طَلَل.

إنسان تافه، بأحزان سطحية.

[طَلَل. @Soul542016206]

لسان حالي مع كل موجة حزن قاصمة: سيبك من الأطلال دي علشان عندنا أطلال تانية تستحق الوقوف عليها والانخراط في عوالمها. قفا نبك.. لنهاية العمر على ما يبدو.

[طَلَل. @Soul542016206]

الأدعية اللي كان الكتاب والنقاد بيبثوها في معرض حديثهم للقارئ رقيقة للغاية. أيوة قلي جعلت فداك وأدام الله سلامتك، والكلام اللي يفتح النفس على الحياة دا ونبهني كل شوية لو عقلي انشغل. تحس فيه مؤانسة خفية وصلة إنسانية جميلة، ودا عهد جميل قوي الحقيقة.

[طَلَل. @Soul542016206]

فيه علاقة وثيقة بين الثورية والقصائد.

[طَلَل. @Soul542016206]

ساعات بتبقى زي م قال طرفة:
لا يضر مُعدِمًا عَدَمُه.
كمل مشوارك إنت خسران حاجة؟
إنت خسران كل حاجة.

[طَلَل. @Soul542016206]

هوى هوى. موافقة.

[طَلَل. @Soul542016206]

عاوزة أروح إسكندرية لغرض التمشية وشم الهوى من وحي البحر، والثرثرة مع صديقتي عن الجماليات وفلسفته في القبح.

[طَلَل. @Soul542016206]

ولن تستبين الدهر موضع نعمة
إذا أنت لم تُدلل عليها بحاسد.
البحتري.

[طَلَل. @Soul542016206]

كلام جميل.

[طَلَل. @Soul542016206]

الكلام اللي هتقوله وبعدين تروح تشجع المنتخب.

[طَلَل. @Soul542016206]

صدقني قد أبدو في بلدي بس أنا عاوزة أروح بلدي.

[طَلَل. @Soul542016206]

في انتظار معجزة وأنام وأصحى بدري، وأنتهي من كل شيء متعذر، وتَخلص لي بعض اللحظات السعيدة.

[طَلَل. @Soul542016206]

وجود التسويق كعامل أساسي في الحياة بالوفرة والمبالغات دي من أكبر بواعث الاغتمام. الصدق مبقاش معيار جمالي أو أخلاقي، الذيوع يكفل لك ما تجيد وما لم تجد. قلبي مع المدركين لحق الكلمة.

[طَلَل. @Soul542016206]

احنا أزكمت نفوسنا من النفاق فعلا وعم الشيخ مبالغش.

[طَلَل. @Soul542016206]

الموضوعية انحياز أولي للفكرة.

[طَلَل. @Soul542016206]

كل مبقول خلاص دي أوحش نسخة بشرية هقابلها يتحفني العالم بمزيد من الحثالة، ودايما سبحان الله عكس ما يدعون. الشيء اللي فخورة بيه أبدا عدم اغتراري بالمظاهر، إنت إنسان لحد م أشوف شيطانك أسبق ولا بني آدم بتغلط وتتوب زينا.

[طَلَل. @Soul542016206]

بحب الحاجات دي علشان بتفكرني بالربيع العربي.

[طَلَل. @Soul542016206]

أكتر حاجة بتعصبني: شعب متدين بطبعه. دا الناس بتعبد مليون حاجة معرفش ماهيتها، وأرجو إن إيمانهم يخلص أو يعذروا بجهلهم، بس بدور على نسخة الدين بلاقي بقايا، وندرة أصلا اللي متمسكين بيه. ربنا ينجينا ويزيح الغمة عن البلد دي لأنها عانت بما يكفي.

[طَلَل. @Soul542016206]

نسبة الرجالة اللي عندها أفكار متطرفة وظاهرها عادي موترة بالنسبالي. بقيت أقدر اللي محافظ على رجولته ومنطقه وعنده تصور عقلي متزن، لا ينزع رداءات الدين بوسطيته، ولا يميل بشكل فج لسلطة الشيخ والمجتمع. نفسي رجالة عاقلة تتولى الأمر، لكنه غضب نتاج قهر سياسي، ومتعمد تجهيل الشعب.

[طَلَل. @Soul542016206]

اللي يلاقي حبيبه ياخده ويهرب من وسط الجنان دا. كل يوم بحس نسبة إن الإنسان يكون حياة ويجد قدر من السلامة هنا مستحيل. الجنان سايق والناس معادنها انحطت وتلونت بطابع عصرها السياسي. ربنا يحفظ الإنسان ويوجدله سبيل وسط وميضطرش يهادن عقله أو يتنازل مرة في سبيل التعايش وسط مجتمع دي صفاته.

[طَلَل. @Soul542016206]

آدينا بنلف في دواير والإنسان كل يوم عنده هلع من شكل المجتمع وتراكم العنف فيه بس يعني لا تعليم بيفرق ولا تدين أمال إيه اللي ممكن يدي أمل في بكرة لو كل الجهود موجهة لترسيخ الجهل واستمرار الشعب في طحن بعض بدعوى الصراع بين جنسين هم الاتنين أتعس من بعض بس حد بيمرر قهره أكتر على التاني

[طَلَل. @Soul542016206]

أنا
امتحان الكلية
امتحان الكورس
امتحان الحياة
الصيف
على رأي إخواتي المغاربة: الله يا مولانا، الله تولانا.