شَـــ|☕️

هواياتي مُنصبّه هنا!

فَـ مرحبا بالجميع 🫶🏻☘️

اخصِائية PH قيد الإنشاء 👩‍⚕️

[شَـــ|☕️ @Shain140]

احد المعلومات اللي تعلمتها من السوشال ميديا :
انك اذا انحرق لسانك حط عليه سكر وخله لا تبلعه الى ان يذوب من نفسه بيخفف الالم ويزيل ملمس اللسان المزعج .

الصدق مجربتها من قبل وفعلا يخفف الالم بشكل ملحوظ

[👩🏻‍💻 | Reema @gamechangeeeer]

الحين وين الفكرة المرعبة في البرزنتيشن ؟
يعني تتكلم بموضوع انت عارفه ومختاره والموجودين يسمعون لك ومحد يقاطعك واحيانًا يصفقون بعد اذا خلصت كلامك وتاخذون درجات عليها بعد ياسلام

اتوقع خالد الذكير قدوتي

[شَـــ|☕️ @Shain140]

@an43327 بيتنا دورين بس ماعندنا عامله🫣

[شَـــ|☕️ @Shain140]

#مانهوا #مترجمين_المانهوا

[شَـــ|☕️ @Shain140]

قبل فتره قرأت مانهوا والله يعطي اللي ياشتغل عليها العافيه لأنهم غبشوا على لقطات ماتجوز واحنا كمسلمين مانستفيد منها ، دخلت التعليقات وهذي عادتي بعد كل فصل اقرأه لأي مانهوا الا اشوف كل الناس تسب بالمترجمه والمبيضه والمحرره ويقولون اذا بتترجمون عمل لا تترجمون رومانسي ومدري شنو .

[شَـــ|☕️ @Shain140]

كيف يعني منتو مسلمين ولا شلون؟ والصدمه اشوف وحده كاتبه انا ما اقرأ مانهوا الا عشان هالمشهد " اللي غبشته المبيضه " وعند تعليقها فوق ٣٠٠ لايك طيب ياجماعه انتوا مسلمين تفهمون وش معنى مسلمين؟ يعني ماتجوز هالاشياء لو أيش ماصار ، كثر خيرهم حذفوا اللقطات الله المستعان بس !!!!.

[ُ @mnbvailnv]

لما الجملة تكون تعور لدرجة مستحيل تقدر تقول لاحد انها انقالت لك

[هــجـرس @MWlqy99977]

اللي ينزل تغريدات و متابعينه و تفاعله صفر :

[➿ @an43327]

أطالب من كل دولة مسلمة تعيين مسؤول في كل مسجد لسحل وضرب أي شايب يسحب طفل من الصف الاول عشان يجي مكانه
اقسم بالله اكثر تصرف مستفز اشوفه بشكل شبه يومي
ياخي الولد مؤدب وجالس جنب ابوه من وقت الاذان وانت جاي قبل الاقامة ب٩ ثواني بأي حق تسحبه يا معفن؟ليه تكرهوا الاطفال بحب الصف الاول؟

[شَـــ|☕️ @Shain140]

ادخل تويتر اغرد كم تغريده واختفي سنه وعلى هالحال من ٢٠٢٤

[شَـــ|☕️ @Shain140]

الحمدلله الذي بنعمته تتم الصالحات تخصصت (صحة عامة) .

بس تعرفون وش صار يوم الناس عرفوا اني اخترت هالتخصص على التمريض وكان معدلي يدخلني التمريض بالراحه؟ حرفيا الكل قام يقول ماله مستقبل وماتتعاملين مع المرضى .
طيب انا مابي اتعامل مع المرضى وين المشكله؟ مو لازم مجال صحي يعني مريض!!

[شَـــ|☕️ @Shain140]

ليش المقارنه بين الاخوان؟ ليش لازم اصير نسخه من اختي الكبيره؟ اكره المقارنه واكره اللي يقارن واكره لما يطلعون بيننا فروقات يعني دقيقه انتوا ماسمعتوا بإختلاف الشخصيات؟؟

[شَـــ|☕️ @Shain140]

اكره الاشخاص اللي يدخلون نفسهم بشيء مايخصهم " الملاقيف" ، يعني مو طبيعي كنت معلقه على شنطتي ميداليه وموجود فيها مرطب لوكا وجت وحده جلست جنبي فجأه تلف علي وتقول : ترى ما انصحك بذا المرطب مو حلو .
طيب انا ما سألتك؟؟ طبعا ماكان هذا ردي وقتها ، اعطيتها نظرة اللي وش تبي ذي وراحت خير!

[oPiiLz | صالح @oPiiLz]

الهوايات تهذّب الهوى

الهوايات تصقل النفس وتوجّه رغباتها وطاقتها لشيء مفيد، فبدل ما يقودك الفراغ والهوى، يصير عندك شغف يشغلك ويطوّرك

مقوله جميلة خلتني اتعلم هوايات كثيرة 💪🏼

[ٓ @NobleSelf0]

انتقدت ماتشا جدًا سيئ في كوفي جديد عندنا بالحارة فجأة صاحب الكوفي يتناقش معي وعيونه فالأرض محترم كان ويسأل عن الاسباب ولماذا كان يهمه الزبون أكثر من المشروب وشرحت لهم الاسباب ثم رجع مره ثانيه يقول نستبدله لك بمشروب آخر ورفضت لأنني ما أود أبدًا ! قالوا أكيد فلوسك بترجع

يتبع ..

[شَـــ|☕️ @Shain140]

@iiiiws1 ما انصحك والله امي معلمه وكل مره ترجع البيت متضايقه من قرارات التعليم هالايام والإنتدابات اللي ماتخلص ، بس ع العموم الله يوفقك

[شَـــ|☕️ @Shain140]

@jxxz_2008 شكلك ماتدرين عني يوم كنت تحضيري كانت الجامعه تنزل المواد وحطت لي يومين بالاسبوع اداوم من ٧ الصباح الى ٣:١٥ لا وبعد الدكتوره تاخذ بعد المحاضره تقول لأنكم تأخرتم علي

[شَـــ|☕️ @Shain140]

الى متى بنسكت عن الظلم اللي نعيشه بالمستشفيات؟ مو طبيعي يعني جايه بموعد ومخليتني انتظر ساعه كامله بعد موعدي؟ لا وهذا مستشفى خاص بعد فما بالكم بالحكومي ؟

[✨ @rr11_rr1]

انا ورثت من ابوي الله يرحمه مبلغ كويس حدود ٨٠٠ الف ويال وزوجي منهبل يبغاني اعطيه المبلغ يقول عليه ديون ويبغى اسددها له عشان ياخذ لنا بيت وانا رفضت مابي اعطيه هالمبلغ وقام يهدد لو ما اعطيته بيطلقني وش الحل عندي اطفال صغار وحاولت احل الموضوع بس رافض يالورث او الطلاق وش اسوي ؟