الشاعر #علي_بن_حمري يقول
مبطي مخلي حضرتك على هواك
الين صرت تحط رجلك ع التخت
من يوم قدك تسوقها على عماك
وحمامة التقدير طارت واكفخت
في كل حاجه تبي اعقب وراك
ودك تعدي البحر لكن في يخت
ان كان مالك بالبشر اي احتكاك
فرفلا بتاكل زادها لو طبخت
خذ من تجاريب الزمن زادك وماك
لاشدتك سود الليالي يا ارتخت
الله يعين اهلك بيتك واخوياك
بخايت طاحو على قليل بخت
يقول الشاعر #علي_بن_حمري
ماباقي الا شوية صبر واسنين خوف
وذرات ملح من الدنيا وعيشة كفاف
سوى بي الوقت مثل أسوات من لا يروف
ومن كثر ماخوفوني منه ماصرت أخاف !
لاضل طلحه ولا ناقة عربنا عطوف
النار في البرد والثمرة فطمها ألقطاف
تحاذفت من هنا وهناك وانا محذوف
ولاعاد به ضن في ألفقشه ولا شين كاف
علمني ألوقت مالا علمتني ألصفوف
أمواجه الخصم,, والتمويه,, والألتفاف
أدحم ألاسامي وأنا أسمي من ثلاثة حروف
وأفرد دمي صفحتين وجرح صدري غلاف
أشوف واسمع وأذا هملت مااسمع واشوف
واحب مالا تحب أهل العقول الصخاف
تطربني الشام والدبكات والاووف اووف
وتعجبني البدو في قولة عسى ما خلاف
يا مطوف العلم,, علمك عندنا مايطوف
غلطان سبع العجايب غير سبع العجاف
الله وكيل اليتامى والعوٌل والضعوف
لاضاع حق لمحجج في السعي والطواف
تنبيك عن سالفة كذاب كثر الحلوف
وتنبيك عن سالفة صادق دليل أعتراف
ولايحك الرجال ألآ قوي الصروف
وتشديدة ألاستقامه سبة الانحراف
أفعل معي خير ياقلبي وسو امعروف
أنسى ترى العمر مثل الوقت لاطاف طاف
خل الصور والبراويز الذهب للرفوف
مادام في العمر عمر وفي لكمال أنتصاف
وان كان صارت مواجيب العرب بالشفوف
أسست للدمع حزب وللعيون أئتلاف
الشاعر #علي_بن_نايف_الغامدي يقول
عز الله إني تعبت أجامل الناس
وحفظ لهم ماضي العشرة وصونه
والحين ياصبري المعهود لاباس
من طاول الناس ما نامت عيونه
مجبور اعلمك ومن الراس للراس
مادام حتى الصبر قلت متونه
قررت احط الحقايق بين الاقواس
ومجامل الناس واصك الباب دونه
بفتح زراري واصافح كل نسناس
وودع الضيق وجاذب لحونه
وعدي الرجل ماكر كل قرناس
ويضيع همي على طارف ركونه
هنا تهنيت وأرديت الأنفاس
ونسيت درب العنا والي يجونه
ما عاد لي خاطر ضايق ومنحاس
أبشرك من فضل ربي وعونه
خل يضيع الرجاء واخاوي الياس
بعض الرجا ما وراها إلا الهونه
أنا زبون المقام اللي على أساس
اما المقام الدني ماني زبونه
أسج مع طيب للطيب نبراس
والحكمه اللي ظنوني من ظنونه
ٰ
اللي مايضحك معي من قلب وإحساس
مانيب محتاج ضحكة من سنونه
يقول الشاعر #كيان_الرويلي
لا طاحت دموع الرجل طاحو الناس
من عينه ودنق للأيام راسه
ما عاد يفرق عنده التراب والماس
فجأة تساوت كلها في قياسه
مابين قسوة نفسه وسطوة الياس
ما عاد للأحلام قدر وقداسه
ساكت وهادي كنه بعد الأنفاس
شحذ من يدين الليالي نعاسه
لو قلت له ضاع العمر قال لا باس
كن الدموع أطفت عطاه وحماسه
ينزل على شجرة هقاويه بالفاس
الين ينزع جذعها من اساسه
مهمى كسب اليوم يشعر بالافلاس
ومهما ضحك ما فارق القلب يأسه
لو تمطر الدنيا معاذير وإحساس
مُحال غيمتها تبلل يباسه
في خافقه فوضى وبالرأس وسواس
صوته وقف ما بينه وبين ناسه
يقول الشاعر #خالد_مبارك
عذرك معك يالي تعذر بالأشغال
يا كثر ما دورتك … ولا لقيتك
الله معك والقلب لو انه رجال
ماعاد عرض بي على باب بيتك
فرطت فيني مثل تفريط الأطفال
في دموعهم أبكيتني لا بكيتك
لا عاد يطريلك تجي غير في البال
والله ياخذ روحي ان عاد جيتك
ماني بخايف من فراقك ولو طال
أخاف ترجع لي .. وانا قد نسيتك
يقول الشاعر #سعد_علوش
سلاوي خاطري نطح الهبايب عقب ذبّ الريع
وأنا أدوّر سلاوي خاطري ما دوّرت إزعاجه
مخلّي من وراي أحلامي الكثيرة بلا توديع
بعض الأحلام ما هي فالصحيح وشرح ابن ماجه
حصص الأيام بعد التجربة والحفظ والتسميع
تهوّل… رحمتك يا اللي بيدك الضيق وأفراجه
وأنا الإنسان وأبقى انسان قبل أدل وإلا أضيع
أحسّ وكل حسٍّ أحس به يرجع لي إنتاجه
عميقات الرسايل ما يجي من تحتها توقيع
عطى الإنسان وجهٍ غير وجهه يقدر يواجه
شعور المقتدر لا من بغى حاجةٍ ماهي للبيع
ترى ألعن من شعور الفقير اللي يبي حاجه
يقول #الشاعر
لا تنتظر من بارد احساس اهتمام
لا تشحذ شعوره ولا تشتاق له
ولا تجتهد بالشوق واوهام الغرام
لا تجبر احدٍ في هواك تعاب له
ان كان ما حبك وذاب من الهيام
ويسهر لك يخايلك وانت تخايله
لا تسرف باحساسك وعذب الكلام
وتعطي غلاك لشخص ما يستاهله
اللي يبيك يجيك لو دربك ظلام
لو دربك اشواك وعنا يتساهله
وان كان حبه حارمك حلو المنام
دار المشاعر .. لا تجي وتبوح له
ولا تعاتبه ويضيع عمرك بالملام
لا ترخص ايام العمر وتموت له
لا صار حبك من طرف دون انسجام
لا ترتجي ثمرة محبه … دابله
ولا تنتظر من بارد احساس اهتمام
لو تشعل أصابع يديك شموع له
الشاعر #سعد_علوش يقول
في داخلك جنه وفي داخلك نار
ماتدري بنفسك لكن الله أدرى
لوكان قلبك الارض والناس الامطار
ما كان كفيت التفاصيل .. ذكرى
من اغرب افعال المطر يومنا صغار
لاطاح في يدك .. ترك يدك الاخرى
الناس ماتبكي معك لين تنهار
والجرح مايضحك معك لين يبرى
يقول الشاعر #صالح_المانعه
نسنس الحزن واجتاح الضلوع وبكيت
لو عيون الرجال تعيب عبراتهـا
ادركتني .. وانا هليتها ماستحيت
آآآآه يا لحظة الفرقا ولـوعاتها
يا هوى البال هذا أنا لعينك سريت
كان في يدك بقايا للوصل هااااتها
جيتك العام وازريت الوصل يوم جيت
لين عيّشت أنا الفرقا … وحسراااتها
فيك صغت أجمل بيوت الشعر بيت بيت
وردة الفعل منك طّول … سكاااتها
علموني وانا عن حالتك مادريت
العذر .. ياشقا روحي ومشهاتها
الوجع فيك وانا اللي مرضت وشكيت
نكبة الفال … ماينفع تنهاااتها
الشاعر #فهد_بن_دغش_العجمي يقول
ان تشــرهـنا عليـهم يـرزون الخـشـوم
وان سكتنا عن خطاهم تمادو فالخطا
من بغانا مـرحبابه على طيب السـلوم
ومـن يــروّح يـا عساها مـراويح القطا
الشاعر #عبدالرحمن_بن_بديع يقول
اكذب واجامل واجحد اللي تسويه
وتصير بين المجتمع في الطليعه
الصدق جمرة قلب محد يدانيه
والكذب يجبر له نفوس وضيعه
اللي توده وده انك تجاريه
لو كان مخطي وده انك تطيعه
لو كان يخطي صاحبك لاتخطيه
جامل ولا تنقد خطاه وصنيعه
وانا المجامل لا استسيغه ولا ابغيه
ماهو قشر لكن قدهي طبيعه
العام كثرت العتب والمشاريه
ولا لقيت الا الجفا والقطيعه
قد نستغرب أحيانًا من رحيل بعض الأشخاص من حياتنا ونظن أن في ذلك خسارة أو حرمانًا، بينما تكون الحقيقة أن الله صرفهم عنا رحمةً بنا لا عقوبةً لنا. فالله يعلم من القلوب ما لا نعلم، ويرى من الخفايا ما لا نرى، ويكشف من النوايا ما يغيب عنا !!
كم من شخصٍ أحسنتَ به الظن، وكان الله يعلم أن بقاءه بقربك سيورثك ألمًا أو خيبة أو ضررًا يؤلمك أمدًا بعيدًا !
وكم من بابٍ أُغلق في وجهك فحزنت له، ثم أدركت بعد زمن أن الله حماك بذلك الإغلاق من شرٍّ لم تكن تراه !
ليس كل من غاب عن حياتك كان خسارة، وليس كل من بقي فيها كان فضلًا منك أو منه، بل هي أقدار الله يجريها بحكمةٍ ورحمة. فما صرفه الله عنك فربما كان لأن وجوده لم يعد خيرًا لك، وما أبقاه لك فربما كان نعمةً تستحق أن تشكر الله عليها كل يوم ..
فارضَ بما يختاره الله لك، فإن تدبيره أرحم من تدبيرك لنفسك، وربما كان في الابتعاد الذي أحزنك نجاة، وفي الفقد الذي أتعبك حماية، وفي التأخير الذي ضاق له صدرك خيرٌ عظيم لم تره بعد ..
اللهم خر لي واختر لي ..
الشاعر #سعد_علوش يقول
أحسب إني قبل عرفك صبور و قصاوي
لين وردّني غيابك .. حداد الإسنه
فالتك ملك يد و لاحقك بالمناوي
هذا هو الجنون اللي يقولون عنه
كنت فالأرض صعب شلون و أنت السماوي
عدّنا بك نهارٍ ... فيه حنه و رنه
ويلهم كيف ما راعوا شعور الهواوي
ما دروا إن فيه نار و ما دروا إن فيه جنه
الشاعر #علي_بن_حمري يقول
انا وانت عشنا في خلافات تحت وفوق
وتعاطيت جرعات الزعل لين ما ادمنته
وحاولت مانترك بعض والقلوب تروق
وبغيتك تزيّن شي لكن إنك شيّنته
لما قلتلك سرن هبيته بخور السوق
وانا سرك أودعته ضميري وأمنته
انا صدمتي في عشرتك وجهها مصفوق
مثل فجعة الرجال في اخته وفي أمه!!
الله أكبر مما نخاف ونحذر، نعوذ بالله الذي لا إله إلاهو اللهم كن لنا جارا من شرهم، جل ثناؤك وعز جارك وتبارك اسمك ولا إله غيرك
لا إله إلا الله العظيم الحليم، لا إله إلا الله رب العرش العظيم، لا إله إلا الله رب السماوات ورب الأرض ورب العرش الكريم
اللهم آمن روعاتنا،واجعلنا في ضمان