سلطان➰

[سلطان➰ @Sul_605]

﴿خالدين فيها ذلك الفوزُ العظيم ﴾
ياربّ اجعلها داراً لنا ولوالدينا.

[سلطان➰ @Sul_605]

تبون الصراحه ؟ والله اني بديت انهار
ظروف الحياه اصعب من الي توقعته

[سلطان➰ @Sul_605]

أنا مالي عن الليل العتيم ووحشته حراس
هدوئه كل ماخيمّ على أعصابي يوترها

[سلطان➰ @Sul_605]

رغم الظروف اللي تمرّنا عايشين
و الوقت يمشي ما يطالع فايته

ممتع شعور الصبر بكل الحالتين
يعلمك كل شيٍ بيوصل غايته

نتصنع الضحكة و حنّا ساكتين
و فالساكتين أشياء ماهي ساكته

[سلطان➰ @Sul_605]

كل ماقبل ظلام الليل قمت اتهرب
ودي اغيب لين الفجر يبدي شعاعه

من سبايب هموم ٍ فالضماير تسرب
نومتي بالكثير ان طولت ربع ساعه

الطواري تغرّب واحد ٍ ما تغرب
وفي عيونه يضيق الكون بعد اتساعه

والربع و الجماعه و الرفيق المقرب
صرت ماجيهم الا في صلاة الجماعه

[سلطان➰ @Sul_605]

ياصدر لا ضاقت عليك الوسيعه
ترا فجوج الارض للمسلم وساع .

[سلطان➰ @Sul_605]

على الله يا مشاوير الضياع وعثرت الاقدام
يعين الله على عوج الدروب وباقي ايامي .

[سلطان➰ @Sul_605]

ترا الظروف وعسر الايام والضيق
تظهر خفايا صاحبك لا جهلته

اما ارتكا مثل الجبال الشواهيق
ولا صغر في ناظرك واحتقرته .

[سلطان➰ @Sul_605]

سلفوني وسع خاطر وخلوني اعيش
والله إن بعض الليالي تضيّق خاطري .

[سلطان➰ @Sul_605]

ظروف الحياه تضيّق الصدر يا الاجواد
واليا ضاق صدري لا تقولون نفسيّه .

[سلطان➰ @Sul_605]

انا من سلاح الصبر وإن طال مامليت
عسى النفس بامر الله تحصل مخارجها .

[سلطان➰ @Sul_605]

انا من صواديف الدهر ماعلي قصور
من العام وظروف الليالي تحداني .

[سلطان➰ @Sul_605]

اتسلى يارفيقي وأنا قلبي حزين
ميس من حلوى الايام والحال انبرى

ياوجودي لو مالي على الدنيا معين
غير شوقً لادنى الليل في قلبي سرى

[سلطان➰ @Sul_605]

والله اني بعض الاحيان كن فيني بلا
اتعومس دون سبّه ولا ادري وش بلاي

اللتفت حولي من الضيق كني في خلا
لو انا من بين ربعي وما بين اخوياي

[سلطان➰ @Sul_605]

"ضايق خاطِري ولا ادري وين اروح
كل ماحاولت اسلي نفسي ما قويت"

[سلطان➰ @Sul_605]

عادات الايام تخلف هقوة اللي هقى
ما عمر الايام دامت ب الهنى والآمان

كم تايهً ما لقى من جور وقته تقى
تومي به صدوف بقعا من مكان ل مكان

لاتحاتي الوقت لو طال العنى والشقى
مصير الاوضاع تظبط لو يطول الزمان

[عبدالله بن عوده 🇸🇦 @binodaah_]

عضو جمعية ملّاك الابل سحمي البجيري.

[سلطان➰ @Sul_605]

نبارك لـ مناحي بن ظافر المصارير على صدور الأمر الملكي لترقيته لرتبة لواء جعلها الله عون له على الطاعه والف الف مليون مبروك ياسعادة اللواء

تصلح لمثلك على الأكتاف
وكلٍ عليك متحرّيها ..

#المصارير
#الدواسر

[سحمي البجيري @s7mey]

سبعة أعوام من الوفاء والولاء والانتماء.. على العهد باقون.. لمجدٍ يتجدد كل عام 🤍 #ذكرى_البيعة_السابعة

[سلطان➰ @Sul_605]

اللهم جنّة لكل من رحَل دون رجوع ، وجنة لأولئك الذين جفت الدنيا بعدهم ، رحمكم الله وغفرالله لكم

#مناحي_زامل_المصارير
#مبارك_هذال_المخاريم

[سلطان➰ @Sul_605]

اللهم اغفر لمن لا يصلهم منا الا الدعاء ، و استجب كل دعوه دعيت للميت ، و اجعل الجنه دارهم و مستقرهم , اللهم ارحمهم برحمتك التي وسعت كل شيء

#مناحي_زامل_المصارير
#مبارك_هذال_المخاريم