؟

ایا تاسو د انجونو د تعلیم لپاره کله کوم جدي کوښښ کړی دی؟
ایا کومه اساس‌نامه، کومه نقشه، کومه طرحه یا حداقل یوه ابتدایي خاکه مو جوړه کړې چې د افغان نجونو لپاره د تعلیم لارې لږې هم اسانه شي؟
ایا هغه ډلې او جریانونو سره چې تاسو یې ملاتړ کوئ، کله د ښځو او نجونو د حقونو په اړه بحث کړی دی؟ دا خو دومره سخت کار هم نه دی چې پیسې وغواړي یوازې اراده غواړي.

که دې د دې ټولو لپاره ځواب نه لري، نو بیا په نورو نیوکې مه کوه… ځکه چې ځان پاک او بل ناولي ګڼل د عقل خبره نه ده.

[Sohail Noor Khan @sohailnoorkhan]

نن افغان ولسمشر ډاکټر اشرف غني ویلی دي چې

افغانستان د تاریخ یو ډېر حساس پړاو ته رسېدلی، چې هم خطرونه لري او هم فرصتونه. د تلپاتې سولې، ملي اجماع او د ملي ګټو د روښانه تعریف اړتیا تر بل هر وخت ډېره ده. هغه ټینګار کوي چې د اوسني وضعیت د ارزونې وخت دی او ولس دې پرېکړه وکړي چې روان مسیر د سولې، سوکالۍ او مشروعیت پر لور روان دی او که نه.

هغه د کورنیو او بهرنیو ستونزو لکه د مهاجرو شړل، طبیعي پېښې او د پاکستان یرغل یادونه کوي او وايي چې د دغو بحرانونو د حل لپاره ګډ عقل، ملي اتفاق او پراخ بحث ته اړتیا ده. غني زیاتوي چې د تلپاتې سولې، مشروعیت، زده‌کوونکو ځوانانو، د نړۍ سره د بیا نښلېدو او هوښیار سیاست پرته وده ناشونې ده.

په پای کې وایي چې که ولس غوښتنه وکړي، دی چمتو دی د بحران د ختمولو او د هېواد د رغونې په لاره کې خپله ونډه ادا کړي.

[Kamran Siddiqi 🇦🇫 @siddiqikamran07]

ولسمشره ښه راغلاست درته وایو!

ولسمشر وایي د ځان لپاره هېڅ نه غواړم او نه یې په هڅه کې یم، د هېواد د ملي ګټو په خاطر ګډ کار ته چمتو یم.

دا وار مسولیت کابل کې د میشت مستبد حاکم دی.

[جنرال جانباز @JanbaazOsman]

له یو پوسټ یې ټول فېسبوک او ټویټر ډک شو
د هېڅ یو چارواکي خبرې یا لیکل دومره نه پراخېږي، څومره چې د داکتر غني کېږي.
له وطنه تللی، زړونو کې پټ شوی ولسمشر🇦🇫👇

[Najeeb Nangyal @nangyalnajeeb1]

پنځه ورځې مخکې مو ووېل د بحران د حل کيلي له اشرف غني سره ده. نن رسما ولسمشر غني وويل د بحران د حل لپاره کومک ته اماده يم.
چې زمونږ ملنګي او کرامت نه منئ، هسې ضد به کوئ. زمونږ خبره به تل همدا وي چې قولو لا اله الا الله تفلحو...