فيصل بدر

[فيصل بدر @SheckFaisal]

حكم النجاسه .. مجمله تحريم
مايحتاج له .. نشده ولا فتوى

وَمِنْ بَـابِ .. مَا جَاءَ فِي التَّعْقِيمِ
اِبْدَأْ .. حَيْثُما كانَتِ العَدْوَى

[فيصل بدر @SheckFaisal]

ماهوب عرض جــــوي عادي
ياللي تدور .. قد خذينــــــــا قسمك

تبي تعرف الحفل كم له بادي؟
لا شفت الصقر قال .. عطني خشمك

[فيصل بدر @SheckFaisal]

في حبّها ضني .. تعدينـــا الهيام
ما عــــاد باقي لنـــــــا .. غير تقديسها

لنا حوالي .. ستة وتسعيــن عام
نحتفل في يوم توحيدها .. خل تأسيسها

#اليوم_الوطني_السعودي_نحو_القمة_96

[فيصل بدر @SheckFaisal]

ياصغيّر .. كم نهيتـــــك تعترض دربي
تحتمي بالضعيّف .. وشمسنا مخفيه ظلّه

الأسامي : حزب، وانصار، وحشد شعبي
لكــــــن تذكّر! .. ترانا اخوان من طاع الله

[فيصل بدر @SheckFaisal]

الله اللي شاء .. ثم قـــــــال وأمر
والله يدبرهم .. ويعرف علومهم

النصايب والصليب .. ماضنّي تمْر
ولاعاد ينفع .. لو تسقّي قبورهم

[فيصل بدر @SheckFaisal]

اطلبي من هالحيــــاة .. اللي تبين
لو تبين سهيل جبته .. والجدي

واحذفي همك على الضلع المتين
لاني بشـــاكي .. ولا راح جهدي

امسكي يمنـاي .. لا بغيتي توقفين
كنها مثل العصــا اللي في يدي

[فيصل بدر @SheckFaisal]

رايتك بيضاء مثل بشتك .. يكسوه البياض
وشعوب الإسلام تاخذ منك .. عزومها

اصبح قرار الكـــــــون كله .. في الرياض
العام والحاضر، تدري؟ ترى من يومها

[فيصل بدر @SheckFaisal]

لاتقرب الشينه .. ترى صيتك يشين
وتضحك عليك الناس .. وتروح غلطة

بذكّرك .. يمكــــن يأثـر بـك الدين
شرعاً يجب طاعـة .. صاحب السلطة

[فيصل بدر @SheckFaisal]

مانيب والله قاصــــد آلمك .. لا!
- الضرب بعض آحيان .. ابلغ من الصوت

خايف عليك تصير .. مثل المجلّا
- اليا رحــــل خايف .. وليا حضر .. موت!

[فيصل بدر @SheckFaisal]

فالسياسة ضلع .. وحزامك متين
- وفالفعايل .. كل طيبـــنٍ نايله

مره تروح إلهم .. ويجونك مرتين
- دام الوطن والشرق كله شايله

#القمة_السعودية_الأمريكية

[فيصل بدر @SheckFaisal]

من عقب تصريح عاجـل وانتفاض
⁃ وتهديد أمني ، والدول في معركة

الحل الأول للسياسة : في الرياض
⁃ والمشكلة تنحل وسـط المملكة

#السعودية_عاصمة_القرار_العالمي

[فيصل بدر @SheckFaisal]

يمناك بدّوها .. على ميّة غصن
- وصار الحمام يشوفها .. يمنى سلام

[فيصل بدر @SheckFaisal]

مطابقـــة للدين شرعاً، وملة، وتأسيس
⁃ ودستورها السنّه وشرع الله .. عليها ربينا

ولا يكتب التاريخ فيها عذاريب تدليس
⁃ وأعيادها ثنتيــن .. يوم الوطن ويومٍ بدينا

#اليوم_الوطني_السعودي94

[فيصل بدر @SheckFaisal]

صار الشجاع يطيح ويقوم ويهوم
⁃ ونفسه على ماجـاه .. قامت تعبر

اللي بناه سنيـــــن شافوه في يوم
⁃ والطيب فطره .. والخطا بالمكبر!

ماعـاد له رجعه .. على باقي القوم
⁃ مادام غمد السيــف .. قام يتكبر

[فيصل بدر @SheckFaisal]

ماني على جموع المخاليق كـــاره
- لكن هدوء النفس .. آهم دكتور

كنّي بحر .. وسطه مشيـّـد منـــاره
- وليا نصاها تايهــــــن ولعّة نور

[فيصل بدر @SheckFaisal]

يشهد لك العمر الطويل ومساعيه
⁃ وأصبح وقار العمر مني قريّب

تسأل عن أسبـــــابه ومستنكرٍ ليه
⁃ أنا مشيّب يوم شفتك مشيّب

[فيصل بدر @SheckFaisal]

@BandarKAlfaisal يشهد لك العمر الطويل ومساعيه
⁃وأصبح وقار العمر مني قريّب

تسأل عن أسبـــــابه ومستنكرٍ ليه
⁃أنا مشيّب يوم شفتك مشيّب

[فيصل بدر @SheckFaisal]

غــــــــاب نور البـــدر .. ثم ظلّم الليل
⁃ ولا فيه للكلمة طريقٍ تــــدله

من عقب كانت في وجوده تسرج الخيل
⁃ اليوم صارت نايمه تحت ظله

#بدر_عبدالمحسن