Shezlong

The first and largest Arab online psychotherapy platform in the world.

[Shezlong @Shezlongapp]

This #MentalHealthAwarenessMonth, awareness isn't enough; it's time to act. feel heard, and find the right licensed therapist for you. You'll find Shifo waiting for you on our website, ready to walk with you from the very first step.

👉 Visit us at https://t.co/9n9kPtFcKP

[Shezlong @Shezlongapp]

ليه مش بنعرف نرتاح حتى لما كل حاجة تمام؟
https://t.co/klkJ32gGtm

[Shezlong @Shezlongapp]

الخِلّفة مش مرحلة لازم تتعمل، ومش إنجاز اجتماعي، دي إنسان هيتكوّن قدامك، مشروع مشاعر، نفسية بتتشكّل كل يوم بكلمة وبنبرة وبرد فعل.

المشكلة مش في إننا بنغلط، المشكلة إننا مش شايفين إن ده مسؤولية نفسية قبل ما تكون مادية. الطفل مش محتاج أهل في صورة مثالية، هو محتاج أهل عندهم وعي.

[Shezlong @Shezlongapp]

العيد فرحة…
والفرحة مش هتكمل غير بيك..مش بشكل مثالي،
لكن بوجودك زي ما انت.

لو العيد مفرحك شارك فرحتك
ولو تقيل عليك شوية، وجودك برضه مهم.

كل سنة وانت حاضر ومهم وكفاية.

[Shezlong @Shezlongapp]

There Is Always A Way Out.
You Talk ..We Help

#MentalHealth #Shezlong

[Shezlong @Shezlongapp]

إمتى آخر مرة سألتي نفسك: أنا محتاجة إيه؟ مش الناس محتاجة مني إيه؟
الست في مجتمعنا متعودة تكون قوية غصب عنها، تعدّي، تستحمل، تسكت، وتكمّل حتى وهي تعبانة.
يوم المرأة العالمي مش احتفال بالقوة وبس، هو تذكير إنك إنسانة ومن حقك تتعبي، تطلبي، وتختاري نفسك.

[Shezlong @Shezlongapp]

ليه ممكن حد يفضل في علاقة مؤذية… ويكدب عشان يحافظ عليها؟
في مسلسل الست موناليزا شفنا نموذج لعلاقة فيها كذب، سيطرة، وأذى…
ومع ذلك فضلت موناليزا متمسكة بالعلاقة.
هل كان خوف؟تعلّق؟ولا أمل إن الشخص يتغير؟
ليه في رأيكم ممكن شخص يتحمّل الأذى باسم الحب؟
المقال:
https://t.co/sfx50cvYjf

[Shezlong @Shezlongapp]

العيلة الحقيقية ما تخليش حد يحس إنه لوحده وهو وسطهم.
رمضان شهر اللمّة…والعيلة مش مفروض توجع.
#سؤال_ع_السفرة

[Shezlong @Shezlongapp]

بتفكرني إني لسه ما حققتش اللي متوقع مني، ولسه في مقارنة دايمًا. سؤال شكله عادي على السفرة، بس مليان ضغط “لسه؟” “مفيش جديد؟” العزومة مش بتوجع علشان الناس وحشة، لكن علشان بتفكرني بحاجات مش جاهز أواجهها. وفي رمضان الإحساس ده بيكبر… الكل موجود، وإنت حاسس إنك لوحدك. #سؤال_ع_السفرة

[Shezlong @Shezlongapp]

أسئلة كتير زي :مش ناوية تتجوزي بتتسأل كأنها حق مكتسب.
كأنه تقييم كأنه مقياس قيمة.
مش كل بنت مش متجوزة تايهة ومش كل اللي اختارت تستنى
متأخرة.
الجواز اختيار مش سباق ومش إجابة جاهزة على سفرة رمضان.
السؤال الحقيقي:
إمتى هنبطل نسأل
ونبدأ نحترم حدود غيرنا؟
#سؤال_ع_السفرة

[Shezlong @Shezlongapp]

“مرتبك كام دلوقتي؟”
سؤال بسيط في شكله،
تقيل في إحساسه.
تحس إنك مطالب تبرر شغلك،
اختياراتك،
وطموحك في رقم.
إنت بترد إزاي على السؤال ده؟
ولا بتغير الموضوع وخلاص؟
#سؤال_ع_السفرة

[Shezlong @Shezlongapp]

سؤال بيتقال كده…كأنه عادي. كأنه فضول بريء.
بس محدش بيسأل نفسه هو السؤال ده هيعمل إيه
غير إحراج ووجع وحسابات قديمة بتتفتح.
محدش يعرف اللي قدامنا مرّ بإيه ومحدش يعرف
حاول قد إيه ولا استنى قد إيه ولا خاف من إيه.
في أسئلة ملهاش فايدة غير إنها تكسّر لحظة وتبوّظ إحساس.
#سؤال_ع_السفرة

[Shezlong @Shezlongapp]

إيه السؤال اللي أول ما بيتقال… نفسك تقوم من ع السفرة؟
السؤال اللي بيتقال وهو متغلف هزار…بس بيلمس حتة حساسة جواك.سؤال عن الجواز،عن الشغل، عن الفلوس،عن جسمك،أو عن قرارات لسه أصلاً بتحاول تفهمها.

مش كل سؤال فضولي بريء،
وفي أسئلة بتوجع أكتر ما بتقرب.
#سؤال_ع_السفرة

[Shezlong @Shezlongapp]

مستنينك تفطر معانا…

جملة بتتقال ببساطة، بس شايلة معاني كبيرة.
شايلة انتظار، واهتمام ولمّة بنستناها طول اليوم.

في رمضان، الجملة دي مش مجرد دعوة،دي إحساس بالانتماء،
وإن في مكان دايمًا فاتحلك قلبه قبل بابه.

كل سنة وإحنا متجمعين،
وكل رمضان ولمّتنا دايمة. 🌙

[Shezlong @Shezlongapp]

شهر بيهدّي كل حاجة…
حتى اللي جوانا.

رمضان كريم، كل عام وأنتم بخير 🌙

[Shezlong @Shezlongapp]

مش كل حاجة الناس شايفنها عادي تبقى صح..
كسر الصنم معناه إننا نحرر نفسنا من المعتقدات اللي بتوجعنا، ونختار راحتنا النفسية.

#كسَّر_صنم #اليوم_العالمي_للصحة_النفسية

[Shezlong @Shezlongapp]

في حاجات اتقالت واتكررت لحد ما صدقناها وهي في الحقيقة بتأذينا.
النهارده في اليوم العالمي للصحة النفسية، هنبدأ نكسرها ونختار راحتنا النفسية.
#كسَّر_صنم #اليوم_العالمي_للصحة_النفسية

[Shezlong @Shezlongapp]

٦ أكتوبر يوم محفور في قلب كل مصري
يوم بيعلّمنا إن القوة الحقيقية بتبدأ من جوه الإنسان.. ودليل إن مفيش مستحيل قدام الإرادة والعزيمة.

#٦_أكتوبر #نصر_أكتوبر

[Shezlong @Shezlongapp]

كل عام والمملكة العربية السعودية بخير، ودائمًا مزيد من الإنجازات لكل من يعيش على أرضها.
#اليوم_الوطني_السعودي

[Shezlong @Shezlongapp]

يمكن اليوم بدا صعب…
بس بكرة أمل جديد.
شيزلونج معاك تدعمك تبدأ من جديد.

https://t.co/flofMe5DCI