﮼شيروقْ

Biomedical Engineer

[﮼شيروقْ @Shrou2Mokhtar]

' الحب رزق محدش هياخد قلب حد بالعافية.💜💙.

[M’ @maaaann11]

الصور اللي أهالينا كانوا يحطوها في التسريحة، والكومود تحت الإزاز، دي واحدة من أحن وأدفى المشاهد اللي كُنت بشوفها وأحسها في حياتي عموماً

[Eman @bozozozo02]

قريت مرة ان القدر مش بيجمعك تاني مع حد خلصت رسالتك معاه واتعلمت من تجربتك خلاص

[حلا @halamhmedd]

أنا اسيرة اللحظات اللى بحس فيها انى بفهم / ييجى منى / شاطرة
يارب لا تحرمنا

[أَسّماء @AsmaaRefat51]

الحاجة لما بتكون نصيبك بتتيسر بشكل عجيب حتى لو أنت في مش في أحسن حاله وحتى لو انت مش مستعد.

اعتقد الحاجات اللي محتاجة عدة محاولات يا مش بتاعتنا يا مش وقتها.

[It’s _sem🐍 @asmakelsayed]

حد غالي قالي جملة عمري ما هنساها: اوعى يصعب عليك حد إنت ما صعبتش عليه…
ارحم قلبك زي ما بترحم غيرك، ومتديش زيادة للي ما قدّرش.

[samira @Unonadeana]

أنا بحب الخلافات تنتهي بإعتذار وقعدة مُصارحه، أما التجاوز الصامت ده بعتبره وسيله لدفن المشاكل فوق بعضها

[سلمىٰ ! @ll_salmaa]

عمري م عرفت ليه الرجالة أول م بتمر بمشاكل عائلية أو ف الحياه عموما أول حل يسيب البنت اللي بتحبه

[ALY AHMED @aly_ahmed2]

الفلوس هي وقود الحرية.. صحيح مش بتشتري السعادة.. لكنها قطعا بتقلل البؤس والتعاسة.. ضرورة الفلوس في رفاهية الرفض، مش في رفاهية التملك.. يعني تخليك تقول لا لأي حاجة مش مناسباك، سواء شغل مش شبهك أو علاقة بتستنزفك أو أي ولاءات مفروضة عليك يعني الفلوس تحمي كرامتك لكن ماتصنعهاش

[Rahma🕊 @yourfavsoull]

بحب ال vibes الرمضانية اوي كل حاجة بتبدو طيبة و مسالمة حتى الهوا نفسه بيبقى اخف من باقي الايام.

[out of hima context’s @_hiima]

اللهم اكفينا شر فواجع الاقدار

[ليو @azzaibrahimm]

اللهم إكفنا شر فواجع الأقدار ومُر القضاء ، اللهم آجرنا من موت الفجأة في ساعه الغفلة وباعد بيننا وبين مصائب الدنيا.
اللهم إنا نسالك حُسن الخاتمة ، اللهم ارزقنا توبة نصوحة قبل الموت

[M’ @maaaann11]

حوار إنك تلاقي حد تعرف تخوض معاه محادثه حقيقية عن نفسك وتـ open up معاه بأفكارك اللي بتهلكك وتعرف تبينله حقيقة المشاعر المكلكعه اللي جواك نعمه لا تُقدر بثمن والله

[المازرهاكر 🇵🇸 @depressedlatte0]

عشان مبحبش ابص عالسعر و انا بشتري.

[Nidal @Nidal4real]

حتى لو السيناريو اللي انت خايف منه حصل
You will find a way, you always do

[هَيْثَم. @haytheemhassan]

الكسل : هو قدرة البدن وعدم رغبة القلب.
العجز : هو رغبة القلب وعدم قدرة البدن.

- اللهم انا نعوذ بك من العجز والكسل.

[Mohamed Shawky /محمد شوقي 🇵🇸 @Mohmed_Shawky22]

صباح الخير
ربنا مش بيكرمك علشان انت Qualified
ربنا بيرزقك علشان هو كريم
اللهُم إني أعوذ بك من زوال نعمتك ، وتحول عافيتك ، وفجاءة نقمتك ، وجميع سخطك ..

[Tamer Abdo Amin @tamerabdoamin]

● بنوصل للحاجة اللي بنتمناها من خلال المجهود اللي بنعمله عشان تبقى معانا مش بالاكتفاء بوقوفنا عند مرحلة التمني، أو التفكير، أو المشاورة عليها.. عايز؟.. طب ما كلنا عايزين بس مين اللي هيتحرك، ويسبق عشان يوصل!..

الفكرة لوحدها عمرها ما كانت كفاية، وبتبقى زي البذرة اللي اترمت في الأرض ومحدش رواها.. حتى لو كانت بذرة نادرة وغالية، هتفضل مجرد حتة تراب ناشفة لحد ما حد يقرر يرويها، ويتعب فيها، ويشوفها وهي بتكبر..

النجاح عمره ما بيحصل بـ كنت ناوي، ولا بـ كنت بفكر، لكن بيحصل لما بدأت، وكمّلت، وماوقفتش.. تأتيك الأشياء على قدر سعيك لا على قدر رغبتك.

● تكملة المقال رقم 351: ("الأفكار وحدها لا تكفي") على موقع القاهرة 24 أول تعليق.. مع التحية.

[Tamer Abdo Amin @tamerabdoamin]

في الحقيقة إن الرحلة فردية تمامًا..

اختياراتك هتدفع ثمنها إنت مش حد تاني.. المسؤول عن تعافيك من الأذى هو إنت مش الشخص المؤذي.. أحلامك مش بالضرورة يتحمس لها حد غيرك..

محدش هيتحاسب مكانك، ولا حد هيشيل شيلتك، ولا هيهمه أمرك، ولا هيرمي نفسه في النار بدالك.. عشان كده ماتشغلش نفسك بالناس، ولا يكسرك خذلانهم، ولا تستغرب من ردود أفعالهم، ولا العشم فيهم ياخد حقه معاك..

الناس محطات، وإنت قطر مكمل في طريقه.. اللي عايز يكمل معاك أهلاً وسهلاً، ويتشال على الراس.. اللي زهق وعايز ينزل عشان شايف في البُعد راحته ساعده وزود مليون بُعد على بُعده..

زادك في الرحلة هي ثقتك في نفسك، ومجهودك اللي مالوش آخر، وقبلهم يقينك في ربنا وتوكلك عليه.. وده ليه؟.. عشان في النهاية هتكتشف إن والله الرحلة فعلاً فردية تمامًا.

[𝗗𝘀𝗼𝗸𝗲𝗩🧑‍💻 @DsokeyyV]

الشغل بيستهلك أغلى نعمتين (الصحة والوقت)
وبالتالى لازم مقابل النعمتين دول على الأقل تطلع ب
حاجه من تلاتة:
.Make Money -1
.Make experience -2
.Have fun -3
يا تعمل فلوس، يا تعمل خبرة، يا إما تكون سعيد فى شغلك على الأقل.