جارالله العجمي

اللي ما يأدبه ضميره , تأدبه الأيام لا دارت 🔃

[جارالله العجمي @Smo_ku]

" ستظل تسامح من تحب حتى تكرهه " .

[جارالله العجمي @Smo_ku]

كم لي احاول احدد وجهتي وارسم طريقي ،
والبنادم .. ماله الاّ يجتهد فـ محاولاته .. ​
.​
كن حبيبة قلبي احلامي او احلامي صديقي ،
وكني اللي لاجلهم ضحّى وغامر في حياته
.
امنيات المرء تكشف معدن المرء الحقيقي ،​
مستعد اعرف نوع المرء من نوع امنياته

[جارالله العجمي @Smo_ku]

كان ماحسّيت في قيمتي ماهو خطاك
ما تحسّ بـ قيمة الشي ، حتى تفقده .

[جارالله العجمي @Smo_ku]

حبيبي ماهقيت انك حبيب لواحدٍ ثاني
وانا اللي مستعد اضر روحي قبل ما اضرّك
.
على بالي وقف طيفك لحاله بدّ خلاّني
هو الثابت وغيره لو يمر البال .. متحرّك
.
عسى الله يغفر ذنوبي وكذبي عند من جاني
لاقال علومك ؟ وقلت العلوم بخير وتسرّك !

[جارالله العجمي @Smo_ku]

عن هوى داري معك مانيب داري
كل دارٍ .. نجتمع فيها ،، ( وطنا )

[جارالله العجمي @Smo_ku]

اصغر تفاصيلك لها تاثير
وانا تحت تاثيرك اعاني ..

ما احس بانك غير واني غير
احس انا انت او انت انا ثاني

امانتك حاول تكون بخير
ماهو على شانك على شاني ..

[جارالله العجمي @Smo_ku]

لاصرت بايعني اشوفك على خير
مع السلامه دام مابه .. سلامه ،

قلت انتهينا ؟ قلت لك خير يا طير
ماني بأول شخص يخسر غرامه .

[جارالله العجمي @Smo_ku]

ليلة ٍ ما تمر ( الغافل المستريح )
شرّعت للسهر باب احتمالاتها

يسرق الصمت مايخطر فـ بال الجريح
تكثر الاسئله .. وتقل اجاباتها

عن كريم القلق صوت الحناجر شحيح
التوتّر .. يجرّدها من اصواتها

أبتسم من ورا قلبي .. وقلبي صريح
ما يجامل شفاهي و ابتساماتها ..

[جارالله العجمي @Smo_ku]

مع اذان الفجر :

﴿ رَبِّي اجعَل هَذَا البَلد آمِناً ﴾

اللهم احفظ الكويت و دول الخليج و أدم علينا نعمة الأمن و الأمان .

[جارالله العجمي @Smo_ku]

محتاج ( غيمة سوالف ) بيني و بينك ..

[جارالله العجمي @Smo_ku]

يرضيك وأنت أغلى بشر وأقرب إنسان
تسكني الغربه و أنا في بلادي !

وشلون أجي تعبان .. و أروح تعبان
بالعاطفة مافيه موقف حيادي ..

هذي حياتي ، لوحه و علبة ألوان
و ريشة حزن سرقتها من عبادي

حطيتها قدام عينك على شان
تختار فيها لون غير الرمادي .

[جارالله العجمي @Smo_ku]

" ما نسيتك في الدعاء و في المحبة
من بدينا الشّهر لـ العشر الأواخر "

[محمد جارالله السهلي @M_Jarallah]

يا وطنا ما يزعزعنا خبيث المله
لو يحاربنا بعنقودي وقصف مدوّي

العقيده راسخه وسيوفنا منسله
وجيشنا بالمرجله متشبّع ومتروّي

ماعليك خلاف وارقد وآمن بحفظ الله
وانت علمنا يا كلب ايران وش بتسوي ؟

الوطن فوقه صقورٍ مرقبه ومطله
ودونه مطنّخ مداغيش الدفاع الجوّي

[جارالله العجمي @Smo_ku]

يا كويت العز و معاديك ناطى خده /
اعتزي فينا .. و كل اللي تبينه صاير

مايبور المعدن الطيّب نهار الشده /
والوطن دونه رجاله خلجت ام الباير

[جارالله العجمي @Smo_ku]

@7amdan شقصدك ؟

[جارالله العجمي @Smo_ku]

من جديد و مجددا و من قديم .. تاج راسك و راس اللي خلفوك و اللي يدعمونك ..

[ألأحداث ألإيرانية بالعربية @iranin_arabic]

الكويت من جديد ومجددا 🇰🇼

[جارالله العجمي @Smo_ku]

@EdyCohen الله ياخذك.

[جارالله العجمي @Smo_ku]

﴿ ربِّ اجعَل هَذا البَلَدَ آمِناً مُطْمَئِناً ﴾
اللَّهم أحفظ خليجنا وقياداتنا وشعوبنا
بعينك التي لا تنام ..♥️

[جارالله العجمي @Smo_ku]

" ترافقت أنا وياهه من يوم كنا صغار
تكون غلاه بوسط قلبي .. و كبرته "

[جارالله العجمي @Smo_ku]

فالكويت افراحنا و اعيادنا ممتده :
كل ليله عيد .. من فبراير لـ فبراير

افرحي و استبشري و نفوسنا معتده :
فيك : يا حريّة الارض و ملاذ الحاير

و غطرفي في ظل من يمِّن و يَحما حَده
و يتنقّى فـ اولويات الفخر .. و يخاير

شيخٍ زمام الاماره ورث ابوه .. و جده
أسرةٍ كم صدّت معادي و ضفّت ناير

[جارالله العجمي @Smo_ku]

الله يرضي كل شخص أرضانا بهذي الحياة والله يسهّل حياة كل شخص سهل حياتنا والله يسخر لطيّبين أشباههم والله ينوّر طريق كل من أخذنا من ظُلمات الأحزان إلى نور السعادة والراحة. كثير أشخاص ودودين رائعين طيبين يستحقون كل خيرٍ بالحياة، أتمنى الله يحميهم دائمًا من أذى الدنيا ومتاعبها ..